Home » » ပြည်တွင်းသောင်းကျန်းမှုသမိုင်း ပြုစုသူ၏ အမှာစာ

ပြည်တွင်းသောင်းကျန်းမှုသမိုင်း ပြုစုသူ၏ အမှာစာ

ပြည်တွင်းသောင်းကျန်းမှုသမိုင်း

အပိုင်း (၁)

(လွတ်လပ်ရေးမရမီကာလများ)



ပြည်တွင်းသောင်းကျန်းမှုသမိုင်း ပြုစုသူ၏ အမှာစာ


ပြည်ထောင်စုမြန်မာနိုင်ငံတွင် လွတ်လပ်ရေးမရမီ နှစ်အနည်းငယ်ခန့်ကစ၍ ပြည်တွင်း သောင်းကျန်းမှု မီးတောက်လောင်လျက်ရှိသည်မှာ နှစ်ပေါင်း ၄ဝ ကျော် ခဲ့လေပြီ။ မြန်မာနိုင်ငံအနေနှင့် ကိုလိုနီကျွန်နိုင်ငံဖြစ် ခဲ့ရခြင်းသည်လည်းကောင်း၊ ဒုတိယကမ္ဘာစစ်ကြီးဖြစ်ပွားစဉ် စစ်တလင်းဖြစ်ခဲ့ ရခြင်းသည်လည်းကောင်း၊ လွတ်လပ်ရေးကြိုးပမ်းရာမှစ၍ နိုင်ငံရေးအယူအဆများ ကွဲပြားလာခြင်းသည် လည်းကောင်း၊ နယ်ချဲ့တို့ဖန်တီး ခဲ့သည့် သွေးခွဲမှုအမျိုးမျိုး၊ ပြဿနာအဖုံဖုံသည် လည်းကောင်း ပြည်တွင်းသောင်းကျန်းမှု သန္ဓေတည်ရန် အကြောင်းရင်းများပင် ဖြစ်သည်။ လွတ်လပ်ရေး ရရှိခါစ တိုင်းပြည် အင်အား ချည့်နဲ့နေစဉ် ပြည်တွင်း သောင်းကျန်းမှုပေါ်ပေါက်လာသောကြောင့် မြန်မာ နိုင်ငံ၏ တည်ဆောက်ရေး လုပ်ငန်းများမှာအရာမထင် ဖြစ်ခဲ့ရသည်။ မြန်မာ့နိုင်ငံရေးအင်အားစုများအတွင်းမှ နိုင်ငံရေးပဋိပက္ခများသည်လည်း လက်နက်ကိုင် တိုက်ခိုက်ကြသည်အထိ ပြင်းထန်လာခဲ့ကြသည်။

၁၉၄၈ ခုနှစ်၊ လွတ်လပ်ရေးခေတ်ဦးမှ စတင်၍ နိုင်ငံကို အုပ်ချုပ်လာခဲ့သော ဖဆပလ အစိုးရ၊ အိမ်စောင့်အစိုးရ၊ပထစအစိုးရ၊ တော်လှန်ရေးအစိုးရ၊ မြန်မာ့ဆိုရှယ်လစ်လမ်းစဉ်ပါတီအစိုးရများနှင့် နိုင်ငံ တော် ငြိမ်ဝပ်ပိပြားမှုတည်ဆောက်ရေးအဖွဲ့ အစိုးရ အထိ အစိုးရတို့သည် သောင်းကျန်းသူအဖွဲ့အစည်း မျိုးစုံအား နှိမ်နင်းတိုက်ခိုက်ခဲ့ရသည်ကို တွေ့ရသည်။ နိုင်ငံရေးအရ ဖြေရှင်းမှုများလည်း ရှိခဲ့သည်။ အချို့ သောင်းကျန်းသူအဖွဲ့အစည်းများမှာ လုံးဝချုပ်ငြိမ်း ပျောက်ကွယ်သွားခဲ့ရသကဲ့သို့ အသစ်ပေါ်ပေါက်လာ သော အဖွဲ့အစည်းများလည်းရှိသည်။ ပြည်တွင်း သောင်းကျန်းမှုပြဿနာ ဆက်လက်သက်ဆိုးရှည်နေရ ခြင်း အကြောင်းရင်းများတွင် ပြည်ပစွက်ဖက်မှုလည်း ထည့်စဉ်းစားရမည့်အချက်တစ်ခုပင်ဖြစ်သည်။ ကိုလိုနီ နယ်ချဲ့စနစ်သစ်အရ သြဇာလွှမ်းမိုးလိုသောကြောင့် သောင်းကျန်းသူများအား တပည့်မွေးအကူအညီပေးကြ သည့်ဖြစ်ရပ်မျိုးများလည်းရှိသည်။ သောင်းကျန်းသူ အဖွဲ့အစည်းမျိုးစုံတွင် နိုင်ငံရေးအရ၊ လူမျိုးရေးအရ၊ စီးပွားရေးအရ လှုပ်ရှားရပ်တည်မှုများ ရှိနေလေရာ ပြည်ပ,ပယောဂများ ရောနှောရှုပ်ထွေးနေခြင်းများကို လည်း တွေ့ရမည်ဖြစ်သည်။

မည်သို့ပင်ဆိုစေ၊ ပြည်တွင်းသောင်းကျန်းမှု ပြဿနာသည် မြန်မာနိုင်ငံ၏ ဖွံ့ဖြိုးတိုးတက်မှုကို ကြီးမားစွာ ဟန့်တားနှောင့်ယှက်လျက်ရှိကြောင်းမှာ ငြင်းပယ်၍ မရနိုင်ပေ။ ပြည်တွင်းသောင်းကျန်းမှုနှင့် ပြည်တွင်းသောင်းကျန်းသူ အဖွဲ့အစည်းမျိုးစုံမည်ကဲ့သို့ ပေါ်ပေါက်လာကြသည်၊ မည်ကဲ့သို့ ဆက်လက် ရပ်တည်ကြသည်ဆိုသော သမိုင်းဖြစ်စဉ်များကို လေ့လာလျှင် ပြည်တွင်းသောင်းကျန်းမှုပြဿနာကို ဖြေရှင်းရန် တစ်စုံတစ်ရာ အကျိုးကျေးဇူးရရှိမည်သာ ဖြစ်သည်။

နှစ်ပေါင်းများစွာ ကြာမြင့်နေပြီဖြစ်သောပြည်တွင်း သောင်းကျန်းမှုကို ချုပ်ငြိမ်းအဆုံးသတ် စေရန်မှာလည်း အ စိုးရအ ဖွဲ့ တစ် ခု အ နေ နှင့် သော် လည်း ကောင်း၊ တပ်မတော်အနေနှင့်သော် လည်းကောင်း ဖြေရှင်းရန်သာမကဘဲ ပြည်သူလူထုတစ်ရပ်လုံးကပါ သဘောပေါက် နားလည်ပြီးပူးပေါင်း ဆောင်ရွက်ကြရန် လိုအပ်နေပြီဖြစ်သည်။ စင်စစ်ပြည်တွင်း သောင်းကျန်းမှုသမိုင်းကြီးသည်ပင်လျှင် မြန်မာနိုင်ငံ၏မျက်မှောက် ခေတ် နိုင်ငံရေးသမိုင်းကြီး ဖြစ်နေသည်ဟုဆိုနိုင်သည်။

ပြည်တွင်းသောင်းကျန်းမှုသမိုင်းကို ပြုစုရာတွင် အချိန်များစွာ ယူခဲ့ရသည်။ ပြုစုသူသည် စာအုပ် စာတမ်း အထောက်အထားပေါင်းများစွာကို ဖတ်ရှု လေ့လာခဲ့ရသည်။ မှီငြမ်းကိုးကားသော စာအုပ်စာတမ်း များတွင် နိုင်ငံရေးခေါင်းဆောင်များရေးသားခဲ့သည့် စာအုပ်များ၊ မှတ်တမ်းများ၊ သမိုင်းသုတေသီများ ပြုစု ခဲ့သည့် စာအုပ်များသာမကဘဲ သောင်းကျန်းသူများ အား အဓိက ချေမှုန်းတိုက်ခိုက်ခဲ့ရသော တပ်မတော် မှ မှတ်တမ်းမှတ်ရာများ၊ အစီရင်ခံစာများ၊ စာတမ်း များ ပါဝင်ခဲ့သည်။ အဖြစ်အပျက်များကို သိမီလိုက် သည့်ပုဂ္ဂိုလ်အချို့ကိုလည်း တွေ့ဆုံမေးမြန်းခဲ့ရသည်။ သို့သော် တွေ့ဆုံမေးမြန်းခန်းများမှာ အတန်အသင့်

အထောက်အကူဖြစ်သည် မှန်သော်လည်း အချို့အချက် အလက်များတွင်မူ ပိုမို၍ သဘောထားကွဲပြားစရာ ဖြစ်လာသည်လည်း ရှိသည်။ မိမိ၏အယူအဆ၊ မိမိ ဆောင်ရွက်ခဲ့မှုများကို ခုခံကာကွယ်ရာမှ သမိုင်းဖြစ်ရပ်မှန်နှင့် လွဲချော်တိမ်းစောင်းစရာဖြစ်လာသည်များကို လည်းကြုံတွေ့ ရသည်။ ထို့ကြောင့် တွေ့ဆုံမေးမြန်းချက် အားလုံးကိုလည်း အတည်ပြု၍ မရပြန်ပေ။

သို့သော် ပြည်တွင်းသောင်းကျန်းမှုသမိုင်းကို ပြုစု သူသည် ကာကွယ်ရေး ဝန်ကြီးဌာန၊ ပြည်တွင်း သောင်းကျန်းမှုသမိုင်းပြုစုရေးဆပ်ကော်မတီ၏ ကြီးကြပ်ကွပ်ကဲမှုဖြင့် လက်လှမ်းမီသမျှ အထောက် အထား၊ အချက်အလက်များကို အမှန်ကန်ဆုံးဖြစ် အောင် ကြိုးစားပြုစု ရေးသားခဲ့ခြင်းဖြင့် ပြည်တွင်း သောင်းကျန်းမှုသမိုင်းစာအုပ်မူကြမ်းများ ထွက်ပေါ်စေ ခဲ့သည်။ ပြည်တွင်းသောင်းကျန်းမှုသမိုင်းပြုစုရေး ဆပ် ကော်မတီက တတ်အားသရွေ့ အကြိမ်ကြိမ် စိစစ်ပေး ခဲ့သည်။

ပြည်တွင်းသောင်းကျန်းမှုသမိုင်းကို ပြုစုရာတွင် သောင်းကျန်းသူအဖွဲ့အစည်း တစ်ရပ်ချင်း အနေနှင့် ပြုစုခြင်းမဟုတ်ပေ။ တစ်ဖွဲ့ချင်း၏ဖြစ်စဉ်ကို ရေးသား ပါက တစ်ဖွဲ့ချင်း၏သမိုင်းသာ ဖြစ်နေပေလိမ့်မည်။ အချို့ဖြစ်စဉ်များတွင် အဖွဲ့ကြီးတစ်ခုမှ အဖွဲ့ငယ်များ ကွဲထွက်ခြင်း၊ အဖွဲ့ငယ်များချင်း ပူးပေါင်းခြင်း စသော ဆက်နွှယ်မှုများလည်း ရှိနေသည်။ ရက်စွဲအလိုက်၊ ခုနှစ်အလိုက် ပြုစုပြန်လျှင်လည်း ဖြစ်စဉ်အလိုက် ပြီးပြတ်အောင် လေ့လာနိုင်ခြင်းမရှိဘဲ ပိုမိုရှုပ်ထွေး သွားစရာ ဖြစ်လာပြန်သည်။ ထို့ကြောင့် ပြည်တွင်း သောင်းကျန်းမှုသမိုင်းကို ရေးသားရာတွင် အချိန် ကာလနှင့် ဖြစ်စဉ်များကို ချိန်ဆ၍ သင့်လျော်သလို ပြုစုရေးသားခဲ့ရပါသည်။ အချိန်ကာလအနေနှင့်ကား အကြမ်းဖျင်းအားဖြင့် အောက်ပါအတိုင်း ပိုင်းခြား၍ ပြုစုထားပါသည် -
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization