Home » » နိုင်ငံရေးနှင့် ငြိမ်းချမ်းရေး (ပထမတွဲ) အပိုင်း (၁)

နိုင်ငံရေးနှင့် ငြိမ်းချမ်းရေး (ပထမတွဲ) အပိုင်း (၁)


ပြည်တွင်းငြိမ်းချမ်းရေးကို နိုင်ငံရေးနည်းနှင့်ဖြေရှင်းကြသည်ဆိုရာဝယ်
ရဲခေါင်ကျော်စွာ
(ပထမတွဲ)

အမှာစာ

ပါတီစုံဒီမိုကရေစီ အထွေထွေရွေးကောက်ပွဲ အကြိုကာလတွင် နိုင်ငံရေးပါတီအတော်များများ က ပြည်တွင်း သောင်းကျန်းမှုပြဿနာကို နိုင်ငံရေးအရ ဖြေရှင်းသွား မည့်လုပ်ငန်းစဉ်များ တင်ပြသွားခဲ့ ကြသည် ကို မှတ်သားမိပါသည်။ မြန်မာနိုင်ငံတွင် ပြည်တွင်း သောင်းကျန်းမှုသည် လွတ်လပ်ရေး သက်တမ်းနှင့်အတူ ရှည်ကြာခဲ့ပြီ ဖြစ်ပါသည်။ ၁၉၄၈ ခုနှစ်မှစ၍ ကေအင်န်ဒီအို အကြမ်းဖက် သောင်းကျန်း သူများ၊ အလံဖြူ ကွန်မြူနစ်ပါတီ အကြမ်းဖက် သောင်းကျန်းသူများသည် ပြည်တွင်းသောင်းကျန်းမှုကို စတင် ကျူးလွန် ခဲ့ကြပါသည်။ သခင်သန်းထွန်း ခေါင်းဆောင်သော ဗမာပြည် ကွန်မြူနစ် ပါတီသည် ၁၉၄၈ ခုနှစ်၊ မတ်လ ၂၈ ရက်မှစ၍ တောခိုကာ ပြည်တွင်း သောင်းကျန်းမှုကို စတင်ခဲ့ပါသည်။ ကေအိုင်အေ(ခေါ်) ကချင်အကြမ်း ဖက် သောင်းကျန်းသူများသည် ၁၉၆ဝ ပြည့်နှစ်မှစ၍ သောင်းကျန်းမှုကို ကျူးလွန် လာခဲ့ ကြပါသည်။

ဤပြည်တွင်း သောင်းကျန်းမှု ဖြစ်စဉ်တွင် အပြစ်မဲ့ တိုင်းရင်းသား ပြည်သူများ ရာနှင့်ထောင်နှင့် ချီ ၍ သေကျေ ပျက်စီးခဲ့ရပါသည်။ နိုင်ငံတော်ပိုင် အပါအဝင် ပြည်သူလူထု၏ ဥစ္စာစည်းစိမ် အမြောက်အမြား ဖျက်ဆီးခံခဲ့ ရပါသည်။ မြို့များ၊ရွာများ အများအပြား ဖျက်ဆီးခံခဲ့ရပါသည်။ လွတ်လပ်ရေး ရပြီးစ မြန်မာ နိုင်ငံတော်သည် တိုင်းပြည် တိုးတက်ရာ တိုးတက်ကြောင်း ကြိုးပမ်းခဲ့ရာ၌ သောင်းကျန်းမှု အရှိန်ကြောင့် အောင်မြင် သင့်သလောက် အောင်မြင်မှု မရခဲ့သည်ကိုလည်း ကြုံတွေ့ခဲ့ရပါသည်။ တိုင်းရင်းသား ပြည်သူ အားလုံး စိတ်မချမ်းမြေ့ ဖွယ်ရာ အတိဒုက္ခ ရောက်ခဲ့ကြရပါသည်။
ရွေးကောက်ပွဲ အတွက် မဲဆွယ်ကြသော နိုင်ငံရေးပါတီများက ပြည်တွင်း ငြိမ်းချမ်းရေးကို နိုင်ငံရေး နည်းအရ ဖြေရှင်းမည့် နည်းလမ်းများ တင်ပြကြသည်ကို ကြားသိ ရသောအခါ ပြည်တွင်း သောင်းကျန်းမှု ဒဏ်ကို ခံစားနေရသော ပြည်သူလူထု အနေဖြင့် အားတက် လိမ့်မည်ဟု မျှော်လင့်ပါသည်။ ပြည်တွင်း ငြိမ်း ချမ်းရေး ရရှိရေး အတွက် ယခင်အစိုးရ အဆက်ဆက် ကလည်း နိုင်ငံရေးနည်းအရ အားထုတ် ကြိုးပမ်းခဲ့ ကြပါသည်။ ဖဆပလ အစိုးရခေတ်၊ တော်လှန်ရေး ကောင်စီခေတ်၊ လမ်းစဉ်ပါတီ ခေတ်များတွင် ပြည်တွင်း ငြိမ်းချမ်းရေး ရရှိရေးအတွက် ကြိုးပမ်းဆောင်ရွက် ခဲ့ကြပါသည်။ အောင်မြင်မှု ရရှိခဲ့သကဲ့ သို့ ပြည်တွင်း သောင်းကျန်းသူများ၏ မူမမှန်သော သဘောထားကြောင့် ပျက်ပြားခဲ့ရသည်များလည်း ရှိခဲ့ပါ သည်။ နိုင်ငံတော်အစိုးရ၏ ပြည်တွင်း ငြိမ်းချမ်းရေးအတွက် လိုက်လျောချက်များကို အခွင့်ကောင်း ယူပြီး အကြမ်းဖက် သောင်းကျန်းသူများက နိုင်ငံရေး၊ စစ်ရေး၊ စည်းရုံးရေး အားဖြင့် အစိုးရအပေါ် အကျပ်ကိုင် ဆောင်ရွက်မှုများ ရှိခဲ့ပါသည်။
၁၉၄၈ ခုနှစ်မှ ၁၉၆၂ ခုနှစ်အထိ ရှည်ကြာခဲ့သော ဖဆပလ အစိုးရခေတ်တွင် ဗမာပြည်ကွန်မြူနစ် ပါတီ အလင်းဝင်ရေး အတွက် အစိုးရက အကြိမ်ကြိမ် စိတ်ရှည်စွာဖြင့် လိုက်လျောခဲ့သည်။ လွတ်ငြိမ်း ချမ်းသာခွင့် အမိန့်ထုတ်ပြန်၍ ပြည်တွင်း ငြိမ်းချမ်းရေး တည်ဆောက်ရန် ကြိုးပမ်းခဲ့သည်။ ဗမာပြည် ကွန်မြူနစ် ပါတီသည် ပြည်တွင်း စစ်ရပ်စဲရေး၊ ပြည်တွင်း ငြိမ်းချမ်းရေး လေသံပေး၍ နိုင်ငံတော် အာဏာကို လက်နက်ကိုင် တိုက်ပွဲဖြင့် ရယူရန် ကြံစည် လုပ်ဆောင် ခဲ့ကြသည်။ ဗမာပြည် ကွန်မြူနစ်ပါတီ၏ ကောက်ကျစ် စဉ်းလဲသော နည်းပရိယာယ်နှင့် လုပ်ရပ်များကို ထိုစဉ်က ပြန်ကြားရေး ဝန်ကြီးတာဝန် ထမ်းဆောင်ခဲ့သူ ဝန်ကြီးသခင် ချစ်မောင်က ''ပြည်တွင်းစစ် ရပ်စဲရေး အတွင်းရေးများ''ဟူသော စာအုပ်ဖြင့် တိုင်းပြည်သို့ ဖော်ထုတ် ရှင်းလင်းခဲ့ပါသည်။ ၁၉၅၆ ခုနှစ် တွင် မြဝတီ ပုံနှိပ်တိုက်မှ ရိုက်နှိပ် ထုတ်ဝေသည့် အဆိုပါစာအုပ် စာမျက်နှာ (၂၃) မှ (၂၈) အထိ ရေးသားထား ချက်များမှအချို့ကို အောက်ပါအတိုင်း ကောက်နုတ်ဖော်ပြလိုက်ပါသည်။
လွန်ခဲ့သော ၁၉၅၅ ခုနှစ်၊ အောက်တိုဘာလ ၁ ရက်မှ ၁၉၅၆ ခုနှစ်၊ မတ်လ ၃၁ ရက်အထိ အစိုးရက ပြစ်ဒဏ် လွတ်ငြိမ်းသက်သာခွင့် နောက်ဆုံး အခွင့်အရေးကို ထုတ်ပေး ထားခဲ့သည့် ခြောက်လ မျှသော အချိန်ပိုင်း အတွင်း၌ ဆက်တိုက် ဖြစ်ပေါ်လာခဲ့သော အခြေအနေ အရပ်ရပ်ကို ဂရုတစိုက် လေ့လာ အကဲခတ်ခဲ့ကြသူများ အဖို့ ကွန်မြူနစ်တို့၏ နိုင်ငံရေး ဝါဒဖြန့်မှုများသည် အနှစ်သာရ ကင်းမဲ့လျက် ရှိကြောင်း တွေ့ရှိရပေလိမ့်မည်။ အထူးသဖြင့် ၁၉၅၅ ခုနှစ်အတွင်း၌ ကွန်မြူနစ်ပါတီ ဗဟိုကော်မတီမှ နောက်ဆုံး ချမှတ်လိုက်သော 'နည်းပရိယာယ်နှင့် သေနင်္ဂဗျူဟာ'ကို ဖတ်ရှု လေ့လာရပြီး ဖြစ်သူများအဖို့ ကွန်မြူနစ်တို့၏ နိုင်ငံရေး ဝါဒဖြန့်မှုများသည် စဉ်းလဲ ကောက်ကျစ်မှုများ ဖြင့်အတိရှိ နေကြောင်း စက်ဆုပ် ဖွယ်ရာတွေ့ရှိ လာရမည်မလွဲ ဖြစ်ပေသည်။
ဖဆပလသည် ''ပြည်တွင်းစစ် ရပ်စဲရေး၊ ပြည်တွင်းငြိမ်းချမ်းရေး'' ပျားသကာအောက်တွင် မသေမသပ် ဖုံးဖိထားသော ကွန်မြူနစ်တို့၏ အဆိပ်တုံး အဆိပ်ခဲကို မူလ အစကတည်းက မြင်ရပြီး သားဖြစ်သော်လည်း ဗိုလ်လက်ျာကို တတိယလူအဖြစ် တင်မြှောက်၍ ကွန်မြူနစ်တို့က စကားကမ်းလှမ်းမှု ပြုလာသောအခါ စိတ်ရှည် လက်ရှည်ပင် ဗိုလ်လက်ျာမှတစ်ဆင့် အစိုးရ၏ သဘောထားကို ရှင်းလင်း ပြောကြားခဲ့ပေ သည်။
ဖဆပလက ဤသို့ စိတ်ရှည် နိုင်ခဲ့ခြင်းသည် ကွန်မြူနစ်များ အလင်းသို့ ဝင်လာစေရေးနှင့် ပတ်သက် ၍ ဖဆပလ၏ ဖြူစင်သော သဘောထားကို ဗိုလ်လက်ျာမှ တစ်ဆင့် ကွန်မြူနစ်တို့ သိရှိသွားစေ လိုသော စေတနာ အရင်းခံ ကြောင့်ပင်ဖြစ်ပေသည်။ ကွန်မြူနစ်တို့ဘက်မှ မည်သို့ပင် အကောက်ဥာဏ် သုံးလျက် ရှိကြစေကာမူ ဖဆပလက ထိုသူများအပေါ် သဘောရိုင်း မထားရှိကြောင်း လက်တွေ့ ပြလိုသောကြောင့် ပင်ဖြစ်သည်။
ဤစာတမ်းသည် -
(၁)  ကွန်မြူနစ် ပါတီအနေဖြင့် ၎င်းတို့ကြွေးကြော်နေသလို ''ပြည်တွင်းစစ်ကိုရပ်၍ ပြည်တွင်း  ငြိမ်းချမ်းရေး အရယူလိုသည်''ဆိုသည်မှာ တကယ့်ဝမ်းတွင်းသဘော ဟုတ်၊ မဟုတ်။
(၂)  ဖဆပလအစိုးရက ပြည်တွင်း ဆူပူမှုကို တာရှည်စေလိုသဖြင့် ဗမာပြည်ကွန်မြူနစ်ပါတီ၏  ကမ်းလှမ်းချက်ကိုပယ်ချပြီး လက်နက်အားကိုးဖြင့် အပြုတ်တိုက်ရေးလမ်းစဉ်ကို ကျင့်သုံးလျက်ရှိသည်ဆိုသော စွပ်စွဲချက် မှန်၊ မမှန်။
ကွန်မြူနစ်ပါတီ ဗဟိုကော်မတီ၏ နောက်ဆုံးလမ်းစဉ်သစ်ထွက်ပေါ်လာသည့် အချိန်မှစ၍ ယခု နောက်ဆုံးအချိန်အထိဖြစ်ပျက်ခဲ့သမျှ အကြောင်းအရာ အချက်အလက်အရပ်ရပ်ကို အခြေခံလျက် စိစစ်ဖော်ပြလိုက်သော သုံးသပ်ချက်များ ပင်ဖြစ်သည်။
ဤသုံးသပ်ချက်များသည်''ပြည်တွင်းစစ် ရပ်စဲရေး၊ ပြည်တွင်း ငြိမ်းချမ်းရေး'' ကြွေးကြော်သံများ နောက် ကွယ်မှ ကွန်မြူနစ်တို့၏ ကောက်ကျစ် စဉ်းလဲသော နည်းပရိယာယ်နှင့် သေနင်္ဂဗျူဟာကို ရှင်းလင်းဖော်ပြ လေ သည်။
xxx
၁။       တောခို ဗမာပြည် ကွန်မြူနစ် ပါတီသည် ၎င်းတို့ ကြွေးကြော် နေသလို ပြည်တွင်းစစ် ကိုရပ်၍ ပြည်တွင်းငြိမ်းချမ်းရေး ရယူလိုသည် ဆိုသည်မှာ တကယ့် ဝမ်းတွင်း သဘော ဟုတ် ပါသလား။
ဤမေးခွန်း အတွက် အဖြေကိုပေးရာ၌ ထင်ရှားသော အထောက်အထား တစ်ခုကို လေ့လာနိုင်ရန်၊ တောခို ဗမာပြည်ကွန်မြူနစ်ပါတီ ဗဟိုကော်မတီမှ နည်းပရိယာယ် တစ်ရပ်အနေဖြင့် ၁၉၅၅ ခုနှစ် နောက်ဆုံး ချမှတ်လိုက်သော အောက်ပါလမ်းစဉ်ကို ရည်ညွှန်းဖော်ပြရပေ သည်-
(က)    မိမိတို့ကွန်မြူနစ်ပါတီ၏ လက်နက်ကိုင် သောင်းကျန်းမှု လမ်းစဉ်သည် ၁၉၅ဝ ပြည့်နှစ်၊ နောက်ပိုင်းမှစ၍ ယနေ့အထိ ဖရိုဖရဲ ပြိုကွဲ ကျဆင်း လာလျက်ရှိသည်။ မိမိတို့၏ ကွန်မြူနစ် ပါတီ မှာလည်း ပြည်သူလူထုနှင့် တဖြည်းဖြည်း ကင်းကွာ လာလျက် ရှိသည်။
(ခ)     ဖဆပလ အစိုးရသည် ရှစ်နှစ်အတွင်း ပြည်တော်သာ ထူထောင်ရေး လုပ်ငန်းများကို အားကြိုး  မာန်တက် လုပ်ကိုင်ပြီး ပြည်သူလူထုကို စည်းရုံးလျက်ရှိသည်။
(ဂ)   ပြည်သူလူထုမှာ ပြည်တွင်း ဆူပူသောင်းကျန်းမှုကို ငြီးငွေ့၍ ပြည်တွင်း ငြိမ်းချမ်းမှုကို     သာ ပြင်းပြစွာ လိုလားတောင့်တ၍ နေပေပြီ။
(ဃ) ဤအခြေအနေ များအရ ပြည်သူလူထု၏ဆန္ဒနှင့် ကိုက်ညီသည့်      'ပြည်တွင်းစစ် ရပ်စဲရေး၊ ပြည်တွင်း ငြိမ်းချမ်းရေး' ကြွေးကြော်သံ တစ်ရပ်ကို နည်းပရိယာယ် တစ်ရပ်အနေဖြင့် ထုတ်ပြန်၍ ဤကြွေးကြော်သံဖြင့် လူထုကို စည်းရုံးရမည်။ ပြည်တွင်းစစ်ကို ဖန်တီးသော တရားခံသည် ဖဆပလ အစိုးရသာဖြစ်ကြောင်း လှုံ့ဆော်ဖန်တီးရမည်။
(င)   လူထုအား ပြည်တွင်း စစ်ရပ်စဲရေး ကြွေးကြော်သံဖြင့် လှုံ့ဆော်စည်းရုံးနေသည့် တစ်ချိန်   တည်းတွင် လက်နက်ကိုင် တိုက်ပွဲများကို ပိုမိုပြင်း ထန်ကျယ်ပြန့်စွာ ဆင်နွှဲတိုက်ခိုက် သွားရမည်။
(စ)  အကယ်၍ လူထု၏ အကျပ်ကိုင်မှုကြောင့် ဖဆပလ အစိုးရအနေဖြင့် တွေ့ဆုံဆွေးနွေး စေ့စပ်ရေး ကို သဘောတူ လာလျှင် ယာယီစစ်ရပ်စဲရေးကို ပါတီအနေဖြင့် တောင်းဆို၍ ဥပဒေတွင်း သို့ဝင်ပြီး အသက်ရှူ ပေါက်ယူရမည်။ ဤသို့ အသက်ရှူပေါက်ယူရင်း ဆက်လက် အင်အား စုပြီးမှ လက်နက်ကိုင် တိုက်ပွဲဖြင့် အာဏာကို နောက်ဆုံး သိမ်းယူမည်။
(ဆ) ဤသို့ယာယီ စစ်ရပ်စဲရေးကို ပြုလုပ်ရသည့် တိုင်အောင် ကွန်မြူနစ်ပါတီအနေဖြင့် လွတ်မြောက်သော နယ်မြေများ၊ ပြည်သူ့လက်နက်ကိုင်တပ်ဖွဲ့များ၊ ပြည်သူ့အုပ်ချုပ်ရေး အဖွဲ့များ မြေယာ ဝေခြမ်းရေး များစသော တော်လှန်ရေး၏ အသီးအပွင့်များကို စွန့်လွှတ်ခြင်း ပြုလုပ်မည် မဟုတ်။
(ဇ)  ပြည်တွင်းစစ် ရပ်စဲရေး၊ ပြည်တွင်း ငြိမ်းချမ်းရေး ကြွေးကြော်သံကို ကွန်မြူနစ် မြေအောက် နည်းများနှင့် မြေပေါ် အတိုက်အခံ ဆိုရှယ်နီပါတီ ကမ္ဘာ့ငြိမ်းချမ်းရေး၊ ပမညတ အစရှိသော အဖွဲ့ အစည်းများ စည်းဝါးညီညီ နိုင်ငံရေးထိုးစစ်ကို ရှေ့ဦးတင်၍ ဆင်နွှဲသွားရန်။
(ဈ)  နည်းပရိယာယ်အရ ကြွေးကြော်သံမှာ အစိုးရနှင့် တွေ့ဆုံဆွေးနွေးစေ့စပ်ရေး၊ ပြည်တွင်းစစ် ရပ်စဲရေးဖြစ်သည်။ သို့သော်လည်း သေနင်္ဂဗျူဟာမှာ ဖဆပလအစိုးရအား လုံးဝဖြိုချ ဖျက်ဆီး ပစ်ရေးသာဖြစ်သည်။ ၎င်းအတွက် တစ်ခုတည်းသော နည်းလမ်းသည် လက်နက် နည်းဖြင့် အာဏာသိမ်းရေးသာလျှင်ဖြစ်သည်ကို ကောင်းစွာသိနားလည် ထားရမည်။
(ည) ဖဆပလအစိုးရက တွေ့ဆုံဆွေးနွေးစေ့စပ်ရေးကို လက်မခံငြင်းပယ်လျှင် ပြည်တွင်းစစ် ရပ်စဲရေးကို ဖဆပလက မလိုလားကြောင်း လူထုကိုတင်ပြ၍ နိုင်ငံရေးအရ အမြတ် ထုတ်မည်။ ဤနည်းဖြင့် လူထုကို စည်းရုံး၍ ဖဆပလအပြုတ်တိုက်ရေးကို လုပ်သွားရမည်။ ဖဆပလက တွေ့ဆုံဆွေးနွေးရေးကို လက်ခံလျှင်လည်း ယာယီစစ်ရပ်စဲရေးဖြင့် အသက်ရှူ ပေါက်ယူ၍အထက်ဖော်ပြသည့်အတိုင်း လက်နက်နည်းဖြင့် နောက်ဆုံးအာဏာသိမ်း ပွဲအထိ ဆက်လက်ချီတက် သွားမည်။
''ပြည်တွင်းစစ် ရပ်စဲရေး၊ ပြည်တွင်းငြိမ်းချမ်းရေး ရယူရေးအတွက် အစိုးရနှင့် တွေ့ဆုံဆွေးနွေးရေး'' တည်းဟူသော တောခိုကွန်မြူနစ်ပါတီ၏ ဟန်ပြ ကြွေးကြော်သံများနောက်ကွယ်မှ ကွန်မြူနစ်တို့၏ တပ်ဆင်ထားသော စက်ခလုတ် စက်မောင်းများ၏ တည်နေပုံသည် အထက်ဖော်ပြပါအတိုင်း ဖြစ်ပေသည်။ ဤစက်ခလုတ် စက်မောင်းများကို ပြည်သူလူထုအနေဖြင့် မြင်တွေ့သိရှိနိုင်ရန် အကြောင်းမရှိပေ။ ကွန်မြူနစ် တို့သည် ၎င်းတို့၏ မရိုးသားလှသော အစီအမံတို့ကို အလွန်နှစ်လို သာယာဖွယ် ရှိလှသော ပြည်တွင်း စစ်ရပ်စဲရေး ကြွေးကြော်သံ ကန့်လန့်ကာဖြင့် ဖုံးဖိကာကွယ်ထားသော ကြောင့် ပင် ဖြစ်ပေသည်။
ဤအထောက်အထား တစ်ခုတည်းဖြင့်ပင် ကွန်မြူနစ်တို့သည် အမှန်စင်စစ်၌ ၎င်းတို့ကျင့်သုံးလျက် ရှိသော လက်နက်ကိုင်သောင်းကျန်းပုန်ကန်မှုလမ်းစဉ်ကို ရပ်တန့်ပစ်လိုက်ရန် ရည်ရွယ်ရင်း မရှိသလို၊ ပြည်တွင်းငြိမ်းချမ်းရေး ရယူလိုသည်ဆိုသည်မှာလည်း နည်းပရိယာယ်အရ ဟန်ပြကြွေး ကြော်နေခြင်း မျှ ဖြစ်ကြောင်း ထင်ရှားပေါ်လွင်ပေသည်။
(မှတ်ချက်။ ကွန်မြူနစ်ပါတီ၏ ပြည်တွင်းစစ်ရပ်စဲရေး၊ ပြည်တွင်းငြိမ်းချမ်းရေး ကြွေးကြော်သံများ ထွက်ပေါ်လာပြီးနောက် ကွန်မြူနစ်ပါတီ ဗဟိုကော်မတီက တိုင်း-ခရိုင်ကော်မတီများ ထံ ပေးပို့ လိုက်သော ညွှန်ကြားချက်အမှတ် နတဝ(၁/၅၆)တွင်၊ ''ဤကဲ့သို့ ပြည်တွင်းငြိမ်းချမ်းရေး ထိုးစစ်ကို ငါတို့က ပြုလုပ် လိုက်သဖြင့် ငါတို့၏လက်ထဲတွင် နိုင်ငံရေးလက်ဦးမှုရခဲ့သည်''ဟူ၍လည်းကောင်း ''ဤသို့ အားဖြင့် ငါတို့သည် နိုင်ငံရေးလက်ဦးမှုကို မလွတ်စေဘဲ ဖဆပလကို ဝေဖန်တင်ပြပြီး ပြည်တွင်းစစ် တာဝန် ရှိသူအဖြစ် ဖဆပလဘက်သို့ ပြည်သူလူထုအား အစဉ်ဦးလှည့်ထားအောင် လုပ်ဆောင် သွားရမည်'' ဟုလည်းကောင်း ညွှန်ကြားပါရှိလေသည်။)
xxx
ဤစာအုပ်တွင် တော်လှန်ရေးကောင်စီခေတ်နှင့် လမ်းစဉ်ပါတီခေတ်များ၌ တောတွင်း လက်နက်ကိုင် အဖွဲ့အစည်းများနှင့် တွေ့ဆုံဆွေးနွေးမှုမှတ်တမ်းများကို အပြည့်အစုံ ဖော်ပြထားပါသည်။ တောတွင်း လက်နက်ကိုင် အဖွဲ့အစည်းများက နိုင်ငံတော်အစိုးရ၏ မွန်မြတ်သောစေတနာကို အမြတ်ထုတ်၊ အသုံးချရန် ရည်ရွယ်ချက်ဖြင့် တွေ့ဆုံဆွေးနွေးရေးစားပွဲသို့ ရောက်ရှိလာကြောင်းကို မျက်ဝါးထင်ထင် တွေ့ကြရ ပါမည်။ တောတွင်းလက်နက်ကိုင် အဖွဲ့အစည်းများ၏ တောင်းဆိုချက်များ သည် ဖြစ်နိုင်၊ မဖြစ်နိုင် တရားမျှတမှု ရှိ၊ မရှိဆိုသည်ကိုလည်း သုံးသပ်နိုင်ကြပါလိမ့်မည်။
အကြမ်းဖက် သောင်းကျန်းသူများ၏ ယနေ့အခြေအနေကို ပြန်ကြည့်လျှင် ဗမာပြည် ကွန်မြူနစ် ပါတီ၏ နိုင်ငံတော်အာဏာသိမ်းပိုက်ရေး လှုပ်ရှားမှုများ၊ ဗကပယူဂျီများ၏ အဖျက် လုပ်ရပ်များကို ဖော်ထုတ် ချေမှုန်း နိုင်ခဲ့ပါပြီ။ ဗကပတို့သည် ဖရိုဖရဲပြိုကွဲပြီး ဇာတ်သိမ်းလုနီးပါး အခြေအနေ ရောက်နေပါပြီ။ တစ်ချိန်က ဗကပလက်အောက်ခံဖြစ်ခဲ့သည့် တိုင်းရင်းသားအဖွဲ့အစည်းများသည် ဗကပသြဇာကို တော်လှန်ပုန်ကန်ကာ တရားဥပဒေဘောင်အတွင်းသို့ ပြန်လည်ရောက်ရှိနေကြပါပြီ။ နယ်ချဲ့လက်ပါးစေ ကေအင်န်ဒီအိုတစ်ဖြစ်လဲ ကေအင်န်ယူ အကြမ်းဖက်သောင်းကျန်းသူများမှာ တပ်မတော်၏ စစ်ဆင်ရေး ကြီးများကြောင့် ရေနည်းငါးပမာ တစ်နေ့တခြား အင်အားဆုတ်ယုတ်ချည့်နဲ့ ကာ ဆောက်တည်ရာမရ ဖြစ်နေရပါပြီ။ မှောင်ခိုလုပ်ငန်း၊ ဘိန်းလုပ်ငန်းဖြင့် အသက်ဆက်နေ ရသော ကေအိုင်အေခေါ် ကချင်အကြမ်းဖက် သောင်းကျန်းသူများမှာလည်း တပ်မတော်၏ ထိုးစစ်ဒဏ် ကြောင့် ဇာတ်သိမ်းမကောင်း ဖြစ်နေပါပြီ။ မဝေးတော့သောကာလတွင် တပ်မတော်သည် တိုင်းရင်းသားပြည်သူတို့၏ ပူးပေါင်း ဆောင်ရွက်မှုဖြင့် လက်နက်ကိုင်အကြမ်းဖက်သောင်းကျန်းသူများကို ကျူပင်ခုတ်၊ ကျူငုတ်မကျန် အမြစ်ပြတ် ချေမှုန်းနိုင် တော့မည်ဖြစ်ပါသည်။
ယနေ့အခြေအနေကား အဖျက်သမားများ ကျဆုံး၍ တည်ဆောက်ရေးသမားများ အောင်ပန်း ဆင်ချိန်ဖြစ်ပါသည်။ တစ်နည်းပြောရလျှင် တောင်ပေါ်မြေပြန့်မကျန် တည်ဆောက်ရေး လုပ်ငန်းများ အရှိန်အဟုန်ရနေ သော အချိန်ကာလဖြစ်ပါသည်။
ဤအခြေအနေ ဤအချိန်ကာလတွင် ''ပြည်တွင်းငြိမ်းချမ်းရေးကို နိုင်ငံရေးနည်းနှင့် ဖြေရှင်းကြသည် ဆိုရာဝယ်'' စာအုပ်သည် မြန်မာနိုင်ငံ၏ သမိုင်းစာမျက်နှာအဖြစ် ကျန်ရစ်ခဲ့ သည့် တွေ့ဆုံ ဆွေးနွေး ရေးဖြစ်စဉ် များကို မခြွင်းမချန်ဖော်ပြရင်း လက်နက်ကိုင်အကြမ်းဖက်သောင်း ကျန်းသူများ ၏ ဇာတိရုပ်ကို ဖွင့်ချလိုက်သည် ဟု ဆိုချင်ပါသည်။
ရက်စွဲ၊ ၉-၈-၉၁
နေရာ၊ ရန်ကုန်။
ရဲခေါင်ကျော်စွာ

ကျမ်းကိုး
ပြည်တွင်းစစ်ရပ်စဲရေးအတွင်းရေးများ
ရေးသူ-ဝန်ကြီးသခင်ချစ်မောင်
မြဝတီပုံနှိပ်တိုက်၊ ၁၉၅၆ ခုနှစ်။



 


ပြည်တွင်းငြိမ်းချမ်းရေးကို နိုင်ငံရေးနည်းနှင့် ဖြေရှင်းကြသည်ဆိုရာဝယ်
ရဲခေါင်ကျော်စွာ

နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ သည် (၁၈-၉-၈၈)ရက်၌  နိုင်ငံတစ်ဝန်းလုံးတွင် အဘက်ဘက်မှ ယိုယွင်းနေသော အခြေအနေကို အချိန်မီ ထိန်းသိမ်းနိုင်ရန်အတွက် ပြည်သူပြည်သား အားလုံး အကျိုးငှာတပ်မတော်သည် နိုင်ငံတော်အာဏာအရပ်ရပ်ကို လုံးဝတာဝန်ယူ လိုက်ကြောင်း ကြေညာချက် အမှတ်(၁/၈၈)ကို ထုတ်ပြန်ခဲ့သည်။ ထိုကြေညာချက်တွင် တာဝန်ကြီးလေးရပ်ကို အဓိကထား၍ ဆောင်ရွက် သွားရန် ဖော်ပြပါရှိခဲ့ကြောင်း တွေ့ရှိရပါသည်။
ပထမတာဝန်ကြီးဖြစ်သော တရားဥပဒေစိုးမိုးရေး၊ နယ်မြေအေးချမ်းသာယာရေးတာဝန်ကြီးကို အောင်မြင်စွာ ဆောင်ရွက်နိုင်ခဲ့ပါသည်။ ကြောက်မက်စိုးရိမ် ထိတ်လန့်ဖွယ်ကောင်းလှသော မင်းမဲ့ စရိုက်ဝါဒီများ၊ ဆူပူသောင်းကျန်းလူသတ်ခေါင်းဖြတ် လူသားစား ရိုင်းစိုင်းယုတ်မာမှုများ ချုပ်ငြိမ်း စေခဲ့ပါသည်။ ဗမာပြည် ကွန်မြူနစ်ပါတီ၏ နိုင်ငံတော်အာဏာသိမ်းပိုက်ရေး လှုပ်ရှားမှုများနှင့် ယင်းတို့၏ မြေပေါ်မြေအောက် ဗကပယူဂျီများ၏ လုပ်ဆောင်လှုပ်ရှား အဖျက်လုပ်ငန်းများ၊ မြန်မာနိုင်ငံအတွင်းမှ သစ္စာဖောက် ပုဆိန်ရိုးများနှင့် ပြည်ပမှ ဓားရိုးကမ်းသူတို့၏ အရှုပ်တော်ပုံဇာတ်ထုပ် အသီးသီးမှ ဇာတ်ကောင်တို့၏ အဖျက်လုပ်ငန်းများကို သက်သေခံအထောက်အထား ပစ္စည်းများနှင့် တိုင်းပြည် သို့ ဖော်ထုတ်တင်ပြနိုင်ခဲ့ပါသည်။ နယ်စပ်ဒေသရှိ ကေအင်န်ယူသောင်းကျန်းသူတို့၏ အခြေခံခြေကုပ် အဓိကစစ်စခန်းကြီးများ  အများအပြားကိုလည်း တပ်မတော်မှ စစ်ဆင်ရေးကြီးများပြုလုပ်၍ ¤င်းတို့၏ စစ်မာန်စွယ်၊ စစ်ရန်စွယ်ကို အပိုင်းပိုင်း အတစ်တစ် တစ်စစီဖြစ်သွားအောင် ရိုက်ချိုးခြေမွှပစ်နိုင်ခဲ့ပါသည်။ ထို့ကြောင့် ယင်းကေအင်န်ယူသောင်းကျန်းသူများ၏ အပေါင်းပါ နယ်ချဲ့ကိုလိုနီလက်သစ်များအဖို့ စိုးရိမ်စိတ်၊ ပူပင်သောက ကြောင့်ကြစိတ်များဖြင့် ငယ်သံပါအောင်  အသံလွှင့်ဌာနများ၊ သတင်းစာများမှ ရှိုက်ကြီးတငင် အော်ဟစ်ရေးသားအသံလွှင့်ကြရင်း ကြောက်လန့်တုန်လှုပ်သွားသည်အထိ အောင်ပွဲများ ဆက်တိုက် အစဉ်အဆက်မပြတ် ရရှိခဲ့ပြီးဖြစ်ပါသည်။ ဗကပများကို လည်း မိုင်းယန်းမြို့တွင် တိုက်ပွဲများဖြစ်ပွားပြီးနောက် ဖရိုဖရဲ ပြိုကွဲသွားစေကာ စုတ်ပြတ်ကြေမွသွားသည် အထိ ထုထောင်းခြေမွှခဲ့ပြီးဖြစ်ပါသည်။
ဒုတိယတာဝန်ကြီးတစ်ရပ်ဖြစ်သော လမ်းပန်း ဆက်သွယ်မှု လုံခြုံချောမွေ့စေရေးတာဝန်ကို လည်း အောင်မြင်စွာ ဆောင်ရွက်အကောင်အထည်ဖော်ခဲ့ပြီး ဖော်နေဆဲဖြစ်တာကိုလည်း တွေ့မြင်သိရှိနေကြပြီ ဖြစ်ပါ သည်။ မြန်မာနိုင်ငံတစ်ဝန်းလုံးပတ်လမ်း (Myanmar  State  Circular  Road) ကြီးကို ဖောက် လုပ်နေကြောင်း မြေပုံနှင့်တကွသတင်းစာများတွင် ဖော်ပြခဲ့ပြီးဖြစ် ကြောင်း သိရပါပြီ။ ရန်ကုန်မြို့တွင်း မြို့ပြင်လမ်းမကြီး များကိုလည်း တိုးချဲ့ဖောက်လုပ်နေဆဲဖြစ်ကြောင်း တွေ့မြင် နေကြ ရသည်။ နေ့ရောညပါ  ဆောက်လုပ်နေ သော တံတားများ ဖောက်လုပ်တိုးချဲ့နေသော လမ်းမ ကြီးများသည် ဒုတိယတာဝန်ကြီး၏ လုပ်ငန်းအကောင် အထည်ပေါ်လွင်နေကြောင်း သက်သေသာဓက ပြလိုက်ခြင်းပင်ဖြစ် ပါသည်။ အထက် မြန်မာပြည်-အောက် မြန်မာပြည် ဆက်သွယ်ရေး မော်တော်ကားလမ်းမကြီးများ လမ်းကျယ်ပြန့် ချောမွတ်စွာ ဖောက်လုပ်တိုးချဲ့ပြီး နေကြောင်း တွေ့ခဲ့ရသည်။ အချို့နေရာများ တွင် ကောက်ကွေ့နေသော လမ်းကောက် များကိုလည်း ဖြတ်တောက်ဆက်စပ်ပြီး အသစ်လမ်းဖောက်ထား သည်ကိုလည်း တွေ့ခဲ့ရသည်။ အောက်မြန်မာပြည်မြစ်ဝ ကျွန်းပေါ်ဒေသ လမ်းပန်းဆက်သွယ်ရေး  လမ်းကြောင်းများ၊ တံတားများလည်း နေ့ရောညပါ ဖောက်လုပ်နေလေပြီ။ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ တာဝန်ယူသည့် နေ့မှစ၍ တပ်မတော်သည် တည်ဆောက်ရေးလုပ်ငန်းများကို တရစပ်လုပ်ဆောင် နေသည့်အရှိန် အဟုန်သည် အလွန်ပင်မြင့်မားလှကြောင်း၊ မြန်မာပြည်သို့ အခေါက်ခေါက်အခါခါ ရောက်နေသော မိတ်ဆွေနိုင်ငံခြားသားများက ဝန်ခံရင်း တအံ့တသြပြောကြပါသည်။ အထူးသတိပြုမိသည့် အချက်ကား လမ်းသစ်များ လမ်းဟောင်းများ ဖောက်လုပ်ရာတွင် မိုးရာသီကာလဖြစ်စေ၊ နွေရာသီကာလ ဖြစ်စေ ယခင်ကကဲ့သို့ အပေါက်အပြဲမရှိတော့ဘဲ လမ်းဖောက်မှု အရည် အသွေး တိုးတက်ကောင်းမွန်ပြီး ခိုင်မြဲခြင်းပင်ဖြစ်သည်။
တတိယတာဝန်ကြီးတစ်ရပ်ဖြစ်သော ပြည်သူများ ၏  စားဝတ်နေရေးချောင်လည်စေရန်  ဤအဖွဲ့မှ အစွမ်းကုန် ကြိုးပမ်းဆောင်ရွက်ပေးရန်နှင့် ပုဂ္ဂလိက၊ သမဝါယမတို့ ဆောင်ရွက်နိုင်အောင်လည်း တတ်နိုင် သမျှ ကူညီဆောင်ရွက်ပေးနိုင်ရေးတာဝန်ကိုလည်း ထမ်းဆောင်ခဲ့ပြီး ထမ်းဆောင်ဆဲဖြစ်ပါသည်။ ပြည်တွင်း စီးပွားရေးလုပ်ငန်း မီးဖိုချောင်စားသုံးမှု ဆန်၊ ဆီ၊  ဆား၊ ငရုတ်၊ ကြက်သွန် စသော စားကုန်သောက်ကုန် များကို လည်း တတ်နိုင်သမျှ ဈေးနှုန်းကျဆင်းလာရန် ကုန်ဈေးနှုန်းကျဆင်းရေး ကော်မတီအဖွဲ့ ဖွဲ့ပြီး ဆောင်ရွက်လျက်ရှိပါသည်။ ပြည်ပနိုင်ငံအသီးသီးမှ စီးပွားရေးကုမ္ပဏီကြီးများသည် မြန်မာနိုင်ငံသို့ လာရောက်၍ စာချုပ် ချုပ်ဆိုလျက် လုပ်ငန်းများ စတင်လုပ်ဆောင်ကြကြောင်း၊ ရုပ်မြင်သံကြား၊ ရေဒီယို၊ သတင်းစာများတွင် ထည့်သွင်း ဖော်ပြ၍ ပြည်သူသို့ အသိပေးတင်ပြလျက် ရှိပါသည်။ မြန်မာ့သစ် လုပ်ငန်း၊ မြန်မာ့ရေနံလုပ်ငန်း၊ မြန်မာ့ရေ လုပ်ငန်း စသော စီးပွားရေးလုပ်ငန်းကြီးများ၊ ကုန်သွယ် ရေးဝန်ကြီးဌာန လက်အောက်ရှိ စီးပွားရေးလုပ်ငန်း ဌာနများတို့သည်လည်း နိုင်ငံခြားကုမ္ပဏီကြီးများနှင့် စာချုပ်များ ချုပ်ဆိုလျက် စီးပွားရေးအရှိန်အဟုန် တိုးမြှင့်ဆောင်ရွက်လျက်ရှိပါသည်။ နိုင်ငံတော်အစိုးရ သည် စီးပွားရေး တံခါးဖွင့်ဝါဒကို ကျင့်သုံးလျက် နိုင်ငံ အတွက် အကျိုးရှိစွာဖြင့် ပစ္စုပ္ပန်အရေး၊ အနာဂတ် အရေးတို့ကို ကျယ်ပြန့်စွာ မြော်မြင်တွေးခေါ်ပြီး စီးပွား ရေးအုတ်မြစ်များချထားပြီးဖြစ်ပါသည်။

ကျယ်ပြန့်စွာ မြော်မြင်တွေးခေါ်ပြီး စီးပွားရေးအုတ်မြစ်ချထား

စတုတ္ထတာဝန်ကြီးတစ်ရပ်ဖြစ်သော အထက်ပါ လုပ်ငန်းရပ်များ ပြည့်စုံပြီးလျှင် ပါတီစုံဒီမိုကရေစီ အထွေထွေရွေးကောက်ပွဲကျင်းပရေး တာဝန်ကြီးကို လည်း စဉ်တိုက်ဆက်တိုက်ဆိုသလိုပင် အကောင် အထည်ဖော် ကြိုးပမ်းနေပါသည်။ နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ဥက္ကဋ္ဌနှင့် အဖွဲ့ဝင်များ သည် နိုင်ငံတော်တာဝန်အရပ်ရပ်ကိုယူပြီး နောက်တစ်ရက်မှာပင်  ပါတီစုံဒီမိုကရေစီ  အထွေထွေ ရွေးကောက်ပွဲ ကျင်းပရေးကော်မရှင်ဥက္ကဋ္ဌနှင့် အဖွဲ့ဝင်များအား ခေါ်ယူတွေ့ဆုံညှိနှိုင်းဆွေးနွေးခဲ့ပါသည်။ ပါတီစုံဒီမိုကရေစီ အထွေထွေရွေးကောက်ပွဲကျင်းပရေး ကော်မရှင်ဥပဒေ  နိုင်ငံတော်ငြိမ်ဝပ်ပိပြားမှုတည် ဆောက်ရေးအဖွဲ့ ဥပဒေ (၁/၈၈)ကို ၁၉၈၈ ခုနှစ်၊ စက်တင်ဘာလ ၂၁ ရက်တွင် ပြဋ္ဌာန်းခဲ့ပါသည်။
နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့သည် တိုင်းပြည်နှင့်ကမ္ဘာသို့ ကြေညာခဲ့သည့် အတိုင်းတာဝန်ကြီးလေးရပ်ကို တည်တည်ကြည်ကြည်ဖြောင့်ဖြောင့်မတ်မတ်ပင် အကောင်အထည် ဖော်နေ လျက်ရှိရာ ယနေ့အချိန်ဆိုလျှင် တိုင်းပြည်တစ်ဝန်းလုံးသည် တည်ငြိမ်အေးချမ်းသောအနေ အထားသို့ ရောက်ရှိ လာ ကြောင်း တွေ့ရှိနေရပါပြီ။
ဤဆောင်းပါးတွင် ဤသို့အခြေအနေအရပ်ရပ် အကျဉ်းချုံးတင်ပြပြီးနောက် ပါတီစုံဒီမိုကရေစီ အထွေထွေရွေးကောက်ပွဲကော်မရှင်သည် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့နှင့် ညှိနှိုင်း ထားသည့်အတိုင်း တရားမျှတသော ပါတီစုံအထွေထွေရွေးကောက်ပွဲ ကျင်းပရေးလုပ်ငန်းများ ဆောင်ရွက်မှုကို ဆက်လက်တင်ပြလိုပါသည်။ လုပ်ငန်းအစီအစဉ်နှင့် အချိန်ဇယားကို ၁၉၈၉ ခုနှစ်၊ ဖေဖော်ဝါရီလ ၁၆ ရက်တွင် တိုင်းပြည်သို့ထုတ်ပြန်ပြီးအဆင့်ဆင့်ဆာင်ရွက်ခဲ့ရာ လုပ်ငန်းအားလုံး သည် ချောချော မောမောနှင့် အောင်မြင်နေ ပြီဖြစ်ပါသည်။ ယခုအခါ ဆိုလျှင် ၁၉၉ဝ ပြည့်နှစ်၊ မေလ ၂၇ ရက်တွင် မြန်မာနိုင်ငံတစ်နိုင်ငံ လုံး ရွေးကောက်ပွဲ ကျင်းပတော့မည် ဖြစ်ပါသည်။
နိုင်ငံရေးပါတီအသီးသီးအား စည်းရုံးမဲဆွယ် ဟောပြောခွင့်ကို ဖေဖော်ဝါရီလ ၂၈ ရက်မှစ၍ ခွင့်ပြု လိုက်ပြီဖြစ်ရာ ရုပ်မြင်သံကြား၊ ရေဒီယို၊ သတင်းစာတို့တွင် ပါတီအသီးသီးမှ ကိုယ်စားလှယ်များ တက် ရောက် ဟောပြောအသံလွှင့်ခွင့်ရနေကြပြီဖြစ်ပါသည်။ ထိုသို့ ညစဉ် နှစ်ပါတီ အလှည့်ကျ ဟောပြော ကြသော အစီအစဉ်သည် ပထမအပတ်ပင် ပြီးဆုံးသွား၍ ဒုတိယအပတ် ညစဉ်သုံးပါတီအလှည့်ကျထပ်မံ လွှင့်ထုတ် ပေးနေပြန်ပါပြီ။ မြန်မာပြည်သူလူထုအနေနှင့် ပါတီ အသီးသီး၏အခြေအနေကို အကဲခတ် ခွင့်၊ လေ့လာခွင့် ရသွားကြပါသည်။ မြို့နယ်အသီးသီးတွင်လည်း စည်းရုံးဟောပြောခွင့်များကို ဥပဒေဘောင်အတွင်းမှ စည်းကမ်းချက်များနှင့်အညီ လွတ်လပ်စွာဟောပြော စည်းရုံးနေကြကြောင်းကြား သိ တွေ့မြင်နေကြ ရပါသည်။
ထိုနိုင်ငံရေးပါတီများ ဟောပြောကြရာတွင် နိုင်ငံရေးပါတီ ၉၃ ခုအနက် ၃၂ ပါတီက ပြည်တွင်း ငြိမ်းချမ်းရေးနှင့်ပတ်သက်၍ ပြည်တွင်းသောင်းကျန်းမှု ပြဿနာကို နိုင်ငံရေးအရ ဖြေရှင်းသွားမည့်လုပ်ငန်း စဉ်ကို တင်ပြသွားကြောင်းလေ့လာနားထောင်၍ သတိပြုမိပါသည်။ ပြည်တွင်းငြိမ်းချမ်းရေးကို နိုင်ငံရေး နည်းလမ်းဖြင့် တန်းတူရည်တူ ငြိမ်းချမ်းရေးတည်ဆောက်နိုင်ရန် ဆောင်ရွက်ကြမည့်အကြောင်းများ ပါရှိပါသည်။ ပြည်တွင်း ငြိမ်းချမ်းရေးကို ဆောင်ရွက်လိုကြသောစိတ်ဓာတ်ကိန်းအောင်းနေကြခြင်းသည် ကောင်းမြတ်သော သဘောထားများထားရှိကြောင်းပြဆိုနေ၍ ဝမ်းမြောက်ကြည်နူးမှု ဖြစ်ရမိပါ သည်။ ပြည်တွင်းသောင်းကျန်းမှု ဒဏ်ကို  ခံစားနေရသော မြန်မာပြည်သူလူထုအတွက်လည်း များစွာအားတက် စေမည်သာ ဖြစ်ပါသည်။

နယ်ချဲ့သမား သွေးထိုးမှုကြောင့် ကေအင်န်ယူတို့ လက်နက်ကိုင်သောင်းကျန်း

ပြည်တွင်းဆူပူသောင်းကျန်းမှုကို ၁၉၄၈ ခုနှစ်မှ စ၍ ကေအင်န်ဒီအို သောင်းကျန်းသူများ၊ အလံဖြူ ကွန်မြူနစ်ပါတီ သောင်းကျန်းသူများက ဦးဆောင်၍ စတင်လုပ်ဆောင်ခဲ့ ကြကြောင်း တွေ့ရပါ သည်။ ကေအင်န်ဒီအိုခေါ် ကေအင်န်ယူသောင်းကျန်းသူများသည် နယ်ချဲ့ကိုလိုနီဝါဒ သမားများ၏ မြှောက်ပင့် သွေးထိုးမှု၊ လှုံ့ဆော်မှုတို့ကြောင့် ပြည်ထောင်စုမြန်မာနိုင်ငံ ပျက်စီးရာပျက်စီးကြောင်းကို လက်နက်စွဲကိုင်၍ ပုန်ကန် သောင်းကျန်းကြတော့သည်။ မြို့ရွာများကို ဝင်ရောက် စီးနင်းလျက် ငွေတိုက်များ ဖောက်ယူ လုယက်ခြင်း၊ အပြစ်မဲ့တိုင်းရင်းသားမြန်မာလူမျိုးများအား ရာနှင့်ထောင်နှင့် ချီ၍ သတ်ဖြတ်ခြင်း၊ အခြား လူထုအိုးအိမ် စည်းစိမ်များကို လုယက်မီးရှို့ဖျက်ဆီးပြီး အတင်းအဓမ္မ အနိုင်ကျင့်ခြင်းများ ပြုလုပ်ခဲ့သည်မှာ စိတ်မချမ်းမြေ့ဖွယ်ရာအတိ ဖြစ်တော့သည်။ တပ်မတော် သည်ပြည်သူ လူထုအကူအညီအဖြင့် ကေအင်န်ဒီအို (ခေါ်) ကေအင်န်ယူ သောင်းကျန်းသူများကို ချေမှုန်း တိုက်ခိုက်ခဲ့ရာ ပြည်မဒေသများတွင် လုံးဝမရှိတော့ဘဲ နယ်စပ်ဒေသ သို့ ဆုတ်ခွာထွက်ပြေးတိမ်းရှောင်နေ ရသောအဆင့်သို့ ကျဆင်းသွားပြီ ဖြစ်ပါသည်။ ၁၉၈၉ ခုနှစ်အတွင်း၌ ကေအင်န်ယူ သောင်းကျန်းသူစခန်းကြီး စုစုပေါင်းရှစ်ခု သိမ်းဆည်းရရှိပြီး ယခုအခါ တစ်ခု၊ နှစ်ခုသာကျန်ပါ တော့သည်။ ဤကရင်သောင်းကျန်းသူများနှင့် ပတ်သက်၍ ဗွီအိုအေက ၁၂-၄-၉ဝ ရက်က သတင်း တစ်ရပ်ထုတ်ပြန်ခဲ့ရာ ကရင်သောင်းကျန်းသူများကို တစ်ခါတုန်းက ဗြိတိသျှအုပ်စိုးသူများ၏ မဟာမိတ်ဖြစ် သော ကရင်သူပုန်များဟု အတိအလင်း ဗြောင်ကျကျ ပင် ဝိသေသပြု၍ သုံးစွဲသွားကြောင်း သိရပါသည်။ ဘီဘီစီအသံလွှင့်ဌာနကမူ ၁၁-၄-၉ဝ ရက် အသံလွှင့် သော သတင်းတစ်ပုဒ်တွင် အဆိုပါ ကေအင်န်ယူ သောင်းကျန်းသူများကို ကရင်ပြောက်ကျားများဟု ဝိသေသပြု၍ ခေါ်ဝေါ်သုံးစွဲသွားကြောင်း တွေ့ရှိရ ပါသည်။
ကေအင်န်ဒီအို(ခေါ်) ကေအင်န်ယူသောင်းကျန်း သူများ၊ နယ်ချဲ့ကိုလိုနီဝါဒသမားများက မြှောက်ပင့် သည့်နည်းတူ အလံဖြူဗမာပြည်ကွန်မြူနစ်ပါတီကိုလည်း အိန္ဒိယကွန်မြူနစ်ပါတီက ပုန်ကန်ထြ<ွကရန် လမ်းစဉ်ချပေးလိုက်ပြန်ပါသည်။ မြန်မာနိုင်ငံလွတ်လပ် ရေးရသောအခါ အလံဖြူကွန်မြူနစ်ပါတီ အထွေထွေ အတွင်းရေးမှူး သခင်သန်းထွန်းက လွတ်လပ်ရေးနေ့ အခမ်းအနားသို့ တက်ရောက်ခဲ့ပြန်ပါသည်။ ထိုအချိန် တွင် အိန္ဒိယသို့ ရောက်နေသော ဂိုရှယ်က ပြည်သူ့ခေတ် (People's  Age)  သတင်းစာနှင့် တွေ့ဆုံ ခန်းတွင် မြန်မာနိုင်ငံ၏ လွတ်လပ်ရေးမှာ အတုဖြစ်သည်ဟု ဝေဖန်ရှုတ်ချခဲ့ပါသည်။
စင်စစ် ဂိုရှယ်၏အာဘော်သည် အိန္ဒိယကွန်မြူနစ် ပါတီမှ ဝေဖန်သုံးသပ်လိုက်သော အမြင်သာဖြစ် ကြောင်း သိရသည်။ ဂိုရှယ်သည် မြန်မာပြည်၏ ယနေ့ အခြေအနေနှင့် ငါတို့တာဝန်အမည်ရှိ စာတမ်းတစ် စောင်ကို ဗမာပြည်ကွန်မြူနစ်ပါတီသို့ ပေးပို့လိုက်သည်။ ဂိုရှယ်၏လမ်းစဉ်သည် အိန္ဒိယကွန်မြူနစ်ပါတီခေါင်း ဆောင် ရာနာဒီဗေး၏လမ်းစဉ်ပင်ဖြစ်သည်။ ရာနာဒီ ဗေး၏ လက်နက် ကိုင် တော်လှန်ရေးလမ်းစဉ်ပင်ဖြစ်ပြီး အိန္ဒိယနိုင်ငံ၏ လွတ်လပ်ရေးကို ထိခိုက်စေရုံသာမက အိန္ဒိယကွန်မြူနစ်ပါတီကိုပါ ဒုက္ခရောက်စေခဲ့သည်ဟု သိရသည်။ ဗမာပြည်ကွန်မြူနစ်ပါတီသည် ၁၉၄၈ ခုနှစ်၊ ဖေဖော်ဝါရီလတွင် ပျဉ်းမနား၌ ညီလာခံတစ်ရပ် ကျင်းပရာ စပါးရိတ်သိမ်းချိန်၊ လယ်သမားများ အားလပ်ချိန်နှင့် တိုက်ဆိုင်နေ၍ လူထုပရိသတ် စည်ကားများပြားလှသည်။ ထို့ကြောင့် ဗမာပြည်ကွန်မြူနစ်ပါတီသည် နားထင်သွေးရောက်ကာ ဘဝင် မြင့်သွားတော့သည်။ထိုအစည်းအဝေးသို့ တက်ရောက်လာသော နိုင်ငံခြားကွန်မြူနစ် ပါတီကိုယ်စား လှယ်များက မြှောက်ပင့်ပေးသဖြင့် သခင်သန်းထွန်းသည် သွေးကြွ၍ ကိုယ့်ကိုယ်ကို အလွန်အထင် ကြီးသွားသည်။ ဖဆပလနှင့် ကွန်မြူနစ်ပါတီ၊ ကွန်မြူနစ်နှင့် ဆိုရှယ်လစ် ပါတီတို့မှာ ပဋိပက္ခပြင်းထန် လာတော့သည်။ ပြည်သူ့ရဲဘော်က ဝင်ရောက်စေ့စပ်ကြားဝင်သော်လည်းမရတော့ဘဲ အတင်းမာဆုံး အခြေအနေသို့ ရောက်သွား သည်။ သခင်သန်းထွန်းခေါင်းဆောင်သော ဗမာပြည်ကွန်မြူနစ်ပါတီသည် ၁၉၄၈ ခုနှစ်၊ မတ်လ ၂၈ ရက် မှစ၍ တောခိုကာ ဆူပူသောင်းကျန်းမှု စတင်ခဲ့ပါသည်။
ကေအိုင်အေ သောင်းကျန်းသူများကား ၁၉၆ဝ ပြည့်နှစ်တွင် ပေါ်ပေါက်လာသော သောင်းကျန်းသူ အဖွဲ့အစည်းတစ်ခုဖြစ်သည်။ ကေအင်န်ဒီအိုခေါ် ကေအင်န်ယူ သောင်းကျန်းသူအဖွဲ့အစည်းတွင် ပူးပေါင်း ပါဝင် သောင်းကျန်းခဲ့သော အမှတ်(၁) ကချင် သေနတ်ကိုင်တပ်ရင်းမှ ဗိုလ်ကြီးအဆင့်ရှိ သူ နော်ဆိုင်း ၏ နောက်လိုက်အဖြစ် ခံယူကာ လားရှိုးမြို့မှ ဇော်ဆိုင်းသည် ၁၉၄၉ ခုနှစ်တွင် သောင်းကျန်းတော ခိုခဲ့သည်။ နော်ဆိုင်းသည် ၁၉၅၁ ခုနှစ်တွင် သောင်းကျန်းတောခို ခဲ့သည်။ နော်ဆိုင်းသည် ၁၉၅၁ခုနှစ်တွင် တစ်ဖက်နိုင်ငံသို့ ခိုလှုံသွားသောအခါ ဇော်ဆိုင်းသည် ကေအင်န်ဒီအို သောင်းကျန်း သူများထံတွင် ကျန်ရစ်ပြီးအဖျက် လုပ်ငန်းများကို သင်ယူခဲ့ပြန်သည်။ ဇော်ဆိုင်းသည် ၎င်း၏မိခင်ဖြစ်သူ ကျောင်းဆရာမအဖြစ် အလုပ် လုပ်နေသော ဟိုကုန်တိုက်နယ် နမ့်အန်ရွာသို့ ပြန်လာ ပြီး ၎င်းဒေသတွင် အခြေပြု၍ မြေအောက်စည်းရုံး သိမ်းသွင်းလှုပ်ရှားမှုများလုပ်တော့သည်။ ရန်ကုန်တက္က သိုလ်ကျောင်းတွင် ကျောင်းတက်နေသော ညီဖြစ်သူဇော်တူးလည်း တောခိုလာပြီး ပူးပေါင်းကြသည်။အမှတ်(၄) ကချင် သေနတ်ကိုင်တပ်ရင်းတွင် ဒုတိယတပ်ကြပ် လမုန်တူးဂျိုင်သည် အမှုထမ်းနေစဉ် သူတစ်ပါးမယားကို ကြာခိုမှုဖြင့် ထုတ်ပယ်ခံရသဖြင့် တပ်မှ ထွက်လာရကာ ဇော်ဆိုင်းတို့ကိုလာ၍ ပူးပေါင်း မိပြန်သည်။
ဤလူစုသည် ၁၉၆ဝ ပြည့်နှစ်တွင် (Kachin  Independence  Organization,  KIO) ဖွဲ့စည်းမိကြပြီး လူ၊ လက်နက် ၂၇ ယောက်အထိ စုစည်းမိကြသည်။ ၁၉၆ဝ ပြည့်နှစ်၊ ဖေဖော်ဝါရီလ ၅ ရက်တွင် ကေအိုင်အို အဖွဲ့ လားရှိုးငွေတိုက်ကို စီးနင်းတိုက်ခိုက်ပြီး ကချင် တော်လှန်ရေးစပြီဟု    ကြေညာလိုက် ကြသည်။ သောင်းကျန်းသူ အင်အား ၁ဝဝ ခန့် စုစည်းမိသော အခါ တပ်မဟာဖွဲ့၍ ၁၉၆၁ ခုနှစ်၊ ဖေဖော်ဝါရီလ ၅ ရက်နေ့တွင် ကေအိုင်အေ (Kachin  Independence  Army,  KIA) နှင့် ကေအိုင်စီ (Kachin  Independence  Council,  KIC) ကို ဖွဲ့စည်းခဲ့ကြသည်။ ၁၉၆၁ ခုနှစ်၊ သြဂုတ် လ ၂၆ ရက်တွင် ပထစအစိုးရက ဗုဒ္ဓ ဘာသာကို နိုင်ငံတော်ဘာသာအဖြစ် ထုတ်ပြန်ကြေညာ လိုက်ရာ ကေအိုင်အေများက ကချင်လူထုကို ဘာသာ ရေး လွတ်လပ်ခွင့်မရှိဟုဆိုကာ ဘာသာရေးဗန်းပြ စည်းရုံးတော့သည်။ ဤတွင် ကေအိုင်အေများသည် ၁၉၆၁ ခုနှစ်တွင် ရုတ်တရက် အင်အားကြီးထွားလာ ပြီး ၁၉၆၂ ခုနှစ်တွင် လက်နက်ကိုင်လှုပ်ရှားမှုကို ပိုမိုလုပ်ဆောင်လာကြောင်း တွေ့ရပေသည်။ ကေအိုင်အေ သောင်းကျန်းသူ များသည် လူသတ်၊ ရထားမိုင်းခွဲ၊ မြို့ဆင်ခြေဖုံးကို ဝင်ရောက်တိုက်ခိုက်ရင်း ပြည်နယ် လုံးဝခွဲထွက်ရေး တောင်းဆိုကာ ဆူပူသောင်းကျန်းနေ ကြတော့သည်။  ဤကေအိုင်အေများ၏  ရက်စက်မှုကား ကမ်းကုန်အောင် ဆိုးရွားပြီး ကြမ်းကြုတ်မှုတွင် သရဖူဆောင်းသည်ဟု ဆိုရပေမည်။
ဤကား ဆူပူသောင်းကျန်းမှုသမိုင်းကြောင်းအစ မြစ်ဖျားခံရာတွင် ပါဝင်ခဲ့သော အင်အား အကြီးဆုံး သောင်းကျန်းသူ အဖွဲ့သုံးဖွဲ့အကြောင်း အကျဉ်းချုပ် ဖြစ်ပါသည်။
ပြည်တွင်းငြိမ်းချမ်းရေးသည် မြန်မာနိုင်ငံအတွက် အလွန်လိုအပ်သော အမျိုးသားရေး ကိစ္စကြီး တစ်ရပ် ဖြစ်ကြောင်း နိုင်ငံရေးပါတီများက သတိပြုမိကြသည့် နည်းတူ ပြည်သူလူထုကလည်း များစွာသတိထား မိကြ ပြီး ဖြစ်ပါသည်။ ၁၉၄၈ ခုနှစ်၊ မတ်လ ၂၈ ရက်က စတင်၍ ဗမာပြည် ကွန်မြူနစ်ပါတီက စတင်မီးမွှေး ခဲ့သော သောင်းကျန်းမှုစစ်မီးသည် တရှိန်ရှိန်တောက် လောင်ကြီးထွားခဲ့လေရာ နိုင်ငံတော် အစိုးရအဆက်ဆက်နှင့် တပ်မတော် ကြီးသည် ကြိုးပမ်းတကုတ်အားထုတ်၍ ကြိုးစားငြှိမ်း သတ်ခဲ့ကြ ရပါသည်။ လွတ်လပ် ရေးကို ၁၉၄၈ ခုနှစ်၊ ဇန်နဝါရီလ ၄ ရက်တွင် ရခဲ့ လေရာ ဆူပူသောင်းကျန်းမှုက ၁၉၄၈ ခုနှစ်၊ မတ်လ ၂၈ ရက်တွင် ဖြစ်ပေါ်လာသဖြင့် နိုင်ငံတော်နှင့် ပြည်သူလူထုအဖို့ သောင်းကျန်းမှု ကင်းစွာ နေရသော လွတ်လပ်ရေးကာလအချိန်မှာ နှစ်လနှင့် ၂၄ ရက်သာရှိသည်ဟု ဆိုရပါမည်။ ဆူပူသောင်း ကျန်းမှုသည် ၁၉၄၈ ခုနှစ်မှစ၍ ကြီးထွားခဲ့လေရာ ၁၉၄၉ ခုနှစ်၊ ၁၉၅ဝ ပြည့်နှစ်၊ ၁၉၅၁ ခုနှစ်၊ ၁၉၅၂ ခုနှစ်များ၌ မြို့ကြီးပြကြီးအများအပြားသည် ရောင်စုံသူပုန်သောင်းကျန်းသူများ၏ လက်အောက်သို့ ကျရောက်ခဲ ရပါသည်။ ထိုအချိန်ကာလအတွင်းမှာပင် အစိုးရတပ်ပေါင်းစု၏ ထိုးစစ်ဒဏ်မခံနိုင်သဖြင့် ရောင်စုံသောင်း ကျန်းသူတို့သည် ဆုတ်ခွာထွက်ပြေးကြရလေရာ ဆူပူသောင်းကျန်းမှုသည် တစ်စတစ်စ ပြိုကျဆင်းခဲ့ပါသည်။ သို့သော် ပြည်သူလူထုအဖို့ သောင်းကျန်းသူတို့၏ အဖျက်ဒဏ်၊ လူသတ်ဖြတ်မှု ရက်စက်မှုဒဏ်ကို ကား ကြောက်မက်စဖွယ် ခံစားခဲ့ကြရပါသည်။ အဖျက်ရန်စွယ်မာန်စွယ် တို့ကြောင့် ပြည်သူပိုင် ဘဏ္ဍာရတနာပစ္စည်းများ၊ ပြည်သူတို့၏ အသက်ကိုယ်ခန္ဓာများ၊ အိုးအိမ် အဆောက်အအုံ၊ ယာဉ်ရထားများ စသည် စသည်တို့ သည် များစွာပျက်စီး ဆုံးရှုံးခဲ့ကြရရှာသည်။ တန်ဖိုးအားဖြင့်လည်း အတိုင်းအဆမရှိ ကုဋေကုဋာ ပျက်စီးခဲ့ကြရပါသည်။ မြန်မာ့သမိုင်းမှတ်တမ်းတွင် ဤပျက်စီး ဆုံးရှုံးနစ်နာမှုတို့သည် မဖတ်ဝံ့၊ မကြည့်ဝံ့၊ မဖတ်ရဲ၊ မရှုရဲအောင် ဆိုးရွားလှပါသည်။ ထို့ကြောင့် နိုင်ငံရေး ပါတီများက ပြည်တွင်းငြိမ်းချမ်းရေးကိုရရှိအောင် ဆောင်ရွက်ကြမည်ဟူသော ရှေ့လုပ်ငန်းရည်ရွယ်ချက် မူဝါဒတို့ သည် ပြည်သူလူထုအဖို့ များစွာအားတက်ဖွယ် ဝမ်းမြောက်ကြည်နူးရွှင်လန်းဖွယ်ဖြစ်စေသည်ဟု သဘောရ ပါသည်။
သောင်းကျန်းသူများ တောကြီးမျက်မည်း လျှိုမြောင်များအကြား ပြေးလွှားနေရ

ပြည်သူလူထုထဲတွင် တစ်ယောက်အပါအဝင်ဖြစ်သော စာရေးသူလည်း ဤသို့ ကြိုးပမ်းကြမည် ဟူသော ပြည်တွင်းငြိမ်းချမ်းရေးအားထုတ်မှု၊ပြောဟောမှုများ ကြားသိရ၍ ဝမ်းမြောက် ဝမ်းသာဖြစ်ပြီး သာဓုအနုမော ဒနာ ခေါ်ဆိုပါသည်။ ပြည်တွင်းဆူပူသောင်းကျန်းမှု လုံးဝမရှိလျှင် မြန်မာနိုင်ငံ၏ ကြီးပွား တိုးတက်ရေးသည် အရှိန်အဟုန် ပိုမိုလျင်မြန်လာမည်မှာ မြေကြီးလက်ခတ် မလွဲပါ။ အယူအဆမှောက်မှား ၍ တောတွင်းရောက်နေ ကြသော သောင်းကျန်းသူများသည် တိုင်းတစ်ပါးသား နိုင်ငံခြားသားများ မဟုတ်ပါ။ မြန်မာပြည်တိုင်းရင်းသား ဆွေမျိုးများသာဖြစ်ပါသည်။ ယခုကဲ့သို့ အယူအဆ လွဲမှားပြီး ဆူပူသောင်းကျန်းမှု ပြုလုပ်နေမည့်အစား နိုင်ငံတော်တည်ဆောက်ရေးလုပ်ငန်းများတွင် မိမိတို့ သက်ဆိုင်ရာ ကဏ္ဍ အသီးသီးမှနေ၍ အသိပညာရှင်များ၊ အတတ်ပညာရှင်များအဖြစ် ပါဝင်နေကြမည်ဆိုလျှင် မည်မျှ ပျော်ရွှင်ဖွယ်ကောင်းသော ဖွံ့ဖြိုးတိုးတက်သည့် နိုင်ငံတစ်နိုင်ငံ၊ သောင်းကျန်းဆူပူမှု ကင်းဝေး သည့် နိုင်ငံတစ်နိုင်ငံဖြစ်နေမည်နည်းဆိုတာကို စဉ်းစားလိုက် တိုင်း အကောင်းမြင်ဝါဒဖြင့် ဝေဖန်သုံးသပ်နေမိပါ သည်။ ယနေ့အခါ၌ ဆူပူသောင်းကျန်းသူများသည် မြန်မာနိုင်ငံအတွင်း ပြည်မနေရာ မြို့ပြများ၌ မနေနိုင် တော့ဘဲ နယ်စပ်ဒေသ တောကြီးမျက်မည်း လျှိုမြောင်များအကြား၌ ပြေးလွှားပုန်းအောင်း နေရသော ဘဝသို့ တိုင်နေပြီဖြစ်ပါသည်။
ငြိမ်းချမ်းစွာနေရသော လူ့ဘဝသည် မည်သည့် အရသာနှင့်မျှ မလဲလှယ်နိုင်ပါ။ ငြိမ်းချမ်းရေး ဟူသည် လူသားတိုင်း၊ လူမျိုးတိုင်း တောင့်တလိုလားနှစ်သက် သောအရာ ဖြစ်ပါသည်။ မျက်မှောက် လောကီဘဝ၌ သာမက တမလွန်လောကုတ္တရာဘဝ၌လည်း လိုချင်မက်မော တောင့်တကြပါသည်။ ထို့ကြောင့် ဘာသာ တရားအသီးသီး၌ ငြိမ်းချမ်းရေးနှင့်ပတ်သက်၍ ဟောပြောဆုံးမထားသော တရားများ ရှိကြပါသည်။ မြန်မာနိုင်ငံသည် ၁၉၄၈ ခုနှစ်၊ မတ်လ ၂၈ ရက်မှ စ၍ ကြုံတွေ့ခဲ့ရသော ဆူပူသောင်းကျန်းမှု ဒဏ်ကို ပြည်သူလူထုသည်မုန်းတီးစက်ဆုပ်ရွံရှာလျက်ရှိပါပြီ။ ဤကဲ့သို့ နိုင်ငံရေးပါတီအသီးသီး က ပြည်တွင်း ငြိမ်းချမ်း ရေးကို ကြိုးပမ်းကြကုန်အံ့ဟု ဆုံးဖြတ်ကြေညာလိုက်ခြင်း သည် ငြိမ်းချမ်းရေးကို မြတ်နိုးကြ ကုန်သော ပြည်သူ လူထုတစ်ရပ်လုံးအတွက် များစွာ နှစ်သက်ကျေနပ်ကြမည် သာ ဖြစ်ပါသည်။ ကြိုးပမ်းအား ထုတ်ရန်လည်း တိုက်တွန်းအားပေးသမှုပြုပါသည်။ ယခင့်ယခင်က အစိုးရ အဆက်ဆက် လည်း ပြည်တွင်းငြိမ်းချမ်းရေးရရှိ အောင် ကြိုးပမ်းဆောင်ရွက်ခဲ့သည်ကို မှတ်မိသတိပြုမိ ပါသည်။ ၁၉၄၈ ခုနှစ်မှ ၁၉၆၂ ခုနှစ်အထိ ဖဆပလ အစိုးရခေတ်၊ ၁၉၆၂ ခုနှစ်မှ ၁၉၇၄ ခုနှစ်အထိ တော်လှန်ရေး ကောင်စီခေတ်၊ ၁၉၇၄ ခုနှစ်မှ ၁၉၈၈ ခုနှစ်အထိ လမ်းစဉ်ပါတီခေတ်ဟူ၍ရှိခဲ့ရာ ထိုခေတ် အသီးသီးမှ အစိုးရ အဆက်ဆက်တို့သည် ပြည်တွင်းငြိမ်းချမ်းရေးကို နည်းလမ်းအမျိုးမျိုးဖြင့် ကြိုးပမ်းကြကြောင်း ဖတ်ရှုခဲ့ ရပါသည်။ ထိုသို့ ကြိုးပမ်း၍လည်း အောင်မြင်သင့်သလောက် အောင်မြင်မှုရရှိခဲ့ခြင်းများ ရှိပါသည်။ မအောင်မြင်ဘဲ ပျက်ပြားခဲ့ရခြင်းများလည်းရှိပါသည်။ ဤသို့နိုင်ငံရေးပါတီအသီးသီးက ပြည်တွင်း ငြိမ်းချမ်းရေးကို   ကြိုးပမ်းကြမည်ဆိုသောအခါ ကောင်းမြတ်သော စေတနာစိတ်ထားအရင်းခံခြင်း ရှေ့ ထားလျက် ဖြတ်သန်းလာခဲ့သော ပြည်တွင်းငြိမ်းချမ်းရေး ကြိုးပမ်းဆောင်ရွက်မှုများအနက် ၁၉၆၃ ခုနှစ်က နိုင်ငံတော် တော်လှန်ရေးကောင်စီက ပြုလုပ်ခဲ့သောပြည်တွင်းငြိမ်းချမ်းရေးဆွေးနွေးပွဲအကြောင်းကို သင်ခန်းစာ ယူနိုင်စိမ့်သောငှာ တင်ပြလိုပါသည်။
ပြည်ထောင်စုမြန်မာနိုင်ငံ တော်လှန်ရေးကောင်စီ သည် တောတွင်းလက်နက်ကိုင်အဖွဲ့အစည်း များ ဖြစ်ကြသော ဗမာပြည်ကွန်မြူနစ်ပါတီ၊ သုံးပါတီ(ကေအင်န်ယူ ပါတီ၊ ချင်းဦးစီးအဖွဲ့၊ အမျိုးသားဒီမိုကရေစီ ညီညွတ်ရေး တပ်ပေါင်းစု-မဒညတ)တို့နှင့်ပြည်တွင်းငြိမ်းချမ်းရေး ဆွေးနွေးပွဲ ပြုလုပ်ခဲ့ပါသည်။ ပြုလုပ်သည့် ကာလမှာ ၁၉၆၃ ခုနှစ်၊ ဇွန်လ ၁၁ ရက်မှ နိုဝင်ဘာလ ၁၅ ရက်အထိဖြစ်ပါသည်။ ထိုပြည်တွင်း ငြိမ်းချမ်းရေးဆွေးနွေးပွဲနှင့်ပတ်သက်သော အပြန်အလှန်ပေးစာများ၊ တင်ပြချက်များ၊ မှတ်တမ်း များကို ပြည်တွင်းငြိမ်းချမ်းရေးဆွေးနွေးပွဲ သမိုင်းဝင်စာရွက်စာတမ်းများ အမှတ်(၁)ဖြင့် ပြည်ထောင်စု မြန်မာနိုင် ငံ တော်လှန် ရေးကောင်စီ၏ ညွှန်ကြားချက်အရ တော်လှန်ရေး အစိုးရပြန်ကြားရေး ဌာနမှ ထုတ်ဝေခဲ့ပါသည်။ ထိုစဉ်က နိုင်ငံတော် တော်လှန်ရေးကောင်စီသည် ပြည်တွင်းငြိမ်းချမ်းရေးရရှိနိုင်အံ့သောငှာ တောတွင်း လက်နက်ကိုင်အဖွဲ့အစည်းအားလုံးသို့ကမ်းလှမ်း ချက်ကိုဖတ်ရှုကြည့်ရှုပါလျှင် နိုင်ငံတော်တော် လှန်ရေး ကောင်စီ၏ ဖြူစင်သည့် စေတနာတရား၊ ငြိမ်းချမ်းရေး တည်ဆောက်မှုကို အကောင်အ ထည် ဖော်ဖြစ်စေလိုသော မွန်မြတ်သည့်ဆန္ဒတို့ကို တွေ့မြင်ရမည်ဖြစ်ပါ သည်။ ဤတွင် ၁၉၆၃ ခုနှစ်၊ ဇွန်လ ၁၁ ရက်နေ့စွဲဖြင့် ပြည်တွင်းငြိမ်းချမ်းရေးအတွက် တော်လှန်ရေး ကောင်စီ၏ ကမ်းလှမ်းချက် စာ၊ တော်လှန်ရေးကောင်စီ ၏ ငြိမ်းချမ်းရေးကမ်းလှမ်းချက်အပေါ် ဗမာပြည် ကွန်မြူနစ်ပါတီမှ ၁၉၆၃ ခုနှစ်၊ ဇွန်လ ၂၂ ရက် နေ့စွဲ ဖြင့် ပြန်ကြားချက်စာ၊ ဗမာပြည် ကွန်မြူနစ်ပါတီ၏ ၁၉၆၃ ခုနှစ်၊ ဇွန်လ ၂၂ ရက် နေ့စွဲဖြင့် ပေးစာအပေါ် တော်လှန်ရေးကောင်စီ၏ ပြန်ကြားချက်၊ ၁၉၆၃ ခုနှစ်၊ ဇူလိုင်လ ၈ ရက်နေ့စာ။
ဤစာသုံးစောင်ကို ယခုအပြည့်အစုံ တင်ပြပါသည်။ နိုင်ငံရေးနည်းလမ်းအရ ပြည်တွင်းငြိမ်းချမ်းရေး ဆောင်ရွက်ကြရာ၌ ဤဆောင်ရွက်ချက်များသည် တစ်နည်းတစ်လမ်းအားဖြင့် အထောက်အကူပြုမည်ဟု ယုံကြည်ပါသည်။ အတိတ်ကဖြစ်ပွားခဲ့သော သမိုင်း သင်ခန်းစာများပေါ်တွင် အခြေတည်၍ ပစ္စုပ္ပန်ကာလ ၌ နိုင်ငံတော်အား အဘက်ဘက်မှ တည်ဆောက်ရေး လုပ်ငန်းများ အကောင်အထည်ဖော်ကြရာတွင် အမှန် တရား အုတ်မြစ်များဖြင့် တည်ဆောက်နိုင်မည် သာ ဖြစ်ပါသည်။ ပြည်တွင်းဆူပူသောင်းကျန်းမှု ချုပ်ငြိမ်းရေး အတွက် ဆောင်ရွက် ကြရာတွင် ၁၉၄၈ ခုနှစ်မှ ၁၉၆၂ ခုနှစ်အထိ ဖဆပလအဖွဲ့ချုပ်မှ ခေါင်းဆောင်ကြီး တစ်ဦးအဖြစ်  ရပ်တည်ခဲ့သူဦးဗဆွေ က  နိုင်ငံတော် တော်လှန်ရေးကောင်စီ၏ ပြည်တွင်းငြိမ်းချမ်းရေး ကြိုးပမ်းချက်အပေါ် သူ၏အမြင်၊ သူ၏အတွေ့ အကြုံ ပြောပြချက်ကိုလည်း ဆက်လက်ဖော်ပြသွားပါမည်။
(၁) ၁၉၆၃ ခုနှစ်၊ ဇွန်လ ၁၁ ရက်နေ့စွဲဖြင့် ပြည်တွင်းငြိမ်းချမ်းရေးအတွက် တော်လှန်ရေးကောင်စီ၏ ကမ်းလှမ်းချက်၊ တောတွင်းလက်နက်ကိုင်အဖွဲ့အစည်းအားလုံးသို့ တော်လှန်ရေးကောင်စီ၏ ကမ်းလှမ်းချက်။

၁။       တော်လှန်ရေးကောင်စီသည် ပြည်တွင်းငြိမ်းချမ်းရေး ပြန်လည်တည်ဆောက်ခြင်းကို လှိုက်လှဲစွာ လိုလားတောင့်တလျက်ရှိသည့်အလျောက် ပြည်ထောင်စုအတွင်း၌ နိုင်ငံရေးအရ လည်းကောင်း၊ လူမျိုးရေးအရ လည်းကောင်း လက်နက်ကိုင်တိုက်ခိုက်နေကြသော တောတွင်း အဖွဲ့အစည်း အားလုံးတို့သို့  ပြည်တွင်း ငြိမ်းချမ်းရေးကို လက်တွေ့တည်ဆောက်ကြရန်အတွက် အောက်ပါ ကမ်းလှမ်းချက် တစ်ရပ်ကို ထုတ်ပြန်လိုက် ပါသည်။
၂။       တောတွင်းလက်နက်ကိုင်အဖွဲ့အစည်းများသည် တော်လှန်ရေးကောင်စီနည်းတူ ပြည်တွင်း ငြိမ်းချမ်းရေးကို ပြန်လည်တည်ဆောက်လိုကြသည်ဆိုပါက ဤသို့တည်ဆောက်လိုပါလျက်နှင့် အထွေထွေ လွတ်ငြိမ်း ချမ်းသာခွင့်သည် မလုံလောက်ဟုဆိုလျှင်၊ သို့မဟုတ် အခြားအကြောင်းများရှိနေကြသေး လျှင် တော်လှန်ရေးကောင်စီသည် တွေ့ဆုံဆွေးနွေးခြင်းဖြင့် ဤပြဿနာအဝဝကို ကူညီဖြေရှင်းလိုကြောင်း ကမ်းလှမ်းလိုက်ပါသည်။
၃။ ထိုသို့ တွေ့ဆုံဆွေးနွေးရေးတွင် နှစ်ဖက်စလုံးက မည်သည့်အချက်များကို အခြေခံ၍ ဆွေးနွေး လိုသည်ဟူသော ကြိုတင်စည်းကမ်းသတ်မှတ်ချက်မျိုးသည် မတွေ့ဆုံရမီကပင် တစ်ဖက်နှင့် တစ်ဖက် တင်းမာမှုသဘော ကိုပြခြင်း၊ ဆွေးနွေးပွဲ၏ နယ်နိမိတ်ဘောင်ကို အသေတုပ်ချည်၍ ကျဉ်းမြောင်း သွားစေရာရောက်ခြင်းတို့ကြောင့် ငြိမ်းချမ်းရေးတည်ဆောက်မှုကို လက်တွေ့အားဖြင့် အကျိုးပြုနိုင် သည်ထက် အဟန့်အတားဖြစ်စေသည်ဟု တော်လှန်ရေးကောင်စီက ထင်မြင်သဘောရရှိပေသည်။
၎။       ဤသို့ တစ်ဖက်နှင့်တစ်ဖက် ကြိုတင်စည်းကမ်း သတ်မှတ်ချက်မျိုး အလျှင်းမပါဘဲ တိုင်းပြည်၏ပကတိအခြေအနေကို မျက်မှောက်ပြု၍ လက်တွေ့ကျကျ ဆွေးနွေးဖြေရှင်းသောနည်းကို လက်နက်ကိုင် တောတွင်းအင်အားစုများက သဘောတူလက်ခံကြမည်ဆိုပါက တော်လှန်ရေး ကောင်စီ သည် နိုင်ငံရေးကြောင့်လည်းကောင်း၊ လူမျိုးရေးကြောင့်လည်းကောင်း မည်သည့်အကြောင်းနှင့် ပင်ဖြစ်စေ တောတွင်း၌ ရောက်ရှိနေကြသော မည်သည့် လက်နက်ကိုင်အဖွဲ့အစည်းများနှင့်မဆို တွေ့ ဆုံဆွေးနွေးဖို့ အသင့်ရှိကြောင်း ထုတ်ပြန်ကြေညာအပ်ပေသည်။
၅။ တွေ့ဆုံဆွေးနွေးကြရာဝယ် တော်လှန်ရေးကောင်စီက ထားရှိမည့်အခြေခံပင်မစိတ်ထားမှာ အတိတ်၏ အကြောင်းအရာများနှင့်ပတ်သက်၍ တစ်ဦးနှင့်တစ်ဦး အပြစ်ဖို့ခြင်းမျိုးကို  ရှောင်ကြဉ်ပြီး အမြတ်ထွက်မှဟူသော သဘောမျိုးမထားဘဲ အလုပ်သမား၊ လယ်သမားနှင့် လုပ်သားပြည်သူတို့၏ အကျိုးကိုသာ အာရုံစူးစိုက် လုပ်ကိုင် သွားဖို့ပင်ဖြစ်ပါသည်။
၆။ ဤသို့ လက်ခံတွေ့ဆုံရန်အတွက် တောတွင်းအဖွဲ့အစည်းများက အလိုရှိပါလျှင် ၎င်းတို့ ကိုယ်စားလှယ်များ၏ အသွားအပြန်ခရီးစဉ်တစ်လျှောက် လုံခြုံရေးအတွက် တော်လှန်ရေးကောင်စီက တာဝန်ယူပါမည်။ အကယ်၍ ဆွေးနွေးပွဲမအောင်မြင်သဖြင့် တောတွင်းသို့ ပြန်လိုကြပါလျှင် သွားလိုရာဒေသအထိ လိုက်ပို့ပေးမည် သာမကသုံးရက်အတွင်း ဖမ်းဆီးခြင်း၊ တိုက်ခိုက်ခြင်း လုံးဝပြုလုပ်မည်မဟုတ်ကြောင်း ကြေညာအပ်ပါသည်။
ပြည်ထောင်စုမြန်မာနိုင်ငံတော်လှန်ရေးကောင်စီ။
၁၉၆၃ ခုနှစ်၊ ဇွန်လ ၁၁ ရက်
၁၃၂၅ ခုနှစ်၊ နယုန်လဆုတ် ၅ ရက်

ဤသို့လျှင် ပြည်တွင်းငြိမ်းချမ်းရေးရရန်အတွက် တော်လှန်ရေးကောင်စီသည် တောတွင်း လက်နက်ကိုင် အဖွဲ့အစည်းများသို့ ကမ်းလှမ်းချက်စာကို သတင်းစာ များမှလည်းကောင်း၊ မြန်မာ့အသံ ရေဒီယိုအသံလွှင့် ဌာနမှလည်းကောင်း ကြေညာထုတ်လွှင့်၍ ပုံနှိပ်ဖော်ပြ ရန်ဆောင်ရွက်ခဲ့သည် ကို ပြန်လည်သတိရမိပါသည်။ ပြည်သူလူထုတစ်ရပ်လုံးသည် တော်လှန်ရေးကောင်စီ ၏ ပြည်တွင်းငြိမ်းချမ်းရေး ကြိုးပမ်းချက်ကို ဝမ်းပန်းတသာ အံ့သြစွာဖြင့် ချီးကျူးပြောဆိုလျက် ကြိုဆိုခဲ့ကြသည်ကို လည်း ပြန်ပြောင်းအောက်မေ့ သတိရစေပါသည်။ တော်လှန်ရေးကောင်စီ သည် ပြည်တွင်းငြိမ်းချမ်းရေး ပြန် လည်တည်ဆောက်ခြင်းကို လှိုက်လှဲစွာတောင့်တလျက်ရှိကြောင်း ယင်းကမ်းလှမ်းချက်စာ ပထမ အပိုဒ်မှာပင် ပွင့်လင်းဖြောင့်မတ်စွာပင် ဖော်ပြကြေညာခဲ့ကြောင်း ဖတ်ရှုရပါသည်။ ထိုအချိန်တွင် တော်လှန်ရေး ကောင်စီသည် အထွေထွေ လွတ်ငြိမ်းချမ်းသာခွင့်သည် မလုံလောက်ဟုဆိုပါလျှင်၊ သို့မဟုတ် အခြားအကြောင်းများ ရှိနေကြသေးသည်ဟုဆိုပါလျှင် တွေ့ဆုံဆွေးနွေးခြင်းဖြင့် ပြဿနာအဝဝကို ကူညီ ဖြေရှင်းလိုသည်ဟု ကမ်းလှမ်းလိုက်ကြောင်း ဆက်လက် ဖော်ပြထားသည်ကို တွေ့ရပါသည်။ ဤပြည်တွင်းငြိမ်းချမ်းရေး ကြိုးပမ်းမှုသည် တော်လှန်ရေးကောင်စီအား မည်သူတစ်ဦးတစ်ယောက်၊ မည်သည့်အဖွဲ့အစည်း တစ်ခုခုမှ တိုက်တွန်း၍ လုပ်ဆောင်ခဲ့ခြင်းမဟုတ်၊ တော်လှန်ရေးကောင်စီအနေဖြင့် ¤င်း၏ကိုယ်ပိုင် ဆုံးဖြတ်ချက် မူရင်းစေတနာစိတ်ထားအမှန်အရ ရပ်တည်ခဲ့ခြင်းဖြစ်ပါသည်။ ထို့နောက် ဆက်လက်၍ ဖော်ပြထားရာ၌ မည်သည့်အကြောင်းနှင့်ပင်ဖြစ်စေ တောတွင်း၌ ရောက်ရှိနေသော မည်သည့်လက်နက် ကိုင်အဖွဲ့အစည်းများနှင့် မဆို တွေ့ဆုံဆွေးနွေးမည်ဟု ကြေညာလိုက်ခြင်းသည်လည်း ငြိမ်းချမ်းရေးရွှေတံခါးကြီးကို ဖွင့်လှစ်ပေးလိုက် သည့် ဖြူစင်သောနှလုံးသား ပကတိအစစ်အမှန်ကို တွေ့မြင်နေခဲ့ရပါသည်။

ထိုစဉ်ကရှိခဲ့သော ဖဆပလဌာနချုပ်ဥက္ကဋ္ဌ ဦးဗဆွေ၏ သဘောထား၊ ပမညတအဖွဲ့၊ အမျိုးသား ဒီမိုကရေစီတို့၏သဘောထား ကြေညာချက်များကို သတင်းစာများ၌ ဖော်ပြခဲ့ကြ၏။ ဟံသာဝတီသတင်း စာ ၁၃-၆-၁၉၆၃ ရက်ထုတ် သတင်းကို ယခု အပြည့်အစုံ ဖော်ပြလိုက်ပါသည်။

ဟံသာဝတီ
အတွဲ(၂ဝ)၊ အမှတ်(၁ဝ၆) ၁၃၂၅ ခုနှစ်၊ နယုန် လပြည့်ကျော် (၇)ရက်၊ ကြာသပတေးနေ့ June 1963. 13 Thursday တောတွင်းကမ်းလှမ်းပုံ ဦးဗဆွေထောက်ခံပြီ အမျိုးသားဒီမိုကရေစီနှင့် ပမညတတို့ကလည်း အလေးအနက်ထောက်ခံ၏
ဆက်လက်ဖော်ပြပေးပါမည်…..
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization