Home » , » အခန်း(၁၆) ကွန်မြူနစ်ပါတီ နှစ်ခြမ်းကွဲခြင်း

အခန်း(၁၆) ကွန်မြူနစ်ပါတီ နှစ်ခြမ်းကွဲခြင်း




သခင်စိုး၏ အစီရင်ခံစာ
တစ်ပြည်လုံး ဖဆပလ အဖွဲ့ချုပ်ကြီး၏ ဦးဆောင် စည်းရုံးမှုဖြင့် လွတ်လပ်ရေးအတွက် အုံကြွလှုပ်ရှားနေ ကြချိန်တွင် ကွန်မြူနစ်ပါတီမှာမူ ဂိုဏ်းဂဏပြဿနာ များ  ပေါ်ပေါက်နေသည်။  ဒုတိယအကြိမ်  ပါတီ ကွန်ဂရက်တွင် ပါတီဝင်အဖြစ်မှ နှစ်နှစ်ရပ်စဲခြင်းခံရ သော သခင်စိုးသည် ပထမပိုင်းတွင် နိုင်ငံရေးမလုပ် တော့ပါ ဟူ၍ ကြွေးကြာ်ခဲ့သည်။ သို့သော် သခင်စိုး သည် ကွန်မြူနစ်ပါတီ၏ ခေါင်းဆောင်မှုပြဿနာတွင်  ကိုသိန်းဖေနှင့်  သခင်သန်းထွန်းက  ဂိုဏ်းဖွဲ့၍ တိုက်ခိုက်သည်ဟု ယူဆထားသည်။ အိန္ဒိယရောက် ကိုသိန်းဖေနှင့် မြန်မာပြည်မှ သခင်သန်းထွန်းတို့ ပူးပေါင်းပြီး သခင်စိုးကို ဖယ်ရှားသည်။ ခေါင်းဆောင်  နေရာ လုသည်ဟု သခင်စိုးကိုယ်တိုင်က ထင်မြင်ယူဆ နေသည်။ ကိုသိန်းဖေနှင့် သခင်သန်းထွန်းကိုယ်တိုင် မှာမူ သခင်စိုးကို လုံးဝ ပစ်ပစ်ခါခါ မလုပ်ဝံ့ကြပေ။  မြေအောက်လှုပ်ရှားမှုတွင် သခင်စိုးသည် ပါတီဝင် အများအပြားအား ခေါင်းဆောင် မှုပေးနိုင်ခဲ့သူဖြစ် သည်။ ထို့ကြောင့်  သခင်စိုးကို  ပါတီအား  လုံးဝ ကျောခိုင်းမသွားပါရန် ပြန်လည်ချော့မော့ စည်းရုံးခဲ့ ကြရသည်။

ဒုတိယအကြိမ် ပါတီကွန်ဂရက်မှ ရွေးချယ်တင် မြှောက်လိုက်သော ဗဟိုကော်မတီသည် နောက်ထပ် အစည်းအဝေးက တစ်စုံတစ်ရာ ကျင်းပနိုင်ခြင်းမရှိဘဲ  မညီမညွတ်ဖြစ်နေသည်။ ပြည်သူ့အရေးတော်ပုံပါတီ နှင့် လမ်းခွဲခဲ့ခြင်း၊ သခင်စိုးအား အရေးယူခဲ့ခြင်း ဂယက်များမှာ ပြင်းထန်စွာ ရိုက်ခတ်နေဆဲပင် ဖြစ် သည်။ ပြည်သူ့အရေးတော်ပုံပါတီနှင့် ပူးပေါင်းလိုသူ များ၊ မပူးပေါင်းလိုသူများ၊ သခင်စိုးကို ထောက်ခံသူ များ၊ မထောက်ခံသူများမှာ နီးစပ်ရာအုပ်စုလိုက် ဂိုဏ်း ဖွဲ့ပြီး လှုပ်ရှားနေကြသည်။ ကွန်မြူနစ်ပါတီသည် သခင်စိုးကို ပြန်လည်၍ နေရာပေးလာရတော့သည်။
သခင်စိုးသည်လည်း ယင်း၏ခေါင်းဆောင်မှုကို  ပြန်လည်တည်ဆောက်နိုင်ရန်အတွက် ကြိုးပမ်း မှုတွေ ပြုလုပ်လာသည်။ အိန္ဒိယနိုင်ငံသို့ သွားရောက်ပြီး  အိန္ဒိယကွန်မြူနစ်ခေါင်းဆောင် ဂျိုရှီနှင့် တွေ့ဆုံခဲ့  သည်။ ထိုအချိန်တွင် အိန္ဒိယကွန်မြူနစ်ပါတီသည် ဘရောက်ဒါဝါဒအမှားကို  သိမြင်လာပြီ  ဖြစ်သည်။ အိန္ဒိယကွန်မြူနစ်ပါတီ အပါအဝင် နိုင်ငံရေးပါတီများ သည် ဒုတိယကမ္ဘာစစ်ကြီးအတွင်း မဟာမိတ်တို့ကို  အတော်အသင့် ကူညီခဲ့သည်။ အိန္ဒိယတပ်သား အများ အပြားသည် မဟာမိတ်တပ်များတွင် ပါဝင်၍ အမှု ထမ်းခဲ့ကြသည်။ အိန္ဒိယကွန်မြူနစ်ပါတီသည် စစ်ကြီး ပြီးဆုံးပါက မဟာမိတ်များက အိန္ဒိယနိုင်ငံကို အလို အလျောက် လွတ်လပ်ရေးပေးလိမ့်မည်ဟု ထင်မြင် ယူဆကာ ဘရောက်ဒါဝါဒကိုြေ<ွကးကြော်ခဲ့ကြသည်။  သို့သော် မဟာမိတ်တို့သည် အိန္ဒိယနိုင်ငံကိုလည်း လွယ်လွယ်ကူကူ လွတ်လပ်ရေးပေးလိုဟန်မပြခဲ့ပေ။
အိန္ဒိယကွန်မြူနစ်ပါတီသည် ဘရောက်ဒါဝါဒကို  လက်မခံနိုင်တော့ပေ။ အမေရိကန်နိုင်ငံတွင်ပင် ဘရောက်ဒါဝါဒသည် အမေရိကန်ကွန်မြူနစ်ပါတီကို ဖျက်သိမ်းစေခဲ့ပြီးဖြစ်သည်။ (၁။    သိန်းဖေမြင့်၏ တော်လှန်ရေးကာလ နိုင်ငံရေးအတွေ့အကြုံများ၊  စာမျက်နှာ  ၅၉ ။) သခင်စိုးသည် ဂျိုရှီနှင့် တွေ့သောအခါ ဘရောက်ဒါဝါဒကို ဂျိုရှီနည်းတူပင် လက်မခံနိုင်တော့ပေ။ ထိုအချိန်တွင် မြန်မာပြည် တွင် ပြန်လည်ရောက်ရှိနေသော  ကိုသိန်းဖေနှင့်  သခင် သန်းထွန်းမှာ ဘရောက်ဒါဝါဒကို လက်ခံနေကြ ဆဲပင် ဖြစ်သည်။
သခင်စိုးသည်  ဂျိုရှီ၏လမ်းစဉ်ကို  လက်ခံပြီး မြန်မာနိုင်ငံသို့ ပြန်ရောက်လာသည်။ ကိုသိန်းဖေနှင့်  သခင်သန်းထွန်းကလည်း ဂျိုရှီထံမှ လမ်းညွှန်ချက်ရယူ ခဲ့သည့် သခင်စိုးကို အရေးတယူနေရာပေး၍ ကြိုဆို ကြရသည်။  သခင်စိုးသည်  နိုင်ငံရေးအစီရင်ခံစာ တစ်စောင်ကို ရေးသား၍ ဗဟိုကော်မတီသို့ တင်သွင်း လိုက်သည်။ ဗဟိုကော်မတီသည် သခင်စိုး၏ အစီရင်ခံ စာကို ဆွေးနွေးရန် အစည်းအဝေးတစ်ရပ် ကျင်းပရ တော့၏။
၁၉၄၆ ခုနှစ်၊ ဖေဖော်ဝါရီလ ၂၂ ရက်တွင် ကွန်မြူနစ်ပါတီ ဗဟိုကော်မတီအစည်းအဝေး စတင် ကျင်းပသည်။ အစည်းအဝေး၏ရည်ရွယ်ချက်မှာ သခင် စိုး၏ ဝေဖန်ရေးအစီရင်ခံစာကို ဆွေးနွေး၍ အတည် ပြုရန်ဖြစ်သည်။ တစ်ချိန်က မဟာမိတ်နှင့် ပေါင်းစည်း ရေးကို  ပြင်းပြင်းထန်ထန်ကျင့်သုံးခဲ့သော  သခင်စိုး သည် ဗမာပြည်ကွန်မြူနစ်ပါတီ၏ ဘရောက်ဒါဝါဒ၊ အချောင်သမားဝါဒကို စိတ်အားထက်သန်စွာ ဝေဖန် ခဲ့သည်။ ဖက်ဆစ်ဆန့်ကျင်ရေးအပြီးတွင် အင်္ဂလိပ်အား ဆက်လက်တိုက်ထုတ်ခြင်းမပြုဘဲ ပြန်လည်လက်ခံခြင်း မှာ လုံးဝမှားသည်ဟူ၍လည်း အောက်ပါအတိုင်း ထောက်ပြခဲ့သည်။
          'ဗမာပြည်သို့ ပြန်ရောက်လာသော ဗြိတိသျှ နယ်ချဲ့စနစ်ကို ဖိနှိပ်ညှဉ်းဆဲသူများအဖြစ်ဖြင့်  ယူဆရမည့်အစား လွတ်လပ်ရေးတိုက်ပွဲသမား များဟု ယူဆခဲ့လေပြီ။
          ဗြိတိသျှနယ်ချဲ့စနစ်နှင့်   ဖက်ဆစ်တို့၏ အလိုတော်ရိများဖြစ်သည့်  ဦးဘဖေ၊  ဦးပု၊   ဦးအေး၊ ဆာဂျေအေမောင်ကြီး၊ ဦးဖိုးဗျော့ စသော သူများကိုတိုင်းပြည်၏   နံပါတ်တစ်ရန်သူများ အဖြစ်ဖြင့် သဘောထားရမည့်အစား မဟာမိတ် များအဖြစ်ဖြင့် ဆက်ဆံခဲ့လေပြီ'
          'ဗြိတိသျှနယ်ချဲ့စနစ်မှ လုံးဝ လွတ်မြောက် အောင် တိုက်ခိုက်ရမည့်အစား ကျွန်သက်ရှည်စေ သော ဒိုမီနီယံအုပ်ချုပ်ရေးကို တောင်းခဲ့လေပြီ'
          'ဂျိုရှီဟု ကြွေးကြော်ရမည့်အစား ဒေါ်မန် စမစ်ဟု ကြွေးကြော်ခဲ့လေပြီ'

သခင်စိုး၏ ဝေဖန်ရေးအစီရင်ခံစာ (၂။       သိန်းဖေမြင့်၏ တော်လှန်ရေးကာလ နိုင်ငံရေး အတွေ့အကြုံများ၊  စာမျက်နှာ  ၈၅၊ ၈၆ ။)
သခင်စိုးသည်   ဗမာပြည်ကွန်မြူနစ်ပါတီ၏ ဘရောက်ဒါဝါဒအမှားကို   သခင်သန်းထွန်းနှင့် ကိုသိန်းဖေအပေါ်သို့ လုံးလုံးလျားလျား ပုံချလိုက်သည်။ ကိုသိန်းဖေသည်  ဘရောက်ဒါဝါဒကို  အိန္ဒိယနိုင်ငံမှ တင်ပို့ပေးသူဖြစ်ပြီး သခင်သန်းထွန်းသည် မြန်မာနိုင်ငံ မှ လက်ခံကျင့်သုံးသူဖြစ်သည်ဟု အပြစ်ဖို့သည်။ ကို သိန်းဖေက  'ငါတို့အမှားများမှတစ်ဆင့်'  ဟူသော စာတမ်းတစ်စောင်ကို ရေးသားတင်သွင်း၍ ချေပ သည်။ သို့သော် သခင်စိုးသည် ကိုသိန်းဖေ၏ချေပချက် ကို လက်မခံဘဲ စာအုပ်ကြီးများကို ကိုးကား၍ အပြင်း အထန် ဖိနှိပ်ဝေဖန်တော့သည်။ သခင်စိုးသည် ယင်း အားဖြုတ်ချခဲ့သော ဒုတိယအကြိမ် ပါတီကွန်ဂရက်ကို လည်း အောက်ပါအတိုင်း ပြစ်တင်ရှုတ်ချလိုက်သည်။
'ဤမျှ အဘက်ဘက်တွင် တာဝန်ချို့ယွင်းခဲ့သော ငါတို့ပါတီသည် ပါတီအဖြစ်ဖြင့် ဆက်လက် တည်နိုင်သေး၏လော။ ဗမာပြည်ကွန်မြူနစ်ပါတီ မရှိတော့ဘူးဟူသော ရဲဘော်ဂျိုရှီက ပြောစကား ကို ငါတို့ ပြန်လှန်ချေပနိုင်၏လော။ ထို့ကြောင့်  ဗမာပြည်ကွန်မြူနစ်ပါတီ၏ ဒုတိယအကြိမ် မြောက် ကွန်ဂရက်သည် အချောင်သမားဝါဒ အောင်ပွဲဆင်သော ကွန်ဂရက်ဟုလည်းကောင်း၊ ပါတီဖျက်သိမ်းရေး ကွန်ဂရက် ဟုလည်းကောင်း ဗမာ့ရာဇဝင်တွင် မှတ်တမ်းတင်ရတော့မည်'

သခင်စိုး၏ ဝေဖန်ရေးအစီရင်ခံစာ (၁။       သိန်းဖေမြင့်၏ တော်လှန်ရေးကာလ နိုင်ငံရေး အတွေ့အကြုံများ၊  စာမျက်နှာ  ၈၅၊ ၈၆ ။)
သခင်စိုးသည် တစ်ချိန်က ဗြိတိသျှနယ်ချဲ့များကို  ဒီမိုကရေစီ မဟာမိတ်များအဖြစ် ကြိုဆိုထောက်ခံခဲ့ သော်လည်း ဝေဖန်ရေးအစီရင်ခံစာတွင်မူ ဖက်ဆစ် ဝါဒီအဖြစ် ထိုးနှက်တိုက်ခိုက်လိုက်သည်။ လွတ်လပ်ရေး နှင့် ပတ်သက်၍ ဗြိတိသျှအစိုးရအပေါ် မကျေမနပ် ဖြစ်နေသော ကွန်မြူနစ်ပါတီဝင်အချို့သည် သခင်စိုး ကို ထောက်ခံကြတော့သည်။
'အရင် တစ်ခါမျှ ဤသို့ မကြုံဖူးအောင် အကျပ် အတည်းဆိုက်နေသည့် ဗြိတိသျှနယ်ချဲ့စနစ်   သည် ယုတ်ကြမ်းသော ဖက်ဆစ်ဝါဒ ဖြစ်နေပြီ ဟု အကဲဖြတ်ရမည့်အစား ဗြိတိသျှနယ်ချဲ့စနစ် ကို တိုးတက်နေသော အင်အားစုအဖြစ် အကဲဖြတ် ခဲ့လေပြီ'  (သခင်စိုး၏ ဝေဖန်ရေးအစီရင်ခံစာ၊ စာမျက်နှာ ၄)
သခင်စိုးသည် ကွန်မြူနစ်ပါတီတစ်ခုတည်းကို  သာ ဝေဖန်ခြင်းမဟုတ်ဘဲ ကွန်မြူနစ်ပါတီ ပါဝင် ဆောင်ရွက်နေသော ဖဆပလ အဖွဲ့ကြီးကိုပါ ဝေဖန် ခဲ့သည်။ လွတ်လပ်ရေးရရှိရန် အမျိုးသားရေး ကို ရှေ့တန်းတင်၍ ကြိုးစားနေသော ဖဆပလကိုမှားသည် ဟု ဆိုသည်။ လူတန်းစားပဋိပက္ခကို ရှေ့တန်းတင် ရန် သာ အလေးပေးဝေဖန်ခဲ့သည်။
          'ရန်သူအကြီးဆုံးဖြစ်သည့် ဗြိတိသျှနယ်ချဲ့ စနစ်ကို  တိုက်ဖျက်ရန်  ဖွဲ့စည်းထားသော လူတန်းစားမျိုးစုံ ပါဝင်သည့်အဖွဲ့ချုပ်* (* ဖဆပလ ကို ဆိုလိုသည်။)  အတွင်း ၌ပင် လူတန်းစားတိုက်ပွဲကို ဆင်နွှဲရမည့်အစား လူတန်းစားချင်း ငြိမ်းချမ်းရေးကို လုပ်ခဲ့လေပြီ။  လူတန်းစားတိုက်ပွဲကို ဖြစ်ပေါ်အောင်လုပ်ရမည့် အစား လူတန်းစားစေ့စပ်ရေးနှင့် လူတန်းစား အတိုက်အခံဖြစ်မှုကို ချောမွေ့အောင် လုပ်ပေး ရေးကို ရှေ့နေလုပ်ပေးခဲ့ သည်။' (သခင်စိုး၏ ဝေဖန်ရေးအစီရင်ခံစာ၊ စာမျက်နှာ ၅၊ ၆)

ကွန်မြူနစ်ပါတီသည် လူတန်းစားပဋိပက္ခကို မျက်ကွယ်ပြုသော ဖဆပလတွင် ပါဝင်ဆောင်ရွက်ခြင်း ဖြင့် ဖောက်ပြန်သော ပါတီတစ်ရပ် ဖြစ်သွားသည်ဟု သခင်စိုးက ဆိုသည်။ ထိုသို့ ဖြစ်သွား ရခြင်းမှာလည်း  ကိုသိန်းဖေနှင့် သခင်သန်းထွန်းတို့ကြောင့်ဟု စွပ်စွဲ လိုက်သည်။ သခင်စိုး၏ ဝေဖန်ရေး အစီရင်ခံစာမှ ကောက်နုတ်ချက်များမှာ အောက်ပါအတိုင်းဖြစ်သည်။
xxx
         
'ထို့ကြောင့် ဂျပန်ခေတ်တွင် ပါတီ၌ စုပေါင်း ခေါင်းဆောင်မှုမရှိဟု ဆိုခြင်းသည် ဂျပန်အား ခုခံတိုက်ခိုက်ရာတွင် ပြည်သူတို့၏အကူအညီ မပါဟူသော အင်္ဂလိပ် ဝါဒဖြန့်ချိချက်နှင့် တစ်သံ တည်းဖြစ်နေသောကြောင့် အလိုတော်ရိစကား မျှသာ ဖြစ်ချေသည်။ ပါတီတွင် စုပေါင်းခေါင်း ဆောင်မှုမရှိ ဟူသော စွပ်စွဲချက်နှင့် ပတ်သက်၍ ဝန်ခံရပေမည်။ လက်ယာ အချောင်သမားများ နှင့်မူ ပါတီသည် စုပေါင်းခေါင်းဆောင်မှု မရှိချေ။  အဘယ့်ကြောင့်ဆိုသော် အဆွေတို့ သိကြသည့် အတိုင်း ပုန်ကန်ထြ<ွကရေးလုပ်ပြီးသောအခါ လက်ယာအချောင်သမားများကို စုပေါင်းခေါင်း ဆောင်ခွင့် ပေးလိုက် သည်နှင့် တစ်ပြိုင်နက် ပါတီ သည် မုဒိမ်းအကျင့်ခံရပေသည်။'
          'အဆွေသည် လူထုနှင့် ကင်းကွာနေသော ဂိုဏ်းလေးတစ်ရပ်မျှသာ ဖြစ်ချေသည်။ အဘယ့် ကြောင့်ဆိုသော် အဆွေသည် အချောင်သမား ဝါဒနှင့် ကင်းကွာနေသောကြောင့် ဖြစ်သည်။ အဘယ့်ကြောင့်ဆိုသော် အဆွေသည် အချောင် သမားများအား ပါတီကို ဦးဆောင်ခွင့် မပေး သောကြောင့် ဖြစ်သည်။ အဘယ့်ကြောင့်ဆိုသော် အဆွေသည်  အချောင်သမားများပါတီကို ဖဆပလအဖွဲ့ချုပ်၏ နောက်မြီးဆွဲဖြစ်သွားအောင် လုပ်ခွင့်မပေးသောကြောင့်ဖြစ်သည်။ အဘယ့် ကြောင့်ဆိုသော် အဆွေသည် အချောင်သမားများ အား ပါတီကိုဖျက်သိမ်းခွင့် မပေးသောကြောင့် ဖြစ်သည်။'
(သခင်စိုး၏ ဝေဖန်ရေးအစီရင်ခံစာ၊ စာမျက်နှာ ၁၃၊ ၁၄၊ ၁၅)
Xxx

သခင်စိုး ခွဲထွက်ခြင်း
သခင်စိုးသည် ဘရောက်ဒါဝါဒ အမှားကို ကို သိန်းဖေနှင့် သခင်သန်းထွန်းအပေါ်သို့ ပုံချသည်သာ မက ဖဆပလ အဖွဲ့ချုပ်ကိုလည်း ဝေဖန်တိုက်ခိုက်ခဲ့ သည်။ ကွန်မြူနစ်ပါတီသည် ဖဆပလ၏ နောက်မြီးဆွဲ ပါတီသာ ဖြစ်သည်ဟု ဆိုသည်။ နောက်ဆုံးတွင် ဂျိုရှီ ၏စကားအတိုင်း မြန်မာပြည်တွင် ကွန်မြူနစ်ပါတီ မရှိတော့ ဟူ၍ ပြောတော့သည်။ သခင်စိုး၏ ဝေဖန်ရေး အစီရင်ခံစာ စာမျက်နှာ ၂ဝ တွင် အောက်ပါအတိုင်း ဖော်ပြထား သည်။
xxx
          'အမှန်အားဖြင့် ရာဇဝင် အပြောင်းအလဲ ကြောင့် အခြေအနေ ရှုပ်ထွေးလာသည့်အချိန် မျိုးတွင် အင်အားတောင့်တင်းပြီး အတွေ့အကြုံ အားကြီးသော ပါတီသည် မိမိဣနြေ္ဒကို စောင့် ထိန်းနိုင်သော အမျိုးသမီးကောင်းတစ်ယောက် နှင့် တူပေသည်။ အတွေ့အကြုံနည်းသောပါတီ သည် လျှပ်ပေါ်လော် လည်သော မိန်းကလေးနှင့် တူသည်။ ထိုမိန်းကလေးသည် ယောက်ျားကောင်း တစ်ယောက်နှင့်တွေ့ပါက   ထိုယောက်ျား၏ သွန်သင်ချက်ဖြင့်  မိန်းမကောင်းတစ်ယောက် ဖြစ်နိုင်စရာအကြောင်း ရှိပေသည်။ သို့မဟုတ် လက်ယာအချောင်သမား မုဒိမ်းကျင့်သူနှင့်တွေ့ လျှင် ပျက်စီးတတ်သည်။'
          'ထို့ကြောင့် စက္ခုရူပေနသံဝါသာ စာဂ ပုတ္တံ ဝိဇာယတိ ဆိုဘိသကဲ့သို့ လျှပ်ပေါ်လော်လည်ပြီး လင်သားကိုလည်း မျှော်နေသည့်မိန်းမနှင့်တူသော သခင်စိုးသည် ဗြိတိသျှနယ်ချဲ့စနစ်၏သြဇာကို ပါတီတွင်းသို့ တပွေ့တပိုက်ကြီး ယူလာသည့် လက်ယာအချောင်သမား သိန်းဖေနှင့် တွေ့သော အခါ ပါတီကြေညာစာတမ်း အမှတ်(၄)တွင် အောက်ပါအချောင်သမား သားကောင်းရတနာ များကို နောက်ထပ်မွေးထုတ်လာပြန်သည်။'
Xxx

သခင်စိုးသည် မိမိကိုယ်မိမိ မသိနားမလည်သူ အမျိုးသမီးလေးနှင့် ခိုင်းနှိုင်းပြီး သခင်သန်းထွန်းနှင့်  ကိုသိန်းဖေကိုမူ မုဒိမ်းသမားနှင့် နှိုင်းလိုက်သည်။ သခင် သန်းထွန်းနှင့် ကိုသိန်းဖေသည် သခင်စိုးအား မည်ကဲ့ သို့မျှ ပြန်လည်ချေပနိုင်ခြင်း မရှိပေ။ သခင်စိုး၏ ဝေဖန်ရေးအစီရင်ခံစာကိုလည်း ကောင်းစွာ သဘော ပေါက် နားလည်ခြင်းမရှိပေ။ သို့သော် သခင်စိုး၏ ပုတ်ခတ်ဝေဖန်မှုများကို မချေပနိုင်တော့သောကြောင့် လက်မြှောက် အရှုံးပေးရတော့သည်။ ဝေဖန်စာကို လက်ခံလိုက်ရသည်။ ထို့နောက် ဗဟိုကော်မတီသည် ပေါ်လစ်ဗျူရို ဖွဲ့စည်းရေး၊ ဗဟိုကော်မတီဝင်များအား ပြန်လည် တာဝန်ခွဲဝေရေးတို့ကို ဆောင်ရွက်သည်။
သခင်စိုးကမူ ဗဟိုကော်မတီ၏ ဆောင်ရွက်ချက် ဟူသမျှတို့ကို လက်မခံတော့ပေ။ မြန်မာပြည်တွင် ကွန်မြူနစ်ပါတီ မရှိတော့ဟူသော အဆိုကိုသာ ဖိ၍ ဆွေးနွေးသည်။ တက်ရောက်သူ ၂၈ ဦးအနက် ခုနစ်ဦး က သခင်စိုးကို ထောက်ခံသည်။ ကျန်ဗဟိုကော်မတီ ဝင် ၂ဝ ၏ ဆုံးဖြတ်ချက်ကို သခင်စိုးနှင့် ခုနစ်ဦးက မနာခံတော့ပေ။ အချောင်သမားတို့နှင့် ကင်းရှင်းခြင်း သည်သာ ဘော်ရှီဗစ်ပီသသည်။ လီနင်၏သြဝါဒနှင့်  ကိုက်ညီသည်ဟုဆိုကာ သခင်စိုးတို့လူစုသည် ကွန်မြူ နစ်ပါတီမှ ခွဲထွက်လိုက်တော့သည်။
သခင်စိုးသည် ကွန်မြူနစ်ပါတီမှ ခွဲထွက်လိုက်ပြီး နောက်တွင် ကွန်မြူနစ်ပါတီတစ်ရပ်ကို သီးခြား ထူထောင်သည်။ သခင်စိုး၏ပါတီကို ကွန်မြူနစ်ပါတီ ဗမာပြည်ဟု ခေါ်သည်။ ကိုသိန်းဖေနှင့် သခင်သန်းထွန်း  တို့၏ပါတီကို ဗမာပြည် ကွန်မြူနစ်ပါတီဟု ခေါ်သည်။  သခင်စိုး၏ပါတီကို အလံနီပါတီဟုလည်း ခေါ်သေး သည်။ သခင်စိုးသည် တိုက်ရဲတာ အလံနီ၊ သေရဲတာ အလံနီ ဟူသေြာေ<ွကးကြော်သံဖြင့် လှုပ်ရှားစည်းရုံး လာသည်။ လွတ်လပ်ရေးတိုက်ပွဲနှင့် ပတ်သက်၍ သွေးဆူနေသူများ၊ တိုက်ချင်ခိုက်ချင်စိတ် ပြင်းပြနေသူ များ၊ စိတ်မရှည်နိုင်သူများမှာ သခင်စိုး၏ စည်းရုံးမှု နောက်ကို အတော်များများ ပါသွားကြလေသည်။
အလံနီပါတီသည် ကွန်မြူနစ်ပါတီမှ ခွဲထွက်ပြီး နောက် အခြေခံစခန်းများတွင် လူထုတိုက်ပွဲများ ဆင်နွှဲမည်ဟုဆိုကာ ဆူပူအုံကြွမှုများ ပြုလုပ်ခဲ့သည်။ ဟံသာဝတီခရိုင်တွင် တောင်သူလယ်သမားများကို အခွန်တော်မပေးရန် လှုံ့ဆော်သည်။ အစိုးရက အခွန် တော်မပေးသော အလံနီလယ်သမားများ၏ ကျွဲ၊ နွား များကို သိမ်းယူသောအခါ အလံနီများက ပြန်လုသည်။  ရန်ကုန်မြို့ မင်းမနိုင်ကွက်သစ်တွင် အာဏာဖီဆန်ရေး လုပ်ငန်းကို သခင်စိုးကိုယ်တိုင်ခေါင်းဆောင်၍ တဲအိမ် များဝင်ဆောက်ကာ ဆောင်ရွက်သည်။ တရားရုံးကို  သခင်စိုးခေါင်းဆောင်သော အလံနီများက ဝိုင်းကြ သည်။ သို့နှင့် အလံနီပါတီနှင့် အလံနီလယ်သမား သမဂ္ဂများကို အစိုးရက မတရားသင်း ကြေညာတော့ သည်။ သခင်စိုးသည် အလံနီမှလွဲ၍ ရှိသမျှနိုင်ငံရေး အင်အားစုများကို ပုတ်ခတ်တိုက်ခိုက်လာသည်။
          'ဗြိတိသျှနယ်ချဲ့သမားများကို တိုက်နိုင်ရန် ထိုသို့မတိုက်ခင် သိန်းသန်းကွန်မြူနစ်အချောင် သမားများကို  ပြုတ်အောင်  တိုက်ရမည်။ အကြောင်းမူကား အချောင်သမားဝါဒသည် နယ်ချဲ့သမား၏ အကြီးဆုံးသော နိုင်ငံရေးအကာ အကွယ်တည်း။ ¤င်းနောက် အချောင်သမား အောင်ဆန်းကို တိုက်ရမည်။ အကြောင်းမူကား လူထုနောက်လိုက်များသော အောင်ဆန်းသည် အချောင်သမားဝါဒဖြင့် လူထုအား အများဆုံး ဖျက်ဆီးနိုင်သောကြောင့်တည်း။ အောင်ဆန်း သည် အလိုတော်ရိ မောင်စောထက်၊ သို့မဟုတ် ဆာပေါ်ထွန်း ထက်ပင် အန္တရာယ်ကြီးသည်။ အလိုတော်ရိများသည် လူထုနောက်လိုက်မရှိ သဖြင့် ကြောက်စရာ မကောင်းလှချေ'ဟု သခင်စိုး က ဆိုသည်။
၁၉၄၆ ခုနှစ်၊  ဇူလိုင်လ  ၆ ရက်တွင်  သခင် သန်းထွန်းသည် အလံနီများ၏ သွေးထိုးပေးမှုကို နားယောင်ကာ ဖဆပလ အထွေထွေအတွင်းရေးမှူး နေရာမှနုတ်ထွက်ပြီး ဗမာပြည်ကွန်မြူနစ်ပါတီ အထွေ ထွေအတွင်းရေးမှူးနေရာကိုယူသည်။ ကိုသိန်းဖေသည် ညီညွတ်ရေးတပ်ပေါင်းစု တာဝန်ခံပေါ်လစ်ဗျူရို လူကြီး ဖြစ်လာသည်။ နေရာအပြောင်း အလဲကို ဇူလိုင်လ ၆ ရက် ပါတီဗဟိုကော်မတီအစည်းအဝေးက အ တည်ပြု သည်။
မှတ်ချက်။     သခင်စိုး၏အစီရင်ခံစာ၊ သခင်စိုး ၏အဆိုများကို သိန်းဖေမြင့်၏ တော်လှန်ရေး ကာလ  နိုင်ငံရေး အတွေ့အကြုံများ   စာအုပ်မှ ကောက်နုတ်ကူးယူပါသည်။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization