Home » » ပြည်တွင်းသောင်းကျန်းမှုသမိုင်း အပိုင်း(၄) အခန်း(၁)

ပြည်တွင်းသောင်းကျန်းမှုသမိုင်း အပိုင်း(၄) အခန်း(၁)


ပြည်တွင်းသောင်းကျန်းမှုသမိုင်း

အပိုင်း(၄)

(၁၉၆၈ ခုနှစ်မှ ၁၉၇၂ ခုနှစ်အထိ)

ရဲဘော်သစ်မောင်


အမှာစာ
ပြည်တွင်းသောင်းကျန်းမှုသမိုင်း အပိုင်း(၁)တွင် လွတ်လပ်ရေးမရမီကာလများအတွင်း ပြည်တွင်း သောင်းကျန်းမှု သန္ဓေတည်ပုံ၊ သောင်းကျန်းသူအဖွဲ့အစည်းဖြစ်လာမည့် နိုင်ငံရေးပါတီများပေါ်ပေါက်လာပုံ၊ တစ်မျိုးသားလုံး၏အကျိုးစီးပွားအတွက် လွတ်လပ်ရေးကြိုးပမ်းရာတွင်ပင် သဘောထားကွဲလွဲလာကြပုံ၊ နယ်ချဲ့တို့၏ မြှောက်ပင့်သွေးထိုးမှုများကြောင့် လူမျိုးရေးတစ်ယူသန် လက်ယာဝါဒီသောင်းကျန်းသူများ ပေါ်ပေါက်လာပုံ၊ ပြည်ပကွန်မြူနစ်တို့၏ သြဇာလွှမ်းမိုးခြင်းကြောင့် ဝါဒစွဲ၊ ဂိုဏ်းဂဏစွဲ တစ်ယူသန်လက်ဝဲဝါဒီ သောင်းကျန်းသူများ ပေါ်ပေါက်လာပုံတို့ကို တင်ပြခဲ့ပြီးဖြစ်သည်။
ပြည်တွင်းသောင်းကျန်းမှုသမိုင်း အပိုင်း(၂)တွင် လွတ်လပ်ရေးရရှိပြီး သုံးလမျှမပြည့်မီ ပြည်တွင်း သောင်းကျန်းမှုမီးကြီး အရှိန်ပြင်းစွာတောက်လောင်ခဲ့ပုံ၊ တစ်တိုင်းတစ်ပြည်လုံး ရောင်စုံသောင်းကျန်းသူအဖွဲ့ အစည်းများ၏ နှောင့်ယှက်ဖျက်ဆီးမှုကြောင့် ပြိုကွဲလုဆဲဆဲတွင် တပ်မတော်က သောင်းကျန်းသူများလက်မှ မြို့ရွာများကို တိုက်ခိုက်ကယ်တင်ရပုံ၊ ပြည်တွင်းသောင်းကျန်းသူများ အရှိန်သေလာချိန်တွင် ပြည်ပကျူးကျော်မှု  ပေါ်ပေါက်လာပုံ၊ တပ်မတော်က စစ်မျက်နှာနှစ်ဖက်ဖွင့်၍ တိုက်ခိုက်နေရစဉ် ပြည်တွင်းသောင်းကျန်းသူများ အသက်ရှူချောင်လာရပုံ၊ ၁၉၅၈ ခုနှစ်တွင် ပြည်တွင်းသောင်းကျန်းသူအဖွဲ့အစည်းများ ချုပ်ငြိမ်းလုဆဲဆဲတွင် မြေပေါ်နိုင်ငံရေးပဋိပက္ခများကြောင့် ခေါင်းထောင်လာကြပုံ၊ ၁၉၆၂ ခုနှစ်တွင် ဖက်ဒရယ်မူဖြင့်ခွဲထွက်ရန် ခြိမ်းခြောက်မှုများကြောင့် တော်လှန်ရေးကောင်စီက တိုင်းပြည်အာဏာရယူရပုံများကို တင်ပြခဲ့ပြီးဖြစ်သည်။
လွတ်လပ်ရေးမရမီကတည်းက သန္ဓေတည်ခဲ့သောပြည်တွင်းသောင်းကျန်းမှုပြဿနာသည် ကိုလိုနီနယ်ချဲ့ စနစ်၏ အမွေဆိုးကြီးပင်ဖြစ်ပြီး လွတ်လပ်ရေးရပြီးသောအခါ ထိုသောင်းကျန်းသူများကို ဖဆပလအစိုးရ၊ အိမ် စောင့်အစိုးရ၊ ပထစအစိုးရတို့က နှိမ်နှင်းဖြေရှင်းခဲ့ရသည်။ အစိုးရအဖွဲ့အစည်းအသီးသီးက နိုင်ငံရေးနည်း၊ စစ်ရေးနည်းများဖြင့်ဖြေရှင်းခဲ့ရာတွင် စစ်ရေးနည်းဖြင့် အဓိက ဖြေရှင်းရသူမှာ တပ်မတော်သာဖြစ်သည်။ အစိုးရအသီးသီးက နိုင်ငံရေးနည်းဖြင့်ဖြေရှင်း၍မရနိုင်သောကြောင့်လည်း စစ်ရေးအရတိုက်ခိုက်ဖြေရှင်းရခြင်း ဖြစ်သည်။ နိုင်ငံရေးပါတီအဖွဲ့အစည်းများမှာ ပြည်တွင်းသောင်းကျန်းမှုမီးကို ကူညီငြှိမ်းသတ်နိုင်ရန်မဆိုထားနှင့်၊ မိမိတို့၏နိုင်ငံရေးပဋိပက္ခများကိုပင် မဖြေရှင်းနိုင်ခဲ့ကြပေ။
၁၉၆၂ ခုနှစ်၊ မတ်လ ၂ ရက်မှစ၍ နိုင်ငံတော်၏အာဏာကို တပ်မတော်ကရယူလိုက်ပြီး တော်လှန်ရေး ကောင်စီအစိုးရဖြင့် တိုင်းပြည်ကိုအုပ်ချုပ်ခဲ့သည်။ တော်လှန်ရေးကောင်စီသည် မြေပေါ်နိုင်ငံရေးပဋိပက္ခများ ကြီးထွားသည်ထက် ကြီးထွားနေကြသော နိုင်ငံရေးပါတီစုံကို ဆက်လက်လှုပ်ရှားခွင့်ပေးထားခြင်းဖြင့် အကျိုး မထူးသည့်အပြင် တိုင်းပြည်သာ ပိုမိုနစ်မွန်းစရာရှိသဖြင့် ပါတီအဖွဲ့အစည်းမျိုးစုံကို ဥပဒေဖြင့်ဖျက်သိမ်းခဲ့ရ သည်။ ပြည်တွင်းသောင်းကျန်းမှုမီးကို နိုင်ငံရေးနည်းနှင့်ရော စစ်ရေးနည်းနှင့်ပါ ဖြေရှင်းငြှိမ်းသတ်ရန်မှာ  တပ်မတော်အပေါ်သို့သာ လုံးလုံးလျားလျား တာဝန်ကျရောက်လာသည်။ တပ်မတော်သည် ၁၉၆၃ ခုနှစ်တွင် အထွေထွေ လွတ်ငြိမ်းချမ်းသာခွင့် အမိန့်ထုတ်ပြန်ပြီး ပြည်တွင်းငြိမ်းချမ်းရေးခေါ်ယူခြင်းဖြင့် ပြည်တွင်း သောင်းကျန်းမှုပြဿနာပြေလည်ချုပ်ငြိမ်းစေရန် ကြိုးပမ်းခဲ့သည်။ သို့သော် ကရင်တော်လှန်ရေးကောင်စီ(ခေါ်) ကေအာ(ရ်)စီမှအပ ကျန်အဖွဲ့အစည်းများနှင့် ပြေလည်မှုမရခဲ့ပေ။
တော်လှန်ရေးကောင်စီသည် ပြည်တွင်းမှ နိုင်ငံရေးအင်အားစုများကို မြန်မာ့ဆိုရှယ်လစ်လမ်းစဉ်ပါတီဖြင့် စုစည်းရန် ကြံရွယ်ခဲ့သည်။ ဂိုဏ်းဂဏဝါဒကြောင့် ပေါ်ပေါက်တတ်သည့် နိုင်ငံရေးပဋိပက္ခများကို တားဆီးနိုင် ခြင်းအလို့ငှာ နိုင်ငံရေးအင်အားစုမျိုးစုံကို မြန်မာ့ဆိုရှယ်လစ်လမ်းစဉ်ပါတီနှင့် ပူးပေါင်းဆောင်ရွက်ရန် ဖိတ်ခေါ် ကမ်းလှမ်းခဲ့သည်။ သို့သော် အဖွဲ့အစည်းအချို့က လက်မခံနိုင်ခဲ့ကြပေ။ နိုင်ငံရေးခေါင်းဆောင်အတော်များများ မှာမူ မြန်မာ့ဆိုရှယ်လစ်လမ်းစဉ်ပါတီတွင် ဝင်ရောက်ဆောင်ရွက်ခဲ့ကြသည်။ တော်လှန်ရေးကောင်စီသည် ၁၉၆၈ ခုနှစ်တွင် အမျိုးသားညီညွတ်ရေး အကြံပေးအဖွဲ့ကို ဖွဲ့စည်း၍ မြေပေါ်မြေအောက်နိုင်ငံရေးပဋိပက္ခများကို ဖြေရှင်းရန် ကြိုးစားပြန်သည်။ သို့သော် အောင်မြင်မှုမရခဲ့ပြန်ပေ။
ပြည်တွင်းသောင်းကျန်းမှုသမိုင်း အပိုင်း(၃)သည် ၁၉၆၂ ခုနှစ်မှ ၁၉၆၈ ခုနှစ်အတွင်း တော်လှန်ရေးကောင်စီ ကရင်ဆိုင်ဖြေရှင်းရသော ပြည်တွင်းသောင်းကျန်းမှုဖြစ်စဉ်များကို ဖော်ပြထားသော စာအုပ်ပင်ဖြစ်သည်။ ထိုစာအုပ်တွင် ပြည်တွင်းငြိမ်းချမ်းရေးဆွေးနွေးပွဲများကျင်းပခဲ့ပုံ၊ သောင်းကျန်းသူများ၏ မရိုးသားမှုကြောင့် ပျက်ပြားသွားရပုံ၊ ဗကပအဖွဲ့အစည်းအတွင်း (၆၄) လမ်းစဉ်ပေါ်ပေါက်လာပြီး ဖြုတ်ထုတ်သတ်လမ်းစဉ်နှင့် လူသတ်ဝါဒထွန်းကားလာပုံ၊ သခင်သန်းထွန်းကျဆုံးရပုံ၊ အမျိုးသားညီညွတ်ရေးအတွက် အမျိုးသားညီညွတ်ရေး အကြံပေးအဖွဲ့ဖွဲ့စည်းပုံ စသည်တို့ကို ဖော်ပြထားသည်။
ပြည်တွင်းသောင်းကျန်းမှုသမိုင်း အပိုင်း(၄)တွင်မူ အရှေ့မြောက်ဒေသ ဗကပလှုပ်ရှားမှုစတင်ပုံ၊ အရှေ့ မြောက်ဒေသ ဗကပများကြောင့် ပဲခူးရိုးမ ဗကပများ အသက်ရှူချောင်ပြီး ခေါင်းထောင်လာပုံ၊ ပြည်ပြေး သောင်းကျန်းသူများပေါ်ပေါက်လာပုံ၊ အလံနီပါတီချုပ်ငြိမ်းရပုံ စသည်တို့အား လေ့လာရမည်ဖြစ်ပါသည်။ ပြည်တွင်းသောင်းကျန်းမှုကို ကဏ္ဍများခွဲခြားကြည့်ပါက အောက်ပါအတိုင်း တွေ့ရနိုင်သည်-
(၁)     လွတ်လပ်ရေးမရမီ ကာလများ၊
(၂)     ၁၉၄၈ ခုနှစ်မှ ၁၉၆၂ ခုနှစ်အတွင်း ပါလီမန် ဒီမိုကရေစီခေတ်တွင် ဖြေရှင်းရပုံ၊
(၃)     ၁၉၆၂ ခုနှစ်မှ ၁၉၆၈ ခုနှစ်အထိ တော်လှန်ရေးကောင်စီက ဖြေရှင်းရပုံ၊ သခင်သန်းထွန်းကျဆုံးပုံ၊
(၄)     ၁၉၆၈ ခုနှစ်မှ ၁၉၇၅ ခုနှစ်အထိ ကာလအတွင်း အရှေ့မြောက်ဒေသ ဗကပပေါ်လာပုံ၊ ပြည်ပြေး သောင်းကျန်းသူ ပေါ်လာပုံများနှင့် ပြည်တွင်းဗကပများချုပ်ငြိမ်းပုံ၊
(၅)     ၁၉၇၅ ခုနှစ်မှ ၁၉၈ဝ ပြည့်နှစ် နိုင်ငံတော်ကောင်စီ၏ ကြေညာချက်အမှတ် ၂/၈ဝ ထုတ်ပြန်သည် အထိ၊
(၆)     ၁၉၈ဝ ပြည့်နှစ်မှ ၁၉၈၈ ခုနှစ် အရေးအခင်းအထိ၊
(၇)     ၁၉၈၈ ခုနှစ် နောက်ပိုင်း၊
ပြည်တွင်းသောင်းကျန်းမှုသမိုင်း အပိုင်း(၄)သည် ၁၉၆၈ ခုနှစ်မှ ၁၉၇၅ ခုနှစ်ကာလအတွင်း အရှေ့မြောက် ဒေသ ဗကပများပေါ်လာပုံ၊ ပြည်ပြေးသောင်းကျန်းသူပေါ်လာပုံ၊ ပြည်တွင်းဗကပများချုပ်ငြိမ်းပုံ ကဏ္ဍနှင့် အကျုံးဝင်ပါသည်။ ယခင်က ထိုကဏ္ဍတစ်ရပ်လုံးကို ပြည်တွင်းသောင်းကျန်းမှုသမိုင်း အပိုင်း(၄)အဖြစ် ပြုစုထား သော်လည်း ပိုမိုပြည့်စုံစွာ ဖော်ပြလိုသောဆန္ဒကြောင့် ၁၉၆၈ ခုနှစ်မှ ၁၉၇၂ ခုနှစ်အထိ ကာလများအတွင်းမှ ဖြစ်စဉ်များကို ပြည်တွင်းသောင်းကျန်းမှုသမိုင်း အပိုင်း(၄)အဖြစ် ခွဲထုတ်လိုက်ရခြင်းဖြစ်ပါသည်။ တပ်မတော်နှင့် ပြည်သူလူထု ပူးပေါင်း၍ မြစ်ဝကျွန်းပေါ်ဒေသမှ သောင်းကျန်းသူများချုပ်ငြိမ်းသည်အထိ တိုက်ခိုက်ချေမှုန်းခဲ့ပုံ၊ သခင်သန်းထွန်းကျဆုံးပြီးနောက် သခင်ဇင်နှင့် သခင်ချစ်က ပဲခူးရိုးမ ဗကပဗဟို ဆက်လက်ရှင်သန်ရေးကြိုးပမ်း ကြပုံ၊ အရှေ့မြောက်ဒေသ ဗကပများ ထိုးဖောက်လာကြပုံ၊ ပြည်ပြေးသောင်းကျန်းသူများ ပေါ်ပေါက်လာပုံနှင့် အလံနီပါတီနိဂုံးချုပ်ရပုံများကို ဖော်ပြထားပါသည်။
ပြည်တွင်းသောင်းကျန်းမှုသမိုင်း အပိုင်း(၄)ကို ပြုစုရာတွင် ယခင်စာအုပ်များနည်းတူပင် စာနယ်ဇင်းသမား                                                                                                                                တို့ ရေးသားထုတ်ဝေခဲ့သောစာအုပ်များ၊ ကိုယ်တွေ့ကြုံရသူတို့ ပြန်လည်ရေးသားခဲ့သောစာအုပ်များ၊ နေ့စဉ် သတင်းစာများ၊ တွေ့ဆုံမေးမြန်းချက်များကိုသာ မကဘဲ ကာကွယ်ရေးဝန်ကြီးဌာနမှ စာရွက်စာတမ်းများကိုပါ မှီငြမ်းကိုးကားခဲ့ရပါသည်။ ကာကွယ်ရေးဝန်ကြီးဌာနမှ စာရွက်စာတမ်းများဆိုရာတွင် တပ်မတော်ထောက်လှမ်းရေး ညွှန်ကြားရေးမှူးရုံး၊ ကာကွယ်ရေးဦးစီးချုပ်(ကြည်း)စီမံရေးဌာနခွဲ၊ သုတေသနဌာနခွဲများ၊ ပြည်သူ့ဆက်ဆံ ရေးနှင့် စိတ်ဓာတ်စစ်ဆင်ရေးညွှန်ကြားရေးမှူးရုံး(ယခင်ပြည်သူ့စစ်နှင့် ပြည်သူ့ဆက်ဆံရေးညွှန်ကြားရေးမှူးရုံး) နှင့် တပ်မတော်မော်ကွန်းတိုက်တို့မှ အစီရင်ခံစာများ၊ မှတ်တမ်းမှတ်ရာများ၊ ထွက်ဆိုချက်များ၊ စာတမ်းများ၊ လက်ရေးမူများပါဝင်ပါသည်။တိုင်းစစ်ဌာနချုပ်များမှ ပေးပို့သည့် စာမူများ၏အထောက်အကူကိုလည်း  ရယူခဲ့ရ ပါသည်။
မည်သို့ပင်ဆိုစေ ဤစာအုပ်သည် ပြီးပြည့်စုံပြီဟု မယူဆနိုင်သေးပါ။ ကိုယ်တိုင် ကြုံတွေ့ခဲ့ရသူများ၊ သိမီသူများကပါ ပါဝင်ရေးဆွဲမှ ခေတ်သရုပ်ဖော် သမိုင်းပန်းချီကားကြီးတစ်ချပ်မှာ ပြီးပြည့်စုံမည်ဖြစ်ပါသည်။ သို့မှသာ မြန်မာနိုင်ငံ၏ရှေ့ရေးအတွက် သင်ခန်းစာများ ဖော်ထုတ်ရာတွင် မှန်ကန်တိကျမှုရှိမည်ဖြစ်ပါကြောင်း တင်ပြ လိုက်ရပါသည်။
ရဲဘော်သစ်မောင်















အခန်း(၁)
ပါလီမန်ဒီမိုကရေစီပါတီ သို့မဟုတ် ပြည်ပြေးသောင်းကျန်းမှုများ
ပေါ်ပေါက်လာခြင်း
ပြည်တွင်းညီညွတ်ရေးအကြံပေးအဖွဲ့၏ လှုပ်ရှားမှုများ
တော်လှန်ရေးကောင်စီသည်  လုံခြုံရေးအရ ထိန်းသိမ်းထားသော နိုင်ငံရေးခေါင်းဆောင်များအား ပြန်လွှတ်ပေး ပြီးနောက် ၁၉၆၈ ခုနှစ်၊ နိုဝင်ဘာလ ၂၉ ရက်တွင် ထိပ်သီးနိုင်ငံရေးခေါင်းဆောင်များအား ဖိတ်ကြား၍ အမျိုးသားညီညွတ်ရေး အတွက်ကြိုးပမ်းခဲ့ကြောင်း တင်ပြပြီးပေပြီ။ တော်လှန်ရေးကောင်စီသည် ၁၉၆၈ ခုနှစ်၊ ဒီဇင်ဘာလ ၄ ရက်တွင် ကြေညာ ချက်အမှတ်(၇၂)ဖြင့် ပြည်ထောင်စုမြန်မာနိုင်ငံ ပြည်တွင်းညီညွတ်ရေး အကြံပေးအဖွဲ့(ခေါ်) ၃၃ဦး ကော်မတီကိုဖွဲ့စည်းပေးခဲ့သည်။ ယင်းအဖွဲ့၏ လုပ်ငန်းများကိုလည်း ၁၉၆၉ ခုနှစ်၊ မေလ ၃၁ရက် အထိ သတ်မှတ်ပေးခဲ့သည်။ ၁၉၆၈ ခုနှစ်၊ ဒီဇင် ဘာလ ၅ ရက်တွင်လည်း ကြေညာချက် အမှတ် ၇၄ ဖြင့် တစ်ပြည်လုံးရှိ လုပ်သားပြည်သူများထံသို့ ပြည်တွင်းညီညွတ်ရေးအတွက် အကြံပြုပါရန် အကြံဥာဏ်များ တောင်းခံခဲ့သည်။*(ပြည်တွင်းညီညွတ်ရေးအဖွဲ့၏ အစီရင်ခံစာ၊ စာမျက်နှာ ၉/၁ဝ။) ဤကားတော်လှန်ရေး ကောင်စီ၏ ရိုးသားသောစေတနာဖြင့် ကြိုးပမ်းသည့် အမျိုးသား ညီညွတ်ရေး ကြိုးပမ်းချက်ပင် ဖြစ်သည်။
တော်လှန်ရေးကောင်စီသည် ပြည်တွင်းညီညွတ် ရေးအကြံပေးအဖွဲ့၏လုပ်ငန်းများဆောင်ရွက်ရန်(၆)  လသက်တမ်း သတ်မှတ်ပေးထားသော်လည်း လိုအပ် လျှင် အချိန်ထပ်တိုးပေးမည်ဆိုကပေးနိုင်ရန်   ရည်ရွယ် ထားလေသည်။   တော်လှန်ရေး ကောင်စီဥက္ကဋ္ဌ ဗိုလ်ချုပ်ကြီး နေဝင်းက ၁၉၆၈ ခုနှစ်၊ နိုဝင်ဘာလ ၂၉ ရက်တွင်  နိုင်ငံရေး ခေါင်းဆောင်များအား  ဖိတ်ကြား၍ အောက်ပါအတိုင်း ပြောဆိုသွားသည်ကို သတိပြုနိုင်သည်။

''နောက်တစ်ခုကတော့ ဒီဆွေးနွေးတယ်ဆိုတာက အချိန်အခါကတော့ ယူလုပ်ရင်ကောင်းမယ်၊ အဲဒီတော့ ကျွန်တော်တို့မှန်းတာကတော့ (၆)လပေါ့လေ၊ အချေ အတင်ဆွေးနွေးနိုင်အောင် ဒါဆွေးနွေးကြရင်း ကိစ္စဝိစ္စ များ မပြီးဘူး၊ အချိန်ထပ်ပေးမှဖြစ်မယ်လို့ ဆိုလို့ရှိရင် လည်း အဲဒီပြီးတဲ့ နည်းတဲ့အချိန်ကျတော့ ထပ်ပြီး ဆွေးနွေးကြ၊ ပြီးတော့ကာ အချိန်တိုးချင်လည်း တိုးလာမှာပေါ့၊ အခု ယာယီသတ်မှတ်ထားတာကတော့(၆) လပဲဆိုပါတော့၊ လိုရင်လိုသလိုပေါ့ခင်ဗျာ၊ နည်းတွေ၊ စည်းတွေ လှေနံဓားထစ်(၆)လနဲ့ ပြီးရမယ်လို့ မဆိုလိုပါဘူး''**(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၃၅။)
တော်လှန်ရေးကောင်စီသည် နိုင်ငံရေးခေါင်း ဆောင် ၃၃ ဦးအား (၆)လအတွင်း လုပ်ငန်းဆောင်ရွက် နေစဉ် သုံးစွဲရန် တစ်ဦးလျှင် ငွေကျပ် ၅ဝဝဝ စီ ထောက်ပံ့ခဲ့သည်။ အကြံပေးအဖွဲ့ဝင်များသည် အမှတ် (၁၆) ဝင်ဒါမီယာလမ်းနေအိမ် (ယခင်ဝန်ကြီးချုပ် နေအိမ်)တွင် နေ့စဉ်ရုံးထိုင်ကြရသည်။ ဆွေးနွေးကြရ သည်။ သဘာပတိအဖြစ် သမ္မတဟောင်း ဦးဝင်းမောင်က ဆောင်ရွက်သည်။ အကြံပေးစာတမ်းများ မပြီးမီ၊ တော်လှန်ရေးကောင်စီသို့ မတင်သွင်းမီ အခြေအနေရှုပ်ထွေးမှုမရှိစေရန်အတွက် နေ့စဉ်ဆောင်ရွက်ချက် များကို ပြင်ပသို့ပေါက်ကြား ခြင်းမရှိစေရန် ထိန်းသိမ်း ရေးကို  တော်လှန်ရေးကောင်စီက  မေတ္တာရပ်ခံခဲ့ သည်။* (ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၃၈၊ ၃၉။) သို့သော် တော်လှန်ရေး ကောင်စီ၏ရိုးသားသောစေတနာမှာ အတွင်းကျိတ်အာဏာရူးနေသော နိုင်ငံရေးခေါင်းဆောင် အချို့ကြောင့် အရာမထင်ဖြစ် ခဲ့ရလေသည်။
နေ့စဉ်ဆွေးနွေးဆောင်ရွက်ချက်များမှာ နေ့စဉ်ပင် ပြင်ပသို့ ပေါက်ကြားလျက်ရှိသည်။ အထူးသဖြင့် ဦးနု သည် နေ့စဉ်ဆွေးနွေးချက်မှတ်တမ်းများကို စာကူးစက် ဖြင့် ကူးယူရိုက်နှိပ်၍ သူ၏နောက်လိုက်နောက်ပါများ သို့ ဝေငှခဲ့သည်။**(ချစ်ကြည်ရေးကြည်ညွန့်၏ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၃၉။)  အဆိုးဆုံးကား ဦးနုသည် တော်လှန် ရေးကောင်စီသို့ တင်သွင်းရမည့်စာတမ်းကို မတင်သွင်း မီ မပေါက်ကြားစေရဟူသော မေတ္တာရပ်ခံချက်ကို လိုက်နာခြင်းမရှိဘဲ အနောက်အုပ်စုရှိ သံရုံးအချို့သို့ ကြိုတင်ပေးပို့ထားခြင်းပင် ဖြစ်သည်။***(ချစ်ကြည်ရေးကြည်ညွန့်၏ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၃၉၊ ၄ဝ။)  အကြံပေးချက် စာတမ်းများအား တော်လှန်ရေးကောင်စီသို့ တရား ဝင်တင်သွင်းသောရက်မှာ ၁၉၆၉ ခုနှစ်၊ မေလ ၃၁ ရက် ဖြစ်သည်။ တော်လှန်ရေးကောင်စီသည် ယင်းစာတမ်း များအားစာအုပ်များအဖြစ် ရိုက်နှိပ်ဖြန့်ဝေ၍လည်း ကောင်း၊ သတင်းစာများတွင် ဖော်ပြ၍လည်းကောင်း၊ ပြည်သူများသို့ အသိပေးခဲ့သည်။ သို့သော် ဖော်ပြပါ စာတမ်းများမှာ နိုင်ငံခြားသံရုံးအချို့သို့ ကြိုတင်ရောက် ရှိနေခဲ့ပြီး ပြည်ပစွက်ဖက်မှုများအတွက် လက်ယပ် ခေါ်နေသကဲ့သို့ ဖြစ်ခဲ့ပြီးနေလေပြီ။
ဦးနု၏တင်ပြချက်
ဝန်ကြီးချုပ်ဟောင်း ဦးနုသည် ကာလသတ်မှတ် ချက်(၆)လ မပြည့်မီ ၁၉၆၉ ခုနှစ်၊ ဧပြီလ (၁၁)ရက် တွင် အိန္ဒိယပြည်သို့ ထွက်ခွာသွားခဲ့သည်။ ထိုသို့ မထွက်ခွာမီတွင် ယင်း၏ အကြံပြုချက်၊ တောင်းဆိုချက် စာတမ်းများအား ဗိုလ်မှူးအောင်မှတစ်ဆင့် ပေးပို့ထား ခဲ့သည်။ ယင်း၏စာတမ်းနှင့်ပတ်သက်၍ ရှင်းလင်းချက် မှာ အောက်ပါအတိုင်းဖြစ်သည်- ****(ချစ်ကြည်ရေးကြည်ညွန့်၏ဦးနု၊ ဦလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၄၁ မှ ၄၇ အထိ။)
ဒီစာတမ်းကို ဘာကြောင့်တင်ရသလဲ။
ပြည်ထောင်စု မြန်မာနိုင်ငံတော်၏စီးပွားရေး၊ ငွေရေး၊ ကြေးရေး၊ လူမှုဖူလုံရေး၊ ပြည်တွင်း ငြိမ်းချမ်းရေး ပြဿနာများသည် ပြည်ထောင်စု၏ လွတ်လပ်ရေးနှင့်  တည်တံ့ခိုင်မြဲရေးတို့အား ပြိုကွဲကျဆုံးသည့်ဘဝသို့ မရောက်ရောက်အောင် တစ်နေ့တခြား ပိုမိုတိုးတက်ပြင်းထန်စွာ တွန်းပို့ လျက်ရှိသည်ဟု ကျွန်တော်မမှိတ် မသုန်ယုံကြည် သည်။ ယခုကဲ့သို့ အခြေအနေမျိုးတွင် ဗိုလ်ချုပ်ကြီး နေဝင်းခေါင်းဆောင်သော အမျိုးသားအစိုးရ  အဖွဲ့တစ်ဖွဲ့ကို ချက်ချင်းအရေးတကြီးဖွဲ့စည်းပြီး အထက်တွင်ဖော်ပြထားသော အလွန်အရေးကြီး သည့်ပြဿနာများကို ကိုယ်စွမ်းဥာဏ်စွမ်းရှိ သရွေ့ ချက်ချင်းဖြေရှင်းစေချင်သည်။ ဤဆန္ဒ၏ တိုက်တွန်းချက်အရ ကျွန်တော်သည် ဤစာတမ်း ကို တင်သွင်းရခြင်းဖြစ်သည်။
ယခု ဖော်ပြခဲ့ပြီးသောပြဿနာများမှာ လက်ရုံး ရည်တစ်ခုတည်းနှင့်သာ မဟုတ်ဘဲ နှလုံးရည်ကိုပါ အသုံးပြုပြီးဖြေရှင်းရမည့်ပြဿနာများဖြစ်သည်။ တပ်မတော်ခေါင်းဆောင်များထဲ၌လည်းကောင်း၊ နိုင်ငံရေး ခေါင်းဆောင်များထဲတွင်လည်းကောင်း လက်ရုံးရည်နှင့် နှလုံးရည်ပြည့်ဝသူများ အမြောက်အမြားရှိနေသည်။  သို့ဖြစ်၍  တပ်မတော် ခေါင်းဆောင်များနှင့် နိုင်ငံရေးခေါင်းဆောင်များ ပူးပေါင်းထားသည့် အမျိုးသားအစိုးရအဖွဲ့ကို ဖွဲ့စည်းရန်အကြံပေးရခြင်းဖြစ်သည်။
အမျိုးသားအစိုးရအဖွဲ့ကိုဖွဲ့စည်းပြီးအထက်တွင် ဖော်ပြထားသောပြဿနာများကို ဖြေရှင်းရာ၌ အောင်အောင်မြင်မြင် ထိထိရောက်ရောက် ဖြေရှင်းနိုင်ရန်အတွက် လူမျိုးစုများအပါအဝင်ဖြစ် သော ပြည်သူလူထုကြီးတစ်ရပ်လုံး၏တစ်ခဲနက်ရက်ရက်ရောရော  အားပါးတရထောက်ခံမှုကိုလိုသည်။ ဤထောက်ခံမှုကို ရရှိနိုင်ရန်ဟူသော ရည်ရွယ်ချက်ဖြင့် စာတမ်းတွင်ပါသောအချက် (၁ဝ)ချက်ကို အကြံပေးလိုက်ခြင်းဖြစ်သည်။
၎င်း(၁ဝ)ချက်ထဲတွင် နံပါတ်(၁)အချက်ကို အထူးရှင်းပြရန်လိုသည်။ ရှင်းမပြလျှင် ကျွန်တော် ၏စေတနာကို အထင်လွဲနိုင်စရာအကြောင်းရှိ သည်။
ထိုနံပါတ်(၁)အချက်တွင် ဗိုလ်ချုပ်ကြီး နေဝင်းက ကျွန်တော့်အား အာဏာပြန်အပ်ရန် ကျွန်တော်အကြံပေး ထားသည်။ ဤသို့အကြံ ပေးရခြင်းမှာ အခြားအကြောင်းကြောင့်မဟုတ်။ တော်လှန်ရေးအစိုးရကို  ပြည်သူလူထုက ကြည်ဖြူစွာတင်မြှောက်ထားသောအစိုးရအဖြစ် သို့ ပြောင်းလဲပေးချင်သောဆန္ဒကြောင့် ဖြစ် ပါသည်။
ဤသို့ပြောင်းလဲပေးချင်သောဆန္ဒ ကျွန်တော့်မှာ ဖြစ်ပေါ်လာရခြင်းမှာလည်း အခြားကြောင့်မဟုတ်။ ဤသို့ပြောင်းလဲပစ်မှ ပြည်သူလူထု၏တစ်ခဲနက်  ထောက်ခံမှုကို ရရှိလိမ့်မည်ဟု မမှိတ်မသုန်ယုံကြည် သောကြောင့်ပင် ဖြစ်ပါသည်။
ဤသို့ တော်လှန်ရေးအစိုးရဘဝမှ ပြည်သူလူထု အစိုးရဘဝသုိ့ ပြောင်းလဲမည်ဆိုလျှင် ဗိုလ်ချုပ်ကြီး နေဝင်းက ကျွန်တော့်အား အာဏာပြန်အပ်ရန်ဆိုသော အချက်သည် အလွန်အရေးကြီးသော အဓိကအချက်ဖြစ် သည်။ မလုပ်လျှင်မဖြစ်သောအချက်ပင်ဖြစ်သည်ဟု ကျွန်တော်မမှိတ်မသုန်ယုံကြည်သည်။
ကျွန်တော့်ကို အာဏာပြန်အပ်ပါဟူသော အကြံကို မပေးလိုသောကြောင့် အခြားနည်းများကို ကျွန်တော် အမျိုးမျိုးအဖုံဖုံ စဉ်းစားကြည့်ပါသေးသည်။ အခြား ဘယ်နည်းကိုမျှမမြင်သောကြောင့်သာ ဤအကြံကိုပေး ရခြင်းဖြစ်သည်။
အာဏာကိုပြန်၍မအပ်မချင်း တော်လှန်ရေး အစိုးရအဖွဲ့ဝင်များသည် အာဏာသိမ်းသွားသူများသာ ဖြစ်နေလိမ့်မည်။ မည်သည့် အသွင်သစ်၊ မည်သည့် ပုံသဏ္ဌာန်အသစ်ကို ဆောင်နေကာမူ တော်လှန်ရေး အစိုးရအဖွဲ့ဝင်များသည် အာဏာသိမ်းသွားသူများသာ ဖြစ်နေလိမ့်မည်။ ပြည်သူလူထုကလည်း ¤င်းအတိုင်း မြင်နေလိမ့်မည်။ အာဏာကို ပြန်အပ်လိုက်သည်နှင့် တစ်ပြိုင်နက် တော်လှန်ရေးအစိုးရအဖွဲ့ဝင်များသည် အာဏာသိမ်းသွားသူများအဖြစ်မှ တစ်ခါတည်း ရပ်စဲ သွားမည်။
ကျွန်တော်သည် ယခုကဲ့သို့ ရိုးသားစွာ ယုံကြည် ချက်ရှိသဖြင့် အာဏာပြန်အပ်ရန် ရိုးသားစွာ အကြံပေး ရခြင်းဖြစ်သည်။
အကြံပေးအဖွဲ့ဝင်လူကြီးများတွင် တခြားနည်း လမ်းများရှိပါလျှင် ထိုနည်းလမ်းများကို ကျွန်တော်တို့ ကျေကျေလည်လည်ဆွေးနွေးသင့်ပါသည်။
အာဏာပြန်အပ်ရန် အကြံပေးရာ၌ ကျွန်တော် စဉ်းစားမိသည့်အခြားအချက်များ ရှိပါသေးသည်။ ¤င်း အချက်များမှာ အောက်ပါအတိုင်းဖြစ်သည်-
တော်လှန်ရေးအစိုးရအဖွဲ့တွင် သက်ဦးဆံပိုင်သည့် အာဏာများ အပြည့်အဝရှိသည်။ ¤င်းအဖွဲ့ဝင်များ ကသာ အာဏာပြန်မအပ်ချင်ဘူးဟုဆိုလျှင် ၎င်းတို့အား အတင်းအကျပ် တိုက်တွန်းဖို့ မပြောထားနှင့်၊ လက်ဖျား နှင့်ပင် တို့ရဲသူများမရှိပါ။ ဤမျှ တန်ခိုးအာဏာကြီးမား သူများက အလိုအလျောက် အာဏာပြန်အပ်ခြင်းသည် ၎င်းတို့၏ သဘောထားကြီးမှု၊ အမြင်ကျယ်မှု၊ နိုင်ငံနှင့် လူမျိုးကောင်းစားစေမှုတို့ကို အလွန်လေးစားသည်။ သို့ဖြစ်ရာ သဘောထားကြီးသော၊ အမြင်ကျယ်သော နိုင်ငံနှင့်လူမျိုး ကောင်းစားစေလိုသော တော်လှန်ရေး အစိုးရအဖွဲ့ဝင်များအား ပြည်သူလူထုက ယခုထက် အဆပေါင်းများစွာတိုးပြီး ကြည်ညိုလေးစားလာကြမည် မှာ မလွဲနိုင်တော့ပေ။
၎င်းအပြင်လည်း သဘောထားကြီးမှု၊ အမြင်ကျယ် မှု၊ နိုင်ငံနှင့်လူထုကောင်းစားစေလိုမှုတို့ကို ဤသို့ ထုတ်ဖော်ပြသခြင်းသည် သာမန်ဖြစ်ပေါ်လာသော အဖြစ်အပျက်မဟုတ်၊ အလွန်အရေးပါအရာရောက် သော အဖြစ်အပျက်ကြီးတစ်ရပ်ဖြစ်ရကား အလွယ် တကူနှင့် ပျောက်ကွယ်သွားမည်မဟုတ်၊ ပြည်ထောင်စု မြန်မာနိုင်ငံတော်သမိုင်းတွင်  အထင်အရှားမှတ်တမ်း တင်ပြီး ကျန်ရစ်ပေလိမ့်မည်။
ဤအချက်များအပြင် အခြားအချက်ကြီးတစ်ရပ် ရှိသေးသည်။ ၎င်းမှာ အောက်ပါအတိုင်းဖြစ်သည်-
တော်လှန်ရေးအစိုးရအဖွဲ့ဝင်များက  ဤသို့ သဘောထားကြီးမှုကိုပြလျှင် နိုင်ငံရေးခေါင်းဆောင်များ ကလည်း-
၁။       ဖြစ်ပြီးသမျှ အကုန်မေ့ပစ်ခြင်းအားဖြင့် လည်းကောင်း၊
၂။       ဗိုလ်ချုပ်ကြီးနေဝင်း၏ခေါင်းဆောင်မှုကို တစ်ခဲနက် ကြည်ကြည်ဖြူဖြူထောက်ခံခြင်း ဖြင့် လည်းကောင်း၊
၃။       ပြည်ထောင်စု၏ အလွန်အရေးကြီးနေသော ပြဿနာများကို တပ်မတော်ခေါင်းဆောင် များနှင့်လက်တွဲကာ ကိုယ်စွမ်းရှိသရွေ့၊ ဥာဏ်စွမ်းရှိသရွေ့  ဝိုင်းဝန်းဖြေရှင်းခြင်း အားဖြင့် လည်းကောင်း၊
တော်လှန်ရေးအစိုးရအဖွဲ့ဝင်များကဲ့သို့ပင် သဘောထားကြီးကြောင်းကို လိုက်၍ပြပေတော့မည်။ နိုင်ငံရေး ခေါင်းဆောင်များသည် တော်လှန်ရေးအစိုးရ အဖွဲ့ဝင်များကဲ့သို့ သဘောထားကြီးကြောင်းကို ဤသို့ မပြ၍ မဖြစ်တော့ပေ။
ဤသို့ နှစ်ဦးနှစ်ဖက်စလုံး၏ သဘောထားကြီးမှု သည် နောင်လာနောက်သားများအတွက် အတုယူစရာ သာဓကကြီးတစ်ရပ်ဖြစ်သဖြင့် ထာဝရရပ်တည်နေပေ လိမ့်မည်။ နောင်သောအခါ အလားတူကိစ္စမျိုးပေါ် ပေါက်လာသည့်အခါ ငါတို့၏ နောင်တော့်နောင်တော် များလက်ထက်က ငါတို့၏မိဘဘိုးဘွားများလက်ထက်က  လက်ရုံးရည်ဖြင့်*(စစ်ရေးဖြင့်ဟု ဆိုလိုဟန်တူသည်။ (ပြုစုသူ)) ဖြေရှင်းရမည့်ကိစ္စကို နှလုံးရည်ဖြင့်** (နိုင်ငံရေးနည်းအရ) ဖြေရှင်းသွားခဲ့ကြဖူးသည်ဟူသော အသိဏ်ကြီးသည် ၎င်းတို့၏ပြဿနာများကို ဖြေရှင်း ရာ၌ မီးရှူးတန်ဆောင်ကြီး ဖြစ်နေပေလိမ့်မည်။
ဤအချက်အားလုံးကို သေသေချာချာ အပြန်ပြန် အလှန်လှန် စဉ်းစားပြီးမှ ကျွန်တော့်အား အာဏာပြန် အပ်ပါဟူသောအကြံကို ကျွန်တော်ပေးရခြင်းဖြစ်သည်။
ဤအကြောင်းများကို ထောက်ထား၍ အကြံပေး အဖွဲ့ဝင်များသည် ၎င်းအကြံကို လက်ခံကြလိမ့်မည်ဟု ကျွန်တော်ယုံကြည်လျက်ရှိသည်။
လက်ရှိအခြေခံအုပ်ချုပ်ရေးစည်းမျဉ်း***(ဖွဲ့စည်းပုံအခြေခံဥပဒေ(Constitution)ကိုဆိုလိုခြင်းဖြစ်သည်။ (ပြုစုသူ)) ကိုပြင် ဆင်ရသည့်ကိစ္စသည် လည်းကောင်း၊ စည်းမျဉ်းသစ်  ရေးဆွဲရသည့်ကိစ္စသည်လည်းကောင်း လွယ်ကူသော ကိစ္စများလည်းမဟုတ်ပါ။ အချိန်အနည်းငယ်အတွင်း ပြီးနိုင်သောကိစ္စများလည်းမဟုတ်ပါ။ သို့ဖြစ်ရကား ဗိုလ်ချုပ်ကြီးနေဝင်းခေါင်းဆောင်သော အမျိုးသား အစိုးရသည် ကျွန်တော်အကြံပေးထားသည့်အတိုင်း အမျိုးသားညီလာခံကြီးတစ်ရပ်ကို ဖွဲ့စည်းပြီး အခြေခံ စည်းမျဉ်းနှင့်ပတ်သက်သောကိစ္စရပ်ကို သေသေချာချာ လေးလေးပင်ပင် စဉ်းစားသင့်သည်။
ကျွန်တော့်အနေနှင့်ဆိုလျှင် ပါလီမန်ဒီမိုကရေစီကို အခြေပြုထားသော စည်းမျဉ်းများမှတစ်ပါး အခြား စည်းမျဉ်းများကို လက်ခံနိုင်မည်မဟုတ်ရာ ပါလီမန် ဒီမိုကရေစီကို အခြေခံသော  စည်းမျဉ်းတစ်ခုကို အမျိုးသားညီလာခံက ရေးဆွဲရန် အကြံပေးရခြင်းဖြစ် သည်။
ဝန်ကြီးချုပ်ဟောင်း ဦးနုသည် ယင်းအား အာဏာ ပြန်အပ်ရန်သာ အစဉ်တောင်းဆိုခဲ့ခြင်းဖြစ်သည်။ ချုပ်ငြိမ်းသွားပြီဖြစ်သော ပါလီမန် ဒီမိုကရေစီစနစ်ကို ပြန်လည် အသက်သွင်းရန်လည်း ရည်ညွှန်းထားသည်။ တော်လှန်ရေးကောင်စီအစိုးရအား မြှောက်ပင့်၍ တစ်မျိုး၊ မသိမသာ ခြိမ်းခြောက်၍တစ်ဖုံ အာဏာစွန့် ရန်သာ တိုက်တွန်းထားသည်ကို တွေ့ရသည်။ ပြည်တွင်း ညီညွတ်ရေးအကြံပေးအဖွဲ့မှ အမျိုးမျိုးအဖုံဖုံတင်ပြကြ သော စာတမ်းများအနက် ဦးနု၏စာတမ်းသည် ပြည်သူ လူထုအတွင်း များစွာဂယက်ရိုက်ခဲ့သည်။ ကြိုတင်ပေါက် ကြားနေသောကြောင့်လည်း ကောလာဟလသတင်း များ၊ များစွာထွက်ပေါ်ခဲ့သည်။ ဦးနု လိုလားသူများ ကလည်း တီးတိုးဝါဒဖြန့်မှုများ ပြုလုပ်ကြသည်။
ဦးနုတင်သွင်းသောစာတမ်း*(ချစ်ကြည်ရေးကြည်ညွန့်၏ဦးနု၊ ဦးလောရုံ၊ အပေါင်းအပါများနှင့် နယ်ချဲ့ဂိုဏ်း၊ စာမျက်နှာ ၄၈ မှ ၅၆ အထိ။)
ဦးနုတင်သွင်းသောစာတမ်းအပြည့်အစုံမှာ အောက်ပါအတိုင်းဖြစ်သည်-
၁၉၆၈ ခုနှစ်၊ နိုဝင်ဘာလ ၂၉ ရက်က ဗိုလ်ချုပ် ကြီးနေဝင်း ကိုယ်တိုင် တင်ပြသွားသောပြဿနာများ ကို ပြည့်ပြည့်စုံစုံ ဖြေရှင်းနိုင်ရန်အတွက် အောက်ပါ အချက်များကို ဖော်ပြထားသည့် အစီအစဉ်အတိုင်း ဆောင်ရွက်သွားသင့်သည်ဟု ကျွန်တော်ယုံကြည်ပါ သည်။
အဆိုပါပြဿနာများကိုဖြေရှင်းရာ၌-
၁။ နိုင်ငံရေးသမားများမပါလျှင်လည်း မဖြစ်။
၂။ ဗိုလ်ချုပ်ကြီးနေဝင်းမပါလျှင်လည်း မဖြစ်။
၃။ ပါလီမန် ဒီမိုကရေစီနည်းဖြင့် မဖြေရှင်းလျှင် လည်းမဖြစ်။
ယခုအခါ ပြည်ထောင်စုအတွင်း၌ ဖြစ်ပေါ်လျက် ရှိသော လက်ငင်းပြဿနာများမှာ အလွန်အရေးကြီး သောပြဿနာများဖြစ်သည်။ အမှန်အတိုင်းပြောရလျှင်  ပြည်ထောင်စု၏အနာဂတ်သည် ဤလက်ငင်းပြဿနာ များကို ကျေကျေလည်လည် ဖြေရှင်းနိုင်ရေးအပေါ်တွင်  ရာခိုင်နှုန်းအများကြီးတည်ရှိနေသည်။ သို့ဖြစ်ရာ လက်ငင်းနှင့် အနာဂတ်ပြဿနာများကို တစ်ကဏ္ဍစီ မခွဲခြားဘဲတစ်ပြိုင်နက်တည်းတတ်စွမ်းသရွေ့ ဖြေရှင်း သွားသင့်သည်။
ဤလက်ငင်းနှင့် အနာဂတ်ပြဿနာများကို အချိန်မကုန်စေဘဲ လျင်လျင်မြန်မြန် ထိထိရောက် ရောက်ဖြေရှင်းနိုင်ရန်အတွက် နိုင်ငံရေးသမားများ၊ ဗိုလ်ချုပ်ကြီးနေဝင်း ထည့်သွင်းလိုသော ပုဂ္ဂိုလ်များ၊ လူမျိုးစုကိုယ်စားလှယ်များနှင့် အခြားပါသင့်ပါထိုက်သော ပုဂ္ဂိုလ်များ ပါဝင်ပြီးလျှင် ဗိုလ်ချုပ်ကြီးနေဝင်း ကိုယ်တိုင်ခေါင်းဆောင်သော အမျိုးသားအစိုးရအဖွဲ့ တစ်ဖွဲ့ကို အလျင်အမြန် ချက်ချင်းဖွဲ့သင့်သည်။
ထိုအစိုးရအဖွဲ့သည် အရေးကြီးသော လက်ငင်း ပြဿနာများကို ဖြေရှင်းနေရင်း အနာဂတ်ပြဿနာ များကိုလည်း ကိုယ်စွမ်းÓဏ်စွမ်းရှိသလောက် ဖြေရှင်း သွားရမည်။
အထက်တွင် အကြံပေးထားသည့်နည်းအတိုင်း အမျိုးသားအစိုးရအဖွဲ့တစ်ဖွဲ့ကို ဖွဲ့စည်းပြီး လက်ငင်း နှင့် အနာဂတ်ပြဿနာများကို ထိထိရောက်ရောက် ဖြေရှင်းနိုင်ရန်အတွက် အောက်ပါအဆင့်(၁ဝ)အဆင့် တွင်  ပါရှိသောကိစ္စရပ်များကိုဖော်ပြထားသည့်အစီအစဉ်များအတိုင်း ဆောင်ရွက်သင့်သည်ဟု  ကျွန်တော်ယုံကြည်သည်-
အဆင့်(၁ဝ)ဆင့်
၁။ ပထမအဆင့်အဖြစ်ဖြင့် တော်လှန်ရေးအစိုးရ ကို ပြည်သူလူထုကတင်မြှောက်သောအစိုးရအဖြစ်သို့ ပြောင်းလဲပစ်ရမည်။
ဤသို့ပြောင်းလဲပစ်နိုင်လျှင် အစိုးရအတွက်လည်း ကောင်းသည်။ နောင်လာနောက်သားများအတွက် လည်းကောင်းသည်။ ဤသို့ပြောင်းလဲပစ်နိုင်ရန်အတွက် အောက်ပါအတိုင်းဆောင်ရွက်ရန် အကြံပေးလိုသည်။
ရှေးဦးစွာ ဗိုလ်ချုပ်ကြီးနေဝင်းက ကျွန်တော့်အား အာဏာပြန်အပ်ရန်ပင်ဖြစ်သည်။ ကျွန်တော်က တော်လှန်ရေးကောင်စီ၏ အကြံပေးအဖွဲ့နှင့်တိုင်ပင်ပြီး အစိုးရဖွဲ့ရန်ဖြစ်သည်။ ဤသို့ အကြံပေးရခြင်းမှာ အခြားကြောင့်မဟုတ်ပါ။ ကျွန်တော် အမျိုးမျိုးအဖုံဖုံ စဉ်းစားပြီး တခြားနည်းမရှိဟု မမှိတ်မသုန်ယုံကြည် သောကြောင့်ပင်ဖြစ်သည်။
သို့ဖြစ်ရာ အခြားနည်းကောင်းများရှိသည်ဟု ဆိုလျှင် ထိုနည်းကောင်းများကို ကျွန်တော်တို့ လေးလေး နက်နက်ဆွေးနွေးစဉ်းစားသင့်သည်။
၂။  အာဏာပြန်ရလျှင်ရခြင်း ကျွန်တော်က ပါလီမန် ကို ချက်ချင်းခေါ်ရန်ဖြစ်သည်။ လက်ရှိအခြေခံ အုပ်ချုပ်ရေးစည်းမျဉ်းအရ လွှတ်တော်ကို သာမန် အားဖြင့် ရက်ပေါင်း ၃ဝ အချိန်ပေးပြီးခေါ်ရမည်။ သို့သော် အရေးတကြီးကိစ္စတစ်ရပ်အနေဖြင့် လွှတ်တော် ကို တနင်္ဂနွေ (၂)ပတ် အချိန်ပေးပြီးခေါ်သင့်သည်။
ဤနေရာတွင် အထူးရှင်းပြစရာတစ်ခုရှိသည်။ လွှတ်တော်ကို ယခုကဲ့သို့ ခေါ်ယူခြင်းမှာ ပထမအစိုးရ ကို ပြန်လည်ဖွဲ့စည်းရန် မဟုတ်ပါ။ အောက်ပါလုပ်ငန်း များကို ဥပဒေနည်းအရဆောင်ရွက်နိုင်ရန်ဖြစ်ပါသည်။ 
၃။  လွှတ်တော်ကျင်းပသည့်နေ့မှ တနင်္ဂနွေ(၂) ပတ် အတွင်းတွင်-
(က)    ဗိုလ်ချုပ်ကြီးနေဝင်းကို အုပ်ချုပ်ပိုင်ခွင့်၊ တရားစီရင်ပိုင်ခွင့်၊ ဥပဒေပြုပိုင်ခွင့်ဆိုသည့် အချုပ်အခြာအာဏာကြီးသုံးရပ်ရှိသည့် အနက် အုပ်ချုပ်ပိုင်ခွင့် အချုပ်အခြာအဏာ အပြည့်အဝရှိသော နိုင်ငံတော်သမ္မတအဖြစ် ဖြင့် လွှတ်တော်က ရွေးကောက်တင်မြှောက် နိုင်ရန်အတွက် လိုအပ်သည့်ဥပဒေတစ်ရပ် ကို လည်းကောင်း၊
(ခ)     လွှတ်တော်အမတ်များ ဝန်ကြီးရာထူးကို လက်မခံရ။ လွှတ်တော်အမတ်တစ်ဦး ဝန်ကြီး အဖြစ်ဖြင့် အခန့်ခံရလျှင် လွှတ်တော်အမတ် အဖြစ်မှ နုတ်ထွက်ရမည်အစရှိသော ဥပဒေ တစ်ရပ်ကိုလည်းကောင်း။
(ဂ)     ၁၉၆၂ ခုနှစ်၊ မတ်လ ၂ ရက်မှစ၍ ကျွန်တော့်လက်တွင်းသို့ အာဏာကို ပြန်လွှဲ ပြောင်းပေးသည့်နေ့အချိန်အထိ အချိန် ကာလအတွင်း နိုင်ငံတော်အတွင်း၌ ကျူးလွန် ခဲ့မိသမျှသော အဖြစ်အပျက်များအားလုံးကို သင်ပုန်းချေပစ်ရန်အတွက် (ှုညနေညအပ ဗခအ) ခေါ်သည့် သင်ပုန်းချေဥပဒေတစ်ရပ်ကို လည်းကောင်း။
(ဃ)    အခြားလိုအပ်သော ဥပဒေများကိုလည်း ကောင်း ပြီးစီးအောင် ပြဋ္ဌာန်းရမည်။ ဤ အစိုးရအဖွဲ့သည် တစ်ဖက်က ဥပဒေဆိုင်ရာ ကိစ္စများကို ဆောင်ရွက်ရင်း အခြားတစ်ဖက် က လက်ငင်းနှင့်အနာဂတ်ပြဿနာများကို တတ်စွမ်းသလောက်ဖြေရှင်းရမည်။
၎။ အထက်ပါ ဥပဒေများကို ပြဋ္ဌာန်းပြီးသည်နှင့် တစ်ပြိုင်နက် ဝန်ကြီးများအစည်းအဝေးက အောက်ပါ အဆိုတစ်ရပ်ကိုဆုံးဖြတ်ရန်ဖြစ်ပါသည်-
''ဗိုလ်ချုပ်ကြီးနေဝင်းအား အုပ်ချုပ်ပိုင်ခွင့်နှင့် အချုပ်အခြာအာဏာပိုင်သော နိုင်ငံတော်သမ္မတ အဖြစ်ဖြင့် လွှတ်တော်မှရွေးကောက်တင်မြှောက် လိုပါသောကြောင့် အရွေးအကောက်ခံဖို့အတွက် ဗိုလ်ချုပ်ကြီးနေဝင်းကို မေတ္တာရပ်ခံရန်''
၅။ ဗိုလ်ချုပ်ကြီးနေဝင်း၏ သဘောတူညီချက်ကိုရရှိ  လျှင်ရရှိခြင်း၊ လွှတ်တော်က ဗိုလ်ချုပ်ကြီး နေဝင်းကို အုပ်ချုပ်ပိုင်ခွင့် အချုပ်အခြာအာဏာပိုင်သော ဝနိုင်ငံ တော်သမ္မတအဖြစ်ဖြင့် ရွေးကောက်တင်မြှောက် ရန်ဖြစ်သည်။
ဤသို့ ရွေးကောက်ပြီးသည်နှင့် တစ်ပြိုင်နက် ကျွန်တော်နှင့်တကွ ဝန်ကြီးများအဖွဲ့က တစ်ဖွဲ့လုံး နုတ်ထွက်ရန်ဖြစ်သည်။
ဤနေရာတွင် အချက်တစ်ချက်ကို ဖော်ပြလိုသည်။ အခြေခံ အုပ်ချုပ်ရေးစည်းမျဉ်းအရ ရွေးကောက်ပွဲပြီး သည့်အချိန်မှ (၄)နှစ်စေ့သည့်အခါတွင် လွှတ်တော် ပျက်သွားပြီ။ ထို့ကြောင့် လွှတ်တော်ကိုမခေါ်တော့ဘဲ တော်လှန်ရေးကောင်စီ၏ အကြံပေးအဖွဲ့နှင့် တိုင်ပင် ပြီး ဂိုဏ်းပေါင်းစုံမှ ကိုယ်စားလှယ်များ၊ လူမျိုးစုနှင့် လူတန်းစားအသီးသီးမှ ကိုယ်စားလှယ်များ ပြည့်ပြည့် စုံစုံပါဝင်သော အဖွဲ့တစ်ဖွဲ့ကို ဖွဲ့စည်းပြီး၊ ပါလီမန်တွင် လုပ်စရာရှိသော ကိစ္စအရပ်ရပ်ကို ¤င်းအဖွဲ့က ဆောင် ရွက်သင့်သည်ဟု ဥပဒေပါရဂူအချို့က အကြံပေးသည်။ ¤င်းအကြံကိုလည်း စဉ်းစားသင့်သည်။
၆။ ဗိုလ်ချုပ်ကြီးနေဝင်းအား နိုင်ငံတော်သမ္မတ      အဖြစ်ဖြင့် ရွေးကောက်တင်မြှောက်ပြီးနောက် သင့်တော် သည့်အခမ်းအနားဖြင့် ကျမ်းသစ္စာကျိန်ဆိုပွဲကျင်းပရ မည်။
နိုင်ငံတော်သမ္မတသည် မိမိသဘောကျအတိုင်း အစိုးရအဖွဲ့ကို ဖွဲ့ရန်ဖြစ်သည်။
ဤအစိုးရအဖွဲ့ကို  ဖွဲ့ပြီးသည့်အချိန်မှစ၍    တစ်ပါတီတည်းသာရှိရမည်ဆိုသော အမိန့်ကို ဖျက်သိမ်း ပြီးလျှင်-
(က)    လွတ်လပ်စွာ စည်းရုံးပိုင်ခွင့်၊
(ခ)     လွတ်လပ်စွာ ရေးသားပိုင်ခွင့်၊
(ဂ)     လွတ်လပ်စွာပြောဆိုပိုင်ခွင့်  အစရှိသော    မူလအခွင့်အရေးများကို  ပြည်သူလူထုသို့ ပြန်လည်အပ်နှင်းရန် ဖြစ်သည်။
(ဃ)    ကောင်းသောနိုင်ငံရေးအခြေအနေကို ဖန်တီး ရန်အတွက် အကျဉ်းခံနေရသော နိုင်ငံရေး အကျဉ်းသားများကိုလည်း လွှတ်ပေးရန် အကြံ ပေးသည်။
ဤသမ္မတအစိုးရသည် ပြည်ထောင်စု၏လက်ငင်း နှင့် အနာဂတ်ပြဿနာများကို ဆက်လက်ဖြေရှင်းသွား မည်။
ဤအစိုးရကို ဖွဲ့စည်းပြီးသည့်အချိန်အခါတွင် တော်လှန်ရေးကောင်စီ၏အကြံပေးအဖွဲ့မှာ အောက်ပါ အတိုင်းအကြမ်းအားဖြင့် လူသုံးစု ကွဲသွားနိုင်စရာ အကြောင်းရှိသည်-
(က)    သမ္မတအစိုးရအဖွဲ့တွင်  ဝန်ကြီးများအဖြစ် အခန့်ခံရမည့်သူများ။
(ခ)     အစိုးရအဖွဲ့တွင် မပါလိုဘဲ ကျွန်တော်ကဲ့သို့ အပြင်မှနေ၍  လက်ငင်းနှင့်  အနာဂတ် ပြဿနာများကိုဖြေရှင်းရာ၌ အစိုးရအဖွဲ့ကို ကိုယ်စွမ်းÓဏ်စွမ်းရှိသရွေ့ ကူညီလိုသူများ။
(ဂ)     အထက်ပါနှစ်စုထဲတွင် မပါဝင်ဘဲ ကျန်ရှိနေ သူများ။
ဤသို့ သုံးစုရှိရာတွင် တတိယအစုထဲမှတွင် ပုဂ္ဂိုလ် များအား နိုင်ငံတော်သမ္မတ၏ အကြံပေးပုဂ္ဂိုလ်ကြီးများ အဖြစ်ဖြင့် ဆက်လက်ခန့်ထားသင့်သည်။
၇။ နိုင်ငံတော်သမ္မတသည်  ပါလီမန်ဒီမိုကရေစီကို အခြေပြုသော အခြေခံစည်းမျဉ်းသစ်တစ်ခုကို ရေးဆွဲ ရန်အတွက် အမျိုးသားညီလာခံကြီးတစ်ရပ်ကို ကျင်းပ ရန် ကျွန်တော်တိုက်တွန်းလိုသည်။ အခြေခံစည်းမျဉ်း တစ်ခုကို ရေးဆွဲရန်ကိစ္စမှာ အလွန်အရေးကြီးသောကိစ္စ တစ်ရပ်ဖြစ်သဖြင့် အဖွဲ့ပေါင်းစုံမှ ကိုယ်စားလှယ်များ၊ လူမျိုးစုကိုယ်စားလှယ်များ၊ လူတန်းစားအသီးသီး၏ ကိုယ်စားလှယ်များ၊ တစ်သီးပုဂ္ဂလပုဂ္ဂိုလ်များ ပြည့်ပြည့် စုံစုံပါသင့်သည်။
အမျိုးသားညီလာခံကြီးသည် အခြေခံစည်းမျဉ်း ရေးဆွဲရန် ကိစ္စကို အလျင်စလို မလုပ်ဘဲ အချိန်ယူ စဉ်းစားဆွေးနွေးပြီးမှ ရေးဆွဲသင့်သည်။
၈။ အကယ်၍   လွှတ်တော်ခေါ်ယူရန်ဟူသော  အကြံကိုလက်ခံလျှင်  သမ္မတအစိုးရဖွဲ့ပြီးနောက် လွှတ်တော်ကို တစ်ကြိမ်တည်းသော်လည်းကောင်း ဖျက်သိမ်းရန် ဖြစ်သည်။ ဤသို့ဖျက်သိမ်းပြီးနောက် အထွေထွေရွေးကောက်ပွဲကို ကျင်းပရမည်။
လွှတ်တော်ကို တစ်ကြိမ်တည်း မဖျက်သိမ်းလိုဘဲ တစ်ကြိမ်လျှင် အမတ်သုံးပုံတစ်ပုံကို မဲချအထွက်ခိုင်း ပြီး ထိုသုံးပုံတစ်ပုံအတွက် ရွေးကောက်ပွဲလုပ်နိုင်သည်။ ဤသို့လုပ်လျှင် အထွေထွေရွေးကောက်ပွဲကို တစ်ကြိမ် တည်းမလုပ်ရန် သုံးကြိမ်ခွဲလုပ်ရမည်။ ဤသို့လုပ်ရ ခြင်းဖြင့် ရွေးကောက်ပွဲမှာ စနစ်တကျ ပိုပြီးဖြစ်နိုင် စရာ အကြောင်းရှိသည်။ ဤအချက်ကိုလည်း စဉ်းစားသင့် သည်။
အကယ်၍ ပါလီမန်ကိုမခေါ်ဘဲ ဥပဒေပါရဂူများ အကြံပေးသည့်အတိုင်း ဥပဒေပြုရန်အတွက် အရေး ပေါ်အဖွဲ့တစ်ခုကိုဖွဲ့မည်ဆိုလျှင်လည်း သမ္မတအစိုးရ အဖွဲ့သစ်ကို ဖွဲ့စည်းပြီးသည်နှင့် တစ်ပြိုင်နက် ထိုအရေး ပေါ်အဖွဲ့ကို ဖျက်သိမ်းပြီး အထွေထွေရွေးကောက်ပွဲ ကို ကျင်းပရမည်။
ထိုအထွေထွေ ရွေးကောက်ပွဲကြီးက ရွေးချယ်တင် မြှောက်လိုက်သောလွှတ်တော်သစ်တွင်  အမျိုးသား ညီလာခံကြီးက အတည်ပြုလိုက်သော အခြေခံစည်းမျဉ်း ဥပဒေကြမ်းကိုပြဋ္ဌာန်းနိုင်သည့် အာဏာအပြည့်အစုံ ရှိရမည်။
၉။ အမျိုးသားညီလာခံသည်  အခြေခံစည်းမျဉ်း ဥပဒေကို ရေးဆွဲရန်အတွက် နှစ်နှစ်ခန့်အချိန်ယူစရာ အကြောင်းရှိသည်။ ¤င်းထက် ပိုလွန်စရာအကြောင်း မရှိပေ။ ရေးဆွဲပြီးလျှင် ဥပဒေအဖြစ်ပြဋ္ဌာန်းရန် လွှတ် တော်သို့ တင်ရမည်။
၁ဝ။ နိုင်ငံတော်သမ္မတနှင့် ဂိုဏ်းပေါင်းစုံပါဝင်သော ဝန်ကြီးများအဖွဲ့တို့ သဘောတူတိုင်ပင်ချိန်းဆိုထားသော အချိန်တွင် သမ္မတရွေးကောက်ပွဲကိုကျင်းပပြီး အရွေးခံ ရသူသို့ နိုင်ငံတော်သမ္မတက အာဏာလွှဲပြောင်းပေးရန် ဖြစ်သည်။
ဗိုလ်ချုပ်ကြီးနေဝင်းသည် ယခုကဲ့သို့ လွှတ်တော်က သမ္မတအဖြစ် ရွေးကောက်တင်မြှောက်ခြင်းကိုခံယူပြီး နောက် နှစ်ကြိမ်တိုင်တိုင် သမ္မတအဖြစ် ရွေးကောက်ခံ နိုင်ခွင့်ရှိရမည်။
ဦးနု တင်ပြချက်စာတမ်းမှာ မိမိအား အာဏာပြန် လည်အပ်နှံရေး၊ ယင်းတို့ လိုချင်သည့်ပုံစံဖြင့် ပါလီမန် ဒီမိုကရေစီစနစ်ကို ပြန်လည်အသက်သွင်းရေးတို့ကိုသာ တွင်တွင်တောင်းဆိုထားခြင်းဖြစ်သည်။ တော်လှန်ရေး ကောင်စီဥက္ကဋ္ဌအား သမ္မတအဖြစ်တာဝန်ယူရန် အကြံပြုထားသော်လည်း မြန်မာနိုင်ငံတွင် ကျင့်သုံးခဲ့ သော ပါလီမန်ဒီမိုကရေစီစနစ်နှင့် ဖွဲ့စည်းပုံ အခြေခံ ဥပဒေဟောင်းအရ လက်တွေ့၌သမ္မတသည် ရုပ်ပြသာ ဖြစ်သည်။ တကယ်တမ်းအာဏာမရှိပေ။ ဖွဲ့စည်းပုံ အခြေခံဥပဒေကို ပြန်လည်အသစ်ရေးဆွဲရန် ဦးနုက တင်ပြထားသော်လည်း ပါလီမန်ဒီမိုကရေစီစနစ်ကိုသာ အခြေခံရမည်ဟု စွဲမြဲစွာ ဆုပ်ကိုင်ထားသည်ကိုလည်း စာတမ်းအရ လေ့လာတွေ့ရှိနိုင်သည်။
ဦးနုသည် ယင်းစာတမ်းများအား ဗိုလ်မှူးအောင်မှ တစ်ဆင့်ပေးပို့ပြီးနောက် ၁၉၆၉ ခုနှစ်၊ ဧပြီလ(၁၁) ရက်တွင် အိန္ဒိယနိုင်ငံသို့ ထွက်ခွာသွားခဲ့ခြင်းဖြစ်ရာ ပြည်တွင်းညီညွတ်ရေး အကြံပေးအဖွဲ့၏ လုပ်ငန်း ဆောင်ရွက်ရန်ပေးထားသည့်အချိန်ထက် တစ်လစော နေသေးသည်။ ဦးနုသည် ဗုဒ္ဓဂယာတွင် ဘုရားဖူးရန် နှင့် ကျန်းမာရေးအတွက် ဆေးဝါးကုသရန်အကြောင်း ပြခဲ့သည်။  ဦးနုနှင့်အတူ  ဇနီးဒေါ်မြရီ၊  သား မောင်အောင်၊ သမီး သန်းသန်းနုနှင့် ဦးမိုးကျော် (ခေါ်) ဗိုလ်ကြီးဟောင်းစိုးမြင့်တို့ လိုက်ပါသွားကြ သည်။ ဦးနုသည် ကာလကတ္တားမြို့ဒမ်ဒမ်လေဆိပ် တွင် သတင်းထောက်များနှင့်တွေ့ဆုံရာ၌ မြန်မာနိုင်ငံ သည် ဇွန်လအတွင်း၌ ပါလီမန်ဒီမိုကရေစီစနစ်သို့ ဦးတည်ပြီးအပြောင်းအလဲဖြစ်လိမ့်မည်ဟု မျှော်လင့်နိုင်ကြောင်း၊ နိုင်ငံကိုခေါင်းဆောင်ရန် အစီအစဉ်မရှိကြောင်း၊ ဘာသာရေးအပေါ်တွင်သာ အလေးသာနေကြောင်း ပြောကြားခဲ့သည်။ မြန်မာ ကွန်မြူနစ်များက အကြမ်းဖက်တိုက်ခိုက်သဖြင့် အစိုးရကပြန်တိုက်နေခြင်းဖြစ်ကြောင်း၊ ပါလီမန် ဒီမိုကရေစီ စနစ်ကိုသာ ယုံကြည်ကြောင်းလည်း ပြောကြားခဲ့သေးသည်။*(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၅၈ မှ ၆ဝ။)
ဦးနု၏စာတမ်းမှာ ထိုအချိန်က တရားဝင်ထုတ် ဖော်သေးခြင်းမရှိပေ။ ဦးနုပြောကြားချက်သည် ပြည်သူ လူထုကို သို့လောသို့လောဖြစ်ပေါ်စေပြီး အခြေအနေ ကို ရှုပ်ထွေးစေခဲ့သည်။ သို့သော် ဦးနုသည် ဘာသာရေး ကိုသာ အလေးအနက်ထား၍ ပြောကြားခဲ့သည်။ ဒုလ္လဘရဟန်းခံဦးမည်ဟုလည်း ဆိုသည်။ ဦးနုသည် အိန္ဒိယနိုင်ငံတွင် ရှိနေစဉ်အတွင်း အမေရိကန်ဗဟို ထောက်လှမ်းရေးအဖွဲ့(စီအိုင်အေ)နှင့် ပတ်သက်နေ သော ကမ္ဘာ့စာရိတ္တမြှင့်တင်ရေးအဖွဲ့(ျြွဗ)နှင့် ဆက်သွယ်ခဲ့ပြီး  ထိုင်းနိုင်ငံရှိနေးရှင်းသတင်းစာ အယ်ဒီတာချုပ်ဟောင်း ဦးလောရုံနှင့်လည်း အဆက် အသွယ်ရရှိခဲ့သည်။**(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၆၅။)       
ပြည်ပြေးတို့၏ အကြိုစစ်ရေးလှုပ်ရှားမှုများ
ဦးနုနှင့် အပေါင်းပါများ အိန္ဒိယနိုင်ငံသို့ ထွက်ခွာ သွားချိန်တွင် နေးရှင်းသတင်းစာအယ်ဒီတာချုပ်ဟောင်း  ဦးလောရုံသည် ပြည်ပသို့ထွက်ပြေးသွားကြသော နိုင်ငံ ရေးသမားများအား စုစည်းထားပြီး ဖြစ်နေသည်။ ခေါင်းဆောင်မှုလိုအပ်ချက်ကြောင့် ထင်ထင်ပေါ်ပေါ် လှုပ်ရှားမှုများမပြုလုပ်ဘဲ လျှို့ဝှက်စွာလှုပ်ရှားမှုများကို သာ ပြုလုပ်ခဲ့ရသည်။ ဦးလောရုံက ဦးနုအား ဆက်သွယ် နေချိန်တွင် ပြည်ပြေးအတော်များများမှာ ထိုင်းနိုင်ငံသို့ ရောက်ရှိနေကြပြီးဖြစ်သည်။
ဗိုလ်ရန်နိုင်၊ ဗိုလ်မှူးချုပ်ဟောင်း စောကြာဒိုး၊ ဇာလီမော်၊  မစ္စတာပက်  (နေးရှင်းသတင်းစာ     အယ်ဒီတာဟောင်း)တို့ ပါဝင်သည့်အဖွဲ့ဝင် ၁၄ ဦးသည် ၁၉၆၅ ခုနှစ်၊ မတ်လ ၁၂ ရက်တွင် ရန်ကုန်မှ တိတ်တဆိတ်ထွက်ခွာသွားပြီး  မုဒုံမြို့ရှိ  တရုတ်  အမျိုးသား ကင်ချွန်း၏အိမ်တွင် စုရုံးခဲ့ကြသည်။ ကင်ချွန်းက ဗိုလ်ရန်နိုင်တို့လူစုအား ကြာအင်းဆိပ်ကြီး မြို့နယ် ဗိုလ်ကတော်ရွာ၊ သာယာကုန်းရွာ၊ အပလုံ ရွာများမှတစ်ဆင့် ထိုင်း-မြန်မာ နယ်စပ် ဝမ်က*** (ဝမ်က။ ဝမ်ခ၊ ဝါးခမဟုတ်ပါ။ ထိုင်းနိုင်ငံအတွင်းရှိ ဆန်ခရာဘူရီဖြစ်သည်။)သို့ ပို့ပေးလိုက်သည်။ ဗိုလ်ရန်နိုင်တို့လူစုသည် မွန်သောင်းကျန်းသူ ဗိုလ်ကွန်ပါ၏ အကူအညီဖြင့် ဝမ်ကရှိသာသနာပြု ကျောင်းတွင်  တဲတန်းလျားများ ဆောက်လုပ်၍ အခြေချခဲ့ကြသည်။ ၁၉၆၆ ခုနှစ်၊ ဇန်နဝါရီလ ၁၉ ရက်အထိ စစ်သင်တန်းများဖွင့်လှစ်လေ့ကျင့်ကြသည်။ ၁၉၆၆ ခုနှစ်၊ မတ်လတွင် အမျိုးသားလွတ်မြောက်ရေး တပ်မတော်အမည်ဖြင့် ကြေညာချက်တစ်စောင်ထုတ်ပြန်ရာ  ဗိုလ်မှူးချုပ် ကြာဒိုးနှင့် ဗိုလ်မှူးကြီးရန်နိုင်ဟု  လက်မှတ်ရေးထိုးခဲ့ ကြသည်။*(မြရာပင်စာပေ၏ နောက်ဆုံးပေါ်သုံးပါတီ၊ စာမျက်နှာ ၉၉။)
၁၉၆၆ ခုနှစ်၊ အောက်တိုဘာလအတွင်း၌ ဗိုလ်ရန်နိုင်တို့လူစုသည် ကေအင်န်ယူသောင်းကျန်းသူ များနှင့် ပူးပေါင်း၍ဆီးတိုး**(အရှေ့တောင်အာရှစစ်စာချုပ်အဖွဲ့။ ကိုယ်စားလှယ်များနှင့် တွေ့ဆုံဆွေးနွေးခဲ့ကြသည်။ ဗိုလ်ရန်နိုင်တို့လူစုတွင် ဗိုလ်ရန်နိုင်၊  စောကြာဒိုး၊  ဇာလီမော်၊  ဗိုလ်မြ (ကော်သူးလေ တပ်မ ၁၊ တပ်မမှူး)ဗိုလ်မှူးကြီး ဂျော်လီ၊  ဗိုလ်မှူးစောဘယ်နီထူး၊  မွန်ဘုန်းကြီး ဦးÓဏရံသီတို့ပါဝင်ပြီး ဗန်ကောက်မြို့တွင် တွေ့ဆုံ ခဲ့ခြင်းဖြစ်သည်။***(မြရာပင်စာပေ၏နောက်ဆုံးပေါ်သုံးပါတီ၊ စာမျက်နှာ ၉၉ မှ ၁ဝဝ။)ထိုဆွေးနွေးပွဲတွင်  ဆီးတိုး ကိုယ်စားလှယ်နှင့်ထိုင်းအရာရှိကြီးများ၏အကြံပြုချက်အရအမျိုးသားလွတ်မြောက်ရေးကောင်စီကိုအောက်ပါအတိုင်း ဖွဲ့စည်းလိုက်ကြသည်-****(မြရာပင်စာပေ၏နောက်ဆုံးပေါ်သုံးပါတီ၊ စာမျက်နှာ ၁ဝ၁ မှ ၁ဝ၂။)
(၁) စောကြာဒိုး
          (၂) ဗိုလ်ရန်နိုင်
          (၃) ဗိုလ်မြ
(၄) ဗိုလ်ရွှေဆိုင်း
(၅) စောဘယ်နီထူး
(၆) ဇာလီမော်
(၇) ဦးဥာဏရံသီ
(၈) မဟာဒေဝီ
          (၉) ရန်ကြီးစိန်(ကိုးကန့်အဖွဲ့)
(၁ဝ) ဦးလှိုင်
(၁၁) ဘုန်းကြီးဦးချစ်စိန်
(၁၂)    ဇော်ဆိုင်း        ဧကေအိုင်အေခေါင်းဆောင်
(၁၃)    ဇော်တူး ဧနှစ်ဦးအားလျာထား၍ဆက်   သွယ်မှုပြုရန် ဆုံးဖြတ်သည်။
(၁၄)    ဗိုလ်စကြာ
အမျိုးသားလွတ်မြောက်ရေးကောင်စီ၏လက် အောက်တွင် အမျိုးသားလွတ်မြောက်ရေးတပ်မတော်ကို လည်း ဖွဲ့စည်းလိုက်ပြီး စစ်နယ်မြေနှင့် စစ်ဦးစီးတာဝန် များကိုပါ ခွဲဝေသတ်မှတ်ကြသည်။ ကရင်တပ်ကို  ဗိုလ်မြ ကိုယ်တိုင်ဦးစီး၍လည်းကောင်း၊ မွန်တပ်ကို ဗိုလ်ရွှေဆိုင်းကဦးစီး၍လည်းကောင်း၊ မြန်မာတပ်ကို ဗိုလ်ရန်နိုင်ကဦးစီး၍ လည်းကောင်း၊ ရှမ်းတပ်ကို မဟာ ဒေဝီနှင့်ရန်ကြီးစိန်တို့က ဦးစီး၍လည်းကောင်း၊ ကချင် တပ်ကို ဇော်ဆိုင်းနှင့်ဇော်တူးတို့က ဦးစီး၍လည်း ကောင်း တာဝန်ယူဖွဲ့စည်းကြရန် ဆုံးဖြတ်ခဲ့ကြသည်။ ဗိုလ်ရန်နိုင်တို့ ပြည်ပြေးတစ်စုသည် ကရင်သောင်းကျန်း သူ၊ မွန်သောင်းကျန်းသူ၊ ကချင်သောင်းကျန်းသူများနှင့် ပူးပေါင်း၍ မဟာမိတ်ဖွဲ့ထားသော်လည်း ခိုင်မာ ကျစ်လျစ်သော အဖွဲ့အစည်းတစ်ခုအနေနှင့် ပေါ်ထွက် လာခြင်းကား မဟုတ်ပေ။ သောင်းကျန်းသူအဖွဲ့အစည်း များမှာ တစ်ဖွဲ့နှင့်တစ်ဖွဲ့ မကြာခဏ ခိုက်ရန်ဖြစ်ပွား လျက်ရှိရာ ဗိုလ်ရန်နိုင်အနေနှင့် ယာယီစုစည်း၍ ပြည်ပြေးသောင်းကျန်းမှုအတွက် ခေတ္တမှီခိုခဲ့ရခြင်းသာ ဖြစ်သည်။
စစ်ဦးစီးမှူး ဗိုလ်ရန်နိုင်သည် တပ်ရင်းတစ်ရင်း လျှင် လူအင်အား ၅ဝဝ ကျော် ပါဝင်သော တပ်ရင်း ၉ ရင်းနှင့် တပ်မဟာ (၁၇)၊ တပ်မဟာ(၂၇)၊ တပ် မဟာ(၃၆)တို့ကို စနစ်တကျဖွဲ့စည်း၍ တပ်မဟာ (၁၇)ကို  ထားဝယ်ခရိုင်၊  တပ်မဟာ(၂၇)ကို မြိတ်ခရိုင်၊ တပ်မဟာ(၃၆)ကို မော်လမြိုင်ခရိုင် များတွင်  တာဝန်ယူရန်  သတ်မှတ်လိုက်သည်။ စစ်ဆင်ရေးစီမံကိန်းကိုလည်း  အောက်ပါအတိုင်း ရေးဆွဲလိုက်သည်-* (မြရာပင်စာပေ၏နောက်ဆုံးပေါ်သုံးပါတီ၊ စာမျက်နှာ ၁ဝ၃ မှ ၁ဝ၄။)
(က)ပထမအဆင့်။ တနင်္သာရီတိုင်းနှင့် ကရင် ပြည်နယ်ကို ခြေကုပ်စခန်းပြုလုပ်၍ တိုက်ခိုက်ရန် (အထူးသဖြင့် စစ်တောင်းကမ်းခြေအထိ စစ်မျက်နှာ ဖွင့်ရမည်။)
 (ခ) ဒုတိယအဆင့်။ စစ်တောင်းမှ ဆက်လက် တိုက်ခိုက်ရန်။
(ဂ) တတိယအဆင့်။ စတင် တိုက်ခိုက်ချိန်တွင် ပြည်နယ်များပါ တစ်ပြိုင်နက်တိုက်ခိုက်မှုများ ပြုလုပ် ရန်။
(ဃ) စတုတ္ထအဆင့်။ ပျဉ်းမနား၊ တောင်ငူပြည်မှ အထက်အောက် ဖြတ်တောက်ရန်။
(င) ပဉ္စမအဆင့်။ နောက်ဆုံးတနင်္သာရီတိုင်းကို မည်သည့်နည်းနှင့်မဆို တိုက်ခိုက်သိမ်းပိုက်ရန်။
(စ) ဆဋ္ဌမအဆင့်။ ပဲခူးရိုးမ တိုင်းနှင့် မြစ်ဝကျွန်း ပေါ်တိုင်းသည် ရန်ကုန်မြို့ကို တိုက်ခိုက်သိမ်းပိုက်ရန် နှင့် စစ်တောင်းမှလည်း ရန်ကုန်မြို့အား ပဲခူးမှဖြတ် တောက်ရန်။
(ဆ) သတ္တမအဆင့်။ ၁၉၆၆ ခုနှစ်၊ နိုဝင်ဘာလ မှ စတင်၍ ဗမာပြည်တစ်ပြည်လုံးတွင် ပြင်းပြင်းထန် ထန် တိုက်ခိုက်ရန်။
ဤကား ဗိုလ်ရန်နိုင် ဖွဲ့စည်းရေးဆွဲခဲ့သော အမျိုးသားလွတ်မြောက်ရေး တပ်မတော်နှင့်ပြည်သိမ်း စစ်ဆင်ရေးစီမံကိန်းပင်ဖြစ်သည်။ သို့သော် ဗိုလ်ရန်နိုင် ၏ တပ်များ၊ တပ်မဟာများ၊ စီမံချက်များမှာ စာရွက် ပေါ်တွင်သာ ရှိသည်ဟု ဆိုရပေမည်။ ဗိုလ်ရန်နိုင်သည် ဗိုလ်တိုက်အောင်အား တပ်မဟာ (၁၇) တပ်မဟာမှူး အဖြစ် ခန့်အပ်လိုက်သည်။ ဗိုလ်တိုက်အောင်သည် ၁၉၆၄ ခုနှစ်တွင် တပ်မတော်မှ အငြိမ်းစားယူခဲ့သော ဗိုလ်ကြီးဟောင်းတစ်ဦးဖြစ်ပြီး ၁၉၆၄ ခုနှစ်၊ ဒီဇင်ဘာ လတွင်  ကုန်းလမ်းသယ်ယူပို့ဆောင်ရေးအဖွဲ့ (အာရ်တီဘီ)တွင် အမှုထမ်းခဲ့သည်။ ၁၉၆၅ ခုနှစ် အောက်တိုဘာလ ၄ ရက်တွင်  နိုင်ငံတော်ပိုင် ငွေတစ်သောင်းကျော်အား အလွဲသုံးစားလုပ်၍ ရန်ကုန်မြို့မှ ရှောင်တိမ်းသွားခဲ့သည်။ ထို့နောက် ကျုံဒိုး၊ ကော့ကရိတ်၊ ဖလူးမှတစ်ဆင့် ဝမ်ကရှိ ဗိုလ်ရန်နိုင် အဖွဲ့နှင့် ပူးပေါင်းသွားမိသူဖြစ်သည်။ ဗိုလ်တိုက်အောင် သည် ဝမ်ကစခန်းတွင် ဗိုလ်ရန်နိုင်စုစည်းထားသော လူ ၁၈ ယောက်ကို စစ်သင်တန်းပေးခဲ့ရသည်။ ၁၉၆၆ ခုနှစ်၊ မတ်လ ၂၅ ရက်တွင် ဗိုလ်ရန်နိုင်နှင့် စောကြာဒိုး တို့က တပ်မဟာမှူးအဖြစ် တာဝန်ပေးချက်အရ တပ်မဟာ (၁၇)ကို  ဖွဲ့စည်းရန်  ဗိုလ်ကျော်ခေါင်၊ ကိုမြစိုးတို့နှင့်အတူ ထားဝယ်သို့ထွက်ခွာခဲ့သည်-**(မြရာပင်စာပေ၏ နောက်ဆုံးပေါ် သုံးပါတီ၊ စာမျက်နှာ ၁ဝ၅၊ ၁ဝ၆။)
သို့သော် ဗိုလ်တိုက်အောင်သည် တပ်မဟာမှူးဟု ဆိုသော်လည်း လူအင်အားလည်းမရှိ၊ လက်နက်လည်း မရှိ၊ ငွေကိုလည်း သထုံခရိုင်၊ မော်လမြိုင်ခရိုင်နှင့် ထားဝယ်ခရိုင်များတွင် ကိုယ့်နည်းကိုယ်ဟန်ဖြင့် တစ်နှစ် လျှင် ဆက်ကြေးငွေသုံးသိန်းကျစီကောက်ခံ၍ ဆောင် ရွက်ရန်သာ တာဝန်ပေးအပ်ခြင်းခံရသဖြင့် များစွာ စိတ်ဓာတ်ကျဆင်းပြီး ၁၉၆၆ ခုနှစ်၊ မေလ ၄ ရက်တွင် ထားဝယ်မြို့ အမှတ် (၂၅) ခြေလျင်တပ်ရင်းသို့ လက်နက်ချ အလင်းဝင်လိုက်ရတော့သည်။***(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၆၅၊ ၆၆။)သို့နှင့် ဗိုလ်ရန်နိုင်တို့လူစု၏ အမျိုးသားလွတ်မြောက်ရေး တပ်မတော်ဆိုသည်မှာ ဆီးတိုးကိုယ်စားလှယ်နှင့် ထိုင်းအရာရှိကြီးများရှေ့မှောက်ရှိ စာရွက်ပေါ်တွင်သာ ပေါ်ပေါက်ခဲ့ရပြီး လေထဲမှာသာ လွင့်ပျောက်သွားရ တော့သည်။ ဗိုလ်ရန်နိုင်နှင့် ပြည်ပြေးတစ်စုသည်လည်း ကရင်သောင်းကျန်သူများထံတွင် မှီခိုကပ်ရပ်၍ တစ်ဖက်နိုင်ငံနှင့်ဆက်သွယ်ပြီး အကူအညီတစ်စုံတစ်ရာ ရရှိရေးကိုသာ ကြိုးစားနေရလေသည်။ ဦးလောရုံသည် ဗိုလ်ရန်နိုင်၊ စောကြာဒိုး၊ မဟာဒေဝီ စသော ပြည်ပြေး များအား တစ်စတစ်စဆက်သွယ်၍ စုရုံးသိမ်းသွင်းပြီး  ပြည်ပြေးသောင်းကျန်းမှုအတွက် ကြိုတင်ပြင်ဆင်လျက် ရှိလေသည်။
ပါလီမန် ဒီမိုကရေစီပါတီထူထောင်ခြင်း
ဦးနုနှင့်အဖွဲ့ အိန္ဒိယနိုင်ငံတွင် ရှိနေစဉ် ၁၉၆၉ ခုနှစ်၊ သြဂုတ်လ ၆ ရက်တွင် ဦးလောရုံသည် ဦးနု ထံသို့ ရောက်လာပြီး အစီအစဉ်အသေးစိတ်ကိုရှင်းပြရန် ဦးနု အား ထိုင်းနိုင်ငံသို့ ခေါ်ဆောင်သွားလေသည်။ ဦးလောရုံက ဦးနုအား ထိုင်းနိုင်ငံ အာဏာပိုင်ကြီး တစ်ဦး၏ စာတစ်စောင်ကိုလည်း ပြသနိုင်ခဲ့သဖြင့် ဦးနု များစွာအား တက်ခဲ့သည်ဟုလည်း ဆိုသည်။ ဦးလောရုံသည် မြန်မာနိုင်ငံမှ ထွက်ပြေးခဲ့သော ပြည်ပြေး နိုင်ငံရေးသမား ဟောင်းကြီးများကို ထိုင်းနိုင်ငံတွင် စုရုံး၍  ပါလီမန်ဒီမိုကရေစီပါတီဖွဲ့စည်းရန် အဆင်သင့် ပြင်ဆင်ပြီးဖြစ်သည်။ နိုင်ငံရေးအစဉ်အလာ သြဇာတိက္ကမကြီးမားသည့်ခေါင်းဆောင်မှုကို လိုအပ် သောကြောင့်သာ ဦးနုအား စည်းရုံးခေါ်ငင်ရခြင်းဖြစ် သည်။ ဦးနုသည် ၁၉၆၉ ခုနှစ်၊ သြဂုတ်လ ၆ ရက်တွင် ဦးလောရုံနှင့်အတူ ထိုင်းနိုင်ငံသို့ လိုက်ပါသွားခဲ့ရာ ဦးနုနှင့်အတူ ဇနီး သားသမီးများအပြင် ဗိုလ်လက်ျာ၊ ဦးမိုးကျော်(ခေါ်) ဗိုလ်ကြီးဟောင်း စိုးမြင့်တို့လည်း လိုက်ပါသွားကြသည်။*(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၆၆ မှ ၆၇။)
ဦးနုတို့လူစုသည် ထိုင်းနိုင်ငံသို့ရောက်ရှိသွားသော အခါ ဦးလောရုံကြိုတင်စုစည်းထားသော စောကြာဒိုး၊ ဗိုလ်ရန်နိုင်၊ ဗိုလ်စကြာ၊ ညောင်ရွှေ မဟာဒေဝီ စဝ်ဟိန်ခမ်း၊ လေတပ်ဦးစီးချုပ်ဟောင်း တီကလစ်တို့ လူစုနှင့် ပူးပေါင်းသွားသည်။ ထို့နောက် အာဏာပြန် လည်ရရှိရေး၊ အနောက်အုပ်စု အသိုင်းအဝိုင်းမှ အကူ အညီရရှိရေးတို့ကို ပြောင်ပြောင်တင်းတင်းပင် ကြိုးစား လာတော့သည်။**(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၆၇။)
ဦးနုသည် ထိုင်းနိုင်ငံသို့မထွက်ခွာမီ အိန္ဒိယနိုင်ငံ၌ ရှိနေစဉ်တွင် မိမိအနေနှင့် ဘာသာရေးကိုသာ အဓိက ထား၍ လုပ်မည်ဖြစ်ကြောင်း ၁၉၆၉ ခုနှစ်၊ ဇွန်လ ၄ ရက် အေပီသတင်းက ဖော်ပြခဲ့သေးသည်။ ဦးလောရုံ နှင့်အတူ အိန္ဒိယမှ ထိုင်းနိုင်ငံသို့ လိုက်ပါသွားရာတွင်  လည်း ဘုရားဖူးရန်ဟူ၍သာ အကြောင်းပြခဲ့သည်။ ၁၉၆၉ ခုနှစ်၊ သြဂုတ်လ ၂၂ ရက်တွင် ထိုင်းနိုင်ငံမှ လန်ဒန်မြို့သို့ ရောက်ရှိသွားပြီးနောက် ဦးနုသည် သတင်းစာရှင်းလင်းပွဲတစ်ရပ်ကို ကျင်းပတော့သည်။ ဦးနုက ဦးလောရုံကို ပါလီမန်ဒီမိုကရေစီပါတီ၏ အထွေ ထွေအတွင်းရေးမှူးအဖြစ် ပွဲထုတ်ပေးသည်။ ဦးနုက နယူးယောက်၊ တိုကျို၊ ဟောင်ကောင်မြို့များသို့ လှည့် လည်မည်ဟုလည်း ကြေညာခဲ့သည်။ အမေရိကန်နှင့် အခြားနိုင်ငံများ၏ အကူအညီဖြင့် ဗိုလ်ချုပ်ကြီး နေဝင်းအစိုးရကို  အကြမ်းဖက်၍  ဖြုတ်ချမည်။ ဌာနချုပ်ကို  ဗန်ကောက်တွင်  ဖွင့်လှစ်မည်ဟူ၍ လည်း အတိအလင်းကြေညာသည်။ ဦးနုတို့၏ လှုပ်ရှားမှုနှင့်ပတ်သက်၍ အိန္ဒိယနိုင်ငံ ကာလကတ္တား မြို့တော်ထုတ် စတိတ်စမင်းသတင်းစာက အောက်ပါ အတိုင်း ရေးသားဖော်ပြခဲ့သည်-*** (ချစ်ကြည်ရေးကြည်ညွန့်၏ ဥဲီးနု၊ ဥဲီးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၇ဝ မှ ၇၆။)
+++
(ကျွန်ုပ်တို့ လန်ဒန်ဌာနမှ)
သြဂုတ်လ ၂၅
ဗိုလ်ချုပ်ကြီးနေဝင်းကို ပြောင်ပြောင်တင်းတင်း ဆန့်ကျင်မှုများအား ခေါင်းဆောင်ရန် ဦးနုက ဆုံးဖြတ် လိုက်ခြင်းသည် တိုင်းပြေး ပြည်ပြေးများ၏ မျှော်လင့် အားထားချက်ကို ဖြည့်စွမ်းပေးလိုက်ခြင်းဖြစ်သည်။ အားတက်လာစေသည်။
တိုင်းပြေး ပြည်ပြေးများအနေဖြင့် ဗမာပြည်တွင်း ၌ အစိုးရအား နှောင့်ယှက်မှုများကို ပြုလုပ်လာမည်။ တိုင်းပြေးပြည်ပြေးများ ပါဝင်ဖွဲ့စည်းထားသည့် အလံ တော်တစ်ခုတည်းအောက်တွင် ဦးနုလည်း ပါဝင်လာ မည်။
ဗမာပြည်တွင်း၌ လက်နက်ကိုင်သူပုန် ၄ဝဝဝဝ ရှိသည်။ ¤င်းတို့ စစ်ရေးလှုပ်ရှားမှုများကို ထိုင်းနိုင်ငံ အတွင်းရှိဌာနချုပ်(ယိုးဒယားအစိုးရက မြန်မာအစိုးရ နှင့် တရားဝင်ပုံမှန်ဆက်သွယ်နေလင့်ကစား) က ကိုင်တွယ်ညွန်ကြားနေသည်။
+++
ဦးနုနှင့် ဦးလောရုံတို့၏ သတင်းစာရှင်းလင်းပွဲမှာ ၁၉၆၉ ခုနှစ်၊ သြဂုတ်လ ၂၉ ရက်တွင် လန်ဒန်မြို့၌ ကျင်းပခြင်းဖြစ်သည်။ သတင်းစာရှင်းလင်းပွဲမတိုင်မီ တွင်လည်း လန်ဒန် ဘီဘီစီသတင်းထောက်နှင့် တွေ့ဆုံ ခဲ့သည်။ ဘီဘီစီအသံလွှင့်ဌာနမှ သတင်းဝေဖန်သူ  မစ္စတာဘားနာဒ်ဆဲလ်ဘီက ဦးနုသည် လွန်ခဲ့သည့် အနှစ်(၂ဝ)ကကဲ့သို့ ဖြစ်နိုင်ပါဦးမည်လားဟု ဗြိတိန် လူထုက သံသယရှိနေကြောင်း အသံလွှင့်ဖော်ပြဝေဖန် ခဲ့သည်။ သတင်းစာရှင်းလင်းပွဲတွင် ဦးလောရုံက ဦးနု၏ ကြေညာချက်ကိုဖတ်ပြရာ ကြေညာချက်မဖတ်ခင်    ဦးနုက  အောက်ပါအတိုင်း  ပဏာမပြောကြားခဲ့သည်။* (ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများ၏ နယ်ချဲ့ဂိုဏ်း၊ စာမျက်နှာ ၇၆ မှ ၈၄။)
''ကြွလာကြတဲ့အတွက် ကျေးဇူးတင်ပါတယ်။ မကြာခင်မှာပဲ ကျွန်တော်တို့ရဲ့ ပါလီမန်ဒီမိုကရေစီပါတီ အထွေထွေအတွင်းရေးမှူးချုပ် ဦးလောရုံက အသင့်ပြင်  ဆင်ပြီးဖြစ်တဲ့ ကြေညာချက်စာတမ်းကို ဖတ်ပြပါလိမ့် မယ်။ ပြီးတော့ ကျွန်တော်က မေးခွန်းများကိုဖြေပါ့မယ်။
ကြေညာချက်စာတမ်းကို ဖတ်မပြခင် ကျွန်တော် တို့ ကြေညာစာတမ်းကို ဘာဖြစ်လို့ လန်ဒန်မှာ ထုတ် ပြန်ရတယ်ဆိုတဲ့အကြောင်းကလေးကို ပြောပြချင်ပါ သေးတယ်။ ရာစုနှစ်များတစ်လျှောက်မှာ အဓမ္မအုပ်စိုး မှုတွေရှိနေတဲ့ မိမိတို့ရဲ့ တိုင်းပြည်က ထွက်ပြေးလာကြ တဲ့လူတွေဟာ ဒီမြို့ကြီးမှာ ခိုလှုံပြီးတော့ သူတို့ရဲ့လူမျိုး လွတ်လပ်ရေးကို ကြိုးပမ်းစည်းရုံးမှုပြုကြပါတယ်။
အဲဒီကောင်းမွန်လှတဲ့ အစဉ်အလာကြီး အတိုင်းပဲ အခု ကျွန်တော်တို့ဟာလည်း ဒီကြေညာစာတမ်းကိုဖတ် ပြခြင်းနဲ့ ကျွန်တော်တို့ရဲ့လူမျိုး လွတ်လပ်ရေးကြိုးပမ်းမှု ကို ပထမခြေလှမ်းအနေနဲ့ ဆောင်ရွက်ရခြင်းဖြစ်ပါ တယ်။
နောက်တစ်ကြောင်းကတော့ ကျွန်တော်ဟာ ကျွန်တော့်ပြည်သူတို့ရဲ့ကိုယ်စားလှယ်တစ်ဦးအဖြစ် ဒီမြို့တော်ကြီးကို လွန်ခဲ့တဲ့ ၂၂ နှစ်က ဗြိတိသျှအစိုးရ နဲ့ တွေ့ဆုံဆွေးနွေးမှုပြုဖို့ ရောက်လာခဲ့ခြင်းဖြစ်ပါတယ်။
ဒီမြို့တော်ကြီးမှာပဲ ကျွန်တော်ဟာ လွတ်လပ်တဲ့ အချုပ်အခြာအာဏာပိုင်တဲ့ ပြည်ထောင်စုမြန်မာနိုင်ငံ ဖြစ်ပေါ်လာစေတဲ့ နု-အက်တလီစာချုပ်ကို ချုပ်ဆို လက်မှတ်ရေးထိုးခဲ့ကြရပါတယ်။ အဲဒီလိုပဲ ကျွန်တော် ဟာ လွတ်လပ်တဲ့မြန်မာနိုင်ငံရဲ့ပထမဦးဆုံးသော ဝန်ကြီးချုပ်ဖြစ်ခဲ့ပါတယ်။
+++
ဦးနုက ဖော်ပြပါအတိုင်း အစပျိုးလိုက်ပြီးနောက် အစိုးရအဖွဲ့မခိုင်မာသေးခင်တွင် ကွန်မြူနစ်များသည် ကာလကတ္တားကွန်မြူနစ် ကွန်ဖရင့်၏ ညွှန်ကြားချက် အရ ပုန်ကန်ကြသဖြင့် တိုင်းပြည်၏ ၁ဝ ပုံ ၉ ပုံ ကွန်မြူနစ်များလက်သို့ ရောက်ရှိသွားကြောင်း၊ မြန်မာ ပြည်သူများက ကွန်မြူနစ်စနစ်နှင့် ဒီမိုကရေစီစနစ် အနက် ဒီမိုကရေစီကိုရွေးခဲ့ကြောင်း၊မိမိအစိုးရကကွန်မြူနစ်များ သိမ်းပိုက်ထားသည့်အနက် အားလုံးကို ပြန်သိမ်းနိုင်ခဲ့ ကြောင်း ဆက်လက်ရှင်းပြသည်။ လွတ်လပ်ရေးခေတ်ဦးတွင် နယ်မြေအများအပြားကို သိမ်း ပိုက်ထားသော သောင်းကျန်းသူများမှာ ကွန်မြူနစ်များ သာဖြစ်သည်ဟု ဆိုလိုခြင်းဖြစ်ပြီး ကရင်သောင်းကျန်း သူများအကြောင်းကိုမူ ထည့်မပြောခဲ့ပေ။ လန်ဒန် တက္ကသိုလ် အရှေ့တောင်အာရှသမိုင်းပါမောက္ခ ဒီဂျီ အီးဟောလ်၏ မြန်မာနိုင်ငံစာအုပ် စာမျက်နှာ ၁၇၈ တွင် မိမိကို ချီးကျူးထားကြောင်းလည်း ကောက်နုတ် ဖော်ပြသည်။ ထို့နောက် အောက်ပါအတိုင်း ဆက်လက် ပြောကြားပြန်သည်။
+++
''၁၉၄၈ ခုနှစ်မှာ မြန်မာနိုင်ငံဟာ သက်ဦးဆံဖျား ဘေးဒုက္ခကြီးနှင့် ကြုံတွေ့နေရသလိုပဲ၊ ၁၉၆၂ ခုနှစ်မှာ လည်း ဘေးဒုက္ခကြီးတစ်ခုနဲ့ကြုံရပြန်တယ်။ ဒီတစ်ခါ တော့ သူပုန်သူကန်တွေကြောင့်မဟုတ်ဘူး။ ကျွန်တော့်ရဲ့ စစ်ဦးစီးချုပ်ဖြစ်တဲ့ ဗိုလ်ချုပ်ကြီးနေဝင်းရဲ့သစ္စာဖောက် မှုကြောင့်ပဲဖြစ်တယ်။ ဗိုလ်ချုပ်ကြီးနေဝင်းဟာ ဒီမိုကရေ စီစနစ်အရရွေးကောက်တင်မြှောက်ထားတဲ့ တရားဝင် အစိုးရကိုဖြုတ်ချလိုက်တယ်။ ကျွန်တော်တို့ဟာ ဒီလို လုပ်လိမ့်မယ်လို့ မမျှော်လင့်ခဲ့ကြဘူး။ ကျွန်တော်လည်း နောက် ၅ နှစ်လုံးလုံးထောင်ထဲမှာနေခဲ့ရတယ်။
နောက်ဆုံး ၁၉၆၇ ခုနှစ်မှာ ကျွန်တော့်ကို လွှတ် လိုက်တဲ့အခါ ကျွန်တော်ဟာ ထောင်ကထွက်လာပြီး တိုင်းပြည်အခြေအနေကို ကြည့်လိုက်တော့ တိုင်းပြည်ရဲ့ အခြေအနေဟာ ကျွန်တော့်အဖို့ ရင်ကွဲစရာကြုံတွေ့ရ ပါတယ်။ အသေးစိတ်အချို့ကိုတော့ ကြေညာချက် ဖတ်ပြတဲ့အခါမှာ ကြားသိရပါလိမ့်မယ်။
ဒီလို ကြောက်စရာလန့်စရာအခြေအနေကို ပြောင်းပစ်ဖို့အတွက် ကျွန်တော်က ဗိုလ်ချုပ်ကြီးနေဝင်း ကို ဗမာပြည်မှာ ဒီမိုကရေစီစနစ်ထူထောင်ဖို့ တိုက်တွန်း လိုက်ပါတယ်။ အဲဒီလိုသာ သူကလုပ်ရင် ကျွန်တော့်တို့ တစ်တွေဟာ သူရဲ့ခေါင်းဆောင်မှုအောက်မှာ လုပ် ဆောင်ကြဖုိ့ အသင့်ရှိတယ်လို့ ကျွန်တော်က ဆိုပါတယ်။ ဒါပေမဲ့ ဗိုလ်ချုပ်ကြီးနေဝင်းက ဒီ ကျွန်တော်တို့ရဲ့အဆို ကို ပယ်ချလိုက်ပါတယ်။
+++
ဦးနုက တိုင်းပြည်ကိုကယ်ဆယ်ရန် အခြားနည်း လမ်းများရှာဖွေရကြောင်း၊ ပြည်သူလူထုကို လန်ဒန်မှ တစ်ဆင့် မေတ္တာရပ်ခံကြောင်း၊ အစိုးရကိုဖြုတ်ချရန် သေချာကျနစွာ စီစဉ်ပြီးမှဆောင်ရွက်မည်ဖြစ်ကြောင်း ပြောဆိုသွားသည်။ ဦးလောရုံက အောက်ပါစာတမ်းကို ဆက်လက်ဖတ်ပြသည်-*               (ဖွဲ့စည်းအုပ်ချုပ်ပုံအခြေခံဥပဒေ (Constitution)ကိုဆိုလိုသည်။)
၁၉၄၈ ခုနှစ်၊ ဇန်နဝါရီိလ ၄ ရက်တွင် လွတ်လပ် သောအချုပ်အခြာ အာဏာပိုင်နိုင်ငံအဖြစ်သို့ ရောက်ရှိ လာသော ပြည်ထောင်စုမြန်မာနိုင်ငံကို ပြည်သူလူထု အား အချုပ်အခြာ အာဏာအပ်နှင်းသော အခြေခံ အုပ်ချုပ်ရေးဥပဒေ**(ဖွဲ့စည်းပုံအခြေခံဥပဒေ (Constitution)။)အရ အုပ်ချုပ်သည်။
အစ ကနဦးကတည်းကပင် ပြည်ထောင်စုမြန်မာ နိုင်ငံသည် ပြည်သူတို့က လွတ်လပ်စွာ ရွေးကောက် တင်မြှောက်သော ကိုယ်စားလှယ်များ ပါဝင်သော လွှတ်တော်နှစ်ရပ်ဖြင့် အုပ်ချုပ်သည့် ဒီမိုကရေစီနိုင်ငံ တော်တစ်ခုဖြစ်ပေသည်။ နောက်ဆုံးဖြစ်သော ၁၉၆ဝ နှစ်ပြည့် အထွေထွေရွေးကောက်ပွဲတွင် နိုင်ငံရေးပါတီ ကြီး  သုံးခုဝင်ရောက်ယှဉ်ပြိုင်အရွေးခံခဲ့ကြရာ ပြည်ထောင်စုပါတီက မဲအပြတ်အသတ်ဖြင့် အနိုင်ရရှိ ခဲ့သည်။ ထိုအခါတွင် ပါလီမန်က ဦးနုအား ဝန်ကြီးချုပ် အဖြစ် ရွေးကောက်တင်မြှောက်လိုက်သည်။
၁၉၆၂ ခုနှစ်၊ မတ်လ ၂ ရက်တွင် စစ်ဦးစီးချုပ် ဗိုလ်ချုပ်ကြီးနေဝင်းသည် အခြေခံအုပ်ချုပ်ရေးဥပဒေ ကိုစောင့်ထိန်းရန် ပေးအပ်ထားသော သစ္စာကိုဖောက် ဖျက်၍ အာဏာကိုသိမ်းယူပြီးလျှင် ပါလီမန်လွှတ်တော် ကို ဖျက်သိမ်းလိုက်လေသည်။
သမ္မတကြီး ဦးဝင်းမောင်၊ ဝန်ကြီးချုပ်ဦးနု၊ တရား လွှတ်တော်ချုပ်၊ တရားဝန်ကြီးချုပ် ဦးမြင့်သိမ်းနှင့်တကွ ဝန်ကြီးချုပ်အဖွဲ့ဝင်အားလုံးတို့ကို ဖမ်းဆီး၍ ငါးနှစ် ကျော်ကြာမျှ အကျဉ်းချထားခဲ့သည်။ ယင်းသို့ဖမ်းဆီး ချုပ်နှောင်ထားရာတွင် စွဲချက်တင်ခြင်း၊ တရားရုံးတော် တွင် စစ်ဆေးခြင်းမပြုဘဲထားခဲ့သည်။
အာဏာသိမ်းသောနေ့တွင် ထုတ်ပြန်သော ကြေညာချက်၌ ဗိုလ်ချုပ်ကြီးနေဝင်းက သူသည်    ပြည်ထောင်စုကြီးပြိုကွဲမည့် အန္တရာယ်နှင့် ကြုံနေသော ကြောင့် ဝင်ရောက်၍ အာဏာသိမ်းရခြင်းဖြစ်သည်ဟု ဆို၏။ ရှမ်းခေါင်းဆောင်များက ရှမ်းပြည်နယ်ကို ပြည်ထောင်စုကြီးထဲမှ ခွဲထုတ်ရန် တိတ်တဆိတ်ကြိုးပမ်း နေကြသောကြောင့်ဖြစ်သည်ဟု အကြောင်းဆက်၍ပြ လေသည်။
လွတ်လပ်ရေးရရှိပြီးနောက် ဆယ်နှစ်ကြာလျှင် ရှမ်းပြည်နယ်က ပြည်ထောင်စုကြီးထဲမှ ခွဲထွက်နိုင်ခွင့် ရရှိနိုင်ကြောင်း မြန်မာ့လွတ်လပ်ရေးဖခင်ကြီး ဗိုလ်ချုပ် အောင်ဆန်းက ကတိပေးခဲ့သည်။ ထိုကတိအတိုင်းပင် ထိုအခွင့်အရေးကို အခြေခံအုပ်ချုပ်ပုံ ဥပဒေ***(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၈၅ မှ ၉၁။) တွင် ဖော်ပြထားပေသည်။ ထိုိအခွင့်အရေးကို ဗိုလ်ချုပ်ကြီး နေဝင်းက ဖျက်ဆီးလိုက်သည်။
၁၉၆၂ ခုနှစ်၊ မတ်လ ၂ ရက်မှစ၍ ယနေ့တိုင် ဗိုလ်ချုပ်ကြီးနေဝင်းသည် အမိန့်ပြန်တမ်းများဖြင့် နိုင်ငံ ကိုအုပ်ချုပ်လျက်ရှိသည်။ ထိုကာလတစ်ခုလုံးတွင် ထောင်ပေါင်းများစွာသော ယောက်ျား၊ မိန်းမတို့အား ထောင်တွင် နှစ်ပေါင်းများစွာ အကျဉ်းချထားခြင်း၊ သတ်ဖြတ်မှု၊ ကိုယ်အင်္ဂါချို့တဲ့စေမှု၊ ညှဉ်းဆဲမှုတို့ဖြင့် နှိပ်စက်ကလူပြုခြင်းတို့သည် ရှိခဲ့ချေသည်။
၁၉၆၂ ခုနှစ်၊ ဇူလိုင်လ ၇ ရက်တွင် တက္ကသိုလ် ကျောင်းသားများစွာကို သေနတ်ဖြင့်ပစ်သတ်ခြင်း၊ ဒဏ် ရာရစေခြင်းတို့ကို ပြုခဲ့သည်။ တက္ကသိုလ်ကျောင်းသား သမဂ္ဂအဆောက်အအုံကို ဒိုင်းနမိုက်ဖြင့် ဖြိုချဖျက်ဆီး ပစ်လိုက်သည်။
+++
ထို့နောက် ဦးနု၏စာတမ်းတွင် တော်လှန်ရေး ကောင်စီအစိုးရ၏ ပြည်သူပိုင်သိမ်းခြင်းများကို အသေး စိတ်ပင် ရှုတ်ချထားသည်။ အစိုးရအဖွဲ့ဝင်များအား ပုတ်ခတ်ထားပြန်သည်။ မြန်မာနိုင်ငံ၏ အခြေအနေ များစွာ ချို့တဲ့ယိုယွင်းလျက်ရှိပြီး ၁၉၆၇ ခုနှစ်တွင် တစ်ပြည်လုံးငတ်မွတ်လုနီးပါးရောက်နေပြီဟုဆိုသည်။ တစ်ပြည်လုံးအြုံ<ွကဆူပူနေခြင်း၊  ပြည်နယ်များက ပုန်ကန်ခြင်း အိမ်နီးချင်းနိုင်ငံများနှင့် အဆင်မပြေခြင်း တို့ကြောင့် တော်လှန်ရေးအစိုးရသည် အဖတ်ဆယ် နိုင်ရန် ၃၃ ဦးကော်မတီကို ဖိတ်ခေါ်ဖွဲ့စည်းရခြင်း ဖြစ်သည်ဟုလည်း ဆိုသည်။ သို့သော် ၃၃ ဦး ကော်မတီ၏အဆိုပြုချက်များကို တော်လှန်ရေးအစိုးရ က ပယ်ချလိုက်လေရာ တော်လှန်ရေးအစိုးရအား အင်တိုက်အားတိုက်  ကန့်ကွက်ကြရန်သာရှိတော့    သည်ဟုလည်း ဆိုသည်။ ဦးနုအား အာဏာပြန်အပ်ရန် ကိုလည်း အောက်ပါအတိုင်း တောင်းဆိုသည်။
+++
ဤကြေညာချက်ဖြင့်  ဝန်ကြီးချုပ်ဦးနုက ဗိုလ်ချုပ်ကြီးနေဝင်းအား မတရားသိမ်းယူထားသော အာဏာကို ပြန်၍အပ်ရန် တောင်းဆိုလိုက်သည်။ မြန်မာတို့သည် နှိပ်စက်စိုးမိုးမှုကို ကြာရှည်မခံ သော အနိုင်မခံ အရှုံးမပေးသော ဂုဏ်မာနဖြင့် ပြည့်စုံသောလူမျိုးဖြစ်ကြောင်း ဗိုလ်ချုပ်ကြီးနေဝင်း အား သတိပေးစကား ပြောကြားလိုက်သည်။ ပြည်သူ တို့သည် ဒီမိုကရေစီစနစ်ကို သူတို့အဖို့ လူနေမှု စနစ်တစ်ရပ်အဖြစ် ရွေးချယ်ပြီး ဖြစ်သည်။ မြတ်နိုး လျက်ရှိကြသည်။
+++
စာတမ်းတွင် ပါလီမန် ဒီမိုကရေစီစနစ်ကို ပြန် လည်အသက်သွင်းရေး၊ အာဏာပြန်လည်ရယူရေးတို့ကို သာမက ဖက်ဒရယ်မူကိုပင် ပြန်လည်အသက်သွင်းရ တော့မည်ကဲ့သို့ တွင်တွင်ဖော်ပြထားသည်။ မြန်မာ့ ဆိုရှယ်လစ်လမ်းစဉ်ကိုလည်း ဖက်ဆစ်ဝါဒအဖြစ် စွပ်စွဲထားသည်။ ကုလသမဂ္ဂနှင့် အိမ်နီးချင်းနိုင်ငံများ ကိုလည်း အကူအညီပေးကြရန် တောင်းဆိုထားသည်။ ဗုဒ္ဓသာသနာ ထွန်းပြောင်စေရမည်ဟုလည်း ကတိပြု သည်။ အခြားဘာသာများအတွက်လည်းအာမခံသည်။ ပြည်သူတို့ကိုလည်း လွတ်လပ်ခွင့်ပေးမည်ဟု အမျိုးမျိုး ကတိပေးခဲ့သည်။
ဦးနုတို့လူစုသည် လန်ဒန်သတင်းစာ ရှင်းလင်းပွဲ တွင်  ပါလီမန်ဒီမိုကရေစီ  ပါတီသစ်တစ်ရပ် ထူထောင်ကြောင်း အတိအလင်းကြေညာလိုက်သည်။ ပါတီဥက္ကဋ္ဌမှာ ဦးနုဖြစ်ပြီး ဦးလောရုံမှာ အထွေထွေ အတွင်းရေး မှူးဖြစ်သည်။ ၁၉၆၉ ခုနှစ်၊ စက်တင်ဘာ လ ၃ ရက်တွင်လည်း ဦးနု၏ ပြောရေးဆိုခွင့်ရှိသူ တစ်ဦးက  ဦးနုသည်  လန်ဒန်မှ  နယူးယောက်သို့  ထွက်ခွာရန်ရှိကြောင်း ကြေညာခဲ့သည်။ ထိုသုိ့ကြေညာ ပြီးနောက် ဦးနုတို့လူစုသည် စက်တင်ဘာလ ၅ ရက်တွင် နယူးယောက်မြို့သို့ ရောက်ရှိသွားကြပြန်သည်။ ဦးနုတို့ အဖွဲ့သည် အမေရိကန်အစိုးရထံမှ အကူအညီရရှိရန် ကြိုးပမ်းခြင်း၊ စာနယ်ဇင်းများမှတစ်ဆင့် နိုင်ငံတကာ တွင် ဝါဒဖြန့်ချိရန် စီစဉ်ခြင်းတို့ကို ဆောင်ရွက်နေကြသည်။ အမေရိကန်အမျိုးသား အသံလွှင့်ဌာနကုမ္ပဏီ (အင်န်ဘီစီ) ရုပ်မြင်သံကြားအစီအစဉ်နှင့် တွေ့ဆုံ၍ ဦးနုက တော်လှန်ရေးအစိုးရကိုဖြုတ်ချမည်ဟု ပြောပြန် သည်။ အမေရိကန်အစိုးရက တော်လှန်ရေးအစိုးရအား ထောက်ပံ့ကူညီမှုအားလုံး ရပ်ဆိုင်းရန်လည်း တောင်းဆို ခဲ့သည်။ စက်တင်ဘာလ ၁၁ ရက်တွင် ဦးနုက ဗိုလ်ချုပ်ကြီး နေဝင်းအစိုးရအား ဖြုတ်ချရေးအတွက် အမေရိကန် အမျိုးသားများထံမှ အကူအညီတောင်းခံခဲ့ ပြန်သည်။  တရုတ်နီ၊ ဆိုဗီယက်တို့ထံမှလည်း အကူအညီတောင်း မည်ဖြစ်ကြောင်း၊ သို့သော် ပါလီမန် ဒီမိုကရေစီစနစ်ကိုသာ ကျင့်သုံးမည်ဖြစ်ကြောင်းဖြင့် လည်း ကြေညာခဲ့သည်။*(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၉၁ မှ ၉၂။)
ဦးနုသည် အမေရိကန်ပြည်ထောင်စုမှတစ်ဆင့် ကမ္ဘာတစ်ပတ်လှည့်၍ အကူအညီရရှိရေးကို ကြိုးပမ်း ခဲ့သည်။ ထို့နောက် ထိုင်းနိုင်ငံတွင် နိုင်ငံရေးခိုလှုံခွင့်ကို တောင်းခံခဲ့သည်။ နိုင်ငံရေးခိုလှုံခွင့်ရရှိရန်အတွက် ဦးနုနှင့်အဖွဲ့သည် ထိုင်းအစိုးရအား ထိုင်း-မြန်မာ နှစ်နိုင်ငံအကြား ချစ်ကြည်ရင်းနှီးစွာ ဆက်ဆံရေး ကိုမထိခိုက်စေရန် နိုင်ငံရေးလှုပ်ရှားမှုများ မပြု လုပ်ပါဟု အာမခံချက်ပေးရသည်။ ဦးနုသည် လေတပ်ဦးစီးချုပ်ဟောင်း တီကလစ်အိမ်တွင်နေမည် ဟုဆိုသည်။ ဦးနု၏ဇနီးနှင့်သမီးမှာမူ ၁၉၆၉ ခုနှစ်၊ ဇူလိုင်လကတည်းက  ဗန်ကောက်မြို့သို့  ကြိုတင် ရောက်ရှိနေခဲ့ပြီဖြစ်သည်။*( ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၉၃။)  ထိုင်းအစိုးရက ဦးနုအား ၁၉၆၉ ခုနှစ်၊ အောက်တိုဘာ လ ၂၇ ရက်တွင် နိုင်ငံရေးခိုလှုံခွင့်ပေးလိုက်သည်။ ဦးနုတို့လူစုသည် နိုဝင်ဘာလ ၄ ရက်တွင်  ဖနွမ်းပင်မှ  တစ်ဆင့် ဗန်ကောက်သို့ရောက်ရှိလာကြသည်။**(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၉၃ မှ ၉၄။) စင်စစ် ဦးနု မရောက်မီတွင် ဝန်ကြီးဟောင်းဦးသွင် (ကျိုက်မရော ဦးသွင်) ခေါင်းဆောင်သော ပြည်ပြေးအဖွဲ့တစ်ဖွဲ့ ကိုလည်း  ထိုင်းနိုင်ငံက  နိုင်ငံရေးခိုလှုံခွင့်ပေးပြီး ဖြစ်သည်။***        (SIAM RATH)
မြန်မာနိုင်ငံမှ ထွက်ပြေးလာသော နိုင်ငံရေးသမား များ ထိုင်းနိုင်ငံတွင် စုရုံးနေခြင်း၊ ဦးနုတို့ လူစုက ပါလီမန်ဒီမိုကရေစီပါတီကို ထူထောင်ပြီး တော်လှန်ရေး အစိုးရအား ဖြုတ်ချမည်၊ အကြမ်းဖက်မည်ဟု ကမ္ဘာ လှည့်၍အတိအလင်းပြောကြားခဲ့ခြင်းတို့ကြောင့် ပြည်ပြေးများအား နိုင်ငံရေးခိုလှုံခွင့်ပေးခြင်းသည် ထိုင်း နိုင်ငံရေးလောကတွင်လည်း ဂယက်ရိုက်သွားခဲ့သည်။ ထိုင်းဘာသာဖြင့်ထုတ်ဝေသော သတင်းစာဆိုင်ယင်း ရတ်သ်****(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၉၅။) နှင့် ဗန်ကောက်ပို့စ်သတင်းစာများက ထိုင်းနိုင်ငံ၏  လုံခြုံရေးနှင့်  တည်ငြိမ်မှုအတွက် အန္တရာယ်ရှိသည်ဟု သတိပေးခဲ့သည်။ ထိုင်းနိုင်ငံ မြောက်ပိုင်း ချိန်းဂရေးမဲဆန္ဒနယ်မှ တစ်သီးပုဂ္ဂလ အမတ်  ဆောင်သက်ပါသာဒီးက  ဝန်ကြီးချုပ် ထနွန်ကစ်တီကာချွန်အား ဦးနုတို့လူစုက ထိုင်းနိုင်ငံ ကို အသုံးချခြင်းမှ မည်သို့ကာကွယ်ထားကြောင်း မေးမြန်းခဲ့သည်။ နိုင်ငံခြားရေးဝန်ကြီး ထာနတ်ခိုမန်က မြန်မာအစိုးရနှင့် ဆက်ဆံရေးထိန်းသိမ်းမည်ဟု ကတိ ပေးခဲ့သည်။***** (ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ  ၉၈ မှ ၁ဝဝ။)ထိုင်းနိုင်ငံခြားရေးဝန်ကြီး ထာနတ်ခိုမန်သည် ဦးနုတို့လူစုအနေနှင့် နိုင်ငံရေးလှုပ်ရှားမှုပြုလုပ်မည် မဟုတ်ပါဟု အကြိမ်ကြိမ်ကတိပေးနေရသည်။ သို့သော်  ဦးနုတို့လူစုနှင့် ပြည်ပြေးများကား အငြိမ် မနေပါ။ လက်နက်ကိုင် ဆူပူသောင်းကျန်းရေးကို ကြိုတင်ပြင် ဆင်နေချိန်မှာပင် ၁၉၆၉ ခုနှစ်၊ နိုဝင်ဘာလ ၂၃ ရက် နေ့စွဲပါ ကြေညာချက်(မေတ္တာရပ်ခံချက်)တစ်စောင်ကို ရိုက်နှိပ်၍ ပြည်တွင်းသို့ ယင်းတို့၏ အမာခံများမှ တစ်ဆင့် ဖြန့်ချိဝါဒဖြန့် စည်းရုံးလာတော့သည်။ မေတ္တာ ရပ်ခံချက်တွင် ဦးနုကိုယ်တိုင် လက်မှတ်ရေးထိုးထား ပြီး အောက်ပါအတိုင်း ဖြစ်သည်-******(ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းအပါများနှင့် နယ်ချဲ့ဂိုဏ်း၊ စာမျက်နှာ ၉၇ မှ ၁ဝ၁။)
မေတ္တာရပ်ခံချက်
(တတ်စွမ်းသလောက်ကူးယူ၍အဆင့်ဆင့်ဝေငှကြရန်)
ကိုယ်ကျိုးကိုရှာခေါင်းပုံဖြတ်သမားများဖြစ်ကြ ကုန်သော ဗိုိလ်ချုပ်နေဝင်းနှင့်တော်လှန်ရေးကောင်စီ အဖွဲ့ဝင်များခေါင်းဆောင်လျက်ရှိသည့် စစ်အာဏာရှင် အစိုးရအဖွဲ့ကို ဖျက်ဆီးချေမှုန်းပစ်လိုသော ရဟန်း ရှင်လူပြည်သူလူထုတစ်ရပ်လုံးသည် တစ်ခဲနက်အြုံ<ွက လျက်ရှိသည်ကို မြန်မာပြည်မှ ထွက်မလာမီကပင် ကျွန်တော်ကောင်းစွာသိရှိခဲ့ပါသည်။
အုံကြွမှုကြီးမှာ တစ်နေ့တခြား ဒီရေအလားကဲ့သို့ ပေါက်ကွဲလုနီးနီးအဖြစ် ကြီးမားထွားကျိုင်းလျက်ရှိသည် ဆိုသောအချက်ကိုလည်း မကြာခဏ ကျွန်တော်တို့က ရရှိနေသောလျှို့ဝှက်သတင်းများအရ ကျွန်တော်တို့ သိရှိရပါသည်။
ကိုယ်ကျိုးရှာခေါင်းပုံဖြတ်သမားများဖြစ်ကြကုန်သော ဗိုလ်ချုပ်နေဝင်းနှင့် အပေါင်းပါတစ်စုတို့အား သုတ်သင်ရှင်း လင်းပစ်ရန် ကျွန်တော်တို့သည် နေ့စဉ် နှင့်အမျှ  မနေမနားကြိုးပမ်းလျက်ရှိကြပါသည်။ အစကောင်းမှ အနှောင်းသေချာသည်ဆိုသော ပညာရှိ ကြီးများ၏စကားအရ အစကောင်းရန် ကျွန်တော်တို့ သည် အထပ်ထပ် အကြိမ်ကြိမ် ကြိုးပမ်းလျက်ရှိကြ ပါသည်။
ကျွန်တော်တို့ကို ယုံကြည်၍ ကျွန်တော်တို့ ဦးဆောင်ရာသို့ လိုက်ပါလိုသူများအား ကျွန်တော်တို့ စွန့်စားရဲသည်ထက် ပိုမိုစွန့်စားကြစေလိုသောဆန္ဒများ ကျွန်တော်တို့တွင် အနည်းငယ်ခန့်မျှမရှိရကား ကျွန်တော်တို့ကိုယ်တိုင် စတင်၍တိုက်ပွဲဝင်ပါပြီဟု ကြေညာသည့်နေ့အထိ   အဆိုပါအုံကြွမှုကြီး မပေါက်ကွဲအောင် သက်ဆိုင်ရာပုဂ္ဂိုလ်အသီးသီးက အထူးထိန်းသိမ်းစောင့်ရှောက်ထားကြပါရန် ကျွန်တော်တို့ အထူးမေတ္တာရပ် လိုပါသည်။
ပြည်ထောင်စုသူ ပြည်ထောင်စုသားတို့သည် ကိုယ် ကျိုးရှာ ခေါင်းပုံဖြတ်သမားများ၏ ဘေးအန္တရာယ်များမှ လျင်မြန်စွာ လွတ်မြောက်ရေးအတွက် မိမိတို့ယုံကြည်ရာ ဘာသာအသီးသီးအရ အထူးဆုတောင်းကြစေချင်ပါ သည်။
ဗုဒ္ဓဘာသာဝင်များက မူကား ဝေသာလီပြည်ကို ဘီလူးသဘက်ဘေး၊ ရောဂါဘေး၊ ငတ်မွတ်ခေါင်းပါး ခြင်းဘေးတို့မှ လွတ်မြောက်စေခဲ့သော ရတနာသုတ် တော်ကို အဓိပ္ပာယ်နှင့်တကွ ရဟန်းတော်များထံမှ သင်ယူပြီး နေ့စဉ် အကြိမ်ကြိမ်ရွတ်ဖတ်ကြရန် အထူး မေတ္တာရပ်ခံပါသည်။
ရဟန်းရှင်လူ ပြည်သူအများ ကိုယ်စိတ်နှစ်ဖြာ ချမ်းသာပါစေ။
တော်လှန်ရေးသမားအမည်ခံ ကိုယ်ကျိုးရှာခေါင်း ပုံဖြတ်သမားများ ကျဆုံးရမည်။
ရဟန်းရှင် ပြည်သူလူထု အောင်ရမည်။

(ပုံ)မောင်နု
ဥက္ကဋ္ဌ
ပါလီမန်ဒီမိုကရေစီအဖွဲ့
၂၃.၁၁.၆၉

ထိုင်းအစိုးရသည် ဦးနုနှင့်ပြည်ပြေးတစ်စုက ထိုင်း နိုင်ငံတွင် နေထိုင်၍ နိုင်ငံရေးမလုပ်စေရပါ၊ မြန်မာနိုင်ငံ နှင့်ချစ်ကြည်ရေးမပျက်စေရပါစသည်ဖြင့် အကြိမ်ကြိမ် အထပ်ထပ်ကတိပေးခဲ့သည်။ သို့သော် ဦးနုတို့လူစုကား ခြေပုန်းခုတ်၍ ပြင်ဆင်လှုပ်ရှားနေကြပြီဖြစ်သည်။ ဖော်ပြပါ ကြေညာချက်ကို ၁၉၆၉ ခုနှစ်၊ ဒီဇင်ဘာလ ၁၉ ရက်တွင် ရန်ကုန်မြို့ တာမွေတိုက်နယ် ပထစ အတွင်းရေးမှူးဟောင်း မောင်စောထံမှ သက်ဆိုင်ရာ က ဖမ်းဆီးရမိခဲ့ခြင်းဖြစ်သည်။ မောင်စောထံမှ ဓာတ်ပုံ နှစ်ပုံပါ  ဖမ်းဆီးရမိလေရာ  ပထမဓာတ်ပုံတွင် (၁)ဗိုလ်လက်ျာ၊  (၂) သန်းသန်းနု  (ဦးနု၏ ဒုတိယသမီး)၊ (၃) ဦးနု၊ (၄) ဒေါ်မြရီ (ဦးနု၏ဇနီး)၊ (၅) အယ်နီနာနိုးပါစီစမစ် (ဦးလောရုံ၏ဇနီး)၊ (၆) အမည်မသိ၊ (၇) ဒေါ်ကြည် (ရန်ကုန်မြို့ ယူအီးအိုင် အလွတ်ပညာသင် ကျောင်းအုပ်ဆရာကြီး အီးအေ တော့ဒ်၏ဇနီး)၊ (၈) ဗိုလ်မှူးချုပ်ဟောင်း တီကလစ်၊ (၉) ဝန်ကြီးဟောင်း ကျိုက်မရောဦးသွင်၊ (၁ဝ) ဦးလောရုံ၏သား၊ (၁၁) ကျောင်းအုပ်ဆရာကြီး အီးအေတော့ဒ်၏သားနှင့်အပေါင်းပါများပါဝင်ကြ သည်။*( ချစ်ကြည်ရေးကြည်ညွန့်၏ ဦးနု၊ ဦးလောရုံ၊ အပေါင်းပါများနှင့် နယ်ချဲ့ဂိုဏ်း၊ စာမျက်နှာ ၁ဝ၂ မှ ၁ဝ၃။)
ဒုတိယဓာတ်ပုံတွင် (၁) ဦးလောရုံ၊ (၂) ဗိုလ်ရန် နိုင်၊ (၃) ဗိုလ်လက်ျာ၊ (၄) ဦးနုသမီးသန်းသန်းနု၊ (၅) ဦးနု၊ (၆) ဒေါ်မြရီ၊ (၇) ဦးလောရုံ၏ဇနီး၊ (၈) ကျောင်းအုပ်ဆရာကြီး အီးအေတော့ဒ်၏သားနှင့် အပေါင်းပါများ ပါဝင်ကြသည်။ ထိုအချိန်တွင် ညောင်ရွှေ မဟာဒေဝီ စဝ်ဟိန်ခမ်းမှာ သြစတြေးလျနှင့် ကနေဒါနိုင်ငံများသို့  ခရီးလှည့်လည်နေသည်ဟု ဆိုသည်။ ဦးသွင်သည် ၁၉၆၉ ခုနှစ်၊ စက်တင်ဘာလ တွင် ရန်ကုန်မြို့မှ ခြေရာဖျောက်သွားပြီးနောက် ဦးသွင်၊ ပါလီမန်အမတ်ဟောင်း ဗိုလ်ကျော်ထင်၊ ကျိုက်မရော ပထစအမတ်ဟောင်း  ဦးစံအုန်းတို့အပါအဝင်   နိုင်ငံရေးသမား ၁၁ ဦးအား ထိုင်းနိုင်ငံက နိုင်ငံရေး ခိုလှုံခွင့်ပေးကြောင်း အောက်တိုဘာလ ၂၄ ရက် အေပီသတင်းက ဖော်ပြခဲ့ပြီးဖြစ်သည်။
စင်စစ်ပြည်ပြေးလှုပ်ရှားမှုကြီးတစ်ခုလုံးကို ကြိုးကိုင်ထိန်းသိမ်းနေသူမှာ ဦးလောရုံပင်ဖြစ်ကြောင်း ထင်ရှားလှသည်။ ဦးနုသည်ပင်လျှင် ဦးလောရုံ၏ ညွန်ကြားချက်များအရ လိုက်နာဆောင်ရွက်နေရသည်။ သို့သော် ပြည်ပြေးများသည် ၁၉၆၉ ခုနှစ်ကုန်သည် အထိ စစ်ရေးအရ လှုပ်ရှားနိုင်ခြင်းမရှိသေးဘဲဟန်ရေး သာ ပြနေကြရသည်။ လေတိုက်ပွဲသာ ဆင်နွှဲနေကြရ သည်။ ထိုအချိန်တွင် ပြည်ပြေးဆန့်ကျင်မှု ဆန္ဒပြပွဲများ တစ်ပြည်လုံးတွင် အနှံ့အပြားပေါ်ပေါက်ခဲ့ရာ သက်ဆိုင် ရာ လုံခြုံရေးနှင့်အုပ်ချုပ်ရေးကော်မတီများက ထိန်းသိမ်း ခဲ့ကြရသည်။ သို့သော် ပြည်ပြေးများကား တစ်ပြည်လုံး ၏ ထောက်ခံမှုကို ရရှိနေသည်ဟုထင်မှတ်ကာ ပြည်ပ စွက်ဖက်မှုများကို လိုလိုလားလားဖိတ်ခေါ်၍ လက်နက် ကိုင်တိုက်ပွဲများအတွက်သာ ပြင်ဆင်နေကြလေတော့ သည်။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization