Home » , » အခန်း(၂) မြန်မာနိုင်ငံ၌ ကွန်မြူနစ်ပါတီကလာပ်စည်း စတင်ဖွဲ့စည်းခြင်း

အခန်း(၂) မြန်မာနိုင်ငံ၌ ကွန်မြူနစ်ပါတီကလာပ်စည်း စတင်ဖွဲ့စည်းခြင်း


အခန်း(၂)

မြန်မာနိုင်ငံ၌ ကွန်မြူနစ်ပါတီကလာပ်စည်း စတင်ဖွဲ့စည်းခြင်း


ပြည်ပအဆက်အသွယ်

၁၃ဝဝ ပြည့် အရေးတော်ပုံသည် ဗြိတိသျှနယ်ချဲ့ အစိုးရအား နိုင်ငံရေးဆန့်ကျင်ရာတွင် အကြီးမားဆုံး သော အမျိုးသားရေးလှုပ်ရှားမှုကြီး ဖြစ်ခဲ့သည်။ ၁၃ဝဝ ပြည့်အရေးတော်ပုံကို တို့ဗမာအစည်းအရုံးဝင် သခင် များက ဦးဆောင်ခဲ့ကြရာ သခင်များအတွင်းတွင် မာ့ခ်စ်ဝါဒီများ ပါဝင်ကြောင်း တင်ပြခဲ့ပြီးပေပြီ။ အမျိုးသားရေးစိတ်ဓာတ်ဖြင့် တက်ကြွလျက်ရှိကြသော မြန်မာမျိုးချစ် လူငယ်ခေါင်းဆောင်များသည် မြန်မာ နိုင်ငံ၏ လွတ်လပ်ရေးအတွက် နည်းလမ်းအမျိုးမျိုး ရှာကြံလျက် ရှိကြသည်။ နိုင်ငံရေးဝါဒအမျိုးမျိုးကို လည်း အပတ်တကုတ် ကြိုးပမ်းလေ့လာလျက် ရှိကြ သည်။ တို့ဗမာအစည်းအရုံးသည် ပေါ်ပေါက်လာခါစ တွင် အမျိုးသားရေးဝါဒကိုသာ ကိုင်စွဲထားခဲ့သော် လည်း မာ့ခ်စ်ဝါဒီခေါင်းဆောင်များ များပြားလာသည့် အလျောက် ဆိုရှယ်လစ်ဝါဒ၊ ကွန်မြူနစ်ဝါဒများကို လေ့လာရင်း လက်ဝဲအယူအဆများကို လက်ခံလာခဲ့ သည်။

ပထမပိုင်းတွင် တို့ဗမာအစည်းအရုံး၏ နိုင်ငံရေး ဝါဒမှာ အမျိုးသားရေးသက်သက်ဝါဒနှင့် ဆိုရှယ်လစ် ဝါဒအယူအဆများ ရောနှောပေါင်းစပ်ထားသည့် တို့ဗမာဘုံဝါဒကို လက်ခံခဲ့သည်။၁ (၁။ ခင်တင်မြ၏ ဘုံဘဝမှာဖြင့် (ပထမတွဲ) စာမျက်နှာ ၃၂၅၊ ၃၂၆။) တို့ဗမာအစည်း အရုံးသည် လွတ်လပ်ရေးတိုက်ပွဲအတွက် အယူအဆ တူသူများကို စုပေါင်းထားသည့် တပ်ပေါင်းစုသဖွယ် ဖြစ်နေရာ မျိုးချစ်ခေါင်းဆောင်များအတွင်း နှစ်သက် ရာ ဝါဒအမျိုးမျိုးကို လက်ခံယုံကြည်နေခြင်းများလည်း ရှိသည်။ တို့ဗမာအစည်းအရုံးတွင် အမျိုးသားရေး သက်သက်ဝါဒသမားများ၊ ပြုပြင်ရေးဝါဒီများ၊ ကိုယ့်မင်း ကိုယ့်ချင်းဖြင့် ပဒေသရာဇ်အုပ်ချုပ်ရေးကို ပြန်လည် တမ်းတနေသူများ၊ ဖေဘီယန်ဝါဒသမားများ၊ ဆိုရှယ် လစ်ဝါဒသမားများစသည်ဖြင့် အယူအဆမျိုးစုံရှိနေ သော်လည်း လွတ်လပ်ရေးရည်မှန်းချက်မှာမူ တူညီနေ သောကြောင့် တို့ဗမာအစည်းအရုံးသည် စည်းလုံး ညီညွတ်နေခြင်းဖြစ်သည်။


၁၃ဝဝ ပြည့်အရေးတော်ပုံ ဖြစ်ပွားနေသော ၁၉၃၈ ခုနှစ်အတွင်းမှာပင် အိန္ဒိယကွန်မြူနစ်ပါတီ၂ (၂။ အိန္ဒိယကွန်မြူနစ်ပါတီကို ၁၉၂၁ ခုနှစ်တွင် ထူထောင်သည်။ ) မှ ဂျေဂို့ရှ် (J.Gosh) ဆိုသူ ရန်ကုန်မြို့သို့ ရောက်ရှိ လာခဲ့သည်။ ဂျေဂို့ရ်ှသည် ဂိုရှယ် (H.N Goshl M.Munshi) နှင့် မူကာဂျီ (S.K Mukerjee) တို့အား ကွန်မြူနစ်ဖြစ်လာစေရန် စည်းရုံးနိုင်ခဲ့သည်။ ဂိုရှယ် နှင့် ကုလားအမျိုးသားအချို့သည် ကွန်မြူနစ်ဝါဒကို လေ့လာ၍ အယူအဆပြင်းထန်သော ကွန်မြူနစ်များ ဖြစ်လာကြသည်။ ဂိုရှယ်နှင့် မူကာဂျီတို့လူစုတွင် ရဲဘော်ဒေး၊ ရဲဘော်နာ့တ်နှင့် ရဲဘော်ဘို့(စ်)တို့ ပါဝင် လာပြီး ဘင်္ဂလားနယ် လျှို့ဝှက်လုပ်ကြံရေးအဖွဲ့နှင့် အဆက်အသွယ်ရှိလာသည်။ ဂိုရှယ်တို့လူစုသည် အိန္ဒိယကွန်မြူနစ်ပါတီနှင့် သော်လည်းကောင်း၊ တို့ဗမာအစည်းအရုံးနှင့် သော်လည်းကောင်းအဆက် အသွယ် ရှိနေရာ လျှို့ဝှက်လုပ်ကြံရေး အဖွဲ့ငယ်တစ်ခုပမာ ဖြစ်လာသည်။၃ (၃။ သခင်တင်မြ၏ ဘုံဘဝမှာဖြင့် (ပထမတွဲ) စာမျက်နှာ ၃၃ဝ။)

ထိုအချိန်တွင် မြန်မာမျိုးချစ်ခေါင်းဆောင်များ သည်လည်း လျှို့ဝှက်ကွန်မြူနစ်ပါတီ တစ်ရပ်ထူထောင် ရန်နည်းလမ်း ရှာဖွေနေကြပြီဖြစ်သည်။ သခင် သိန်းဖေ(သိန်းဖေမြင့်)နှင့် သခင်လှဖေ(ဗိုလ်လက်ျာ) တို့သည် အိန္ဒိယပြည် ကာလကတ္တားမြို့သို့ ပညာသင် ရန် သွားရောက်ကြရင်း ဘင်္ဂလားပြည်နယ် ကွန်မြူနစ် ခေါင်းဆောင်တစ်ဦးဖြစ်သူ မူဆာဖာအာမက်နှင့် လျှို့ဝှက်၍ ဆက်သွယ်မိကြသည်။ ထိုစဉ်က နိုင်ငံ အမျိုးမျိုးရှိ ကွန်မြူနစ်ပါတီများကို ဆက်သွယ်ချုပ်ကိုင် ၍ ခေါင်းဆောင်မှု ပေးနေသော အဖွဲ့အစည်းမှာ တတိယကမ္ဘာ့ကွန်မြူနစ်အဖွဲ့ချုပ်ဖြစ်ပြီး ဆိုဗီယက် ယူနီယံ မော်စကိုမြို့၌ ရုံးစိုက်သည်။ အိန္ဒိယကွန်မြူနစ် ပါတီသည် တတိယကမ္ဘာ့ကွန်မြူနစ်အဖွဲ့ချုပ်နှင့် အဆက်အသွယ်ရှိသော အဖွဲ့အစည်းတစ်ခုဖြစ်သည်။

သခင်သိန်းဖေနှင့် သခင်လှဖေသည် မြန်မာနိုင်ငံ ရှိ တို့ဗမာအစည်းအရုံးဝင် ခေတ်ပညာတတ် လူငယ် ခေါင်းဆောင်များအနေနှင့် ဆိုရှယ်လစ်ဝါဒ၊ ကွန်မြူနစ် ဝါဒတို့ကို လေ့လာယုံကြည်ကြကြောင်း၊ တို့ဗမာအစည်း အရုံးနှင့် အလုပ်သမား၊ လယ်သမားလူတန်းစားများ ကို ခေါင်းဆောင်မှုပေးရန် ကွန်မြူနစ်ပါတီတစ်ရပ် ထူထောင်လိုကြောင်း မူဆာဖာအာမက်နှင့် ဆွေးနွေး ခဲ့သည်။ ထိုသို့ ကွန်မြူနစ်ပါတီ ထူထောင်နိုင်ရန်အတွက် အိန္ဒိယကွန်မြူနစ်ပါတီက ကူညီပံ့ပိုးပေးရန်နှင့် အခြေ အနေကို တတိယကမ္ဘာ့ကွန်မြူနစ်အဖွဲ့ချုပ်သို့ တင်ပြ ပေးရန်၊ ဆက်သွယ်သတင်းပေးပို့ရန်လည်း တောင်းဆို ခဲ့သည်။ မူဆာဖာအာမက်က ကူညီရန် ကတိပြုသည်။

သခင်သိန်းဖေနှင့် သခင်လှဖေတို့နှစ်ဦးက အိန္ဒိယ တွင် ပြည်ပအဆက်အသွယ်ကို ရှာဖွေနေစဉ် သခင် ဗိုလ်တို့လူစုသည်လည်း ရန်ကုန်မြို့သို့ လျှို့ဝှက်ရောက် ရှိနေသော တရုတ်ကွန်မြူနစ်များနှင့် ဆက်သွယ်မိ သည်ဟု ဆိုသည်။ သို့သော် ဒုတိယကမ္ဘာစစ်ဖြစ်လု ဆဲဆဲတွင် သခင်ဗိုလ်တို့လူစုသည် တရုတ်ကွန်မြူနစ် များနှင့် အဆက်အသွယ်ပြတ်သွားရသည်။ တရုတ် ကွန်မြူနစ်များသည် တရုတ်ပြည်သို့ ရွှေ့ပြောင်းသွား ကြသည်။


တို့ဗမာအစည်းအရုံးတွင် လက်ဝဲဝါဒလွှမ်းမိုးလာခြင်း

၁၉၃၈ ခုနှစ်တွင် စတင်ခဲ့သော ၁၃ဝဝ ပြည့် အရေးတော်ပုံကြီး၏ သြဇာအရှိန်အဝါကြောင့် သခင် ကိုယ်တော်မှိုင်းခေါင်းဆောင်သော တို့ဗမာအစည်း အရုံးတွင် ဆိုရှယ်လစ်ဝါဒီသခင်များ နေရာရလာကြ သည်။ လက်ဝဲဝါဒီသခင်များသည် အယူအဆမျိုးစုံ ရှိသူများ စုစည်းနေခြင်းထက် ကွန်မြူနစ်ဝါဒ(မာ့ခ်စ် ဝါဒ)ကို ယုံကြည်သူ၊ အယူအဆတူသူများကို သိမ်းဆည်း ကျစ်လျစ်စွာ စုစည်း၍ ကွန်မြူနစ်ပါတီတစ်ရပ် ထူထောင်ရန် ကြိုးစားနေကြသည်။ ပြည်ပအဆက် အသွယ်ရှာသူက ရှာနေစဉ် ပြည်တွင်း၌လည်း နိုင်ငံရေး အယူဝါဒကျယ်ပြန့်လာရန် စည်းရုံးဟောပြောသူက ဟောပြောကြသည်။ နဂါးနီစာအုပ်အသင်းကို ထူထောင် ၍ လက်ဝဲဝါဒစာပေများကိုလည်း ပုံနှိပ်ဖြန့်ချိကြသည်။ တစ်ဖက်မှလည်း အမျိုးသားရေးဝါဒသက်သက်မှ ဆိုရှယ်လစ်ရေးဘက်သို့ ကူးပြောင်းလာသော တို့ဗမာ အစည်းအရုံးတွင် ဆိုရှယ်လစ်ဝါဒ လုံးဝလွှမ်းမိုးလာ အောင် ကြိုးစားကြသည်။

သခင်အောင်ဆန်းသည် တို့ဗမာအစည်းအရုံး အမှုဆောင်အစည်းအဝေးကို ရွှေတိဂုံစေတီ မော်လမြိုင် ဇရပ်တွင် ဦးဆောင်၍ ကျင်းပခဲ့သည်။ ထိုအစည်း အဝေးတွင် တို့ဗမာအစည်းအရုံး၏ ဝါဒနှင့် လုပ်ငန်း စဉ်ကို ဆိုရှယ်လစ်ဝါဒအမြင်ဖြင့် အသစ်ပြုပြင်ရေးဆွဲ ကြသည်။ ထို့နောက် ၁၉၃၉ ခုနှစ်၊ ဧပြီလတွင် မော်လမြိုင်မြို့၌ကျင်းပသော တစ်နိုင်ငံလုံးဆိုင်ရာ သခင်ညီလာခံက ယင်းဝါဒနှင့် ရှေ့လုပ်ငန်းစဉ်များကို အတည်ပြုလိုက်သည်။ သို့နှင့် တို့ဗမာအစည်းအရုံးတွင် လက်ဝဲဝါဒသည် ကောင်းစွာ လွှမ်းမိုးလာတော့သည်။၁ (၁။ ကက(ကြည်း) သုတေသနဌာနစု၏ ဗမာပြည်ကွန်မြူနစ် ပါတီတောခိုခြင်း၊ စာမျက်နှာ ၁။)

မြေအောက်ကလာပ်စည်းဖွဲ့စည်းခြင်း

၁၉၃၉ ခုနှစ်၊ ဇန်နဝါရီလကုန်ခန့်တွင် အိန္ဒိယ ကွန်မြူနစ်ခေါင်းဆောင် မူဆာဖာအာမက်က စည်းရုံးရေးမှူးတစ်ဦးဖြစ်သူ မစ္စတာပူ(ရ်)နန္ဒူဒတ်(စ်) ဂုပတား၁ (၁။ ပြည်တွင်းသောင်းကျန်းမှုသမိုင်း (စတုတ္ထစစ်လက်ရုံး)စာအုပ်၊ စာမျက်နှာ ၈ တွင် ၁၉၃၉ ခုနှစ်၊ သြဂုတ်လ၌ အိန္ဒိယ ပြည်မှ ပူရနန်ဒူလ်နှင့် ဆင်းဂုပတားတို့ ရောက်လာကြောင်း ဖော်ပြထားသည်။ သခင်တင်မြ၏ ဘုံဘဝမှာဖြင့် (ပထမပိုင်း)နှင့် ကက(ကြည်း)၊ သုတေသနဌာနစု၏ ၁၉၇၇ ခုနှစ်၊ မေလ ၉ ရက်ထုတ် ဗမာပြည်ကွန်မြူနစ်ပါတီ နိုင်ငံရေး၊ စစ်ရေးလှုပ်ရှားမှုများ (ပထမပိုင်း)တွင် ပူ(ရ်)နျူဒတ်(စ်)ဂုပတား တစ်ဦးတည်းသာ လာရောက်ကြောင်း ဖော်ပြထားသည်။) ကို ရန်ကုန်သို့ စေလွှတ်လိုက်သည်။ ဂုပတား သည် စင်ကာပူတွင် ဌာနချုပ်လုပ်ထားသော အင်ဒို ချိုင်းနားကျွန်းဆွယ် ကွန်မြူနစ်ပါတီဌာနချုပ်သို့ ပထမ ဦးစွာ သွားရောက်သတင်းပို့ရသည်။ တတိယ ကမ္ဘာ့ ကွန်မြူနစ်အဖွဲ့ချုပ်၏ စည်းရုံးရေးနယ်မြေသတ်မှတ်မှု တွင် မြန်မာနိုင်ငံသည် အိန္ဒိယနိုင်ငံနှင့် မပတ်သက်ဘဲ စင်ကာပူရှိ အင်ဒိုချိုင်းနားကျွန်းဆွယ် ကွန်မြူနစ်ပါတီ ဌာနချုပ်နှင့်သာ သက်ဆိုင်သည်။ အိန္ဒိယကွန်မြူနစ် များက မြန်မာနိုင်ငံတွင် ကွန်မြူနစ်ပါတီထူထောင် ပေးရန် တတိယကမ္ဘာ့ကွန်မြူနစ်အဖွဲ့ချုပ်သို့ တင်ပြ ရာ ခွင့်ပြုချက်ရရှိခဲ့သည်။ ထို့ကြောင့် ဂုပတားသည် စင်ကာပူသို့ ဝင်ရောက်သတင်းပို့ ညှိနှိုင်းပြီးမှ ဆောင်ရွက်ရခြင်းဖြစ်သည်။

ဂုပတား ရန်ကုန်ရောက်ရှိချိန်တွင် မြန်မာနိုင်ငံ၌ ကွန်မြူနစ်ဝါဒကို လေ့လာစူးစမ်းနေသော အစုမှာ နှစ်စုရှိနေသည်။ ပထမလူစုမှာ သခင်အောင်ဆန်း၊ သခင်စိုး၊ သခင်လှဖေ(ဗိုလ်လက်ျာ)၊ သခင်ဗဟိန်း၊ သခင်သိန်းဖေ(သိန်းဖေမြင့်)တို့လူစုဖြစ်ပြီး ဒုတိယ လူစုမှာ လျှို့ဝှက်လုပ်ကြံရေးအဖွဲ့ဝင် ကုလားရဲဘော် များဖြစ်သော ရဲဘော်ဂိုရှယ်၊ ရဲဘော်မူကာဂျီ၊ ရဲဘော် ဒေး၊ ရဲဘော်နာ့တ်နှင့် ရဲဘော်ဘို့(စ်)တို့ ဖြစ်သည်။

၁၉၃၉ ခုနှစ်၊ သြဂုတ်လတွင် ဂုပတားသည် ရန်ကုန်သို့ ရောက်ရှိလာပြီး သခင်အောင်ဆန်းတို့ လူစုနှင့် ဂိုရှယ်တို့လူစုကို တွေ့ဆုံကာ မြေအောက် ကွန်မြူနစ်ပါတီ ထူထောင်ရေးအတွက် ဆွေးနွေးခဲ့ သည်။ အိန္ဒိယကွန်မြူနစ်ပါတီသည် မတရားအသင်း ကြေညာခံထားရသောကြောင့် လျှို့ဝှက်ပါတီတစ်ရပ် အဖြစ် လှုပ်ရှားနေရသည်။ ထိုစဉ်က ဗြိတိသျှအစိုးရ လက်အောက်ရှိ မြန်မာနိုင်ငံမှာ အိန္ဒိယနိုင်ငံ၏ ပြည် နယ်တစ်ခုသဖွယ် ဖြစ်နေသည်။ ထို့ကြောင့် မြန်မာ နိုင်ငံ ကွန်မြူနစ်ပါတီသည်လည်း တရားဝင်ထူထောင် ခွင့် ရနိုင်မည်မဟုတ်ပေ။ ထို့ကြောင့် လျှို့ဝှက်ပါတီ တစ်ရပ်အနေနှင့်သာ ထူထောင်ရမည်ဖြစ်သည်။ မြန်မာခေါင်းဆောင်များသည် ဂုပတားနှင့် ဆွေးနွေး ပြီးနောက် မြေအောက်ကွန်မြူနစ်ပါတီတစ်ရပ်ထူထောင် ရန် သဘောတူညီလိုက်ကြသည်။

၁၉၃၉ ခုနှစ်၊ သြဂုတ်လ ၁၅ ရက်တွင် လျှို့ဝှက် ကွန်မြူနစ်ပါတီကို သခင်အောင်ဆန်းခေါင်းဆောင်၍ ရန်ကုန်မြို့အရှေ့ပိုင်း ၄၈ လမ်းအတွင်းမှ အိမ်တစ်အိမ်၂ (၂။ ကက(ကြည်း)၊ သုတေသနဌာနစု၏ ၉-၅-၇၇ ရက်ထုတ် ဗမာပြည်ကွန်မြူနစ်ပါတီ၏ နိုင်ငံရေး၊ စစ်ရေးလှုပ်ရှားမှု များ(ပထမပိုင်း)တွင် ရန်ကုန်မြို့အရှေ့ပိုင်း၊ ၄၉-လမ်း၊ အမှတ် ၁၈၈ ဟု ဖော်ပြထားသည်။)တွင် ပထမဦးဆုံးသော ဦးဆောင်ကလာပ်စည်းကို ဖွဲ့စည်းသည်။ ယင်းကလာပ်စည်းတွင် ပါဝင်သူများမှာ အောက်ပါအတိုင်း ဖြစ်သည်။

၁။ သခင်အောင်ဆန်း(အထွေထွေအတွင်းရေးမှူး)

၂။ သခင်စိုး(လူထုခေါင်းဆောင်)

၃။ ရဲဘော်ဂိုရှယ် (စည်းရုံးရေးမှူးနှင့် လျှို့ဝှက် လုပ်ငန်း)

၎။ သခင်ဗဟိန်း (ကျောင်းသားစည်းရုံးရေး)

၅။ သခင်လှဖေ (ဘဏ္ဍာရေးမှူး)

၆။ ရဲဘော်နာ့တ် (စာကြည့်တိုက်မှူး)

ကွန်မြူနစ်ပါတီ စတင်ဖွဲ့စည်းရန်နှင့် ကွန်မြူနစ် ဝါဒပြန့်ပွားစေရန် ကြိုးစားကြသူများတွင် သခင် သိန်းဖေ၊ သခင်သန်းထွန်း၊ သခင်ကျော်စိန်တို့ ပါဝင် ကြသော်လည်း ပါတီဖွဲ့စည်းသောအခါတွင်ကား ယင်း ပုဂ္ဂိုလ်များ မပါဝင်ကြပေ။ သခင်သိန်းဖေသည် ကျောင်းသားအရေးနှင့် ပတ်သက်၍ ရန်ကုန်စီရင်စု တို့ဗမာအစည်းအရုံးက အဖွဲ့ဝင်အဖြစ်မှ ထုတ်ပယ်ထားသဖြင့် သခင်သိန်းဖေအား ပါတီဝင်အဖြစ် ထည့် သွင်းခြင်းမပြုဘဲ ချန်လှပ်ထားခဲ့ရသည်။ (ယင်းအချိန် မှစ၍ သခင်သိန်းဖေသည် နိုင်ငံရေးလှုပ်ရှားရာတွင် သိန်းဖေအမည်ဖြင့်သာ လှုပ်ရှားခဲ့သည်။) သခင် သန်းထွန်းမှာမူ ပါတီဝင်အဖြစ် ဖိတ်ခေါ်သော်လည်း သခင်စိုးနှင့် သခင်အောင်ဆန်းတို့ ပါဝင်ပြီးဖြစ်သဖြင့် မိမိမလိုအပ်ကြောင်း၊ မိမိအနေနှင့် တို့ဗမာအစည်း အရုံးတွင်သာ ဇောက်ချ၍ လုပ်ကိုင်လိုကြောင်း အကြောင်းပြ၍ ငြင်းဆိုခဲ့သည်။ သခင်ကျော်စိန်မှာမူ မည်သူနှင့်မျှ မတိုင်ပင်ဘဲ နိုင်ငံခြားကွန်မြူနစ်များနှင့် သီးခြားဆက်သွယ်ခြင်း၊ အင်္ဂလန်အတိုက်အခံ လေဘာ ပါတီနှင့် ဆက်သွယ်ခြင်း၊ လျှို့ဝှက်စာရွက်စာတမ်းများ သီးခြားဖြန့်ဝေခြင်းတို့ကြောင့် စိတ်မချရဟုဆိုကာ ပါတီ ဝင်အဖြစ် ထည့်သွင်းခြင်း မပြုခဲ့ပေ။

ယင်းပါတီကလာပ်စည်း၁ (၁။ ကက(ကြည်း)၊ သုတေသနဌာနစု၏ ၁၉၇၇ ခုနှစ်၊ မေလ ၉ ရက်ထုတ် ဗမာပြည်ကွန်မြူနစ်ပါတီ၏ နိုင်ငံရေး၊ စစ်ရေးလှုပ်ရှားမှု (ပထမပိုင်း) စာမျက်နှာ ၈ နှင့် ၉ တွင် ပါတီကလာပ်စည်းဖွဲ့စည်းပုံနှင့် ပတ်သက်၍ သခင်လှဖေ နှင့် တက်ဘုန်းကြီးသိန်းဖေတို့ ရန်ကုန်ကိုပြန်ရောက်လာပြီးနောက် တို့ဗမာအစည်းအရုံးဝင်သခင်များနှင့် ညှိနှိုင်းဆွေးနွေး ကြကာ ၁၃ဝ၁ ခုနှစ်၊ ဒုတိယဝါဆိုလဆုတ် ၁၄ ရက်၊ ၁၉၃၉ ခုနှစ်၊ သြဂုတ်လ ၁၃ ရက်၊ တနင်္ဂနွေနေ့တွင် ရန်ကုန် မြို့ ရေကျော်ရပ်ရှိ တို့ဗမာအစည်းအရုံးတည်ရာ၌ စတင်တည်ထောင်သည်ဟုဆိုသည်။ ထိုသို့ တည်ထောင်ရာတွင် အောက်ပါပုဂ္ဂိုလ်များ ပါဝင်သည် -

(က) သခင်အောင်ဆန်း အထွေထွေအတွင်းရေးမှူး

(ခ) သခင်လှဖေ ငွေကြေးတာဝန်ခံ

(ဂ) ကိုဗဟိန်း

(ဃ) ကိုသိန်းဖေ

(င) မစ္စတာ ဒတ္တား (သခင်လှဖေခေါ်လာသည့် အိန္ဒိယကွန်မြူနစ်ပါတီဝင် ဘင်္ဂါလီလူမျိုး)

ထိုသို့ တည်ထောင်ပြီး နောက်တစ်ရက်တွင် သခင်သိန်းဖေသည် မျိုးချစ်အဖွဲ့ခေါင်းဆောင် ဦးစောနှင့် ဆက်သွယ် သဖြင့် သခင်သန်းထွန်း၏လက်မှတ်ဖြင့် ကြေညာချက်ထုတ်ပြန်၍ တို့ဗမာအစည်းအရုံးမှ ထွက်ပေးလိုက်ရသည်။ ဒတ္တားမှာလည်း ကာလကတ္တား ပြန်သွားသည်။ ထို့ကြောင့် ယင်းတို့နှစ်ဦးအစား ဂိုရှယ်နှင့် သခင်စိုးတို့ကို ထည့်သွင်း ၍ သြဂုတ်လ ၁၅ ရက်တွင် ပထမဦးဆုံးသော ကလာပ်စည်းကို ဖွဲ့စည်းကြောင်း သခင်တင်မြ၏ ဘုံဘဝမှာဖြင့် စာအုပ်အောက်ခြေမှတ်စုတွင် ကိုးကား၍ဆိုသည်။ သို့သော် သခင်တင်မြ၏စာအုပ်တွင် ၄၈ လမ်းဟုသာ ဖော်ပြ သည်။ ဒတ္တားမှာလည်း ဒတ်(စ်)ဂုပတားကိုသာ ဆိုလိုဟန်တူသည်။

သခင်တင်မြ၏ ဘုံဘဝမှာဖြင့် (စ) စာမျက်နှာ ၃ဝ၆ တွင် ၄၉ လမ်း၊ အိမ်အမှတ် ၁၈၈ ဟု ထပ်မံဖော်ပြသည်။ ဘုံဘဝမှာဖြင့် (ပ) စာမျက်နှာ ၃၃၁ တွင်မူ အရှေ့ပိုင်း ၄၈ လမ်းအတွင်းမှ အိမ်တစ်အိမ်ဟု ဖော်ပြခဲ့သည်။)
သည် လျှို့ဝှက်ပါတီ ဖြစ်သည့်အလျောက် ဝါဒဖြန့်ချိရေးကိုသာ လုပ်နိုင်ခဲ့ သည်။ လွတ်လပ်ရေးကြိုးပမ်းမှုတွင် တရားဝင်အထင် ကရ အဖွဲ့အစည်းအဖြစ် ဆောင်ရွက်နေသော တို့ဗမာ အစည်းအရုံးကို သြဇာလွှမ်းမိုးရန် ကြိုးစားရာတွင် အတန်အသင့် အောင်မြင်ခဲ့သည်။ သို့သော် မကြာမီ မှာပင် ဗြိတိသျှအစိုးရက ရိပ်မိသိရှိပြီး မတရား အသင်း ကြေညာလိုက်သဖြင့် ကွန်မြူနစ်ကလာပ် စည်း၏ လှုပ်ရှားမှုများမှာ များစွာ ကျဉ်းမြောင်းသွားခဲ့ ရသည်။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization