Home » » အခန်း(၁၄) တော်လှန်ရေးကောင်စီ၏ အမျိုးသားညီညွတ်ရေး ကြိုးပမ်းချက်

အခန်း(၁၄) တော်လှန်ရေးကောင်စီ၏ အမျိုးသားညီညွတ်ရေး ကြိုးပမ်းချက်



အခန်း(၁၄)
တော်လှန်ရေးကောင်စီ၏ အမျိုးသားညီညွတ်ရေး ကြိုးပမ်းချက်
မြေအောက်သောင်းကျန်းသူများ၏ယေဘုယျအခြေ အနေ(၁၉၆၈ ခုနှစ်)
တော်လှန်ရေးကောင်စီအစိုးရသည် အမျိုးသား ညီညွတ်ရေးအတွက် ၁၉၆၃ ခုနှစ်တွင် ငြိမ်းချမ်းရေး ကမ်းလှမ်းချက်ထုတ်ပြန်၍ ကြိုးပမ်းခဲ့သော်လည်း သောင်းကျန်းသူအဖွဲ့အစည်းများဘက်က သဘောထား မမှန်ကန်သဖြင့် အောင်မြင်မှုမရရှိခဲ့ပေ။ ထိုစဉ်က ဗမာပြည်ကွန်မြူနစ်ပါတီ၊ အလံနီ ကွန်မြူနစ်ပါတီ စသော လက်ဝဲအလွန်အကျွံပါတီများက မိမိတို့ပါတီ အကျိုးကိုသာ ကြည့်ခဲ့သကဲ့သို့ လူမျိုးစု သောင်းကျန်းသူ များကလည်း ဖက်ဒရယ်မူထက် ပိုမိုဆိုးရွားသော တောင်းဆိုချက်များကိုသာ တောင်းဆိုခဲ့သည်။ စောဟံတာသာမွှေး၏ ကေအာရ်စီသာလက်နက်ချ အလင်းဝင် ခဲ့သည်။ ကျန်သောင်းကျန်းသူများမှာ တောခို၍ ဆက် လက်သောင်းကျန်းမြဲ သောင်းကျန်းနေခဲ့ကြသည်။

ငြိမ်းချမ်းရေးဆွေးနွေးပွဲကို အကြောင်းပြု၍ ဗမာ ပြည် ကွန်မြူနစ်ပါတီသို့ ပြည်ပပြန်များ ရောက်ရှိလာ ပြီး ပြည်ပလမ်းစဉ်ကို အကြွင်းမဲ့နာခံရန် အတင်း အကျပ် ကြိုးစားလာကြသည်။ ပြည်ပလမ်းစဉ်ကို မနာခံဟု ထင်ရသော ရဲဘော်ဌေး၊ ဂိုရှယ်၊ ဗိုလ်ရန်အောင် တို့မှာ ရက်စက်စွာ သတ်ဖြတ်ခြင်းခံရသည်။ ပြည်ပပြန် အချင်းချင်းမှာပင် အာဏာလုမည်ဟု ထင်ရသော ဗိုလ်ထွန်းငြိမ်းနှင့် ထွန်းရှိန်မှာ အသတ်ခံရသည်။ တောခိုကျောင်းသားများလည်း အသတ်ခံရသည်။ ပဲခူးရိုးမတွင်ကြီးစိုးနေသော ဗမာပြည်ကွန်မြူနစ်ပါတီသည် အချင်းချင်း ဇာတ်တူသား စားရုံသာမကဘဲ ပြည်သူ လူထုကိုလည်း နည်းမျိုးစုံဖြင့် သတ်ဖြတ်နှိပ်စက်ခဲ့  သည်။ ပဲခူးရိုးမ၌ အဆိုးရွားဆုံး ဒေသမှာ ပေါက်ခေါင်း မြို့နယ်ပင်ဖြစ်သည်။ ပေါက်ခေါင်းမြို့နယ်တွင် အပြစ်မဲ့ တောင်သူလယ်သမားကြီးများမှာ လူမဆန်စွာ သတ်ဖြတ် ညှဉ်းဆဲခြင်းခံခဲ့ရသည်။
ပဲခူးရိုးမနှင့် နင်လားငါလား လူသတ်ဝါဒ ထွန်းကားရာအရပ်ဒေသမှာ မြစ်ဝကျွန်းပေါ်ဒေသဖြစ် သည်။ ဗမာပြည်ကွန်မြူနစ်ပါတီ၊ အမျိုးသားဒီမိုကရေစီ ညီညွတ်ရေးတပ်ပေါင်းစု(မဒညတ)နှင့် ကေအင်န်ယူ ပါတီတို့သည် မြစ်ဝကျွန်းပေါ်ဒေသကြီးတစ်ခုလုံးတွင် လူသတ်၊ မုဒိမ်းကျင့်၊ ပြန်ပေးဆွဲ၊ ပစ္စည်းလု၊ ရွာမီးရှို့ စသည်ဖြင့် ထင်သလိုပင် ရမ်းကားခဲ့သည်။ ထို့ကြောင့်လည်း အချို့ကျေးရွာများတွင် ပြည်သူ့စစ်၏ အခြေခံ ဖြစ်သော သောင်းကျန်းသူဆန့်ကျင်ရေးတပ်ဖွဲ့များ ဖွဲ့ စည်း၍ ရန်သူအား ပြန်လည်တိုက်ခိုက်နေကြလေပြီ။
ရခိုင်ဒေသတွင်လည်း မူဂျာဟစ်များမှာ ဆန် မှောင်ခိုအဆင့်သာရှိနေသော်လည်း ဗမာပြည်ကွန်မြူ နစ်ပါတီ၊ အလံနီပါတီနှင့် ရခိုင်ကွန်မြူနစ်ပါတီတို့ လှုပ်ရှားထကြွလျက်ရှိသည်။ ကချင်ပြည်နယ်နှင့် ရှမ်းပြည်မြောက်ပိုင်း တွင်ကား ကေအိုင်အေသောင်းကျန်း သူများ လှုပ်ရှားလျက်ရှိသည်။ အဝေးရောက်ဗမာပြည် ကွန်မြူနစ်ပါတီသည် ပြည်တွင်းမှ ဗမာပြည်ကွန်မြူနစ် ပါတီကို ကယ်တင်နိုင်ရန်အတွက် နော်ဆိုင်းကို ရှမ်း ပြည်မြောက်ပိုင်းသို့ စေလွှတ်၍ အရှေ့မြောက်စစ်ဒေသသို့ တည်ဆောက်ရန် ကြိုးပမ်းနေသည်။ သို့သော် ကေအိုင်အေနှင့် ပဋိပက္ခဖြစ်ပြီး မကြာခဏ တိုက်ခိုက် နေကြရသည်။
ရှမ်းပြည်နယ်တစ်ခွင်လုံးတွင်လည်း ရှမ်းသောင်း ကျန်းသူ အဖွဲ့အစည်းလေးများက တသီးတခြားစီ ထြ<ွကသောင်းကျန်းလျက်ရှိသည်။ ယင်းတို့ကို ဗမာပြည် ကွန်မြူနစ်ပါတီနှင့် ထိုင်ဝမ်ထောက်လှမ်းရေးအဖွဲ့တို့ က အပြိုင်အဆိုင် သိမ်းသွင်းလျက်ရှိသည်။ ကယား ပြည်နယ်တွင်လည်း ကယန်းပြည်သစ်ပါတီနှင့် ကရင်နီ အမျိုးသားတိုးတက်ရေး ပါတီတို့ လှုပ်ရှားနေကြသည်။ ယင်းတို့အချင်းချင်းလည်း အစေးမကပ်ကြပေ။ ကရင် ပြည်နယ်တွင်ကား ဗိုလ်မြအုပ်စုသည် မှောင်ခိုလုပ်ငန်း ကို စတင်လုပ်ကိုင်လာကြပြီဖြစ်သည်။ တနင်္သာရီတိုင်း တွင်မူ ဗမာပြည်ကွန်မြူနစ်ပါတီ၊ မွန်ပြည်သစ်ပါတီနှင့် ကေအင်န်ဒီအိုတို့သည် နယ်မြေလုလျက်ရှိသည်။
ငြိမ်းချမ်းရေးပန်းကို ကမ်းလင့်ခဲ့သော်လည်း လက်မခံသောကြောင့် တပ်မတော်သည် ထိုးစစ်များ ဆင်နွှဲ၍ တိုက်ခိုက်ရတော့သည်။ အမှတ်(၇၇) ခြေမြန် တပ်မဌာနချုပ်၊ အမှတ်(၈၈) ခြေမြန်တပ်မဌာနချုပ် များဖွဲ့စည်း၍ စစ်ဆင်ရေးများ ဆင်နွှဲရသည်။ တစ်ချိန် တည်းမှာပင် နိုင်ငံတော်တည်ဆောက်ရေးတွင်လည်း တပ်မတော်သား များသည် အမာခံကေဒါများအဖြစ် ပါဝင်ဆောင်ရွက်နေရသည်။ နိုင်ငံရေးတာဝန်ကိုရော စစ်ရေးတာဝန်ကိုပါ ထမ်းဆောင်နေရခြင်းဖြစ်သည်။
၁၉၆၂ ခုနှစ်မှ ၁၉၆၈ ခုနှစ်အတွင်း ပြည်တွင်း သောင်းကျန်းမှုအခြေအနေမှာ များစွာရှုပ်ထွေးလှသည်။ အဖွဲ့အစည်းသစ်များ ပေါ်ပေါက်သည်လည်းရှိသည်။ ထို့အပြင် အထူးခြားဆုံးမှာ လက်ဝဲလက်ယာပြည်ပ ပယောဂများ ပေါ်ပေါက်လာပြီး ပြည်တွင်းသောင်းကျန်း သူများအား ဝင်ရောက်ကူညီလာကြခြင်းပင်ဖြစ်လေ သည်။
တော်လှန်ရေးကောင်စီဥက္ကဋ္ဌက နိုင်ငံရေး ခေါင်းဆောင်များအား ဖိတ်ခေါ်ခြင်း
တော်လှန်ရေးကောင်စီသည် ၁၉၆၃ ခုနှစ်က ငြိမ်းချမ်းရေးကမ်းလှမ်းချက်ကို ထုတ်ပြန်၍ မြေအောက် သောင်းကျန်းသူများနှင့် ဆွေးနွေးခဲ့ပြီးဖြစ်သည်။ သို့သော် အောင်မြင်မှုမရရှိခဲ့ပေ။ ထိုစဉ်က ငြိမ်းချမ်း ရေး အန္တရာယ်ကို ကာကွယ်နိုင်ရန်အလို့ငှာ ဦးဗဆွေ၊ ဦးကျော်ငြိမ်းနှင့် ဦးဝင်းတို့ကို ၁၉၆၃ ခုနှစ်၊ သြဂုတ်လ ၉ ရက်မှစ၍ ထိန်းသိမ်းခဲ့ရသည်။ ပထစခေါင်းဆောင် များဖြစ်သော သခင်တင်၊ သခင်တင်မောင်နှင့် ဗိုလ်မှူး အောင်တို့ကိုမူ ထိန်းသိမ်းထားရာမှပြန်လွှတ်ပေးခဲ့သည်။ ပမညတဦးစီးသော ပြည်သူ့ကော်မတီနှင့် ပြည်သူ့ငြိမ်းချမ်းရေး ကော်မတီဝင်များသည် ဗမာပြည် ကွန်မြူနစ်ပါတီနှင့် ဆက်သွယ်၍ ငြိမ်းချမ်းရေးပျက်စီး ရာ ပျက်စီးကြောင်း ဆောင်ရွက်သဖြင့် ၁၉၆၃ ခုနှစ်၊ နိုဝင်ဘာလ ၁၅ ရက်မှစ၍ ဖမ်းဆီးထိန်းသိမ်းခဲ့ရ  သည်။(၁။ ဝိဓူရသခင်ချစ်မောင်၏ လွတ်လပ်ရေးရပြီးနောက် မြန်မာပြည် စာမျက်နှာ ၁၉၁ မှ ၁၉၉။)
သို့သော် ၁၉၆၆ ခုနှစ်၊ အောက်တိုဘာလ ၂၂ ရက်တွင် ဦးနုနှင့် ဦးဗဆွေတို့ကို ထိန်းသိမ်းထားရာမှ ပြန်လွှတ်ပေးခဲ့သည်။ (၂။ ဝိဓူရသခင်ချစ်မောင်၏ လွတ်လပ်ရေးရပြီးနောက် မြန်မာပြည် စာမျက်နှာ ၂၃၃။) ထို့နောက် တော်လှန်ရေး ကောင်စီ ဥက္ကဋ္ဌ ဗိုလ်ချုပ်ကြီးနေဝင်းသည် ၁၉၆၈ ခုနှစ်၊ နိုဝင်ဘာလ ၂၉ ရက် နံနက် ဝ၉ဝဝ နာရီတွင် အမှတ် (၁၆) ဝင်ဒါမီယာ၌ အောက်ပါနိုင်ငံရေးခေါင်းဆောင် များကို ဖိတ်ကြားလိုက်သည်-
(က)    ဦးကျော်ငြိမ်း
(ခ)     ဦးကျော်မင်း
(ဂ)     ဗိုလ်ခင်မောင်ကလေး
(ဃ)    ဗိုလ်ခင်မောင်
(င)     သခင်ချစ်မောင်(ဝိဓူရ)
(စ)     သခင်ချစ်မောင်(မြန်အောင်)
(ဆ)    စဝ်စိုင်းလုံ
(ဇ)     သခင်စံမြင့်
(ဈ)     ဒူဝါဇော်ရစ်
(ည)    ဒူဝါဇော်လွန်း
(ဋ)     သခင်တင်
(ဌ)     ဦးတင်ထွန်း
(ဍ)     ဦးထပ်လှိုင်း
(ဎ)     ဦးထွန်းမြင့်(လင်းခေး)
(ဏ)    ဦးနု
(တ)    စဝ်ပြည့်
(ထ)    မွန်ဖိုးချို
(ဒ)     ဦးဗဆွေ
(ဓ)     ဗိုလ်မင်းခေါင်
(န)     ဦးရွှေကြိုင်
(ပ)     သခင်လွင်
(ဖ)     သခင်လှကြွေ
(ဗ)     သခင်လေးမောင်
(ဘ)    ဦးလွန်ပုမ်
(မ)     စဝ်ဝဏ္ဏ
(ယ)    မန်းဝင်းမောင်
(ရ)     ဖဒိုဝေသော
(လ)    သခင်တင်
(ဝ)     သခင်သာခင်
(သ)    ဆရာသာထို
(ဟ)    ဦးသာထွန်း
(ဠ)     ဗိုလ်မှူးအောင်
(အ)    နိုင်အောင်ထွန်း
အထက်ပါ နိုင်ငံရေးခေါင်းဆောင်များ(၁။ ပြည်တွင်းညီညွတ်ရေးအကြံပေးအဖွဲ့၏ အစီရင်ခံစာ စာမျက်နှာ ၁၊ ၂။)သည် ပါလီမန် ဒီမိုကရေစီခေတ်တစ်လျှောက်လုံး မြန်မာ့ နိုင်ငံရေးကို ကြိုးကိုင်ခဲ့သူများဖြစ်သည်။ တော်လှန်ရေး ကောင်စီသည် ထိုခေါင်းဆောင်များအား လုံးဝပစ်ပယ် မထားဘဲနှင့် နိုင်ငံရေးစင်မြင့်ပေါ်သို့ ဖိတ်ခေါ်ကာ အမျိုးသားညီညွတ်ရေးကို ကြိုးပမ်းဆောက်တည်ခြင်း ပင် ဖြစ်သည်။ တော်လှန်ရေးကောင်စီဘက်မှ ဗိုလ်ချုပ်ကြီးနေဝင်း၊ ဗိုလ်မှူးချုပ်တင်ဖေ၊ ဗိုလ်မှူးချုပ်စန်းယု၊ ဗိုလ်မှူးကြီးသန်းစိန်နှင့် ဗိုလ်မှူးကြီးလှဟန်တို့ ပါဝင် ကြသည်။
ဗိုလ်ချုပ်ကြီးနေဝင်းက-
''ဒီနေ့ ကျွန်တော်ဖိတ်တာကတော့ ဖိတ်ထားတဲ့ ရည်ရွယ်ချက်ကို ကျွန်တော်ပြောပြပါမယ်။ ရှေးဦး ဆုံးအပိုင်းကတော့ တိုင်းပြည်တကယ်အကျိုးပြုမယ့် အလုပ်တွေကို လုပ်နေတဲ့အခါ တတ်နိုင်သမျှ ညီညွတ်ရေးရ အောင် ဘယ်လိုများ ဆောင်ရွက်ရမယ်၊ ဆောင်ရွက်ရင် ကောင်းမယ် ဆိုတာကို အကြံဥာဏ်ပေးကြပါလို့ အကြံÓဏ် ပေးဖို့ ကျွန်တော်မေတ္တာ ရပ်ခံပါတယ်''  (၂။ ပြည်တွင်းညီညွတ်ရေးအကြံပေးအဖွဲ့၏ အစီရင်ခံစာ စာမျက်နှာ ၃။) ဟု ပြောကြားခဲ့သည်။ ထို့နောက် ဆွေးနွေးကြပြီး နံနက် ဝ၉ ၃၅ နာရီတွင် ဆွေးနွေးပွဲကို ရုပ်သိမ်း လိုက်သည်။
၁၉၆၈ ခုနှစ်၊ ဒီဇင်ဘာလ ၄ ရက်တွင် တော်လှန် ရေးကောင်စီသည် ကြေညာချက်အမှတ်(၇၂) ဖြင့် ပြည်ထောင်စုမြန်မာနိုင်ငံ ပြည်တွင်းညီညွတ်ရေး အကြံပေးအဖွဲ့ကို ဖွဲ့စည်းလိုက်သည်။ (၃။ ပြည်တွင်းညီညွတ်ရေး အကြံပေးအဖွဲ့၏ အစီရင်ခံစာ စာမျက်နှာ ၇၊ ၈။) အဖွဲ့ဝင် ၃၃ ဦးမှာ ဗိုလ်ချုပ်ကြီးနေဝင်းနှင့် တွေ့ဆုံဆွေးနွေးခဲ့သည့် နိုင်ငံရေးခေါင်းဆောင် ၃၃ ဦးပင်ဖြစ်သဖြင့် သတင်း စာအချို့က ၃၃ ဦးကော်မတီဟု ရေးသားခဲ့ကြသည်။ ယင်းအဖွဲ့၏လုပ်ငန်းကိုလည်း ၁၉၆၉ ခုနှစ်၊ မေလ ၃၁ ရက်အထိ သတ်မှတ်ပေးလိုက်သည်။ ထို့နောက် ၁၉၆၈ ခုနှစ်၊ ဒီဇင်ဘာလ ၅ ရက်နေ့တွင် ကြေညာချက် အမှတ်(၇၄)ကိုထုတ်ပြန်၍ ပြည်တွင်းညီညွတ်ရေး အတွက် အကြံဥာဏ်များ တောင်းခံလိုက်ပြန်သည်။(၄။ ပြည်တွင်းညီညွတ်ရေး အကြံပေးအဖွဲ့၏ အစီရင်ခံစာ စာမျက်နှာ ၉၊ ၁ဝ။)  တစ်ပြည်လုံးရှိ လုပ်သားပြည်သူများ ထံမှ အကြံဥာဏ် တောင်းခံခြင်းပင်ဖြစ်သည်။
တော်လှန်ရေးကောင်စီအစိုးရသည် နိုင်ငံတော် တစ်ခုလုံး ဥမကွဲသိုက်မပျက် စည်းလုံးညီညွတ်စေရေး အတွက် နည်းမျိုးစုံဖြင့် ကြိုးပမ်းခဲ့ရာ ၁၉၆၃ ခုနှစ်၊ ပြည်တွင်းငြိမ်းချမ်းရေးကမ်းလှမ်းချက်နှင့် ၁၉၆၈ ခုနှစ်၊ ပြည်တွင်းညီညွတ်ရေးအဖွဲ့ ဖွဲ့စည်းပေးခြင်းတို့သည် သမိုင်းတင်ရမည့် ထင်ရှားသော အမျိုးသားညီညွတ်ရေး ကြိုးပမ်းချက်များပင် ဖြစ်သည်။ မြေအောက်နိုင်ငံရေး ပဋိပက္ခများကို တပ်မတော်က စစ်ဆင်တိုက်ခိုက်၍ ချေမှုန်းနေစဉ် မြေပေါ်ပဋိပက္ခများကို ဖြေရှင်းရန် ကြိုးစားခြင်းပင်ဖြစ်သည်။ သို့သော် ပေါ်ပေါက်လာသည့် အကျိုးဆက်များကို ရှေ့အခန်းများတွင် တွေ့ရ ဦးမည်ဖြစ်လေသည်။





ကျမ်းကိုးစာရင်း
၁။       ကာကွယ်ရေးဝန်ကြီးဌာနမှ စာရွက်စာတမ်းများ။
၂။       တိုင်းစစ်ဌာနချုပ်များမှ ပေးပို့သည့် သောင်း ကျန်းသူ သမိုင်းစာအုပ်များ(၁၉၈၇ ခုနှစ်)။
၃။   တိုင်းရင်းသား ယဉ်ကျေးမှုဓလေ့ထုံးစံများ (ကယား)၊ မြန်မာ့ဆိုရှယ်လစ်လမ်းစဉ်ပါတီ ဗဟိုကော် မတီဌာနချုပ်မှ ထုတ်ဝေခဲ့သည်။
၎။       တွေ့ဆုံမေးမြန်းချက်များ (၁၉၈၆ ခုနှစ်မှ ၁၉၈၈ ခုနှစ်အထိ)။
၅။       နေ့စဉ်သတင်းစာများ။
၆။       ပြည်နယ်ဖြစ်စဉ်သမိုင်း(နိုင်ငံရေးကဏ္ဍ)၊ ရခိုင်ပြည်နယ် ပြည်သူ့ကောင်စီမှ ရေးသား ပြုစုသည်။ (၁၉၈၇ ခုနှစ်)။
၇။       ပြည်တွင်းငြိမ်းချမ်းရေးဆွေးနွေးပွဲ၊ သမိုင်းဝင် စာရွက်စာတမ်းများ၊ တော်လှန်ရေးကောင်စီ အစိုးရ၊ ပြန်ကြားရေးဌာနမှ ထုတ်ဝေသည်။
၈။       ပြည်တွင်းညီညွတ်ရေးအဖွဲ့ အစီရင်ခံစာ၊ တော်လှန်ရေးအစိုးရ၊ ပြန်ကြားရေးဌာနမှ ထုတ်ဝေသည်။
၉။       မြန်မာ့နိုင်ငံရေးခရီးနှင့် ဗိုလ်ချုပ်ကြီးနေဝင်း၊ ဒေါက်တာမောင်မောင်(ပထမအကြိမ်)၊ပုဂံ စာအုပ်တိုက်။ ၁၉၆၉ ခုနှစ်။
၁ဝ။  ပြည်သူ့စစ်ဒို့စစ်၊  ဒို့စစ် (ပထမအကြိမ်၊ စောအယ်ကောင်၊ မန်းစံမင်း၊ ရဲဘော်မြ၊ ရဲဘော်ဘခက်၊ ရဲဘော်သံဒိုင်၊ မြရာပင်စာပေ၊ ၁၉၇ဝ ပြည့်နှစ်၊ သြဂုတ်လ ၂၆ ရက်။
၁၁။     လွတ်လပ်ရေးရပြီးနောက် မြန်မာပြည်၊ ဝိဓူရ သခင်ချစ်မောင်(ပထမအကြိမ်)၊ ပုဂံစာအုပ် တိုက်၊ ၁၉၆၉ ခုနှစ်၊ ဇွန်လ။
၁၂။   သခင်သန်းထွန်း၏  နောက်ဆုံးနေ့များ၊ (ပထမတွဲ၊ ဒုတိယတွဲ) ရဲဘော်မြ၊ ရဲဘော်ဘခက်၊ ဗိုလ်စောလင်း၊ မြရာပင်စာပေ၊ ၁၉၆၉ ခုနှစ်၊ မေလ။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization