Home » , » အခန်း(၁) ကွန်မြူနစ်ဝါဒ မြန်မာနိုင်ငံသို့ ရောက်ရှိလာခြင်း

အခန်း(၁) ကွန်မြူနစ်ဝါဒ မြန်မာနိုင်ငံသို့ ရောက်ရှိလာခြင်း


အခန်း(၁)

ကွန်မြူနစ်ဝါဒ မြန်မာနိုင်ငံသို့ ရောက်ရှိလာခြင်း




အသင်းအဖွဲ့များ ဖွဲ့စည်းလှုပ်ရှားခြင်း

မြန်မာနိုင်ငံတစ်နိုင်ငံလုံး ဗြိတိသျှနယ်ချဲ့အစိုးရ ၏လက်အောက်သို့ ကျရောက်ပြီးနောက် ပဒေသရာဇ် ခေါင်းဆောင်ငယ်များက တော်လှန်ထကြွခဲ့ကြသော် လည်းကျယ်ပြန့်စွာ စည်းရုံးလှုပ်ရှားနိုင်မှု မရှိခြင်း၊ နိုင်ငံရေးအခြေခံမရှိဘဲ မျိုးချစ်စိတ်သက်သက်ဖြင့်သာ တော်လှန်ရေးဆင်နွှဲခြင်း၊ စစ်အင်အား ချို့တဲ့ခြင်းများ ကြောင့် အရေးနိမ့်ခဲ့ကြရသည်။ ထို့နောက်တွင် ဗြိတိသျှအစိုးရသည် တော်လှန် ပုန်ကန်မှုများအား ရက်စက်စွာ နှိပ်ကွပ်ပစ်လိုက်ပြီးနောက် ကိုလိုနီအုပ်ချုပ်ရေးစနစ်ကို တစ်နိုင်ငံလုံးတွင် ထူထောင်သွတ်သွင်းတော့သည်။ မြန်မာအမျိုးသားတို့သည် ကိုလိုနီခေတ်ဦးတွင် နိုင်ငံရေး၊ စီးပွားရေး၊ လူမှုရေးတို့၌ နည်းမျိုးစုံဖြင့် ဖိနှိပ်ဖျက်ဆီး ခြင်း ခံခဲ့ကြရသည်။ နိုင်ငံရေးပါတီများ၊ နိုင်ငံရေး အသင်းအဖွဲ့များ ဖွဲ့စည်းခွင့်၊ ထူထောင်ခွင့်၊ စည်းရုံး ဟောပြောခွင့် စသည့် အခွင့်အရေးများကို မြန်မာနိုင်ငံ သားတို့ လုံးဝဆုံးရှုံးခဲ့ကြရသည်။


မြန်မာတို့သည် အသင်းအပင်းများ ဖွဲ့စည်း လှုပ်ရှားမှုကို ၁၈၉၇ ခုနှစ်တွင် စတင်ခဲ့ကြသည်။ ထို နှစ်တွင် မော်လမြိုင်မြို့၌ သာသနဓရအသင်း ပေါ်ပေါက်လာပြီး မြင်းခြံမြို့၌ ဗုဒ္ဓကလျာဏမိတ္တ အသင်း ၁ (၁။ ဗိုလ်မှူးဘသောင်း၏ ဗမာ့တော်လှန်ရေးသမိုင်း၊ စာမျက်နှာ ၁၅၅။ ) တို့ ပေါ်ပေါက်လာသည်။ ယင်းအဖွဲ့များ သည် ဘာသာရေးအသင်းများသာ ဖြစ်သော်လည်း မြန်မာအမျိုးသားတို့အဖို့ အသင်းအဖွဲ့နှင့် လှုပ်ရှားမှု ကို ရင်းနှီးခွင့်ရလာကြသည်။ ၁၉ဝ၅ခုနှစ် ရုရှား-ဂျပန် စစ်ပွဲပြီးဆုံးပြီး နောက်ပိုင်းတွင်ကား မြန်မာအမျိုးသားတို့သည် နိုင်ငံရေးနိုးကြားလာကြပြီး ဟောပြောစည်းရုံး မှုများ ရှိလာကြသည်။ ဆရာတော် ဦးဥတ္တမသည် နယ်ချဲ့ဆန့်ကျင်ရေးတရားနှင့် မျိုးချစ်စိတ်ထက် သန်ရေး အတွက် အများပြည်သူတို့ကို တရားဟော၍ စည်းရုံး ခဲ့သည်။

၁၉ဝ၆ ခုနှစ်တွင်ကား ခေတ်ပညာတတ် ကောလိပ်ကျောင်းသား ၂ဝ ခန့်က ဝိုင်အမ်ဘီအေ* (*ဝိုင်အမ်ဘီအေ Young Men’s Buddhist Association) (ခေါ်) ဗုဒ္ဓဘာသာ ကလျာဏယုဝအသင်းကို ထူထောင် လိုက်ကြသည်။ ၂(၂။ ဗိုလ်မှူးဘသောင်း၏ ဗမာ့တော်လှန်ရေးသမိုင်း၊ စာမျက်နှာ ၁၅၅၊ ၁၅၆။) ယင်းအဖွဲ့၏ ရည်ရွယ်ချက်မှာ ဘာသာရေးကို တိုးမြှင့်ပေးရန်ဟု ဆိုသော်လည်း ဆွေးနွေး ဟောပြောကြ သော အကြောင်းအချက်များမှာ လူမှုရေးနှင့် နိုင်ငံရေးကိစ္စများသာ ဖြစ်သည်။ ရန်ကုန် မြို့တွင် ဝိုင်အမ်ဘီအေအသင်းဖွဲ့ပြီး မကြာခင်မှာပင် တစ်ပြည်လုံးရှိ မြို့ရွာများတွင်လည်း ဝိုင်အမ်ဘီအေ အသင်းများ ပေါ်ပေါက်လာကြတော့သည်။ ဝိုင်အမ် ဘီအေအသင်းများမှာ နေ့ချင်းညချင်းပင် ထောင်နှင့် ချီ၍ ထွန်းကားလာသည်။

၁၉၁၁ ခုနှစ်တွင် မြန်မာတစ်နိုင်ငံလုံးရှိ ဝိုင်အမ် ဘီအေအသင်း ကိုယ်စားလှယ်များသည် ရန်ကုန်မြို့၌ အစည်းအဝေးကြီးတစ်ရပ်ကို ကျင်းပကြသည်။ ယင်းအစည်းအဝေးတွင် ဂျင်နရယ်ကောင်စီ၁ (၁။ General Council )(ခေါ်) အသင်းချုပ်ကြီး၏ကော်မတီကို ဖွဲ့စည်း၍ အသင်း အားလုံးကို ကွပ်ကဲခဲ့သည်။ ဂျင်နရယ်ကောင်စီဖွဲ့ပြီး နောက်တွင် မန္တလေး၊ မော်လမြိုင်၊ ပျဉ်းမနား၊ ပုသိမ် စသောမြို့ကြီးများတွင် ဝိုင်အမ်ဘီအေညီလာခံများ နှစ်စဉ်ကျင်းပခဲ့ကြသည်။ ထိုအချိန်တွင် ဗြိတိသျှလူမျိုး တို့သည် မြန်မာနိုင်ငံရှိ ဘုရားပုထိုး စေတီရင်ပြင်များ ပေါ်သို့ ဖိနပ်စီး၍ တက်လေ့ရှိကြရာ ၁၉၁၈ ခုနှစ် အထိ မည်သူမျှ မကန့်ကွက်ရဲခဲ့ကြပေ။ ‘ဗြိတိသျှလူမျိုး များနှင့် ဥရောပလူမျိုးများမှအပ မည်သူမျှဖိနပ်မစီးရ’၂ (၂။ ‘‘Foot-wearing trictly prohibited, except to the British and Europeans”) ဟူ၍ရေးသားကာ ယင်းတို့အား လျစ်လျူရှုခဲ့ကြရသည်။

၁၉၁၈ ခုနှစ်တွင် ပဲခူးမြို့ ရွှေမော်ဓောစေတီကြီး ငလျင်ဒဏ်ကြောင့် ပြိုလဲရာ ဒုတိယဘုရင်ခံ ဆာရယ် ဂျီနယ်ကရက်ဒေါက်၃ (၃။ Lieutenant & Governor Sir Reginald Craddock) က စေတီကုန်းတော်ပေါ်သို့ ဖိနပ်မချွတ်ဘဲ တက်ခဲ့သည်။ ဝိုင်အမ်ဘီအေအသင်း ကြီးသည် ဂျူဗလီခန်းမတွင် ပြည်လုံးကျွတ်အစည်း အဝေးတစ်ရပ်ကျင်းပ၍ ဖိနပ်ပြဿနာ၎ (၄။ The Shoe Question)ကို အပြင်း အထန်ကန့်ကွက်ခဲ့သည်။ ထိုအစည်းအဝေးကြီးမှာ ဗြိတိသျှနယ်ချဲ့အစိုးရအား ပထမဆုံးအကြိမ် လူစုလူဝေးဖြင့် ဆန့်ကျင်ကန့်ကွက်ခြင်းဖြစ်ရာ တရားဝင် အမိန့်ထုတ်ပြန်ခြင်း မရှိသော်လည်း နောင်တွင် မည်သည့်မျက်နှာဖြူမျှ စေတီပုထိုးများပေါ်သို့ ဖိနပ်စီး၍တက်ခြင်းများ မရှိတော့ပေ။ ဝိုင်အမ်ဘီအေ အသင်းကြီးသည် ကလေးများအတွက် မသင်မနေရ ပညာရေး ပြဋ္ဌာန်းပေးရန်၊ အစိုးရအထောက်အပံ့ခံ ကျောင်းများတွင် ဗြိတိသျှအမျိုးသားများကိုသာ ကျောင်းအုပ်ခန့်ထားခြင်းအား ပယ်ဖျက်ပေးရန်နှင့် အခြားလူမှုရေးကိစ္စများကိုလည်း ပြည်လုံးကျွတ်ညီလာခံ များဖြင့် ဆုံးဖြတ်ချက်များ ချမှတ်၍ အရေးဆိုခဲ့ကြသည်။

၁၉၂ဝ ပြည့်နှစ်တွင် ဝိုင်အမ်ဘီအေပြည်လုံးကျွတ် အစည်းအဝေးကြီးကို အဋ္ဌမ အကြိမ်မြောက်အဖြစ် ပြည်မြို့၌ ကျင်းပကြသည်။ ထိုအစည်းအဝေးကြီးက ဝိုင်အမ်ဘီအေ ဟုခေါ်ဆိုကြသော ဗုဒ္ဓဘာသာကလျာဏ ယုဝအသင်းများကို စုစည်းပေါင်းစပ်၍ ဂျီစီဘီအေ (GCBA) (ခေါ်) မြန်မာနိုင်ငံလုံးဆိုင်ရာမြန်မာ့အသင်းချုပ်ကြီး (General Council of Burmese Association) ကို ဖွဲ့စည်းလိုက်ကြသည်။ ဝိုင်အမ်ဘီအေ သည် ဘာသာရေးကိုဗန်းပြ၍ နိုင်ငံရေးလုပ်ဆောင် သော အသင်းအဖွဲ့မှ ဂျီစီဘီအေအမည်ဖြင့် နိုင်ငံရေး နယ်ပယ်အတွင်းသို့ အတိအလင်းဝင်ရောက် လိုက်ခြင်း ဖြစ်သည်။ ထိုအချိန်တွင် ဝိုင်အမ်ဘီအေ (ဗုဒ္ဓဘာသာ ကလျာဏယုဝအသင်း)နှင့် ဝိုင်ဒဗလျူဘီအေ၅ (၅။ Young Women’s Budhnist Association) (ဗုဒ္ဓ ဘာသာကလျာဏယုဝတီအသင်း)များမှာ တစ်ပြည် လုံးတွင် နှစ်ထောင် ကျော်ခန့် ဖွဲ့စည်းပြီး ဖြစ်လေသည်။


ပထမကမ္ဘာစစ်နှင့် ပထမကျောင်းသားသပိတ်

အသင်းအဖွဲ့များကြောင့် မျိုးချစ်စိတ်များ တက်ကြွနိုးကြားလာကြသော မြန်မာအမျိုးသားတို့သည် ၁၉၁၄ ခုနှစ်တွင် ပထမကမ္ဘာစစ်ကြီးဖြစ်ပွားသောအခါ စစ်စိတ်၊ စစ်သွေးများ နိုးကြားလာကြပြန်သည်။ ဗြိတိသျှအစိုးရ သည် မြန်မာအမျိုးသား တိုင်းရင်းသားတို့ကို ဆပ္ပား မိုင်းနားတပ်များဖွဲ့စည်း၍ မက်ဆိုပိုတေးမီးယား စစ်မြေပြင်သို့ စေလွှတ်တိုက်ခိုက်ခိုင်းခဲ့ကြသည်။ မြန်မာစစ်သားများသည် ဘဂ္ဂဒက်မြို့သိမ်းတိုက်ပွဲတွင် ပါဝင်ခဲ့ကြပြီး ဗြိတိသျှသူရဲကောင်းတံဆိပ် (ဘီအက်စ်အမ်) ဖြင့် ချီးမြှင့်ခြင်းလည်း ခံကြရသည်။ မြန်မာစစ်သား များတွင် ကရင်စစ်သား အများအပြားပါဝင်ပြီး ယင်း တို့သည် နိုင်ငံရပ်ခြားသို့ သွားရောက်အမှုထမ်းရာမှ အတွေ့အကြုံ ဗဟုသုတများစွာရရှိပြီး အမြင်ကျယ်လာ ကြသည်။

၁၉၂ဝ ပြည့်နှစ်အထိ မြန်မာနိုင်ငံတွင် တက္ကသိုလ်ဟူ၍ မရှိခဲ့ပေ။ ကာလကတ္တားတက္ကသိုလ်၏ လက်အောက်ခံ ရန်ကုန်ကောလိပ်နှင့် ယုဒသန် ကောလိပ်တို့သာ ရှိခဲ့သည်။ ကောလိပ်ကျောင်းနှစ်ခု သည် ကာလကတ္တားတက္ကသိုလ်၏ ဦးဆောင်မှုအောက် တွင်သာ ရှိခဲ့သည်။ ၁၉၂ဝ ပြည့်နှစ်တွင် အထက်ပါ ကောလိပ်နှစ်ခုကို တက္ကသိုလ်အဆင့်သို့ တိုးမြှင့်ပေးရန် ‘ယူနီဗာစီတီအက်ဥပဒေ’(The University Act of 1920 ) ကို ထုတ်ပြန်ခဲ့သည်။ ယူနီဗာစီတီအက်ဥပဒေ ကို မြန်မာတို့ မလိုလားသဖြင့် အစည်းအဝေးများ ကျင်းပ၍ ကန့်ကွက်ခဲ့ကြသည်။ သတင်းစာများက လည်း ပြစ်တင်ရှုတ်ချသည်။ သို့သော် ဘုရင်ခံ ဆာရယ်ဂျီနယ်ကရက်ဒေါက်၏ အစိုးရက ၁၉၂ဝ ပြည့် နှစ်၊ သြဂုတ်လ ၂၈ ရက်တွင် ယူနီဗာစီတီအက်ဥပဒေ ကို ပြဋ္ဌာန်းလိုက်သည်။ ယူနီဗာစီတီအက်ဥပဒေမှာ မြန်မာကျောင်းသားများအား ကျွန်ပညာရေးဖြင့် ချိုးနှိမ်ထားသည့် ဥပဒေသာဖြစ်ရာ ရန်ကုန်ကောလိပ် နှင့် ယုဒသန်ကောလိပ်မှ ကျောင်းသား၊ ကျောင်းသူ ၄ဝဝ ကျော်တို့သည် ဒီဇင်ဘာလ ၄ ရက် စနေနေ့ နေ့လယ် ၁ နာရီတွင် သပိတ်အစည်းအဝေးကျင်းပ၍ ပထမကျောင်းသားသပိတ်ကြီးကို စတင်လိုက်ကြတော့ သည်။ ၁၉၂ဝ ပြည့်နှစ်၊ ဒီဇင်ဘာလ ၅ ရက် (၁၂၈၂ ခုနှစ်၊ တန်ဆောင်မုန်းလပြည့်ကျော် ၁ဝ ရက်)၁ (၁။ အမျိုးသားနေ့) တွင် သပိတ်မှောက်ကျောင်းသား ၂၆ ဦးကော်မတီက သပိတ်စတင်ကြောင်း တစ်ပြည်လုံးသို့ ကြေညာလိုက် လေသည်။



နိုင်ငံရေးစာအုပ်များ ဖတ်ရှုလေ့လာကြခြင်း

ပထမအကြိမ် ကျောင်းသားသပိတ်ကြီးသည် ဗြိတိသျှနယ်ချဲ့အစိုးရအား ပထမဆုံးအကြိမ် လူထု နည်းဖြင့် တိုက်ပွဲဝင်ခြင်းဖြစ်သည်။ ပထမအကြိမ် ကျောင်းသားသပိတ်၏ အကျိုးဆက်အဖြစ် အမျိုးသား ကျောင်းများ တစ်ပြည်လုံးတွင် ပေါ်ပေါက်လာခဲ့သည်။ ဂျီစီဘီအေအသင်းကြီး၏ နိုင်ငံရေးလှုပ်ရှားမှုသည် လည်း ပိုမိုပြင်းထန်လာခဲ့သည်။ မြန်မာလူငယ်များ အတွင်း မျိုးချစ်စိတ်များ တဖွားဖွား ထက်သန် ပေါ်ပေါက်လာပြီး နယ်ချဲ့လက်အောက်မှ လွတ်မြောက် လိုစိတ်များလည်း ကြီးထွားရင့်သန်လာခဲ့ကြရသည်။ မျိုးချစ်လူငယ်များသည် နိုင်ငံ၏ လွတ်လပ်ရေးအတွက် နည်းလမ်းရှာလာကြသည်။ အင်္ဂလိပ်ဘာသာဖြင့် ရေးသားထားသည့် နိုင်ငံရေးစာအုပ်များကို ရှာဖွေ ဖတ်ရှုလေ့လာကြသည်။ ထိုအချိန်တွင် ရုရှားပြည်၌ အောက်တိုဘာတော်လှန်ရေးကြီး ဆင်နွှဲအောင်မြင်ပြီး ခါစ ပူပူနွေးနွေးကာလဖြစ်ရာ လူငယ်များသည် ရုရှား တို့၏ ကွန်မြူနစ်ဝါဒအကြောင်းကို ရှာဖွေဖတ်ရှု စူးစမ်း ကြတော့သည်။

ဂျီစီဘီအေအသင်းကြီးသည် ၁၉၂၁ ခုနှစ်တွင် ပထမကျောင်းသားသပိတ်စတင်သည့် ၁၂၈၂ ခုနှစ်၊ တန်ဆောင်မုန်းလပြည့်ကျော် ၁ဝ ရက်(၁၉၂ဝ ပြည့် နှစ်၊ ဒီဇင်ဘာလ ၅ ရက်)ကို အမျိုးသားနေ့အဖြစ် သတ်မှတ်ပေးခဲ့သည်။ ထို့နောက် နယ်ချဲ့ဆန့်ကျင်ရေး အတွက် နိုင်ငံရေးနည်းဖြင့် ဆက်လက်တိုက်ပွဲဝင်ရာ ၁၉၂၃ ခုနှစ်၊ ဇန်နဝါရီလ ၁ ရက်တွင် ဗြိတိသျှအစိုးရ က မြန်မာနိုင်ငံကို ဒိုင်အာခီအုပ်ချုပ်ရေး(Diarchy) ပေးလိုက်ရသည်။ လုံးဝလွတ်လပ်ရေးကား အလှမ်း ဝေး၍ နေသေးသည်။ ဒိုင်အာခီအုပ်ချုပ်ရေးသည် မြန်မာအချို့အား အုပ်ချုပ်ရေးအာဏာအချို့ ခွဲဝေပေး သော အုပ်ချုပ်ရေးစနစ်မျိုးဟု ဆိုကြသည်။ ဤတွင် ဂျီစီဘီအေအသင်းကြီးထဲတွင် ဒိုင်အာခီကို လက်ခံသူ များနှင့် ဟုမ္မရူး (Home rule ) ခေါ် ကိုယ်ပိုင် အုပ်ချုပ်ရေးကို ရယူလိုသူများ အယူအဆကွဲပြားလာ ကြတော့သည်။ သို့နှင့် ဂျီစီဘီအေအသင်းကြီးမှာ နှစ်ခြမ်းကွဲသွားရတော့သည်။

၁၉၂၉ ခုနှစ်၊ မတ်လတွင် ဆရာတော်ဦးဝိစာရ သည် တွံတေးမြို့နယ်တွင် မကြောက်တရားဟောမှု ကြောင့် ထောင်ဒဏ်ခြောက်နှစ် အပြစ်ပေးခံရသည်။ ရန်ကုန်ထောင်ကြီးတွင် သင်္ကန်းရုံခွင့်၊ ဥပုသ်သီတင်း ဆောက်တည်ခွင့်တို့ကို ပိတ်ပင်ထားရာမှ အစာငတ်ခံ ဆန္ဒပြရာ ထိုနှစ် စက်တင်ဘာလ ၁၉ ရက် (၁၆၆ ရက်အကြာ)တွင် ပျံလွန်တော်မူခဲ့ရသည်။ ထိုဖြစ်ရပ် သည် မြန်မာမျိုးချစ်လူငယ်များအဖို့ ဒေါသဟုန်းဟုန်း ထစရာ ဖြစ်ခဲ့ရသည်။ တို့ဗမာအစည်းအရုံးသည် ‘ဗမာပြည်သည် တို့ပြည်၊ ဗမာစာသည် တို့စာ၊ ဗမာ စကားသည် တို့စကား၊ တို့ပြည်ကို ချစ်ပါ၊ တို့စာကိုချီးမြှင့်ပါ၊ တို့စကားကို လေးစားပါ’ ဟူသော ကြွေးကြော်သံဖြင့် လှုပ်ရှားစည်းရုံးလာခဲ့သည်။ သခင် များသည် ‘သခင်ပေါက်စ ထောင်ခြောက်လ’ဟူသော စကားအရ ဗြိတိသျှတို့၏ ဖမ်းဆီးအကျဉ်းချထားမှုကို မကြာခဏ ခံကြရသည်။ ၁၉၃ဝ ပြည့်နှစ်တွင် ဆရာစံ ဦးဆောင်သော တော်လှန်ရေးကြီးတစ်ရပ် ပေါ်ထွက် လာရာ မြန်မာလူငယ်များသည် ပိုမို၍ နိုးကြားလာရ တော့သည်။

ဂျီစီဘီအေအသင်းကြီးမှစ၍ တို့ဗမာအစည်းအရုံး၏ လှုပ်ရှားမှုများမှရရှိသည့် နိုင်ငံရေးရလဒ်မှာ နှေးကွေးခြင်း၊ ဆရာစံ၏ တောင်သူလယ်သမား တော်လှန်ရေးမအောင်မြင်ခြင်းကို တွေ့မြင်ကြရသော အခါ လူငယ်လူရွယ်များသည် ဝါဒရေးရာတွင် ပိုမို စိတ်ဝင်စားလာကြသည်။ အမျိုးသားလွတ်မြောက်ရေး၊ နယ်ချဲ့ဆန့်ကျင်ရေးလှုပ်ရှားမှုများကို ဆောင်ရွက်ရာ တွင် နိုင်ငံရေးဝါဒတစ်ရပ် ရှိသင့်သည်ဟုလည်း ယူဆ လာကြသည်။ ထို့အပြင် ၁၉၂၉-၃ဝ-၃၁ ခုနှစ်များ သည် ကမ္ဘာ့စီးပွားပျက်ကပ်(Economic Crisis) ဆိုက်ရောက်နေချိန်ဖြစ်ရာ မြန်မာမျိုးချစ် လူငယ် လူရွယ်များသည် စီးပွားပျက်ကပ်ဆိုက်ရောက်ရခြင်း အကြောင်းရင်းများကို ရှာဖွေစူးစမ်းလာကြသည်။ ထို အချိန်တွင် နိုင်ငံရေးအယူဝါဒဆိုင်ရာ စာအုပ်စာတမ်း များမှာ ဘာသာပြန်ဆိုထုတ်ဝေပြီးသည့်အဆင့်တွင် ရောက်နေလေပြီ။

အငြိမ်းစား အရေးပိုင်မင်း ဦးရွှေသားသည် သူ ပြုစုသော ဆိုင်းယင်းပညာနှင့် ကံ ကမ္မအလင်းကျမ်း တွင် ရုရှားနိုင်ငံ၏ ဘုံဝါဒအကြောင်းကို ထည့်သွင်း ရေးသားခဲ့သည်။ ဂျီစီဘီအေခေါင်းဆောင် ဂျာမနီပြန် ဦးစုသည် ၁၉၂၈ ခုနှစ်မှစ၍ သတင်းစာနှင့် ဂျာနယ် များတွင် ဆိုရှယ်လစ်ဝါဒအကြောင်း စတင်ရေးသား ဟောပြောခဲ့သည်။ တို့ဗမာအစည်းအရုံးကို စတင် ထူထောင်သော နာမည်ကျော် စာရေးဆရာကြီး သခင် ဘသောင်းသည် ဘုံဝါဒဟူသော နိုင်ငံရေးဝေါဟာရကို စတင်တီထွင်ခဲ့သည်။ သခင်မြကလည်း ဆိုရှယ်လစ် ဝါဒအကြောင်းကို တို့ဗမာအစည်းအရုံးညီလာခံများ တွင် စတင်ဟောပြောခဲ့သည်။

စင်စစ် မာ့ခ်စ်ဝါဒ (ဝါ) မာ့ခ်စ်၊ လီနင်ဝါဒသည် ၁၉၂ဝ ပြည့်နှစ်တစ်ဝိုက် ဂျီစီဘီအေဝံသာနုခေတ်တွင် မြန်မာနိုင်ငံသို့ ရောက်ရှိပြီးဖြစ်သည်ဟု ဆိုကြသည်။၁ (၁။ သိန်းဖေမြင့်၏ တော်လှန်ရေးကာလ နိုင်ငံရေးအတွေ့အကြုံများ၊ စာမျက်နှာ ၂၅။) မာ့ခ်စ်ဝါဒကို အချို့က သိပ္ပံနည်းမှန်သော ဆိုရှယ်လစ် ဝါဒ (Scientific Socialism) ဟူ၍လည်း သုံးစွဲကြ သည်။ ၁၉၂ဝ ပြည့်နှစ်တစ်ဝိုက်တွင် ထုတ်ဝေသော ဂျာနယ်စာစောင်များတွင် မာ့ခ်စ်ဝါဒ တစ်စွန်းတစ်စ ပါဝင်ခဲ့ပြီးဖြစ်သည်။ သို့သော် ဂျီစီဘီအေ နိုင်ငံရေး လှုပ်ရှားမှု၊ ဝံသာနုနိုင်ငံရေးလှုပ်ရှားမှုများတွင် မာ့ခ်စ် ဝါဒသည် သြဇာညောင်းမှု မရှိခဲ့ပေ။၂ (၂။ ၄င်း စာမျက်နှာ ၂၆။) ၁၉၃ဝ ပြည့် နှစ်တွင်ကား မြန်မာမျိုးချစ်လူငယ်များအတွင်းတွင် မာ့ခ်စ်ဝါဒသည် ကောင်းစွာခေတ်စားလာသည်။ သို့သော် စာအုပ်စာတမ်းများ ဖတ်ရှုလေ့လာခြင်း၊ မိမိကြိုက်နှစ်သက်ရာ အပိုင်းအလိုက် ဘာသာပြန် ဆောင်းပါးများ ရေးသားခြင်းတို့သာ ရှိခဲ့လေသည်။



မာ့ခ်စ်ဝါဒီများနှင့် ၁၃ဝဝ ပြည့်အရေးတော်ပုံ

၁၉၃ဝ ပြည့်နှစ်မှစ၍ တို့ဗမာအစည်းအရုံး၊ ဂျီစီဘီအေအသင်းနှင့် အခြားအသင်း အဖွဲ့များ၏ နိုင်ငံရေးလှုပ်ရှားမှုများ ပိုမို၍ ပြင်းထန်လာသည်။ မျိုးချစ်စိတ်ရှိသောလူငယ်အများအပြားသည် တို့ဗမာ အစည်းအရုံးသို့ ဝင်ရောက်ပြီး နိုင်ငံရေးလုပ်ကြတော့ သည်။ ၁၉၃၅ ခုနှစ်တွင် ကိုအောင်ဆန်းသည် တက္ကသိုလ်ကျောင်းသားသမဂ္ဂ အမှုဆောင်အဖွဲ့၏ အထွေထွေအတွင်းရေးမှူး အဖြစ် ဆောင်ရွက်နေပြီ ဖြစ်သည်။ ၁၉၃၆ ခုနှစ် နှစ်ဦးတွင် အိုးဝေမဂ္ဂဇင်း ပေါ်လာသည်။ ကိုအောင်ဆန်းသည် အိုးဝေမဂ္ဂဇင်း၏ တာဝန်ခံစာတည်းအဖြစ်လည်း ဆောင်ရွက်သည်။

အိုးဝေမဂ္ဂဇင်းတွင် ဦးသိန်းတင် (ခေါ်) ဦးညိုမြ (ကွယ်လွန်)က အမည်မဖော်ဘဲရေးသားသည့် Hell-Hound at large ၃ (၃။ ငရဲခွေးကြီး လွတ်နေပြီ။) အမည်ရှိ အင်္ဂလိပ်ဘာသာ ဆောင်းပါးပါလာသည်။ ယင်းဆောင်းပါးမှာ တက္ကသိုလ်အာဏာပိုင်တစ်ဦးအား ငရဲခွေးနှင့် နှိုင်းထားသဖြင့် ကျောင်းအုပ်ကြီးလုပ်သူ မျက်နှာဖြူလူမျိုး မစ္စတာ ဒီဂျေစလော့စ် ၁ (၁။ MR D.J. Sloss) က ကိုအောင်ဆန်းကို ခေါ်၍ ဆောင်းပါးရှင်ကို ဖော်ထုတ်ခိုင်းသည်။ ကိုအောင်ဆန်း က ”မပြောနိုင်ဘူး”ဟု အဖြေပေးလိုက်သောအခါ ကိုအောင်ဆန်းကို တက္ကသိုလ်ကျောင်းမှ ထုတ်ပစ်လိုက် တော့သည်။ ကျောင်းသားထုတစ်ရပ်လုံးကလည်း ကိုအောင်ဆန်း အား ကျောင်းထုတ်ပစ်ခြင်းကို မကျေနပ် ကြသဖြင့် ၁၉၃၆ ခုနှစ်၊ ဖေဖော်ဝါရီလ ၂၅ ရက်တွင် ဒုတိယကျောင်းသားသပိတ်ကြီးကို ဆင်နွှဲလိုက်ကြ သည်။ ဤသို့ဖြင့် ကိုအောင်ဆန်းသည် တက္ကသိုလ် ကျောင်းပရိဝုဏ်အတွင်း၌သာမကဘဲ မြန်မာနိုင်ငံ၏ နိုင်ငံရေးစင်မြင့်ပေါ်တွင် များစွာထင်ရှား လာရတော့ သည်။ ဗြိတိသျှအစိုးရသည် လိုက်လျောမှုအချို့ပြုလုပ် ပြီး ကိုအောင်ဆန်း ကို ကျောင်းပြန်ဝင်ခွင့် ပေးလိုက် ရသည်။

၁၉၃၆ ခုနှစ်၊ ဒုတိယကျောင်းသားသပိတ် ခေါင်းဆောင်များမှာ သခင်နု၊ ကိုအောင်ဆန်း၊ ကိုကျော်ငြိမ်း၊ ကိုလှဖေ(ဗိုလ်လက်ျာ)၊ ကိုသိန်းဖေ (သိန်းဖေမြင့်) စသော ပုဂ္ဂိုလ်များဖြစ်ကြရာ မာ့ခ်စ် ဝါဒအကြောင်း၊ ဆိုရှယ်လစ်ဝါဒအကြောင်း၊ ဆိုဗီယက် ရုရှားအကြောင်းများ ကို ဆောင်းပါးများရေးသားခြင်း၊ ဟောပြောခြင်းများ ပြုလုပ်ခဲ့ကြသော်လည်း ဝါဒရေးရာ လှုပ်ရှားမှုအနေနှင့် ကား မရှိခဲ့ကြပေ။ သခင်လေးမောင် သည် ၁၉၃၇ ခုနှစ်တွင်ကျင်းပသော တို့ဗမာအစည်း အရုံး(မြင်းခြံ)ညီလာခံတွင် မာ့ခ်စ်ဝါဒအကြောင်းကို ဥက္ကဋ္ဌမိန့်ခွန်းတွင် ထည့်သွင်း၍ ဟောပြောခဲ့လေသည်။ မြန်မာမျိုးချစ်ခေါင်းဆောင်များသည်လည်း နိုင်ငံရေး အယူဝါဒ အမျိုးမျိုးကို လေ့လာလိုက်စားလာကြရာ ၁၉၃၈ ခုနှစ်တွင် မာ့ခ်စ်ဝါဒသည် မြန်မာခေါင်းဆောင် များအတွင်း တွင် ကောင်းစွာ ပျံ့နှံ့နေပြီဖြစ်လေသည်။

ဒီးဒုတ်ဦးဘချို၊ ဦးဘခိုင်၊ သခင်နု စသောပုဂ္ဂိုလ် များသည် စာရေးဆရာကြီး ဘားနာဒ်ရှော၏ ဖေဘီ ယန်ဆိုရှယ်လစ်ဝါဒ* (*ဖေဘီယန် ဆိုရှယ်လစ်ဝါဒ – ပျော့ပျောင်းသောသဘောထားရှိသည့် ဆိုရှယ်လစ်ဝါဒတစ်မျိုး။) ကို စွဲလမ်းလာခဲ့ကြသည်။ အချို့မှာ အင်္ဂလိပ် ဆိုရှယ်လစ်တစ်ဦးဖြစ်သော ဂျွန် စထရက်ချိ၂ (၂။ John Stratchy) ၏ ဆိုရှယ်လစ်ဝါဒစာအုပ်ကိုဖတ်၍ ရုရှား ကွန်မြူနစ်တစ်ပိုင်း၊ အင်္ဂလန်ဆိုရှယ်လစ်တစ်ပိုင်း ဖြစ် လာကြသည်။ ထိုသူများမှာ သခင်အောင်ဆန်း၊ သခင် ဗဟိန်း၊ ဦးကျော်ငြိမ်း၊ လက်ပံတန်း ဦးဘတင်၊ ဦးဘဆွေတို့ ဖြစ်ကြသည်။ ၃ (၃။ ပြည်တွင်းသောင်းကျန်းမှုသမိုင်း။ စတုတ္ထ စစ်လက်ရုံး စာမျက်နှာ ၇။ ) သခင်စိုး၊ သခင်ကျော်စိန်နှင့် သခင်ဗိုလ်တို့သည် မာ့ခ်စ်ဝါဒကိုသာ စွဲလမ်းယုံကြည်ပြီး လေ့လာလိုက်စား ကြသည်။ သခင်စိုးသည် မော်လမြိုင်ဒေသမှ မွန် အမျိုးသားတစ်ဦးဖြစ်သည်။ အင်္ဂလိပ်-မြန်မာ ခုနစ် တန်းအထိပညာသင်ခဲ့ပြီး အသက် ၁၇ နှစ်မှစ၍ သန်လျင်ရေနံချက်စက်ရုံတွင် အလုပ်ဝင်လုပ်ခဲ့သူ ဖြစ် သည်။ အလုပ်လုပ်နေစဉ်မှာပင် တို့ဗမာအစည်းအရုံး ဝင် သခင်တစ်ဦးဖြစ်လာခဲ့သည်။ ၁၉၃၇ ခုနှစ်တွင် အလုပ်မှထွက်ပြီး တို့ဗမာအစည်းအရုံး ဥက္ကဋ္ဌ သခင် သိန်းမောင်ကြီးထံတွင် တပည့်ခံ၍ နိုင်ငံရေးလေ့လာ ခဲ့သည်။ ထို့နောက် သခင်သိန်းမောင်ကြီး၏ အပြုအမူ များကို အထင်မကြီးတော့သဖြင့် လမ်းခွဲပြီး ကားလ် မာ့ခ်စ်ရေးသားသည့် အရင်းကျမ်းကို လေ့လာသည်။ အဘိဓာန်အကူအညီဖြင့် အရင်းကျမ်းကို လေ့လာရာမှ မာ့ခ်စ်ဝါဒီတစ်ဦး ဖြစ်လာခဲ့သည်ဟု ဆိုကြသည်။ ၄ (၄။ သခင်တင်မြ၏ ဘုံဘဝမှာဖြင့် (ပထမတွဲ) စာမျက်နှာ ၂၈၁ မှ ၂၈၄။)

သခင်စိုးသည် ညီအစ်မနှစ်ယောက်အား တစ်ပြိုင် တည်းပေါင်းသင်းနေရာမှ ငွေငါးရာပေး၍ ကွာရှင်းပြီး နိုင်ငံရေးလောကထဲသို့ ခြေစုံပစ်ဝင်လာသည်ဟု ဆိုသည်။ အပင်ပန်းခံနိုင်မှု၊ ဇွဲကြီးမှု၊ စကားပြော ကျွမ်းကျင်မှုကြောင့် လူငယ်နိုင်ငံရေးသမားတို့၏ ကြည်ညိုလေးစားမှုကို ခံယူရသည်။ တို့ဗမာအစည်း အရုံးတွင် သခင်စိုးသည် အလုပ်သမားရေးရာကိုကျွမ်းကျင်သူအဖြစ်နာမည်ကြီးသကဲ့သို့ သခင်သန်းထွန်း သည် တောင်သူလယ်သမားရေးရာကို ကျွမ်းကျင်သူ အဖြစ် နာမည်ကြီးသည်။ သို့သော် သခင်သန်းထွန်း နှင့် တက်ဘုန်းကြီးသိန်းဖေ (သိန်းဖေမြင့်)တို့သည် ထိုအချိန်က အယူဝါဒ တိတိကျကျရှိသူများ မဟုတ်ကြ ပေ။ သခင်စိုး၊ သခင်ဗဟိန်း(ကွယ်လွန်)၊ သခင်ဗိုလ် (ကွယ်လွန်)တို့သည် ကွန်မြူနစ်ဝါဒကို တိတိကျကျ ဝါဒ ဖြန့်ရေးသားခဲ့ကြသူများ ဖြစ်သည်။

သခင်စိုးသည် ရုပ်ဝါဒနှင့် ရုပ်ပိုင်းရာဇဝင်ဝါဒကို ဆိုရှယ်လစ်ဝါဒစာအုပ်တွင် ဖော်ပြခဲ့ပြီး အလုပ်သမား လောက၊ ဗမာ့တော်လှန်မှု၊ ကျွန်မချစ်လင်၁ (၁။ ကျွန်မချစ်လင်- လီနင်၏ဇနီးက လီနင်အကြောင်း ရေးသားထားသော စာအုပ်။ ) စသော စာအုပ်များကိုလည်း ရေးသားခဲ့သည်။ သခင်ဗဟိန်း သည် ဓနရှင်လောက၊ စနစ်ကျသော ဘုံဝါဒ၊ ကမ္ဘာ့စစ် နှင့် ဗမာ့နောင်ရေး၊ ကွန်မြူနစ် ကြေညာစာတမ်း စာအုပ်များကို ရေးသားခဲ့သည်။ သခင်ဗိုလ်သည် ကားလ်မာ့ခ်စ်အမည်ရှိ စာအုပ်ကို ရေးသားခဲ့ပြီး သခင်နုက ရုရှားတော်လှန်ရေးအကြောင်းကို လူမွဲတို့ ၏ထွက်ရပ်လမ်းအမည်ဖြင့် ရေးသားခဲ့သည်။ မိုးကြိုး ဆိုသူက လီနင်ဟူသောစာအုပ်၊ သခင်တင်မောင် (ကိုယ့်မင်းကိုယ့်ချင်း)က ဘုံအာဏာရှင် စတာလင်နှင့် လင်းယုန်နီစာအုပ်၊ တက်ဘုန်းကြီးသိန်းဖေ၂ (၂။ တက်ဘုန်းကြီးသိန်းဖေသည် သိန်းဖေ၊ ကိုသိန်းဖေ၊ စာရေးဆရာ သိန်းဖေမြင့် အမည်များဖြင့် မြန်မာ့နိုင်ငံရေး သမိုင်းတွင် ထင်ရှားခဲ့သော မာ့ခ်စ်ဝါဒီတစ်ဦး ဖြစ်သည်။) က သပိတ် မှောက်ကျောင်းသားစာအုပ်တို့ကို ရေးသားခဲ့သည်။

မြန်မာမျိုးချစ်လူငယ်များကြားတွင် မာ့ခ်စ်ဝါဒ (ကွန်မြူနစ်ဝါဒ)၊ ဆိုရှယ်လစ်ဝါဒတို့မှာ ခေတ်အစားဆုံး ဖြစ်ခဲ့ရသည်။ ဖော်ပြပါစာအုပ်များကို မြန်မာပြည် စာအုပ်ဖြန့်ချိရေးတိုက်၊ နဂါးနီ စာအုပ်တိုက်နှင့် ကျောင်းသားသမဂ္ဂ လျှို့ဝှက်ဖြန့်ချိရေးဌာနများက စာအုပ်များအဖြစ် ရိုက်နှိပ်ဖြန့်ချိကြသည်။ မျိုးချစ် လူငယ်များသည် မာ့ခ်စ်ဝါဒအကြောင်း ရေးသားခြင်း၊ ဆွေးနွေးခြင်း၊ ဟောပြောခြင်းတို့ကို ဆောင်ရွက်သည့် နည်းတူ ဆွဲဆောင်စည်းရုံးခြင်းကိုလည်း ဆောင်ရွက် လာကြသည်။

၁၉၃၈ ခုနှစ်၊ ဇန်နဝါရီလ ၈ ရက်တွင် ချောက် မြို့ ဘီအိုစီ ရေနံမြေအလုပ်သမားသပိတ်ကြီး ပေါက်ကွဲထွက်ပေါ်လာသည်။ အလုပ်သမားသပိတ်ကို တို့ဗမာအစည်းအရုံးဝင် သခင်များက ဦးဆောင်မှုပေး ကြသည်။ သပိတ်ကြာရှည်လာစဉ်မှာပင် ၁၉၃၈ ခုနှစ်၊ ဇွန်လ ၂၆ ရက်တွင် ရွှေတိဂုံစေတီရင်း၌ လူထုနှင့် ပုလိပ် ရိုက်ပွဲဖြစ်ကြသည်။ ဇွန်လ ၂၈ ရက်တွင် ဗြိတိသျှအစိုးရသည် ကုလား-ဗမာ ဒုတိယအဓိကရုဏ်း မီးကို မွှေးပေးပြန်သည်။ ထိုနှစ် နိုဝင်ဘာလ ၃ဝ ရက် တွင် အာဠာဝက သခင်ဖိုးလှကြီးခေါင်းဆောင်သော ရေနံမြေအလုပ်သမား ၂ဝဝဝ သည် ရန်ကုန်သို့ ချီတက်လာတော့သည်။ ၁၉၃၈ ခုနှစ်၊ ဒီဇင်ဘာလ ၁၁ ရက်တွင် ရေနံမြေသပိတ်၌ဦးဆောင်နေသော ကိုဗဟိန်းနှင့် ကျောင်းသားခေါင်းဆောင်သုံးဦးကို မကွေးမြို့၌ ဖမ်းလိုက်ရာမှ တတိယကျောင်းသား သပိတ်ကြီး ပေါ်လာရပြန်သည်။ ဒီဇင်ဘာလ ၂၂ ရက် တွင် ယုဒသန်ကောလိပ်ကျောင်းသား ကိုအောင်ကျော် ကျဆုံးခဲ့ရသည်။ ရေနံမြေတပ်သားများသည် ၁၉၃၉ ခုနှစ်၊ ဇန်နဝါရီလ ၈ ရက်တွင် ရန်ကုန်သို့ ရောက်လာ ကြသည်။ ထိုအချိန်တွင် သာယာဝတီ၊ ဝေါ၊ ပဲခူး၊ ဖြူး မှ တောင်သူလယ်သမား နှစ်သောင်းကျော်သည်လည်း ရန်ကုန်သို့ ရောက်ရှိနေလေပြီ။

၁၉၃၈-၃၉ ခုနှစ်အတွင်း ဗြိတိသျှ နယ်ချဲ့အစိုးရ တို့အား ကျောင်းသား၊ တောင်သူလယ်သမားနှင့် အလုပ်သမားတို့က ပြင်းထန်စွာ ဆူပူဆန့်ကျင်ရာ အစိုးရကလည်း ရက်စက်စွာ နှိပ်ကွပ်ညှဉ်းပန်းခဲ့သည်။ ထိုဖြစ်ရပ်ကို ၁၃ဝဝ ပြည့်အရေးတော်ပုံဟု ခေါ်သည်။ ရေနံမြေသပိတ်၊ ကျောင်းသားသပိတ်များမှသည် တစ်ပြည်လုံး ဆူပူအြုံ<ွကကုန်ကြသည်။ ရေနံမြေသပိတ်၊ ကျောင်းသားသပိတ်နှင့် အလုပ်သမား လှုပ်ရှားမှု များကို ဦးဆောင်သူများတွင် မာ့ခ်စ်ဝါဒီသခင်များလည်း ပါဝင်ကြသည်။ ဗြိတိသျှအစိုးရကလည်း ပို၍ပို၍ ရက်စက်စွာ နှိပ်ကွပ်လေရာ ၁၉၃၉ ခုနှစ်၊ ဖေဖော်ဝါရီ လဆန်း ၁ဝ ရက်တွင် မန္တလေး၌ ဆန္ဒပြကြသော လူထုနှစ်သိန်း ကျော်ကို သေနတ်နှင့် ပစ်ခတ်နှိမ်နင်းပြန်သည်။ ထို့ကြောင့် သံဃာတော်ခုနစ်ပါးနှင့် အသက် ၁၂ နှစ်အရွယ် ကျောင်းသားလေးတစ်ဦး အပါအဝင် စုစုပေါင်း ၁၇ ဦး သေဆုံးခဲ့ရသည်။

၁၃ဝဝ ပြည့်အရေးတော်ပုံသည် ဗြိတိသျှ အလို တော်ရိ ညွန့်ပေါင်းအစိုးရကို ပြုတ်ကျသွားစေ ခဲ့သည်။ မာ့ခ်စ်ဝါဒီတို့ရေးဆွဲသော ကြေညာချက်နှင့် လုပ်ငန်းစဉ် များကို တို့ဗမာအစည်းအရုံးက လက်ခံခဲ့ သည်။ ၁၃ဝဝ ပြည့် အရေးတော်ပုံကာလအတွင်းမှာ မာ့ခ်စ်ဝါဒကို ယုံကြည်သူများသည် အစုလေးတစ်စုအဖြစ် စုမိကြ သည်။ သို့သော် ၁၃ဝဝ ပြည့် အရေးတော်ပုံကြီးကို ဆင်နွှဲရာတွင် ကွန်မြူနစ် အဖွဲ့အစည်းတစ်ခုခုက ဦးဆောင်ခဲ့ခြင်းမဟုတ်ပေ။ တို့ဗမာအစည်းအရုံး၏ ကွပ်ကဲထိန်းသိမ်းမှု အောက်တွင် မာ့ခ်စ်ဝါဒကို ယုံကြည် သူခေါင်းဆောင်များ (ကိုအောင်ဆန်း၊ ကိုဗဟိန်း၊ သခင်နု၊ သခင်သန်းထွန်း၊ သခင်စိုးစသည်)က အရေး တော်ပုံကို ခေါင်းဆောင်ခဲ့ကြခြင်းသာဖြစ်လေသည်။၁

(၁။ သိန်းဖေမြင့်၏ တော်လှန်ရေးကာလ နိုင်ငံရေးအတွေ့အကြုံများ၊ စာမျက်နှာ ၂၆။)
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization