Home » » နိုင်ငံရေးနှင့် ငြိမ်းချမ်းရေး (ပထမတွဲ) အပိုင်း (၃)

နိုင်ငံရေးနှင့် ငြိမ်းချမ်းရေး (ပထမတွဲ) အပိုင်း (၃)


  တော်လှန်ရေးကောင်စီ၏ ငြိမ်းချမ်းရေးကမ်းလှမ်း ချက်အပေါ် ဗမာပြည်ကွန်မြူနစ်ပါတီဥက္ကဋ္ဌ ဗဟို ကော်မတီမှ လက်မှတ်ထိုးသည်။ ၁၉၆၃ ခုနှစ်၊ ဇွန်လ ၂၂ ရက်နေ့စွဲဖြင့် ပြန်ကြားချက် စာသည် ပြည်ထောင် စု မြန်မာနိုင်ငံ တော်လှန်ရေးကောင်စီ ဥက္ကဋ္ဌ ဗိုလ်ချုပ်ကြီး နေဝင်းသို့လိပ်မူ၍ ပေးပို့ခဲ့ကြောင်း ဖတ်ရှုရပါသည်။ ထိုစာတွင် အပိုဒ်(၆)၌ ဗမာပြည်ကွန်မြူနစ်ပါတီ ၏ သဘောထားအချုပ်မှာဟု ဖော်ပြပြီး အချက်သုံး ချက်ကို တော်လှန်ရေးကောင်စီမှ ရှင်းလင်းပေးပါရန် တင်ပြရင်း တစ်ပါတည်း အကြံပေးပါကြောင်း ပါရှိပါ သည်။ ထိုသို့ရှင်းလင်းပေးရန် ဗမာပြည်ကွန်မြူနစ်ပါတီ မှ တင်ပြခြင်းနှင့် အကြံပြုခြင်းကို ပြည်ထောင် စု မြန်မာ နိုင်ငံ တော်လှန်ရေးကောင်စီသည် စာအမှတ် ၈/ ကလခ/တကဥ ၁၉၆၃ ခုနှစ်၊ ဇူလိုင်လ ၈ ရက်နေ့စွဲဖြင့် စာပြန်ကြားသည်ကို ဖတ်ရှုရပါသည်။ ထိုစာတွင် ဗမာ ပြည် ကွန်မြူနစ်ပါတီ၏စာကို ပြေလည် စွာ ပြန်လှန်ဖြေရှင်းထားကြောင်း သိရှိရပါသည်။ ဗမာပြည်ကွန်မြူ နစ်ပါတီအနေဖြင့် တော်လှန်ရေးကောင် စီနှင့် တွေ့ဆုံဆွေးနွေးရန် သဘောတူကြောင်း သိရှိရသဖြင့် ဝမ်းသာပါသည်ဟု တော်လှန်ရေးကောင် စီက ဖော်ပြရေးသား ထားပါသည်။



သမိုင်းကြောင်းကို မှန်ကန်စွာ ဖော်ပြထားသည်ဟု လက်ခံထား

ဤအချိန်တွင် ဗမာပြည်ကွန်မြူနစ်ပါတီ၏ ပါတီဌာနချုပ်အတွင်း အခြေအနေဖြစ်ပေါ်နေမှု အတွင်းရေး ပကတိဖြစ်ရပ်များကို ဖော်ပြသော သခင်သန်းထွန်း၏ နောက်ဆုံးနေ့များ ပထမတွဲပါ ၁၉၆၃ ခုနှစ်၊ ငြိမ်းချမ်းရေးဆွေးနွေးပွဲကာလ ခေါင်းစဉ်အောက်ရှိ အပိုဒ်အချို့ကို ဖော်ထုတ်တင်ပြရန် လိုလားပါသည်။ သို့မှသာ ဗမာပြည်ကွန်မြူနစ်ပါတီ၏ တကယ့်အတွင်းသရုပ် အမှန်ကို မြင်တွေ့နိုင်ကြမည် ဖြစ်ပါသည်။ ဤစာအုပ်ကို ရဲဘော်မြ၊ ရဲဘော်ဘခက်၊ ဗိုလ်မင်းဒင်၊ ဗိုလ်စောလင်း၊ ဗိုလ်တင်ရှိန်တို့ ပြုစုရေးသားခဲ့ကြပြီး ၁၉၆၉ ခုနှစ်၊ မေလ ၁ ရက်နေ့စွဲဖြင့် မြရာပင်စာပေတိုက်မှ ထုတ်ဝေ ဖြန့်ချိခဲ့ကြပါသည်။ နိုင်ငံတော် တော်လှန်ရေးကောင်စီ က ပြည် တွင်းငြိမ်းချမ်းရေးဆွေးနွေးပွဲ ဖိတ်ခေါ်လိုက် သောအခါ ဗမာပြည်ကွန်မြူနစ်ပါတီ၏ သုံးသပ်ချက်၊ ဝေဖန်ချက်၊ စီစဉ်လျာထားချက်တို့ကို ပြည်သူလူထု အနေဖြင့် ကွင်းကွင်းကွက်ကွက် ထင်ထင်ရှားရှား ဖတ် ရှု တွေ့ရှိနိုင်ကြပါမည်။
သခင်သန်းထွန်း၏ နောက်ဆုံးနေ့များ စာအုပ်ကြီး ကို ရေးသားပြုစုကြသည့် ပုဂ္ဂိုလ်များသည် ဗမာပြည် ကွန်မြူနစ်ပါတီတွင် နှစ်ပေါင်းမြောက်မြားစွာ တာဝန်ယူ ခဲ့ကြသူများဖြစ်ကြသည်။ ဗမာပြည် ကွန်မြူနစ်ပါတီတွင် နိုင်ငံရေး၊ စစ်ရေး၊ စည်းရုံးရေးတာဝန်များကို တိုင်း၊ ခရိုင်၊ ဒေသအဆင့်တွင် လည်းကောင်း၊ ဗဟိုအဖွဲ့ အစည်းတွင်လည်းကောင်း ကိုယ်တိုင်ကိုယ်ကျ တိုက်ရိုက် ရှေ့ဆောင်၍ တာဝန်ယူခဲ့ကြ သူများ ဖြစ်ကြသည်။ ဤ စာအုပ်ကြီးကို ရေးသားခြင်းရည်ရွယ်ချက်ကလည်း  (က) သမိုင်းကို ပြည်သူလူထုက အမှန်အတိုင်း သိရှိပြီး အဆုံးအဖြတ်ပေးနိုင်ရေးနှင့် (ခ) ကိုယ်ထူကိုယ်ထမူဖြင့် နေထိုင်စားသောက်ရေး ဟု ဖော်ပြထားရာ သမိုင်းကြောင်းကို မှန်ကန်စွာ ဖော်ပြထားသည်ဟု လက်ခံ ထားပါသည်။ နိုင်ငံရေးအ ရ ပြည်တွင်းငြိမ်းချမ်းရေးကို ဆောင်ရွက်ကြသောအခါ အတိတ်က ဖြစ်ခဲ့ပျက်ခဲ့ သော အတွေ့အကြုံတို့သည် များစွာအရေးပါအရာရောက်လှသည်ကို လေ့လာတွေ့ရှိရပါသည်။ ထိုလေ့လာ တွေ့ရှိချက်ကို နိုင်ငံရေးပါတီ အသီးသီးနှင့် ပြည်သူလူထုအား  ပေးဝေငှလိုသော စေတနာသည် ဖြစ်ပေါ်ခဲ့ရာ တတ်နိုင်သမျှ ရှာဖွေစုဆောင်း တင်ပြ အစီအရင်ခံနေခြင်းဖြစ်ပါသည်။ နိုင်ငံတော် တော်လှန်ရေးကောင်စီက ပြည်တွင်းငြိမ်းချမ်းရေးကို ရရှိအံ့သောငှာ လှိုက်လှဲစွာ လိုလားတောင့်တချက်ဖြင့် တောတွင်းလက်နက်ကိုင် အဖွဲ့အစည်းအားလုံးသို့ ငြိမ်းချမ်းရေးတွေ့ဆုံဆွေးနွေး ရန်အတွက် ကမ်းလှမ်းလိုက်ခြင်းဖြစ်ကြောင်း အထင် အရှားတွေ့ပြီးဖြစ်ပါသည်။ ဤအချက်ကို အလေးအနက် ပြု၍ ထပ်မံဖော်ပြနေခြင်းမှာ ထိုတောတွင်း လက်နက် ကိုင် အဖွဲ့အစည်းများ အနက်မှ ဗမာပြည်ကွန်မြူနစ်ပါတီ၏ သဘောထားအခြေအနေမှန်ကို ယခုတင်ပြတော့ မည် ဖြစ်ပါ၍နှိုင်းယှဉ် စဉ်းစားနိုင်ကြရန်အတွက်ဖြစ်ပါသည်။ တောတွင်း၌နေသော ဗမာပြည်ကွန်မြူ နစ်ပါတီဥက္ကဋ္ဌ သခင်သန်းထွန်း ၏ တော်လှန်ရေးကောင်စီအပေါ် သဘောထား၊ ပြည်တွင်းငြိမ်းချမ်းရေး ဆွေးနွေးပွဲ ကမ်းလှမ်းချက်အပေါ် သဘောထားတို့သည် ဤသို့ဤပုံ ထားရှိခဲ့သည်ကို မှောက်ထားသောခွက်ကို လှန်ပြလိုက်သကဲ့သို့ ရှင်းလင်းစွာ ဖတ်ရှုသိရှိကြမည် ဖြစ်ပါသည်။ နိုင်ငံရေးရာ ဟူသည် ကြက်ဥအရောင် တိမ်တောင်သဖွယ် မင်းရေးကျယ်၏ဆိုသကဲ့သို့ပင် ဖြစ်ပါသည်။ အစစအရာရာ သတိပညာရှိပါမှ တော်ရုံကျပါမည်။ ဤတောတွင်းလက်နက်ကိုင်အဖွဲ့အစည်း ဗမာပြည်ကွန်မြူနစ်ပါတီ တစ်ခုတည်းသာ မဟုတ်ပါ။ အခြားအဖွဲ့အစည်းများနှင့် တွေ့ဆုံဆွေးနွေးမှုများ လည်း ဆက်လက်တင်ပြ သွားပါမည်။ ယခုသခင် သန်းထွန်း၏ နောက်ဆုံးနေ့များ စာအုပ်ပါသက်ဆိုင်သောအချက်များကို အောက်ပါ အတိုင်း ဖော်ပြအပ်ပါ သည်။

၁၉၆၃ ခုနှစ်၊ ငြိမ်းချမ်းရေးဆွေးနွေးပွဲကာလ
(၁) ၁၉၆၃ ခုနှစ်၊ ဇွန်လ (၁၁)ရက်။
ဗမာပြည်ကွန်မြူနစ်ပါတီ ဗဟိုဌာနချုပ်သည် တောင်ငူခရိုင်၊ ရေတာရှည်မြို့နယ်မှတစ်ဆင့် ပဲခူးရိုးမ ကို ဖြတ်ကျော်၍ ပြည်ခရိုင် မြောက်ပိုင်းမှ အလယ်နဝင်း ချောင်းဖျားတွင် စခန်းချထားလေသည်။ ပဲခူးရိုး မ တောင်ခြေတွင်ပင် အခြေစိုက်ထားခြင်းဖြစ်၏။ ဗဟို ဌာနချုပ်စခန်း၏ အနီးပတ်ဝန်းကျင်တွင် ကျေးရွာဟူ၍ တစ်ရွာမျှ မရှိချေ။ တောင်ကြောကြီးများ၊ တောင်စွယ် ကြီးများသာ ဝိုင်းရံ၍နေလေသည်။ ဗမာပြည်ကွန်မြူနစ်ပါတီ ဗဟိုဌာနချုပ်စခန်း၌ လူဦးရေမှာ ၁၅ ဦးခန့်သာ ရှိလေသည်။ ဗဟိုကော်မတီ ဥက္ကဋ္ဌ သခင်သန်းထွန်း၊ ဗဟိုကော်မတီအတွင်းရေးမှူး ရဲဘော်ဌေးနှင့် ပေါ်လစ်ဗျူရိုလူကြီးရဲဘော်ဘတင် (ဂိုရှယ်)တို့ သုံးဦးသာလျှင် ဗဟိုကော်မတီ၏ နိုင်ငံရေး၊ စည်းရုံးရေး၊ စစ်ရေးတို့ကို ဦးဆောင်ရာတွင် ပါတီ၏ အမြင့်ဆုံးအာဏာပိုင်အဖွဲ့အစည်းအဖြစ်ဖြင့် ရှိလေ သည်။ ယင်းဗဟိုဌာနချုပ်စခန်း၌ပင် ဗဟိုရုံးအဖွဲ့၊ ဗဟို ကြိုးမဲ့ကြေးနန်းဆက်သွယ်ရေးအဖွဲ့၊ ဗဟိုဆေးအဖွဲ့ နှင့် ဗဟိုလုံခြုံရေးအဖွဲ့(ဗဟိုကင်းတပ်ဖွဲ့)စသည်တို့ကို ဖွဲ့စည်း၍ ထားလေသည်။  ၁၉၆၃ ခုနှစ်၊ ဇွန်လ ၁၁ ရက်တွင် ဖြစ်သည်။ ပြည်ထောင် စုမြန်မာနိုင်ငံ တော်လှန်ရေးကောင်စီ သည် ပြည်တွင်းငြိမ်းချမ်းရေးနှင့်ပတ်သက်သော သဘောထားတစ်ရပ်ကို တိုင်းပြည်သို့ ထုတ်ပြန်ကြေညာ လိုက်လေသည်။ ထိုသို့တော်လှန်ရေးကောင်စီ၏ ပြည်တွင်းငြိမ်း ချမ်း ရေးနှင့်ပတ်သက်သော သဘောထားကို ရေဒီယိုမှ ကြားသိရသည့်အခါတွင် ဗမာပြည်ကွန်မြူနစ်ပါတီ ဗဟို ဌာနချုပ်စခန်း၌ အထူးပင် လှုပ်ရှားသွား၏။ အနောက် အရပ်မှ နေထွက်သည်ကိုလည်းကောင်း၊ တောင်ထိပ်၌ ကြာပေါက်သည်ကိုလည်းကောင်း မြင်တွေ့ကြရဘိသို့ အလွန်ပင် တအံ့တသြ အထူးအဆန်းပင်ဖြစ်ကြရလေ သည်။ ဤသို့ တအံ့တသြထူးထူးဆန်းဆန်းဖြစ်ကြရသည် မှာ အကြောင်းရှိ၏။
''ဒီနေ့ ဗမာပြည်မှာ ဒီမိုကရေစီမိုးမှောင်ကြီးဟာကျနေပြီ။ ဒီလိုဖြစ်တာဟာ စစ်တပ်ကအာဏာ သိမ်းထားလို့ပဲ။  ပြီးတော့  ဗမာပြည်အုပ်စိုးသူ ဓနရှင်လူတန်းစားမှာ  အုပ်စုကြီးသုံးစုရှိတယ်။ ပထမအုပ်စု ကတော့ သန့်ရှင်းဖြစ်တယ်။ ဒုတိယ အုပ်စုကတော့ တည်မြဲဖြစ်တယ်။ တတိယအုပ်စုက တော့ စစ်တပ်အုပ်စု ဖြစ်တယ်။ ဒီမှာ အဆိုးဆုံးကတော့ တတိယအုပ်စုပဲ။ ပါတီအနေနဲ့ တတိယ အုပ်စုဖြစ်တဲ့ စစ်တပ်ကို အဓိကဦးတည်တိုက်ခိုက် ရမယ်။ ချေမှုန်းရမယ်။ လူတန်းစားလက္ခဏာအရ သတ်မှတ်ရင် စစ်တပ်အုပ်စုဟာ ဖောက်ပြန်တဲ့ အမျိုးသားဓနရှင်ကြီး လူတန်းစားဖြစ်တယ်''
အခုလို လက္ခဏာသတ်မှတ်ချက်အရပဲ ပြည်တွင်း ငြိမ်းချမ်းရေးကို စေ့စပ်ဆွေးနွေးတဲ့နည်းနဲ့ ရဖို့ဆိုတာ ကတော့ ဘယ်နည်းနဲ့မှမဖြစ်နိုင်တော့ဘူး၊ ကနေ့ ဗမာပြည်မှာ ငြိမ်းချမ်းရေးအလားအလာဟာ အလွန်ကို နည်းသွားပြီဖြစ်တယ်။ ဒါကြောင့် ဒီအချက်ကို အထူး အလေးနက်ထားဖို့လိုတယ်။
ယင်းသို့ပင် ဥက္ကဋ္ဌကြီး သခင်သန်းထွန်းသည် ၁၉၆၃ ခုနှစ်၊ ဇွန်လပထမပတ်အတွင်း ဗဟိုဌာနချုပ် စခန်းတွင် ''ပဲခူးရိုးမတိုင်း ငါးခရိုင်ကွန်ဖရင့် အတွေ့ အကြုံ''ကို နိဂုံးချုပ်သော အစည်းအဝေး၌ ''ကနေ့ ဗမာပြည်မှာ ငြိမ်းချမ်းရေးအလားအလာဟာ အလွန်ကို နည်းသွားပြီဖြစ်တယ်''ဟူ၍ အလေးအနက် ဖော်ထုတ် ၍ ဆွေးနွေးပညာပေးထားသောကြောင့် ဖြစ်လေသည်။


မှောက်ထားသောခွက်ကို လှန်ပြလိုက်သကဲ့သို့ ရှင်းလင်းစွာ ဖတ်ရှုသိရှိကြမည်
ဤသို့ သခင်သန်းထွန်းသည် တော်လှန်ရေး ကောင်စီ၏ ပြည်တွင်းငြိမ်းချမ်းရေးနှင့်ပတ်သက်သော သဘောထားကို ကြားသိရသောအခါတွင် ဂနာမငြိမ် ဖြစ်နေ၏။ တလှုပ်လှုပ်တရွရွဖြစ်နေ၏။ ထိုမှ ဤမှ ခေါက် တုံ့ခေါက်ပြန် ဖြစ်နေ၏။ ရဲဘော်တစ်ဦးစီထံသို့ သွား၍လည်း သဘောထားထင်မြင်ချက်များကို လေ့လာ ၍ နေလေသည်။ ထို့နောက်သခင်သန်းထွန်းသည် ဗဟိုဌာနချုပ် စခန်းတွင် တော်လှန်ရေးကောင်စီ ၏ ပြည်တွင်းငြိမ်း ချမ်းရေး သဘောထားနှင့်ပတ်သက်၍ ဤသို့ဆွေးနွေး ရှင်းလင်းပြလေသည်။
''အခု ရန်သူက ငြိမ်းချမ်းရေးစကားလုံးကို သုံးပြီး ကြေညာလာရတာဟာ ကွန်မြူနစ်ပါတီရဲ့ အားကြီးမှုကို ဖော်ပြလိုက်တာဖြစ်တယ်။ ဒါဟာ ကွန်မြူနစ်ပါတီ ဥက္ကဋ္ဌက ဗိုလ်နေဝင်းဆီကို ဧပြီ လ ၁ဝ ရက်နေ့စွဲနဲ့ ပို့လိုက်တဲ့ ပေးစာရဲ့ ရလဒ်ဖြစ် တယ်။ အောင်ပွဲဖြစ်တယ်။ ဒါတော့ အထူးဂရုပြု ဖို့လိုမယ်။
ကနေ့ရန်သူဟာ သူဖောက်ပြန်တဲ့ အမျိုးသား ဓနရှင်ကြီး လူတန်းစားလက္ခဏာအရ ငြိမ်းချမ်းရေး အတွက်   တွေ့ဆုံဆွေးနွေးရေးကို   ဘယ်နည်းနဲ့မှ လုပ်မှာမဟုတ်ဘူး၊ အခု ရန်သူရဲ့ ငြိမ်းချမ်းရေး အတွက်   တွေ့ဆုံဆွေးနွေးဆိုတာဟာတွေ့ဆုံ ဆွေးနွေးရေး ''အတုအလိမ်''သာဖြစ် မယ်၊ ဒါကို အသေအချာ လေ့လာပြီး လူထုတွင်းမှာ အစွမ်းကုန် ဖွင့်ချသွားရမယ်၊ ပြီးတော့ ရန်သူက ဘာလုပ်တယ် ဆိုတာလည်း    စောင့်ကြည့်ရဦးမယ်၊တွေ့ဆုံ ဆွေးနွေးရေးဆိုတာ ဘယ်လိုတွေ့ ဆုံဆွေးနွေးရေး လဲဆိုတာကို အတိအကျ ရှင်းလင်းအောင် လုပ်ရ ဦးမယ်''ဟူ၍တည်း။
၁၉၆၃ ခုနှစ်၊ သြဂုတ်လ ၁၆ ရက်မှစပြီး နိုင်ငံခြားပြန် ဗဟိုကော်မတီများနှင့် ဗဟိုဌာနချုပ်ရှိ ဗဟို ကော်မတီများသည် ပြည်တွင်းပြည်ပ အခြေအနေများကို အပြန်အလှန် အစီရင်ခံသော အစည်းအဝေး ပွဲကို ပြုလုပ်ကြ၏။
ယင်းအစည်းအဝေးကို ဆက်လက်ကျင်းပ၍ ၁၉၆၃ ခုနှစ်၊ သြဂုတ်လ ၁၈ ရက်တွင် ရဲဘော် အောင်ကြီး၊ သခင်ပုနှင့် ဗိုလ်ဇေယျတို့၏ တင်ပြချက်များ အရ ပေါ်လစ်ဗျူရိုအဖွဲ့အစည်းအဝေးမှ လောလော ဆယ် လုပ်ငန်းတာဝန်များနှင့်ပတ်သက်သော ဆုံးဖြတ် ချက် တစ်ရပ်ကို ဤသို့ချမှတ်လိုက်လေသည်။
ဗမာပြည်ကွန်မြူနစ်ပါတီ ပေါ်လစ်ဗျူရိုအဖွဲ့ (နိုင်ငံရေးဦးဆောင်အဖွဲ့)၏ ဆုံးဖြတ်ချက်အပြည့်အစုံ မှာ အောက်ပါအတိုင်းဖြစ်လေသည်။
ပေါ်လစ်ဗျူရိုအစည်းအဝေး ၁၈-၈-၆၃ ရက် ဆုံးဖြတ်ချက်
၁။       ရဲဘော်အောင်ကြီး၊ သခင်ပုနှင့် ဗိုလ်ဇေယျတို့ တင်ပြသော အစီရင်ခံစာကို ပေါ်လစ်ဗျူရိုအဖွဲ့က တညီတညွတ်တည်း ယေဘုယျအားဖြင့် လက်ခံသည်။
ဤအစီရင်ခံစာသဘောထားကို ပေါ်လစ်ဗျူရို အဖွဲ့ မျက်နှာစုံညီအစည်းအဝေးတွင် တင်ပြ၍ အဆုံး အဖြတ်ကို ခံယူရန်။
ဗဟိုကော်မတီအစည်းအဝေးက ဆုံးဖြတ်ချက်မချမီ ၅၅ ခုနှစ် ဗဟိုကော်မတီ ဆုံးဖြတ်ချက်များ အပေါ် အခြေခံသည့် ၆၂ ဗဟိုကော်မတီဆုံးဖြတ်ချက်များ၏ ဘောင်အတွင်း၌ ယခုအစီရင်ခံစာပါ သဘောထားအ ရ ပေါ်လစ်ဗျူရိုအဖွဲ့က တာဝန်ခံလုပ်ဆောင်သွားရန်။
၂။       ရဲဘော်အောင်ကြီး၊ သခင်ပု၊ ဗိုလ်ဇေယျတို့ ရန်ကုန်တွင်ရှိနေစဉ် တော်လှန်ရေး ကောင်စီနှင့် လည်းကောင်း၊ ဥပဒေတွင်း ဒီမိုကရေစီအဖွဲ့အစည်းများနှင့်  လည်းကောင်း တွေ့ဆုံဆွေးနွေးပြီး ဆောင် ရွက်ခဲ့သည် များကို ပေါ်လစ်ဗျူရိုအဖွဲ့က တာဝန်ယူလုပ်ကိုင်သွား ရန်။
၃။       ဇွန်လ ၂၂ ရက်က ပါတီဗဟိုကော်မတီ၏ တင်ပြထားသော ပဏာမဆွေးနွေးပွဲပြုလုပ်ရန် အကြံပေးချက်ကို လက်ခံပြီး ပါတီမှ စေလွှတ်သည့် ပဏာမ ကိုယ်စားလှယ်အဖွဲ့ကို ကြိုဆိုပါကြောင်း၊ တော် လှန်ရေး ကောင်စီဥက္ကဋ္ဌ၏ပြန်စာအရ မျက်နှာစုံညီ တွေ့ဆုံဆွေးနွေးပွဲအတွက် ပြင်ဆင်မှု များ ပြုလုပ် ရန်၊ ဆွေးနွေးမည့်အခြေခံများသတ်မှတ်ရန် ဗဟိုကော်မတီ၏ ပဏာမ ဆွေးနွေးပွဲ ကိုယ်စားလှယ် အဖွဲ့တစ်ခုကို တော်လှန်ရေး ကောင်စီသို့ စေလွှတ်ရန် ဆုံးဖြတ်သည်။
၎။       ပဏာမဆွေးနွေးပွဲ၏ ရည်မှန်းချက်မှာ-
(က)    တွေ့ဆုံဆွေးနွေးရေး အရေးကိစ္စ ပေါ် ပေါက်လာပြီးနောက် ဖြစ်ပေါ် လာသော ပြည်သူ့ လှုပ်ရှားမှုနှင့် လက်နက်ကိုင် အဖွဲ့အစည်းများ၏ ကြိုးပမ်းမှုမှရရှိ သောရလဒ်များကို စုစည်းခိုင်မာစေ ရန် တစ်ဆင့်မြင့်အောင် တိုးချဲ့ရန်။

ပဏာမဆွေးနွေးပွဲ ကိုယ်စားလှယ်အဖွဲ့တစ်ခုကို
တော်လှန်ရေးကောင်စီသို့ စေလွှတ်ရန်ဆုံးဖြတ်

(ခ)  အခါအခွင့်ကို အသုံးပြု၍ ရသမျှ အချိန်ကို အသုံးပြု၍ ပါတီစုစည်းရေး၊ လက်နက် ကိုင် တော်လှန်ရေးအင်အား စုများ၏ စည်းလုံးညီညွတ်ရေး၊ ဥပဒေ တွင်း ဒီမိုကရေစီ အင်အားစုများ၏ စည်းလုံးညီညွတ်ရေးကို ကြိုးပမ်းသွား ရန်။
၅။       ပဏာမဆွေးနွေးပွဲကိုယ်စားလှယ်အဖွဲ့၏ တာဝန်များမှာ-
(က)    တော်လှန်ရေးကောင်စီနှင့် တွေ့ဆုံပြီး ကြိုတင်သဘောတူညီချက်များရနိုင်သမျှ ယူရန်။
မျက်နှာစုံညီအစည်းအဝေးအတွက် စဉ်းစားရမည့် နိုင်ငံရေးအခြေခံများ သတ်မှတ်ရန်။
-    အတိုက်အခိုက်ရပ်စဲရေးနှင့် သဘော တူညီ ချက်ရယူရန်။ အတိုက်အခိုက် ရပ်စဲရေးဆိုင်ရာ၌ ထိုးစစ်များ ရပ်စဲ ရေးသာမက အန္တရာယ်ပြုနိုင်သော တပ်စခန်းများကိုပါ ရုပ်သိမ်းစေရန်။
                   -         အမြင့်ဆုံးတစ်တိုင်းပြည်လုံး အတွက် အတိုက်အခိုက် ရပ်စဲရေး။
-    ၎င်းမှမဖြစ်လျှင်  မဒညတအလံနီ တို့ပါ အကျုံးဝင်သော ဒေသများ အတွက် အတိုက်အခိုက် ရပ်စဲရေး။
-  ၎င်းမှမဖြစ်လျှင် ပါတီ၏ သြဇာ သက်ရောက်သော နယ်များအတွင်း သဘောတူညီချက်ယူရန်။
-  ဗဟိုကော်မတီ  အစည်းအဝေး ကျင်းပနိုင်ရေးအတွက် လိုအပ်သော အကူအညီနှင့်လုံခြုံမှုကို အာမခံရန်။
                   -         မဒညတနှင့် တွေ့ဆုံဆွေးနွေးညှိနှိုင်း ရေးအတွက် အကူအညီတောင်းရန်။
                   -         ရှမ်း၊ ကချင် စသည်တို့နှင့် ဆက်သွယ် ရေး၊ ဖြစ်နိုင်ပါက ဆက်သွယ်ရန်။
-     ဖြစ်နိုင်သော အခြားသော သဘော တူညီချက်၊ သို့မဟုတ် နားလည်မှု များ ရယူရန်။
- ရရှိသော သဘောတူညီချက်ကို တိုင်းပြည်သို့ ပူးတွဲကြေညာချက် ထုတ်နိုင်ရေးအတွက် ကြိုးစားရန်။
-  သဘောတူညီချက်ယူရမည့် မျက်နှာ စုံညီ အစည်းအဝေးသတ်မှတ်ရမည့် အခြေခံများမှာ-
(က) ဗမာပြည်၏ပကတိမျက်မှောက် အခြေအနေ ဆန်းစစ်ချက်။  ။ ဤသို့သုံးသပ်ရာတွင် အတိတ်မှ သင်ခန်းစာများကို လိုအပ် သလောက် ဖော်ထုတ်ရန်ဖြစ် သည်။ အထူးသဖြင့် သတိ ပြုရန်မှာ အတိတ်ထက် ပစ္စုပ္ပန် နှင့် အနာဂတ်အတွက်ကိုသာ ပိုမို အလေးတင်းရန်ဖြစ်သည်။
(ခ)  လက်ငင်းလုပ်သင့်လုပ်ထိုက်သောလုပ်ငန်းများ။  ။ ဤ နေရာတွင် ဗဟိုကော်မတီ၏ အချက်လေးချက်ကို တင်ပြ ရန်ဖြစ်သည်။
                              (ဂ)     ပြည်တွင်းငြိမ်းချမ်းရေးတည် ဆောက်ရေးဆိုင်ရာ ပြဿနာ များ-
                                      ပဏာမကိုယ်စားလှယ်အဖွဲ့ ၏ အခွင့်အာဏာများ-
(က) မျက်နှာစုံညီ အစည်းအဝေးအတွက် အခြေခံများ သတ် မှတ်နိုင်ခွင့်။
(ခ)   အတိုက်အခိုက်ရပ်စဲရေးဆိုင်ရာ သဘောတူညီချက် လုပ်နိုင် ခွင့်။
(ဂ)ရရှိသောသဘောတူညီချက်နှင့် ပတ်သက်၍ တော်လှန် ရေးကောင် စီနှင့် ပူးတွဲ၍သော်လည်းကောင်း၊ ပါတီအနေနှင့် လည်းကောင်း ကြေညာချက်  ထုတ်ပိုင် ခွင့်။ အတိုက်အခိုက် ရပ်စဲရေး နှင့်ပတ်သက်၍ ပြည်သူ့ တပ်မတော်နှင့် ပြည် သူ့ပြောက်ကျားတပ်များသို့ အမိန့်ပြန်တမ်း ထုတ်ပိုင် ခွင့်။
                                                   (ဃ)    အခြားသောသဘောတူညီချက်နှင့် နားလည် မှုများရယူပိုင်ခွင့်။
၆။       ပဏာမကိုယ်စားလှယ်အဖွဲ့၏ ဥပဒေတွင်း ဒီမိုကရေစီအဖွဲ့အစည်းများနှင့်ပတ်သက်၍ တာဝန်မှာ-
ပြည်တွင်းငြိမ်းချမ်းရေးနှင့်ပတ်သက်၍ ပါတီ၏ လမ်းစဉ်ကို ရှင်းလင်းခြင်း၊ ၎င်းအဖွဲ့အစည်းများ၏ အကြံပေးချက်များကို ခံယူခြင်း၊ ၎င်းအဖွဲ့အစည်းများ ၏ ငြိမ်းချမ်းရေးကြိုးပမ်းမှုကို စွမ်းဆောင်နိုင်သမျှ ကို ကူညီခြင်းဖြစ်သည်။
အခြေအနေကခွင့်ပြုပါက ¤င်းအဖွဲ့အစည်းများ နှင့် ပူးတွဲကြေညာချက် ထုတ်ပိုင်ခွင့်ရှိသည်။
၇။       ပါတီစည်းရုံးရေးနှင့်ပတ်သက်၍ ပဏာမ ကိုယ်စားလှယ်အဖွဲ့၏ တာဝန်များမှာ -
(က)    အဝေးရောက် ရဲဘော်များကိစ္စ။
(ခ)     မြေအောက်ပါတီစည်းရုံးရေးကိစ္စများကို ဆောင်ရွက်ရန်ဖြစ်သည်။
၈။       ပဏာမကိုယ်စားလှယ်အဖွဲ့ကို အောက်ပါ အတိုင်း ဖွဲ့စည်းလိုက်သည်။
(က)    ရဲဘော်ဌေး-ဗဟိုကော်မတီ၊အတွင်းရေးမှူး (ပဏာမကိုယ်စားလှယ်အဖွဲ့ခေါင်းဆောင်)
(ခ)     ရဲဘော်အောင်ကြီး-ဗဟိုကော်မတီအဖွဲ့ဝင်။
(ဂ)   ရဲဘော်ဗိုလ်ဇေယျ-ဗဟိုကော်မတီအဖွဲ့ဝင် နှင့် စစ်ဦးစီးဌာနချုပ်မှူး၊ ဗဟိုစစ်ဦးစီး ဌာန ချုပ်။
(ဃ)    ရဲဘော်ဗိုလ်စိုးမောင် - တပ်မှူးကြီး၊ ဗဟို စစ်ဦးစီးဌာနချုပ်။
(င)     ရဲဘော်ဗိုလ်ပု-တပ်မှူးကြီး၊ ဗဟိုစစ်ဦးစီး ဌာနချုပ်။
(စ)     ရဲဘော်သက်တင် - ပါတီဗဟိုဌာနချုပ်။
လိုအပ်သော ရုံးအဖွဲ့၊ ဆက်သားအဖွဲ့၊ ကာကွယ် ရေးအဖွဲ့တို့ကို ခေါ်သွားရန်။
၉။       အောက်ပါစာတမ်းများ၊ စာများကို ရေးသားပြု စုရန်။
(က)    တော်လှန်ရေးကောင်စီ။
                    -        ပဏာမကိုယ်စားလှယ်အဖွဲ့ စေလွှတ် ကြောင်း ပေးစာ။
- တော်လှန်ရေးကောင်စီထံ တင်ပြမည့် စာတမ်း(အစည်းအဝေး အခြေခံ သတ်မှတ်ချက်)
                    -         ဗိုလ်နေဝင်းထံ ပုဂ္ဂိုလ်ရေးပေးစာ။

တွေ့ဆုံဆွေးနွေးဆိုတာဟာ တွေ့ဆုံဆွေးနွေးရေး 'အတုအလိမ်သာ'ဖြစ်မယ် ဒါကိုအသေအချာလေ့လာပြီး လူထုတွင်းမှာ ဖွင့်ချသွားရမယ်


(ခ)     ပြည်တွင်းငြိမ်းချမ်းရေးအဖွဲ့။
                    -         ဆရာကြီးထံ ပုဂ္ဂိုလ်အရ ပေးစာ။
                    -         ဗိုလ်ကျော်ဇောထံ ပုဂ္ဂိုလ်အရ ပေးစာ။
                    -         ပြည်တွင်းငြိမ်းချမ်းရေးအဖွဲ့သို့ ပေးစာ။
(ဂ)     ပြည်တွင်းငြိမ်းချမ်းရေးကြိုဆိုမှု၊ ပြည်သူ့ကော်မတီသို့ ပေးစာ။
(ဃ)    ဗိုလ်ချုပ်အောင်ဆန်းထံ အဓိဋ္ဌာန်ပြုချက်။
(င)     တိုင်းပြည်သို့ ကြေညာချက်။
(စ)     သတင်းစာကွန့်ဖရင့်တွင် ပေါ်ပေါက်စရာရှိသည့် မေးခွန်းများ ကြိုတင်ပြုစုထားရန်။
(ဆ)    ယခုဆွေးနွေးချက်များကို အခြေခံ၍ နိုင်ငံ ရေးဆုံးဖြတ်ချက်များကို ပြုစုရန်။
၁ဝ။     သခင်ဗသိန်းတင်ကိစ္စ။
- ဗမာပြည်သို့ပြန်ခေါ်ရန် သူ့ကိစ္စနှင့်ပတ်သက်၍ တော်လှန်ရေးကောင်စီနှင့် သဘော တူညီချက်ယူရန်။
၁၁။     ဗဟိုကော်မတီအစည်းအဝေးကို မူလ သတ်မှတ်ထားသည့်နေရာတွင် ကျင်းပရန်။
၁၂။     ကိုငွေသိန်း(သခင်ချစ်)၏စာအပေါ်ဆုံး ဖြတ်ချက်။
(က)    ဗဟိုကော်မတီအစည်းအဝေးပြီးမှ သခင်စိုး၊ ကေအင်န်ယူပါတီတို့နှင့် တွေ့ဆုံဆွေးနွေး ရန်။
(ခ)    အကယ်၍ သခင်စိုးသည် သူ့ဘာသာသူ ရောက်လာပါက သူ၏တင်ပြချက်ကို နားထောင် ရန်။
(ဂ)  ကိုငွေသိန်း(သခင်ချစ်)နှင့် အခြားဗဟို ကော်မတီရဲဘော်များကို ဗဟိုဌာနချုပ် သို့ ခေါ် ယူရန်။
၁၃။     ချင်းအမျိုးသားအဖွဲ့များနှင့် တော်လှန်ရေး ကောင်စီတွေ့ရေးကိစ္စ။
          -         ၎င်းတို့ဘာသာသီးခြားကမ်းလှမ်းစေ ရန်။
          -         သီးခြားလိုက်လာစေရန်။
          -         ၎င်းတို့အားခေါ်ယူ၍ ရှင်းပြရန်။
ဤသည်တို့မှာ ၁၉၆၃ ခုနှစ်၊ သြဂုတ်လ ၁၈ ရက် တွင် ကျင်းပသော အရေးပေါ်ပေါ်လစ်ဗျူရိုအဖွဲ့ (နိုင်ငံရေးဦးဆောင်အဖွဲ့)၏ ဆုံးဖြတ်ချက်ပင်ဖြစ်လေ သည်။


ပဏာမငြိမ်းချမ်းရေးကိုယ်စားလှယ်အဖွဲ့
၁၉၆၃ ခုနှစ်၊ သြဂုတ်လ ၁၈ ရက်တွင် ဗမာပြည် ကွန်မြူနစ်ပါတီ၏ ပြည်တွင်းငြိမ်းချမ်းရေးအတွက် ပဏာမပြင်ဆင်ရေးကိုယ်စားလှယ်အဖွဲ့ကို ရန်ကုန်သို့ စေလွှတ်ရန် ဆုံးဖြတ်လိုက်လေသည်။ ပဏာမကိုယ်စား လှယ်အဖွဲ့၏ ခေါင်းဆောင်မှာ ရဲဘော်ဌေးဖြစ်၏။ ရဲဘော်ဌေးသည် ဗမာပြည်ကွန်မြူ နစ်ပါတီ ဗဟိုကော်မတီ အတွင်းရေးမှူးလည်းဖြစ်၏။
ပဏာမကိုယ်စားလှယ်အဖွဲ့၏ အဖွဲ့ဝင်များ-
(က)    ရဲဘော်အောင်ကြီး
          ဗဟိုကော်မတီ။
(ခ)     ဗိုလ်ဇေယျ
          ဗဟိုကော်မတီနှင့် စစ်ဦးစီးဌာနချုပ်မှူး။
(ဂ)     ဗိုလ်စိုးမောင်
          တပ်မှူးကြီး၊ ဗဟိုစစ်ဦးစီးဌာနချုပ်။
(ဃ)    ဗိုလ်ပု
          တပ်မှူးကြီး၊ ဗဟိုစစ်ဦးစီးဌာနချုပ်။
(င)     ရဲဘော်သက်တင်
          ပါတီဗဟိုဌာနချုပ်။ တို့ဖြစ်ကြလေသည်။
ပဏာမကိုယ်စားလှယ်အဖွဲ့အတွက် အဖွဲ့ဝင် များကို ရွေးချယ်ရာတွင် သခင်သန်းထွန်းနှင့် ရဲဘော် အောင်ကြီးတို့ကသာ တာဝန်ခံ၍ ရွေးချယ်ကြခြင်း ဖြစ်လေသည်။ ယင်းသို့ သခင်သန်းထွန်းနှင့် ရဲဘော်အောင်ကြီး တို့သည် ပဏာမကိုယ်စားလှယ်အဖွဲ့ကို ရွေးချယ်ရာတွင် ကြီးမားသော အကျပ်အတည်းနှင့် တွေ့ကြုံရ၏။ အဘယ့်ကြောင့်ဆိုသော် ဖြစ်ချင်သည်ကို မဖြစ်ရ၍ ဖြစ်၏။ ပဏာမကိုယ်စားလှယ်အဖွဲ့ခေါင်းဆောင် တာဝန်ကို သခင်ချစ်အား ပေးလိုကြ၏။ သို့သော်   လည်း သခင်ချစ်သည် ဗဟိုဌာနချုပ်တွင် မရှိဖြစ်နေ၏။ ရခိုင်ပြည်နယ်သို့ ရောက်နေ၏။ သခင်သန်းထွန်းနှင့် ရဲဘော်အောင်ကြီးတို့သည် ရဲဘော်ဌေးအား ပဏာမ ကိုယ်စားလှယ်အဖွဲ့၏ ခေါင်းဆောင်တာဝန်များကို မည်သို့မျှ မပေးလိုကြပေ။ အမှန်စင်စစ်အားဖြင့် ပဏာမကိုယ်စားလှယ်အဖွဲ့ ခေါင်းဆောင်တာဝန်ကို ရဲဘော်ဌေးကိုသာ ပေးရမည် ဖြစ်၏။ ရဲဘော်ဌေးသည် ဗဟိုကော်မတီအတွင်းရေးမှူး ဖြစ်၏။ ရဲဘော်ဌေးအား ၁၉၆၂ ခုနှစ်၊ ဇွန်လတွင် ကျင်းပသော ဗမာပြည်ကွန်မြူနစ်ပါတီအစည်းအဝေး မှ ဗဟိုကော်မတီ အတွင်းရေးမှူးအဖြစ်ဖြင့် တညီ တညွတ်တည်း တင်မြှောက်ခြင်းကို ခံရသူဖြစ်လေသည်။ မည်သို့ပင်ဖြစ်စေ သခင်သန်းထွန်းနှင့် ရဲဘော် အောင်ကြီးတို့သည် ကော်မတီအစည်းအဝေး၏ ဆုံး ဖြတ်ချက်ကို ပယ်ဖျက်ကြမည်သာဖြစ်၏။ သို့ရာတွင် သခင်သန်းထွန်းနှင့် ရဲဘော်အောင်ကြီးတို့သည် အချိန် မရသည့်အခြေအနေကြောင့်သာလျှင် ရဲဘော်ဌေးအားပဏာမပြင်ဆင် ကိုယ်စားလှယ် အဖွဲ့ခေါင်းဆောင် အဖြစ် တာဝန်ပေးအပ်လိုက်လေသည်။

သခင်သန်းထွန်း၏အပြောအဆို အယူအဆအတွေးအခေါ်တို့သည်အာဃာတစိတ်ပြင်းထန်ဆိုးရွားလှကြောင်း တွေ့မြင်သိရှိနိုင်


ယခုထုတ်နုတ်ဖော်ပြလိုက်သော သခင်သန်းထွန်း၏ နောက်ဆုံးနေ့များစာအုပ်ပါအချက် အလက်များ တွင် ဗမာပြည်ကွန်မြူနစ်ပါတီဥက္ကဋ္ဌ သခင်သန်းထွန်း၏ တော်လှန်ရေးကောင်စီအပေါ် သဘောထား၊ တော် လှန်ရေးကောင်စီ၏ ပြည်တွင်းငြိမ်းချမ်းရေးဆွေးနွေးမှု ကမ်းလှမ်းချက်အပေါ် သဘောထားများကို တွေ့ ရှိသိမြင်နိုင်ကြပါပြီ။ သူ၏အပြောအဆို အတွေးအခေါ် အယူအဆတို့သည် ရန်လိုမုန်းတီးမှု၊ သံသယစိတ် အားကြီးမှု၊ မနာလိုဝန်တိုမှု၊ မိမိကိုယ်မိမိ အထင်ကြီးမှု စသော အာဃာတ စိတ် တို့သည် ပြင်းထန်ဆိုး ရွားလှ ကြောင်း တွေ့မြင်သိရှိနိုင်ကြပါပြီ။ သခင်သန်းထွန်း သည် တွေ့ဆုံဆွေးနွေးပွဲသို့ တက်လာသော ကိုယ်စား လှယ်အဖွဲ့ကို မည်သို့ လမ်းညွှန်ချက်ပေးလိုက်မည်ကို ခန့်မှန်းသုံးသပ်နိုင်ပါသည်။ ထို့အပြင် ၁၉၆၃ ခုနှစ်၊ ဇူလိုင်လ ၇ ရက်တွင် မြန်မာပြည်သို့ ပြန်လာမည့် ပုဂ္ဂိုလ်များထဲမှ ရဲဘော်တင်ရှိန်ကို အဝေးရောက် ဗဟိုကော်မတီ၏ ဆုံးဖြတ်ချက်နှင့် အသေးစိတ် ညွှန်ကြားချက်များကို ပြောကြားရင်း သခင်ဗသိန်းတင် နှင့် သခင်ပုတို့ကလည်း အောက်ပါအတိုင်း မှာကြား ချက်များရှိခဲ့ကြောင်း သိရသည်။
''ယခု ဗမာပြည်စစ်အစိုးရရဲ့ ငြိမ်းချမ်းရေးကမ်း လှမ်းချက် အကြောင်းပြုပြီးတော့ ရဲဘော် အောင်ကြီးနဲ့ ရဲဘော်တင်ရှိန်တို့ကို ဗမာပြည်မှာရှိတဲ့ ဗဟိုဌာနချုပ်ကို ပြန်လွှတ်မယ်၊ ဒီလို ဗမာပြည်ကို ပြန်လွှတ်တာဟာ ဗမာပြည်ငြိမ်းချမ်းရေးကိစ္စအတွက် ပြန်လွှတ်တာမဟုတ်ဘူး၊ ဗမာပြည်မှာရှိတဲ့ ကွန်မြူနစ်ပါတီ ဗဟိုဌာနချုပ်ကို အဆက်အသွယ်ရအောင် ပြန်လွှတ်တာဖြစ်တယ်။ ဒါပေမဲ့ အပြင် ဆက်သွယ်ရေးတွေမှာတော့ ပြည် တွင်းငြိမ်းချမ်းရေး ဆွေးနွေးပွဲအတွက် ပြန်လာတယ်ဆိုတာမျိုး ဖြစ်စေရမယ်။ ဒီမှာ အထူးလေးနက်ဖို့လိုတဲ့ ရပ် တည်မှုကတော့ အခု စစ်အစိုးရက ငြိမ်းချမ်းရေး ခေါ် တယ်ဆိုတာဟာ တကယ်တော့ ဆိတ်ခေါင်းကို ချိတ်ပြီး ခွေးသားရောင်းတယ်ဆိုတာကို နားလည်ဖို့ပဲ''
သခင်ဗသိန်းတင်နှင့် သခင်ပုတို့၏ ဤမှာကြားချက်၊ ပြောဆိုချက်တို့သည် မည်မျှခါးသီးရွံရှာ စက်ဆုပ်ဖွယ်ကောင်းပါသနည်း။ ဤဆိုးရွားမှားယွင်းသော သဘောထား၊ စိတ်ထားများသည် ပြည်တွင်းငြိမ်း ချမ်းရေးဆွေးနွေးပွဲအတွက် မည်မျှအန္တရာယ်ကြီးမားကြောင်းကို စာဖတ်သူတို့ ဆင်ခြင် တွေးတော၍ ဝေဖန်သုံး သပ်နိုင်ပါသည်။ ဤငြိမ်းချမ်းရေးတွေ့ဆုံဆွေးနွေးပွဲ၏ ခေါင်းဆောင်မှာ ရဲဘော် အောင်ကြီးဖြစ်ပေရာ ထိုသို့မဟုတ်မမှန် လွဲမှားသော သဘောထားများသည် အဆိပ်အတောက်များအဖြစ် သူတို့၏ ဦးနှောက်ထဲတွင် နေရာယူထားသည်မှာ သေချာပေသည်။
တော်လှန်ရေးကောင်စီက ပြည်တွင်းငြိမ်းချမ်းရေး ဆွေးနွေးပွဲကမ်းလှမ်းပြီးသည့်နောက်တွင် ဗမာပြည် ကွန်မြူနစ်ပါတီမှလက်ခံခဲ့၍  ၂၈-၈-၆၃ ရက် မွန်းတည့်ချိန်တွင် ရဲဘော်ဌေးခေါင်းဆောင်သော ဗမာ ပြည် ကွန်မြူနစ်ပါတီကိုယ်စားလှယ်အဖွဲ့သည် တော တွင်းတစ်နေရာမှ ပေါက်ခေါင်းမြို့အဝင် ကျပ်တုန်းဇရပ် စခန်းသို့ ရောက်လာခဲ့သည်။ ပေါက်ခေါင်းမြို့ အမှတ် (၂၃) ခြေလျင်တပ်ရင်းမှူးနှင့် အရာရှိများ၊ မြို့ရွာ လူထုက ကြိုဆိုခဲ့ကြသည်။ ထိုနေ့မှာပင် ပေါက်ခေါင်းမှ ပြည်၊ ပြည်မှတစ်ဆင့် ရန်ကုန်မြို့သို့ ညနေ ၄ နာရီတွင် ဆိုက်ရောက်လာခဲ့ကြသည်။ ဗမာပြည်ကွန်မြူနစ်ပါတီ ပဏာမကိုယ်စားလှယ်အဖွဲ့နှင့် တော်လှန်ရေးကောင်စီ ကိုယ်စားလှယ်အဖွဲ့တို့သည် အမှတ်(၁၄) အင်းယား လမ်းဧည့်ဂေဟာတွင် ၂-၉-၆၃ ရက်တွင် ပထမအကြိမ် ဆွေးနွေးပွဲကို စတင်ပြုလုပ်ခဲ့ကြသည်။ ထို့နောက် ဆက်လက်၍ ၈-၉-၆၃ ရက်တွင် ဒုတိယအကြိမ် ဆွေးနွေးပွဲ၊ ၁၁-၉-၆၃ ရက်တွင် တတိယအကြိမ် ဆွေးနွေးပွဲ၊ ၁၃-၉-၆၃ ရက်တွင် စတုတ္ထအကြိမ် ဆွေးနွေးပွဲ၊ ၂၃-၉-၆၃ ရက်တွင် ပဉ္စမအကြိမ် ဆွေးနွေးပွဲ၊ ၃-၁ဝ-၆၃ ရက်တွင် ဆဋ္ဌမအကြိမ် ဆွေးနွေးပွဲ၊ ၁၆-၁ဝ-၆၃ ရက်တွင် သတ္တမအကြိမ် ဆွေးနွေးပွဲ စုစုပေါင်း ခုနစ်ကြိမ် ဆွေးနွေးပွဲများကို ပြုလုပ်ခဲ့ကြောင်း တွေ့ရပါသည်။

ဗကပနှင့် ဆွေးနွေးပွဲ ခုနစ်ကြိမ် ပြုလုပ်ခဲ့

တော်လှန်ရေးကောင်စီ၏ ပြည်တွင်းငြိမ်းချမ်းရေး ကမ်းလှမ်းချက်အပေါ် ကေအင်န်ယူပါတီ၊ မွန်ပြည် သစ်ပါတီ၊ ကရင်နီအမျိုးသားတိုးတက်ရေးပါတီတို့ထံမှစာ များ ပြန်ကြားလာကြသည်။ တော် လှန်ရေး ကောင် စီ နှင့်ပြည်တွင်းငြိမ်းချမ်းရေးဆွေးနွေးရန်အတွက် သုံးပါတီ ပဏာမကိုယ်စားလှယ်အဖွဲ့သည် ရန်ကုန်မြို့သို့ ၁၉၆၃ ခုနှစ်၊ ဇူလိုင်လ ၂၉ ရက်တွင် ဆိုက်ရောက် လာပါသည်။ သုံးပါတီမှ တော်လှန်ရေး ကောင်စီနှင့် တွေ့ ဆုံဆွေးနွေးရန်အတွက် ပဏာမကိုယ်စားလှယ်လွှဲစာများပါ ယူလာကြသည်။ တော်လှန်ရေးကောင်စီမှလည်း ယင်းသုံးပါတီသို့ ကိုယ်စားလှယ်အဖွဲ့များ လာရောက်သည်ကို သိရှိရ၍ ဝမ်းမြောက်ဝမ်းသာစွာ လက်ခံကြိုဆိုကြောင်းစာများ ပြန်ကြားပေးပို့ခဲ့သည်။ ထိုသုံးပါတီ၏ ပဏာမ ကိုယ်စားလှယ်အဖွဲ့ခေါင်းဆောင် မှ တော်လှန်ရေးကောင်စီနှင့် ပဏာမကိုယ်စားလှယ် အဖွဲ့တို့၏ ဆွေးနွေးပွဲတွင် တင်ပြတောင်းဆိုချက်များစာဖြင့် ၃ဝ-၇-၆၃ ရက်နေ့စွဲဖြင့် တင်ပြလာပါသည်။ ပြည်တွင်းစစ်ကို ရပ်စဲပြီး စစ်မှန်သော ပြည်တွင်း ငြိမ်း ချမ်းရေး ပြန်လည်တည်ဆောက်ရန်အတွက် ပြည့်စုံ လုံလောက်ချောမောအောင်မြင်သော တွေ့ဆုံဆွေးနွေး မှု ဖြစ်မြောက်ရေးအတွက်ဟု ဖော်ပြပါရှိပါသည်။ ထို သုံးပါတီမှ ၃ဝ-၇-၆၃ နေ့စွဲဖြင့် တင်ပြတောင်းဆိုချက် အပေါ် တော်လှန်ရေးကောင်စီမှ ၇-၈-၆၃ နေ့စွဲဖြင့် စာပြန်ကြားခဲ့ပါသည်။ ထိုသုံးပါတီအနေဖြင့်လည်းကောင်း၊ တစ်ပါတီချင်းအနေဖြင့်လည်းကောင်း တော်လှန်ရေးကောင်စီနှင့် သုံးပါတီ ဗဟိုကိုယ်စားလှယ် အဖွဲ့နှင့် ဆွေးနွေးရန် စာအသီးသီးပြန်ကြား၍ သဘောတူခဲ့ကြပါသည်။
၁၉၆၃ ခုနှစ်၊ အောက်တိုဘာလ ၄ ရက်တွင် အမှတ် (၁၄) အင်းယားလမ်း ဧည့်ဂေဟာ၌ တော် လှန် ရေးကောင်စီကိုယ်စားလှယ်အဖွဲ့နှင့်  သုံးပါတီဗဟိုကိုယ်စားလှယ်အဖွဲ့တို့၏  ပဏာမဆွေးနွေးပွဲပြုလုပ် ကြပါသည်။ ထိုဆွေးနွေးပွဲမှတ်တမ်းကို ပြည်တွင်းငြိမ်းချမ်းရေး ဆွေးနွေးပွဲစာအုပ် သမိုင်းဝင်စာအုပ် စာတမ်းများ အမှတ်(၁)မှ မူရင်းအတိုင်း ထုတ်နုတ် ဖော်ပြအပ်ပါသည်။
တက်ရောက်ကြသော ပုဂ္ဂိုလ်များမှာ တော်လှန်ရေး ကောင်စီ ကိုယ်စားလှယ်အဖွဲ့မှ (၁) ဗိုလ်ချုပ်ကြီးနေဝင်း၊ (၂) ဗိုလ်မှူးကြီးလှဟန်၊ (၃) ဗိုလ်မှူးကြီးကျော်စိုး၊ (၄) ဒုတိယဗိုလ်မှူးကြီးသောင်းဒန်၊ (၅) ဒုတိယဗိုလ်မှူးကြီး ချစ်ခင်တို့ ဖြစ်ပါသည်။ သုံးပါတီဗဟိုကိုယ်စားလှယ် အဖွဲ့မှ (၁) မန်းဘဇံ၊ (၂) နိုင်စာလွင်၊ (၃) ဗိုလ်မောရယ်၊ (၄) စကောလယ်တော၊ (၅) ဗိုလ်ကျင်ဖေ၊ (၆) ဗိုလ် သန်းအောင်၊ (၇) ဗိုလ်စံလင်း၊ (၈) နိုင်တက်ထွန်း၊ (၉) နိုင်ထင်တို့ ပါဝင်ကြပါသည်။ ဗိုလ်ချုပ်ကြီးနေဝင်းက ယနေ့ ဆွေးနွေးပွဲ တွင် တော်လှန်ရေးကောင်စီအဖွဲ့မှလူစုံ တက်ရောက်နိုင်ခြင်းမရှိကြောင်းနှင့် သုံးပါတီဗဟို ကိုယ်စားလှယ်အဖွဲ့ မှတောင်းဆိုလိုသောအချက်များ တောင်းဆိုနိုင်ကြောင်း နိဒါန်းစကား ပြောကြားပါသည်။ ထိုဆွေးနွေးပွဲတွင် အပစ်အခတ်ရပ်စဲရေးကိစ္စအချက် အနေဖြင့် သီးသန့်ထည့်ထားခြင်း မရှိကြောင်း၊ သို့သော် လည်း အပစ်အခတ်ရပ်စဲရေးကိစ္စမှာ ပထမတင်ထား သည့်အချက်များပါဝင်နေသဖြင့် ဆက်လက်ဆွေးနွေး ရန်ဖြစ်ကြောင်း မန်းဘဇံက ပြောကြားသွားပါသည်။
ဗိုလ်ချုပ်ကြီးက အပစ်အခတ်ရပ်စဲရေးတွင် မန်းဘဇံတို့ဘက်မှ နေရာအတိအကျ တင်ပြပါက နှစ် ဦး နှစ်ဖက် ကျေကျေလည်လည် တိုင်ပင်ဆွေးနွေးပြီး ပြုလုပ်ပေးနိုင်ကြောင်း ပြောကြားရာ မန်းဘဇံက နေရာ တိတိကျကျ သတ်မှတ်နိုင်ရန် နှစ်ဦးနှစ်ဖက် ဆွေးနွေး ညှိနှိုင်းသတ်မှတ်ရန် တင်ပြပါသည်။
ဤတွင် ဗိုလ်ချုပ်ကြီးက ပထမနေရာရွေးချယ်ထား ရန် လိုအပ်ကြောင်းနှင့် အပစ်အခတ်ရပ်စဲသည့် ဒေသ တစ်ဝိုက်ကို အကာအကွယ်ယူပြီး သူခိုးဓားပြများက အနှောင့်အယှက်ပေးတတ်သည့်အပြင် လက်နက်ကိုင် အင်အားစုကလည်း အမျိုးမျိုးဖြစ်နေသဖြင့် အသေးစိတ် ဆောင်ရွက်ထားရန် လိုအပ်ကြောင်း ပြောကြားပါသည်။
ထိုတွေ့ဆုံဆွေးနွေးပွဲတွင် အရေးကြီးသောအချက်များကို ဆက်လက်၍ကောက်နုတ်ပြီး ဖော်ပြပါသည်။
မန်းဘဇံက ဆွေးနွေးပွဲအစီအစဉ်များကို တော်လှန်ရေးကောင်စီအနေနှင့် လက်ခံခြင်း ရှိ၊ မရှိ မေးမြန်းရာ ဗိုလ်ချုပ်ကြီးက လက်ခံကြောင်း ပြန်လည် ဖြေကြားပါသည်။ ထိုသို့ပြောကြားပြီးနောက် မန်းဘဇံ ကသုံးပါတီ ဗဟိုပဏာမကိုယ်စားလှယ်အဖွဲ့မှ တင်ပြထားသော အချက်သုံးချက်နှင့် ပတ်သက်၍ ဗိုလ်မှူးကြီး စောမြင့် ပြန်ကြားထားသည့်အချက်များမှာ အချို့ မရှင်းမလင်းဖြစ်နေပါ၍ ထပ်မံရှင်းပေးရန်နှင့် ဆက် လက် ဆွေးနွေးရန်ရှိသည်များကို ဆွေးနွေးရန် ပြောကြားပြီးနောက် သုံးပါတီဗဟိုကိုယ်စားလှယ်အဖွဲ့၏ တင်ပြချက် ပထမအပိုဒ်ကို အောက်ပါအတိုင်း တင်ပြပါသည်။
တွေ့ဆုံဆွေးနွေးပွဲ ပြီးဆုံးအောင်မြင်သောအခါ၊ သို့မဟုတ် အကယ်၍ တွေ့ဆုံဆွေးနွေးပွဲ မအောင်မြင်၍ ဆွေးနွေးပွဲ ရပ်စဲလိုက်ရသည့်အခါများတွင် စာနယ်ဇင်း များမှ ထည့်သွင်းရေးသား ခွင့်များကို ပေးထားသည်မှာ ရှင်းလင်းသော်လည်း အသံလွှင့်ကြေညာခွင့်ရှိ၊ မရှိ သိလိုပါကြောင်း တင်ပြပြောဆိုပါသည်။
ဗိုလ်ချုပ်ကြီးက ထိုတင်ပြချက်ကို တဖွဲ့တစည်းတည်းနှင့် တွေ့ဆုံဆွေးနွေးရခြင်း မဟုတ်သည့်အတွက် တစ်ဖွဲ့အားပေးလျှင် အခြားအဖွဲ့များကိုလည်း ပေးရမည်ဖြစ်ကြောင်း၊ လာရောက် ဆွေးနွေးကြသည့် အဖွဲ့များတွင်လည်း စေတနာသန့်သန့်နှင့် လာရောက်သည့် အဖွဲ့များရှိသလို စေတနာမရှင်းသည့် အဖွဲ့အစည်း များလည်းရှိသဖြင့် အထူးဂရုစိုက် ကာကွယ်နေရကြောင်း၊ နောက်တစ်ချက်မှာလည်း ဆွေးနွေးပွဲ ရပ်စဲလိုက်ရပါက အစိုးရအနေနှင့် လိုက်လျောရန် အခက် အခဲရှိပါသည်။ တိုင်းပြည်သို့ အသိပေးရန်မှာ နည်းအမျိုးမျိုးရှိကြောင်း၊ သို့သော်လည်း ငြိမ်းချမ်းရေးလုပ် လို့ရမည့် အဖွဲ့အစည်းများနှင့်မူကား မရရအောင်လုပ် မည်ဟု သဘောထားရှိပါကြောင်း၊ သို့ပါသော်လည်း မန်းဘဇံတို့ဘက်သို့ ပြန်လည်ဖြေကြားနိုင်ရန်အတွက်မူ အစိုးရအနေနှင့် ယတိပြတ် အသံလွှင့်ကြေညာခွင့် မပေးဟု မဆိုလိုကြောင်း၊ ပြဿနာပေါ်လာပါက ပေါ် လာသလို ဆက်လက်ဆောင်ရွက်သွားရန်ဖြစ်ကြောင်း ပြောကြားပါသည်။
ထို့နောက် မန်းဘဇံက မရှင်းလင်းသည့် အချက်များအား ပြန်လည်ရှင်းပေးရန်နှင့် ဆက်လက်ဆွေးနွေးရန်အတွက် သုံးပါတီဗဟိုကိုယ်စားလှယ်အဖွဲ့၏ တင်ပြချက်ဒုတိယအပိုဒ်မှ အဆုံးပိုဒ် အထိ ဖတ်ကြားတင်ပြ ပါသည်။
ထိုတင်ပြချက်များနှင့်ပတ်သက်၍ ဗိုလ်ချုပ်ကြီးက တင်ပြချက်များမှာများလှ၍ အချိန်ယူ ဖြေကြား ရန်လိုပါသည်။ မဖြေမီ လာရောက်ဆွေးနွေးကြသူများသည် စေတနာသန့်သန့်နှင့် လာရောက် ဆွေးနွေးစေ လိုပါသည်။ ဈေးဆစ်သည့်သဘောမျိုး၊ စေတနာ မသန့်သည့် သဘောမျိုး ပါဝင်ကယုံကြည်ရန် ခက်ပါသည်။ ဤကဲ့ သို့ ပြောရခြင်းမှာ အကြံသမားများရှိနေ၍ ပြောရခြင်း ဖြစ်ပါသည်။ ဥပမာ သခင်စိုးကိစ္စမျိုးဖြစ်ပါသည်။ ဒါကြောင့် သံသယရှိသင့်သလောက်ရှိသည့် အဖွဲ့ အစည်းတွေ ရှိပါသည်။
စည်းရုံးခွင့် တောင်းဆိုသည်မှာ ငြိမ်းချမ်းရေးရ ရန်ထက် ရသည့်အခွင့်အရေးယူပြီး အမြတ်ထုတ်ရန် ဆိုသည့်သဘော သက်ရောက်နေပါသည်။ ဖြစ်သင့် သည်မှာ လိုအပ်သည့်အချက်များကို တင်ပြဆွေးနွေး ကြပြီး ကျေကျေလည်လည်မဖြစ်သည့်အတွက် ဆွေးနွေးပွဲရပ်စဲသည့်အချိန်မှသာလျှင် လူထုသို့ တင်ပြသင့်ပါ သည်။
တိုင်းပြည်က မှန်သည့်ဘက်မှ ရပ်တည်လိမ့်မည် ဖြစ်ပါသည်။ ဆွေးနွေးပွဲပြုလုပ်နေသည့်အချိန်တွင် တစ်ဖက်နှင့်တစ်ဖက် တိုင်းပြည်သို့ တင်ပြနေလျှင် အချိန်ကြာရှည်လေးမြင့်ဖြစ်နေရပါမည်။ အခြား ဆောင်ရွက် စရာ အများအပြားရှိနေပါ၍ ဤကဲ့သို့ အချိန်ယူပြီး အစိုးရအနေနှင့် ဆောင်ရွက်နိုင်စွမ်းမရှိပါ။ ထို့ပြင် ဤကဲ့သို့ တိုင်းပြည်သို့နှစ်ဖက်စလုံးက တင်ပြနေပါက စကားအမှားများပါနိုင်ပြီး ဆွေးနွေးပွဲအား ထိပါးနိုင်စရာ ရှိကြောင်း ပြန်ကြားပြောဆိုပါသည်။
ဤတွင် မန်းဘဇံက ဆွေးနွေးပွဲကို အဟန့်အတား ဖြစ်စေမည့်တစ်ခုခုကို မလိုလားပါ။ ညှိနှိုင်းပြီး ဆက်လက်ဆွေးနွေးလိုကြောင်း တင်ပြပါသည်။
ထိုသို့ တင်ပြရာတွင် ဗိုလ်ချုပ်ကြီးက အချက်အလက်များ တော်တော်ပါသဖြင့် ဆွေးနွေးပွဲတွင် အဟန့်အတားဖြစ်မည့်အချက်များကို ရှောင်ရှားပြီးလုပ်ရန်ဖြစ်ပါသည်။ ဥပမာအတိုက်အခိုက်ရပ်စဲရေး ဆိုလျှင် အစိုးရအနေဖြင့် လုပ်ချင်ပါသည်။ တကယ် လက်တွေ့ဆောင်ရွက်သည့်အခါတွင် စေတနာနှင့် လုပ်ရပ်ဟူ၍ နှစ်ပိုင်းခွဲခြားမြင်စေလိုပါသည်။ လုပ်ရပ်ကသာ အရင်ပြပြီး စေတနာနှင့်ယှဉ်သွားရမည် ဖြစ်ပါ သည်။ လက်တွေ့ပြရမည်ဆိုလျှင် ရှမ်းပြည်နယ် စစ်ရပ်စဲရေးဒေသတွင် ထင်းခုတ်သွားသည့် အမျိုးသား၊ အမျိုးသမီး ၂၄ ယောက်ကို သတ်ပစ်လိုက်ကြပါသည်။ ၎င်းတို့နယ်အတွင်း ဖြစ်မဖြစ်တော့မသိပါ။ ဒါကြောင့်လည်း စည်းစောင့်တဲ့လူရှိသလို စည်းမစောင့်သည့်သူများလည်း ရှိပါသည်။ ထို့ကြောင့် ကျွန်တော်တို့ချင်း (Clash) မဖြစ်အောင် ဘယ်လိုလုပ်ပေးကြမလဲဆိုတာ ဆွေးနွေးကြရန် ဖြစ်ပါသည်ဟု ဆိုရာတွင် မန်းဘဇံက ကျွန်တော်တို့၏ တင်ပြချက်များသည် တင်းတင်းကျပ်ကျပ်သဘောမျိုးမဟုတ်ပါ။ တင်ပြစရာရှိသည့် အချက်များကို တင်ပြခြင်းဖြစ်ပါသည်ဟု ပြန်လည် ဖြေကြားပါသည်။
ဤတွင်ဗိုလ်ချုပ်ကြီးက ပြန်လည်ဖြေကြားရာတွင် ပေးထားသည့် (Reason) များအား မန်းဘဇံတို့ ဘက်မှ ကျေကျေလည်လည် လက်ခံနိုင်သည်၊ မခံနိုင်သည်ကို ပြန်လည်ပြောကြား စေလိုပါသည်။ နှစ်ဦးနှစ်ဖက် စလုံးမှ မိမိတို့ဘက်သို့ ပြန်လည်ရှင်းလင်းပြရမည် ဖြစ်သည့်အတွက် ဤကဲ့သို့ ပြောကြားရကြောင်း ဖြစ်ပါ သည်။
မန်းဘဇံက ကျွန်တော်တို့တင်ပြတာကလည်း ဤသဘောမျိုးပင်ဖြစ်ကြောင်း ပြန်လည်ဖြေကြား ပြီးနောက် ဗိုလ်ချုပ်ကြီးမှ အပစ်အခတ်ရပ်စဲရေးနှင့်ပတ်သက်၍ သဘောထားကို ပြန်ကြားစေလိုကြောင်း တင်ပြပါသည်။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization