Home » , » ရှမ်းပြည်တပ်မတော် သောင်းကျန်းသူသမိုင်း (ပထမပိုင်း)

ရှမ်းပြည်တပ်မတော် သောင်းကျန်းသူသမိုင်း (ပထမပိုင်း)



၅။      ရှမ်းသောင်းကျန်းသူလက်နက်ကိုင်အဖွဲ့အစည်းများဖွဲ့စည်းခြင်း။ ရှမ်းစော်ဘွားများသည် ပဒေသရာဇ် အာဏာစွန့်လွှတ်ရမည်ကို စိုးရိမ်ကြသည့်အတွက် ၁၉၅၇ ခုနှစ်၊ နှစ်ဦးပိုင်းမှစ၍ နိုင်ငံရေး ဆူပူမှုများပြုလုပ်ရန် လှုံ့ဆော်မှု၊ ရှမ်း-ဗမာ မုန်းတီးရေးသွေးခွဲမှုနှင့် ၁ဝ နှစ်ပြည့်လျှင် ပြည်ထောင်စုမှ ခွဲထွက်ရေး ဦးတည်လှုပ်ရှားမှုများကို စတင်ခဲ့ပါသည်။ ငွေကြေး၊ လူ၊ လက်နက်စုဆောင်းခြင်း၊ လေ့ကျင့် သင်တန်းပေးခြင်း များကို ပြုလုပ်လာခဲ့ကြပါသည်။ အထူးသဖြင့် ထိုစဉ်ကတရုတ်ဖြူတပ်များ ဝင်ရောက် အခြေပြုထားသည့် ရှမ်းပြည်နယ်အရှေ့ပိုင်းမှ ကျိုင်းတုံနယ်တွင် စော်ဘွားမျိုးနွယ်များဦးစီး၍ လက်နက်ကိုင် ဆူပူရေးအ တွက် ဒေသန္တရကာကွယ်ရေးတပ်ဖွဲ့အသွင်ဖြင့် လူငယ်များကို လေ့ကျင့်ဖွဲ့စည်းလာခဲ့ပါသည်။ သက်ဆိုင်ရာမှ အရေးယူ ထိန်းသိမ်းသောအခါ ကျိုင်းတုံစော်ဘွား၏ ဦးလေးတော်စပ်သူ စိုင်းနွဲ့သည် ထိုင်း-မြန်မာနယ်စပ် သို့တိမ်းရှောင်ကာ လူအင်အားစုဆောင်း ဖွဲ့စည်းလေ့ကျင့်မှုများ ပြုလုပ်ခဲ့ပါသည်။ 

၆။       လက်နက်ကိုင်တိုက်ခိုက်လာခြင်း။  ၁၉၅၈ ခုနှစ်၊ မေလ ၂၁ ရက်နေ့တွင် စိုင်းနွဲ့သည် နွံစစ်ဟန် (ခေါ်) ရဲရင့်သောရှမ်းလူမျိုးများအဖွဲ့အမည်ဖြင့် ရှမ်းသောင်းကျန်းသူအဖွဲ့တစ်ဖွဲ့ကို ထိုင်း-မြန်မာနယ်စပ် ဟွေပုတော ခန့်မှန်းမြေပုံညွှန်း (အယ်လ်တီ-၈၅၅၆)တွင်ဖွဲ့စည်းခဲ့ပါသည်။ ယင်းသတင်းကို ကြားသိရ သောအခါ ရှမ်းပြည်နယ်(မြောက်ပိုင်း)မှ လူငယ်များနှင့် တက္ကသိုလ်ကျောင်းသားများတစ်သုတ်ပြီး တစ်သုတ် လာရောက် ပူးပေါင်းခဲ့ကြ၍ အင်အား ၄ဝဝ ခန့် စုစည်းမိသောအခါ ဌာနချုပ်ကို ထိုင်းနိုင်ငံ အတွင်းရှိ ပန်းတောင်း ခန့်မှန်မြေပုံညွှန်း (အယ်လ်တီ-၉၃၂ဝ) သို့ပြောင်းရွှေ့ခဲ့ပြီး ဗဟိုဌာနချုပ် တစ်ခုကိုလည်း ကျိုင်းတုံနယ်အတွင်း ထားရှိခဲ့ပါသည်။ ၁၉၅၉ ခုနှစ်၊ ဧပြီလ ၂၉ ရက်နေ့တွင် ၎င်းအဖွဲ့သည် ပွဲဦးထွက် အဖြစ် ပုံပါကျင်စခန်းကို တိုက်ခိုက်ခဲ့ရာ ရှမ်းသောင်းကျန်းသူ ၁၈ ဦးသေဆုံးပြီး ၃၆ ဦး ဒဏ်ရာရရှိခဲ့ပါသည်။ ၁၉၅၉ ခုနှစ်၊ ဧပြီလ ၂၉ ရက်နေ့တွင် ရှမ်းစော်ဘွားများ အာဏာစွန့်လွှတ်ခဲ့ရပြီးနောက် စော်ဘွားများ၏ မကျေနပ်မှု ပိုမိုများပြားလာကာ လှုံ့ဆော်စည်းရုံးခဲ့သဖြင့် ရှမ်းသောင်းကျန်းသူများ ထပ်မံ၍ အင်အား တောင့်တင်းလာခဲ့ပါသည်။ ၁၉၅၉ ခုနှစ် နိုဝင်ဘာလ ၂၁ ရက်နေ့တွင် စစ်ရဲတပ်မှ '' ဝ '' လူမျိုးတပ်စုမှူး ဗိုလ်မောင်နှင့် ရှမ်းသောင်းကျန်းသူများ ပူးပေါင်းပြီး တန့်ယန်းကို တိုက်ခိုက်သိမ်းပိုက်ခဲ့ပါသည်။ ၁၉၅၉ ခုနှစ်၊ ဒီဇင်ဘာလ ၁ ရက်နေ့တွင် တပ်မတော်မှ တန့်ယန်းအား ပြန်လည်တိုက်ခိုက်သိမ်းပိုက်ခဲ့ပါသည်။ 

၇။       ရှမ်းသောင်းကျန်းသူအဖွဲ့အစည်းများ ကွဲပြားလာခြင်း။ နွံစစ်ဟန်အဖွဲ့အတွင်း၌ လူငယ်နှင့်လူကြီး ပိုင်းအကြား သဘောထားကွဲလွဲမှုဖြစ်ပေါ်လာပြီး ၁၉၆ဝ ပြည့်နှစ် လွယ်ပန်းတောင် အစည်းအဝေးတွင် တောခို ရှမ်းတက္ကသိုလ်ကျောင်းသားများ ခွဲထွက်ကာ ခွန်သော်တာ၊ ခွန်ကြာဥ၊ စိုင်းလှအောင်တို့ ဦးစီးသော လွတ်ကျောက်ဆောက် (ခေါ်) ရှမ်းပြည်နယ်လွတ်လပ်ရေးတပ်မတော် (SSA) ကို ဖွဲ့စည်းခဲ့ပါသည်။ ၁၉၆၁ ခုနှစ်၊ လွယ်ပန်းတောင် အစည်းအဝေးတွင်လည်း ကျိုင်းတုံနယ်မြေမှ ရှမ်းသောင်းကျန်းသူခေါင်းဆောင်များ ခွဲထွက် သွားပြီး ဘုန်းကြီးလူထွက် ဦးကုဏ္ဍလ (ခေါ်) ကျောက်ဝါးခမ်း ဦးစီးသည့် စစ်ဟန်စစ်တိုင်း (ခေါ်) ရှမ်းအမျိုးသား တပ်မတော်ကို ထူထောင်ခဲ့သည်။ အလင်းဝင်ကွန်မြူနစ်ဟောင်းဖြစ်သော မိုးဟိန်းသည် အလင်းဝင်များအတွက် နိုင်ငံတော်အစိုးရ၏ မတည်ထောက်ပံ့ငွေများကို အလွဲသုံးစားပြုကာ တောခို သွားခဲ့ပြီးစိုင်းနွဲ့ထံမှ ၁၉၆ဝ ပြည့်နှစ် တစ်ဝိုက်တွင် သီးခြားခွဲထွက်ကာ ရှမ်းအမျိုးသားတော်လှန်ရေး တပ်ပေါင်းစု (Shan Nationalities United  Revolutionary Front-SNURF) အမည်ဖြင့် မိုင်းကိုင်၊ လဲချားနယ်မြေတွင် လှုပ်ရှားခဲ့ပါသည်။ 

၈။       ရှမ်းပြည်တပ်မတော် (SSA) ။ ၁၉၆၃ ခုနှစ်တွင် တော်လှန်ရေးကောင်စီ အစိုးရ ပြုလုပ်သော ပြည် တွင်းငြိမ်းချမ်းရေးဆွေးနွေးပွဲ၌ ရှမ်းသောင်းကျန်းသူအဖွဲ့များ လာရောက်ဆွေးနွေးခဲ့သော်လည်း ကိုယ်ပိုင် ပြဋ္ဌာန်းခွင့်၊ အုပ်ချုပ်ခွင့် လူမျိုးစုအခွင့်အရေးနှင့် '' သီးခြားပြည်နယ်ရရှိရေး '' ဖက်ဒရယ် စတိတ်မူ များကိုသာ အသေဆုပ်ကိုင် ဆွေးနွေးခဲ့သဖြင့် ဆွေးနွေးမှုမအောင်မြင်ခဲ့ပါ။ ၁၉၆၄ ခုနှစ်တွင် မဟာဒေဝီ စဝ်နန်းဟိန်းခမ်းသည် မြဝတီ-မဲဆောက် လမ်းမှတစ်ဆင့် ထိုင်းနိုင်ငံသို့ထွက်ပြေးခဲ့သည်။ ၁၉၆၅ ခုနှစ် အစပိုင်း တွင် SSIA ခွန်ကြာနု၊ စိုင်းလှအောင်အဖွဲ့နှင့် SNURF မိုးဟိန်းအဖွဲ့တို့ပူးပေါင်း၍ မဟာဒေဝီ စဝ်နန်းဟိန်းခမ်း အား နာယကအဖြစ် တင်မြှောက်ပြီး ရှမ်းပြည်တပ်မတော် (SSA) ကို ဖွဲ့စည်းခဲ့သည်။ မိုးဟိန်းကို စစ်ကောင်စီဥက္ကဋ္ဌအဖြစ် တင်မြှောက်ခဲ့ပါသည်။ စိုင်းလှအောင်၊ ခွန်ကြာနု၊ စိုင်းပန်း၊ ဝါးခမ်းတို့ ဦးစီးသော တပ်မဟာ ၄ ခုဖွဲ့စည်းခဲ့ပြီး တပ်ရင်း ၁၂ ရင်း၊ လူအင်အား ၁,၆ဝဝ ခန့် ရှိခဲ့ပါသည်။(SSA) ဌာနချုပ်ကို ထိုင်းနိုင်ငံအတွင်းရှိ ဇင်းမယ်တွင်ထားရှိပြီး တပ်မဟာများနှင့် တပ်ရင်းများမှာ အောက်ပါ အတိုင်း ဖြစ်ပါသည်-
(က)    တပ်မဟာ(၁)။ တပ်မဟာမှူးမှာ စိုင်းလှအောင်ဖြစ်ပြီး လက်အောက်တွင် ပလောင် တပ်ရင်း ၂ ရင်း အပါအဝင် တပ်ရင်း ၃ ရင်းဖြင့် ဖွဲ့စည်းထားပါသည်။
          (ခ)     တပ်မဟာ(၂)။  တပ်မဟာမှူးမှာ စိုင်းပန်ဖြစ်ပြီး တပ်ရင်း ၂ ရင်းဖြင့် ဖွဲ့စည်းထားပါသည်။
          (ဂ)     တပ်မဟာ(၃)။  တပ်မဟာမှူးမှာ ခွန်ကြာနုဖြစ်ပြီး တပ်ရင်း ၄ ရင်းဖြင့် ဖွဲ့စည်းထားပါသည်။
(ဃ)    တပ်မဟာ(၄)။  တပ်မဟာမှူးမှာ ဝါးခမ်း(ခ)ဆန်ကြိုင်းဖြစ်ပြီး တပ်ရင်း ၃ ရင်းဖြင့် ဖွဲ့စည်း ထားပါသည်။ 

၉။       ၁၉၆၈ခုနှစ်၊ နှစ်ဦးပိုင်းတွင် ပလောင်တပ်ရင်း ၂ ရင်းသည် SSA မှခွဲထွက်သွားပြီး သီးခြားရပ်တည်၍ ကျောက်မဲဒေသ၌ လှုပ်ရှားခဲ့ပါသည်။ ၎င်းနောက် SSA ကိုလည်း စဝ်ဆေးဝိုင် ဦးဆောင်သော မြောက်ပိုင်းတိုင်း(ခေါ်) တိုင်း(၁)နှင့် မိုးဟိန်းဦးဆောင်သောတောင်ပိုင်းတိုင်း (ခေါ်)တိုင်း(၂) ဟူ၍ ခွဲခြား ဖွဲ့စည်းလှုပ်ရှားခဲ့ပါသည်။ တိုင်း(၁)အား စဝ်ဆေးဝိုင်မှ ခေါင်းဆောင်၍ တပ်ရင်း ၅ ရင်းဖြင့် မိုင်းရယ်၊ ဆောင်ကြဲ၊ ကျောက်မဲ၊ နမ္မတူနယ်မြေများ၌လည်းကောင်း၊ တိုင်း(၂)အား မိုးဟိန်းမှခေါင်းဆောင်၍ တပ်ရင်း ၃ ရင်းဖြင့် လွိုင်လင်၊ တောင်ကြီး နယ်မြေများ၌ လှုပ်ရှားခဲ့ပါသည်။ တိုင်း(၁)သည် ရှမ်းပြည် မြောက် ပိုင်း ဒေသ၌ ဗမာပြည်ကွန်မြူနစ်ပါတီနှင့် မလွဲမရှောင်သာပဲ ထိတွေ့ဆက်ဆံမှုများ ပြုလုပ်ခဲ့ရပါသည်။ ထိုအခြေအနေတွင် ကွန်မြူနစ်ဝါဒကို ဆန့်ကျင်သည့် တိုင်း(၂)မိုးဟိန်းအဖွဲ့မှ မကျေမနပ်ဖြစ်ကာ ၁၉၆၉ ခုနှစ် ဇန်နဝါရီလအတွင်းတွင်ခွဲထွက်ပြီး ရှမ်းပြည်နယ်တပ်ပေါင်းစု တော်လှန်ရေးတပ်မတော် (SURA) ကို ဖွဲ့စည်းထူထောင်ခဲ့ပါသည်။ မိုးဟိန်းခွဲထွက်သွားပြီးနောက် တိုင်း(၂)အား ခွန်ကြာနုမှ ဆက်လက် တာဝန်ယူခဲ့ပါသည်။ 

၁ဝ။     ရှမ်းပြည်တိုးတက်ရေးပါတီ (SSPP) ပေါ်ပေါက်လာခြင်း။   ယိမ်းယိုင်ချည့်နဲ့နေသော SSA ကို နိုင်ငံရေး ဦးဆောင်မှုပေးနိုင်ရန် ၁၉၇၁ ခုနှစ်၊ သြဂုတ်လ ၁၆ ရက်နေ့တွင် ရှမ်းပြည်တိုးတက်ရေးပါတီ (SSPP)ကို ဖွဲ့စည်းခဲ့ပါသည်။ ဥက္ကဋ္ဌအဖြစ် ခွန်ကြာနုမှဆောင်ရွက်ပြီး ဒုတိယဥက္ကဋ္ဌအဖြစ် ပွန်ဆိုင်း(ခ) စိုင်းပန်နှင့် အုန်းပေါင်(ခ) စိုင်းမြင့်အောင်၊ အတွင်းရေးမှူးအဖြစ် ခွန်သီရိတို့မှ ခေါင်းဆောင်ခဲ့ပါသည်။ စစ်ရေး တာဝန်ခံအဖြစ် စံပိန်(ခ) ကျော်ခင်အား ဦးစီးစေပြီး တိုင်း(၁) တပ်မဟာ(၁)၊ (၂)၊ တပ်ရင်း(၁၆)၊ (၂၁)၊ (၂၄)၊ (၂၅)အပါအဝင် တပ်ရင်း ၄ ရင်း ကို ၁၉၇၂ ခုနှစ်တွင် ပြင်ဆင်ဖွဲ့စည်းခဲ့ပါသည်။ ၁၉၇၂ ခုနှစ်တွင် စစ်ဟန်စစ်တိုင်း သီးခြားအဖွဲ့မှ စိုင်းနော်မိန်းဦးစီး အင်အား ၅ဝဝ ကျော်ခန့်သည (SSPP)  သို့လာရောက် ပူးပေါင်းခဲ့ပါသည်။ ယင်းအင်အားစုများကို တပ်မဟာ(၇)နှင့် တပ်ရင်း ၄ ရင်းအဖြစ် တိုးချဲ့ဖွင့်လှစ်ခဲ့ပါသည်။
၁၁။     ၁၉၇၃ ခုနှစ်၊ မေလ ၂၄ ရက်နေ့တွင် SSA သည် တောခိုကာကွယ်ရေးအဖွဲ့များဖြစ်သည့် ကိုးကန့် (လော်စစ်ဟန်အဖွဲ့)၊ ဗင်းဝင်း(မဟာခမ်းအဖွဲ့)၊ မန်မန်ဆိုင် (လိုင်းအူးအဖွဲ့)များနှင့် မဟာမိတ်အဖြစ် ပူးပေါင်းကာ တိုင်း(၂)အဖြစ်ဖွဲ့စည်းပြီး လော်စစ်ဟန်ကို ဦးစီးစေခဲ့ပါသည်။ ၁၉၇၃ ခုနှစ်၊ ဇူလိုင်လ ၁၇ ရက်နေ့တွင် SSPP တိုင်း(၂)မန်ပလောင်စခန်းအား တပ်မတော်မှ အောင်သံလွင်စစ်ဆင်ရေးဖြင့် ဝင်ရောက် ချေမှုန်းခဲ့သဖြင့် လော်စစ်ဟန်သည် ထိုင်းနိုင်ငံအတွင်းသို့ ပြေးဝင်သွားခဲ့ပါသည်။ လော်စစ်ဟန်အား ထိုင်းအစိုးရမှဖမ်းဆီးပြီး မြန်မာအစိုးရထံသို့ ၁၉၇၃ ခုနှစ်၊ သြဂုတ်လ ၂ ရက်နေ့တွင် လွှဲပြောင်း ပေးခဲ့ပါသည်။ တိုင်း(၂)ကို လော်စစ်ဟန်၏ တပည့်ဖြစ်သူ ကျန်ကျီးချိန်ကို ဆက်လက်ဦးစီးစေခဲ့ပါသည်။ ၎င်းကိစ္စနှင့်ပတ်သက်၍ SSA အဖွဲ့နှင့် ပူးပေါင်း နေသည့် ကိုးကန့်အဖွဲ့ကို ထိုင်းအစိုးရထံ အဖမ်းမခံရစေရန် SSA ခေါင်းဆောင်ပိုင်းက ထောင်ချောက်ဆင်ခဲ့သည်ဟု ယူဆကာ မကျေမနပ်ဖြစ်ခဲ့ကြသည်။ ယင်းမကျေနပ်မှုပဋိပက္ခများ ဆက်လက်ဖြစ်ပေါ်လာကာ ၁၉၇၄ ခုနှစ်၊ ဒီဇင်ဘာလတွင် ထိုင်း-မြန်မာနယ်စပ်၌ SSA နှင့် တောခိုကာကွယ်ရေးအဖွဲ့များအကြား ပစ်ခတ်မှုများဖြစ်ပွားလာပြီး ကိုးကန့်အဖွဲ့ ခွဲထွက်သွားခဲ့သည်။

၁၂။     ၁၉၇၃ ခုနှစ်၊ အောက်တိုဘာလတွင် KNUP မှ စကောလယ်ဘောအဖွဲ့နှင့်အတူ ဆေးထင်ဦးစီး SSA အင်အား ၂ဝဝ ဦးခန့်သည် ဗမာပြည်ကွန်မြူနစ်ပါတီဗဟို ပန်ဆင်းသို့ရောက်ရှိပြီး နိုဝင်ဘာလတွင် ဗမာပြည်ကွန်မြူနစ်ပါတီနှင့် SSA တို့အကြား စစ်ရေးအရ ပူးပေါင်းဆောင်ရွက်ရန် သဘောတူ လက်မှတ်ရေး ထိုးခဲ့ပါသည်။ ဗမာပြည်ကွန်မြူနစ်ပါတီသည် SSA အဖွဲ့အား လက်နက် ၂ဝဝ ခန့်ကို လက်ဆောင်အဖြစ် ပေးခဲ့ပါသည်။ ဗကပနှင့် ဆက်သွယ်ခြင်းအား ထိုင်းနိုင်ငံရောက် SSPP ဥက္ကဋ္ဌ ခွန်ကြာနုမှ နှစ်သက်ခဲ့ သော်လည်း အများ၏ဆန္ဒကို မလွန်ဆန်နိုင်ခဲ့ပေ။ ကိုးကန့်အဖွဲ့များ ခွဲထွက်သွားသည့်အခြေအနေကြောင့် တိုင်း ၂ တိုင်းအား လွယ်ခေးဒေသ၌ တိုင်း(၁)မှူး စံမိန်း၏ကွပ်ကဲမှု အောက်သို့ ၁၉၇၅ ခုနှစ်၊ ဇန်နဝါရီလ ၁ ရက်နေ့တွင် လွှဲပြောင်းယူခဲ့ရပါသည်။ ၁၉၇၅ ခုနှစ်၊ ဇန်နဝါရီလ ၂၅ ရက်နေ့မှ ဖေဖော်ဝါရီလ ၅ ရက်နေ့ထိ လွယ်ခေးဒေသ ပန်ကိုး၌ပြုလုပ်သော SSPP အစည်းအဝေးတွင် ဗကပဗဟိုဌာနချုပ် ပန်ဆန်းသို့ တရားဝင် ကိုယ်စားလှယ် ထပ်မံစေလွှတ်ရေးနှင့် ပတ်သက်၍ သဘောထားကွဲလွဲကာ ဒုဥက္ကဋ္ဌ အုန်းပေါင်နှင့် တွဲဖက် အတွင်းရေးမှူး ဆေးထင်ဦးစီး ဗကပ လိုလားသည့် အဖွဲ့နှင့် ဥက္ကဋ္ဌ ခွန်ကြာနု၊ ဒုဥက္ကဋ္ဌ မွန်ဆိုင်း(ခ) စိုင်းပန်ဦးစီး ဗကပ မလိုလားသော အဖွဲ့ ၂ ဖွဲ့ ကွဲသွားခဲ့ပါသည်။
၁၃။     ဗကပနှင့် SSA ဆက်သွယ်ခြင်း။  ၁၉၇၅ ခုနှစ်၊ မတ်လတွင် အုန်းပေါင်၊ ဆေးထင်၊ စံမိန်းဦးစီး SSA အင်အား ၆၅၆ ဦးသည်ှ SSPP  ဌာနချုပ်ရှိရာ လွယ်ခေးဒေသမှ ဗကပဗဟိုဌာနချုပ် ပန်ဆန်းသို့သွားရောက် ခဲ့ပါသည်။ SSA အဖွဲ့သည် ပန်ဆန်း၌ စစ်ရေး၊ နိုင်ငံရေး သင်တန်းများတက်ရောက်ခဲ့ပြီး ဗကပမှ ပေးလိုက်သော လက်နက်မျိုးစုံ ၇၃၅ လက်နှင့် ခဲယမ်းများအားရယူပြီး ၁၉၇၅ ခုနှစ်၊ နိုဝင်ဘာလတွင် သံလွင်အနောက်ခြမ်းသို့ ကူးဝင်လာခဲ့ပါသည်။ ဗကပ ရင်း(၄ဝ၄၅)မှလည်း အင်အား ၄ဝဝ ခန့်ဖြင့် SSA နှင့် ပူးတွဲလှုပ်ရှားရန် လိုက်ပါလာခဲ့ပါသည်။ ၁၉၇၆ ခုနှစ်၊ ဇန်နဝါရီလတွင် SSA စစ်ဒေသကို ဖွဲ့စည်းခဲ့ပါသည်။ ၁၉၇၆ ခုနှစ်၊ မတ်လတွင် တပ်ရင်းအသစ် (၈၁၆)အား ထပ်မံဖွဲ့စည်းခဲ့ပါသည်။ ၁၉၇၇ ခုနှစ်တွင် တပ်ရင်း(၁၁)အား ခွန်ပန်ရွာ၌ ထပ်မံ ဖွဲ့စည်းခဲ့ပါသည်။ ၁၉၇၇ ခုနှစ်တွင် တပ်ရင်း(၁၁)၊ တပ်ရင်း(၂၁)နှင့် တပ်ရင်း(၂၄)တို့သည် ဗကပဗဟိုဌာနချုပ် ပန်ဆန်းတွင် သွားရောက်သင်တန်းတက်ခဲ့ပြီး အဆိုပါ တပ်ရင်းများအား (၁ဝ၁၁)၊ (၂ဝ၂၁)နှင့် (၂ဝ၂၄) တို့အဖြစ် တပ်အမှတ်များ ပြောင်းလဲခဲ့ပါသည်။ တပ်မဟာ(၁)အား နိုင်ငံရေးမှူး ဆေးနွံဦးစီးပြီး တပ်ရင်း(၁ဝ၁၁)၊ တပ်ရင်း (၂ဝ၂၁)တို့မှ အင်အား ၆ဝဝ ခန့်ဖြင့် တန့်ယန်း၊ တိုင်းအော့၊ မိုင်းရှူး၊ ကျေးသီး၊ မိုင်းဆန်၊ တိုင်းနောင်နယ်မြေများတွင် လှုပ်ရှားခဲ့ပါသည်။ တပ်မဟာ(၂)အား နိုင်ငံရေးမှူးနှင့် တပ်မဟာမှူးစံဟိုင်းဦးစီးပြီး တပ်ရင်း(၁ဝ၁၁)နှင့် တပ်ရင်း (၁ဝ၁၆)တို့မှ စုစုပေါင်းအင်အား ၅ဝဝ ဦးဖြင့် ကျောက်မဲ၊ သီပေါ၊ နောင်ချိုဒေသတို့၌ လှုပ်ရှားခဲ့ပါသည်။ တပ်မဟာ (၃)အား နိုင်ငံရေးမှူး ချန်ဖုန်း၊ တပ်မဟာမှူး စိုင်းလိတ် ဦးစီးပြီး တပ်ရင်း(၈၁၆)၊ တပ်ရင်း(၂ဝ၂၄)နှင့် တပ်ရင်း (၂ဝ၂၅)တို့မှ စုစုပေါင်းအင်အား ၅ဝဝ ခန့်ဖြင့် မိုးမိတ်၊ မိုးကုတ်၊ နမ့်ဆန်၊ ကျောက်မဲ၊ သီပေါဒေသများ၌ လှုပ်ရှား ခဲ့ပါသည်။ တပ်မဟာ(၇)ကို နိုင်ငံရေးမှူး နော်မိန်းဦးစီးပြီး တပ်ရင်း(၄)မှ အင်အား ၂ဝဝ ခန့်ဖြင့် ပျက်ကန့်၊ မိုင်းပုကြီးနယ်မြေ၌ လှုပ်ရှားခဲ့ပါသည်။ 

၁၄။     ၁၉၇၆ ခုနှစ်၊ ဧပြီလတွင် တောင်ပိုင်းတိုင်းဥက္ကဋ္ဌ ခွန်ကြာနုနှင့် အတွင်းရေးမှူး စဝ်ဆေးနိုင်တို့အား ခေါင်းဆောင်အဖြစ်မှဖြုတ်ချပြီး ပွန်ဆိုင်းနှင့် ပန်းအောင်တို့မှ တာဝန်ယူခဲ့ကြပါသည်။ ၎င်းနောက် တိုင်း(၁)နှင့် အဆက်အသွယ်ပြန်လည်ပြုလုပ်ခဲ့ပါသည်။ ၁၉၇၇ ခုနှစ်၊ ဖေဖော်ဝါရီလတွင် ဗကပ အရှေ့မြောက်စစ်ဒေသမှ ခေါ်ယူချက်အရ စိုင်းလှအောင်နှင့်အဖွဲ့သည် ပန်ဆန်းသို့သွားရောက်ခဲ့ပါသည်။ SSPP တစ်ဖွဲ့လုံးအား ဗကပ၏ အကြွင်းမဲ့ဦးဆောင်မှုအောက်တွင် ဝင်ရောက်ရေးကို တောင်းဆိုသဖြင့် SSPP ခေါင်းဆောင်များမှ ယင်းကိစ္စနှင့် ပတ်သက်၍ မတင်မကျပြောဆိုကာ ၁၉၇၈ ခုနှစ်၊ မတ်လတွင် သံလွင်အနောက်ခြမ်းသို့ ကူးဝင်ခဲ့ပါသည်။ ၎င်းကိစ္စအား အောက်ခြေသို့ချပြဆွေးနွေးရာတွင် အုန်းပေါင်နှင့် ဆေးထင်တို့နှစ်ဦးမှလွဲ၍ ကျန်ခေါင်းဆောင်များ အနေဖြင့် ဗကပ၏အကြွင်းမဲ့ဦးဆောင်မှုအောက်သို့ မဝင်ရောက်လိုကြပေ။ တပ်မဟာ(၃)တပ်မဟာမှူး စိုင်းလိတ် မှာကြားနေခဲ့ပါသည်။ ထိုအတောအတွင်း SSA တပ်ရင်း (၂ဝ၂၄)သည် ပန်ဆန်း၌ သင်တန်းတက်ရောက်ပြီး လက်နက် ၃၇၂ လက်နှင့် သံလွင်မြစ် အနောက်ခြမ်းသို့ ကူးဝင်ခဲ့ပါသည်။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization