Home » » အခန်း(၇) အစိုးရနှင့် စေ့စပ်ရန် အရေးဆိုခြင်း

အခန်း(၇) အစိုးရနှင့် စေ့စပ်ရန် အရေးဆိုခြင်း


အစိုးရနှင့် စေ့စပ်ရန် အရေးဆိုခြင်း

ပြည်သူ့ဒီမိုကရေစီတပ်ပေါင်းစုနှင့် ဗမာပြည်ကွန်မြူနစ်ပါတီတို့၏ ပူးတွဲကြေညာချက်
          တပ်မတော်၏  ထိုးစစ်များကြောင့်  ဗမာပြည် ကွန်မြူနစ်ပါတီ၊ အလံနီနှင့် ရဲဘော်ဖြူတို့သည် စစ်ရေး အရ သိသာထင်ရှားစွာ ရှုံးနိမ့်လာကြသည်။ ကေအင်န် ဒီအိုများ မြို့ကြီးများကို လက်လွှတ်၍ လမ်းပန်းဆက် သွယ်ရေးခက်ခဲသည့် တောင်ပေါ်ဒေသများသို့ ဆုတ် ခွာခဲ့ကြရသကဲ့သို့ပင် ဗမာပြည်ကွန်မြူနစ်ပါတီသည်   လည်း ပျဉ်းမနားနယ်တွင် အရှုံးနှင့် ရင်ဆိုင်လာရသည်။ နှစ်နှစ်အတွင်း စစ်နိုင်ရေးလမ်းစဉ်မှာလည်း ကျဆုံး သွားပြီဖြစ်ရာ ဗမာပြည်ကွန်မြူနစ်ပါတီသည် ပြည်သူ့ ဒီမိုကရေစီတပ်ပေါင်းစုနှင့် ပူးတွဲ၍ အောက်ပါကြေညာ ချက်ကို ၁၉၅၂ ခုနှစ်၊ မတ်လ ၁၅ ရက်တွင် ထုတ်ပြန် လိုက်သည် (၁။ ရဲဘော်လှမျိုး၏ သမိုင်းဝင်စာချုပ်စာတမ်းများ၊   စာမျက်နှာ   ၃၈၉ မှ ၃၉၂ အထိ ။)
xxx
          ကမ္ဘာ့ငြိမ်းချမ်းရေး အရယူရန်အတွက် ဖဆပလ တစ်ပါတီ အာဏာရှင်အစိုးရကိုဖျက်သိမ်း၍ ငြိမ်းချမ်း ရေး ညွန့်ပေါင်းအစိုးရကို တည်ထောင်ရမည်။ မြန်မာ ပြည်တွင် လက်နက်ကိုင်တိုက်မှုများကို ဖဆပလအစိုးရ နှင့် ငြိမ်းချမ်းစွာဖြေရှင်းရန် ငါတို့အသင့်ရှိသည်။
ပြည်သူ့ဒီမိုကရေစီတပ်ပေါင်းစု ဗဟိုစည်းရုံးရေး ကော်မတီနှင့် ဗမာပြည်ကွန်မြူနစ်ပါတီ ဗဟိုကော်မတီ တို့၏ ပူးတွဲကြေညာချက် -
ယနေ့အခြေအနေ
          ဒုတိယကမ္ဘာစစ်ကြီးပြီးသည့်နောက် လူသတ္တဝါ တို့၏ အဓိကလိုလားချက်မှာ ထာဝစဉ်ငြိမ်းချမ်းရေး အရယူရေးပင် ဖြစ်သည်။ သို့ဖြစ်၍ ယနေ့အဖို့၌ တိုင်းပြည်တိုင်းရှိ ရိုးသားသော မျိုးချစ်အဖွဲ့အစည်း  များ၊ ဒီမိုကရေစီအင်အားစုများ၏ အဓိကတာဝန်မှာ ထာဝစဉ်ငြိမ်းချမ်းရေး အရယူရန်ပင်ဖြစ်သည်။ ယနေ့  အဖို့ အမေရိကန်နယ်ချဲ့သမားများသည် အင်အား အကြီးဆုံးသော နယ်ချဲ့သမားများအဖြစ် ကမ္ဘာကို လွှမ်းမိုးရန် ကြိုးစားလာသည်။ တတိယကမ္ဘာစစ်ပွဲ ဖြစ်ပွားအောင်  ကြိုးစားနေသည်။  မာရှယ်စီမံကိန်း အရ အထောက်အပံ့များပေးကာ တိုင်းပြည်များ၏ လွတ်လပ်ရေးကို ချုပ်ချယ်လာခြင်း၊ ကုလသမဂ္ဂကို လက်ဝါးကြီးအုပ်ထားခြင်း၊ အတ္တလန္တိတ်စာချုပ်ကို ချုပ်ဆိုပြီး ကိုရီးယားပြည်၌ ဝင်ရောက်စစ်ဆင်နေ    ခြင်း၊ အမေရိကန်နယ်ချဲ့သမားက ဓားမိုးကာ ဂျပန် ပြည်ငြိမ်းချမ်းရေးစာချုပ်ကို အတင်းချုပ်ဆိုခြင်း၊ အပြန်အလှန် လုံခြုံရေးစာချုပ်ဖြင့် အတိုင်းတိုင်း အပြည်ပြည်အား စစ်ရေးအရ ချုပ်ကိုင်လာခြင်း စသည် ဖြင့် တတိယကမ္ဘာစစ်ဖြစ်ပွားအောင် ကြိုးစားနေ ပေသည်။
          ဗမာပြည်၌လည်း  သခင်နု  ဖဆပလအစိုးရအား အထောက်အပံ့ အကူအညီပေးကာ ပြည်တွင်းစစ်မီးကို ပိုမိုတောက်လောင်လာစေခဲ့၏။ ဤနည်းဖြင့် သူတို့ ရည်ရွယ်ချက်အတိုင်း မြန်မာပြည်အား စစ်တလင်းဖြစ် အောင် လုပ်နေပေသည်။ ရန်ကုန်၊ မန္တလေး၊ လားရှိုး၊ မြစ်ကြီးနား အစရှိသော မြို့ကြီးများတွင် အမေရိကန် သူလျှိုကျောင်းများဖွင့်ခြင်း၊ ထိုသူလျှိုကျောင်းများတွင်  ဗမာတိုင်းရင်းသားများအပြင် ချန်ကေရှိတ်စစ်တပ်၌ အမှုထမ်းခဲ့သူများ အများအပြားပါဝင်ခြင်း၊ ရန်ကုန်- မင်္ဂလာဒုံလေယာဉ်ကွင်းကို ကမ္ဘာတွင် စတုတ္ထအကြီး ဆုံးလေယာဉ်ကွင်းအဖြစ် တည်ဆောက်နေခြင်း၊ ကရင် နီပြည်နှင့် တရုတ်-မြန်မာနယ်စပ်ဖြစ်သော မြစ်ကြီးနား၊ ဗန်းမော်၊ မူဆယ် စသည့် နေရာများ၌ လေယာဉ်ပျံ ကွင်းများ  တည်ဆောက်ခြင်း၊  စစ်တွေ၊  ပုသိမ်၊ မော်လမြိုင်၊ ရန်ကုန် အစရှိသော သင်္ဘောဆိပ်မြို့များ ၌ စစ်သင်္ဘောကြီးများဆိုက်ကပ်နိုင်ရန် ပြင်ဆင်နေခြင်း၊  ရန်ကုန်-မန္တလေးလမ်းနှင့် ဗန်းမော်၊ မိုးကုတ်၊ လားရှိုး၊  ဗန်းမော်-မန္တလေး၊ လားရှိုးကားလမ်းများကို ပြင်ဆင် တိုးချဲ့နေခြင်း၊ မြန်မာပြည်နယ်စပ်တွင် ချန်ကေရှိတ်၏ ကူမင်တန်စစ်တပ်များကို ဖွဲ့စည်းကာ တရုတ်ပြည်သူ့ သမ္မတနိုင်ငံအား တိုက်ခိုက်နေခြင်း အစရှိသည်တို့မှာ မြန်မာပြည်အား စစ်တလင်းဖြစ်အောင် လုပ်နေ ကြောင်း ထင်ရှားသည့် သာဓကများပင်ဖြစ်သည်။ အမေရိကန်နယ်ချဲ့သမားလည်း ကမ္ဘာကိုလွှမ်းမိုး ခြယ်လှယ်ရန်၊  တတိယကမ္ဘာစစ်ဖြစ်ပွားရန် အပူတပြင်း ကြိုးစားနေစဉ် တစ်ဖက်၌လည်း ဆိုဗီယက်ယူနီယံ ခေါင်းဆောင်သော တရုတ်ပြည်သူ့ဒီမိုကရေစီနိုင်ငံ များနှင့် ကမ္ဘာ့ဒီမိုကရေစီအင်အားစုများသည် အမေရိကန်နယ်ချဲ့သမားကို ဆန့်ကျင်ကာ ကမ္ဘာ့ငြိမ်းချမ်းရေး ကို အရယူရန် ကြိုးစားနေသည်။
          ဤအခြေအနေတွင် မြန်မာပြည်ရှိ အင်အားစုတို့ ၏ အဓိကတာဝန်မှာ အင်္ဂလိပ်၊ အမေရိကန်နယ်ချဲ့ ဆန့်ကျင်ကာ ကမ္ဘာ့ငြိမ်းချမ်းရေးကို အရယူရေးပင် ဖြစ်ပေသည်။ ကမ္ဘာ့ငြိမ်းချမ်းရေး အရယူရေးအတွက်  အင်္ဂလိပ်၊ အမေရိကန်နယ်ချဲ့သမားကို ဆန့်ကျင်သော အလုပ်သမား၊ လယ်သမား၊ ဓနရှင်အားလုံးသည် စည်းလုံးညီညွတ်ကာ အင်္ဂလိပ်-အမေရိကန် နယ်ချဲ့ ဆန့်ကျင်ရေးတပ်ပေါင်းစုကြီးကို ဖွဲ့စည်းရမည်။ ကမ္ဘာ့ ငြိမ်းချမ်းရေးအရယူရေး၊ အင်္ဂလိပ်၊ အမေရိကန်နယ်ချဲ့ ဆန့်ကျင်ရေးတို့အတွက် အင်္ဂလိပ်၊ အမေရိကန်နယ်ချဲ့ သမား၏ အပေါင်းပါ သခင်နု ဖဆပလ၏ တစ်ပါတီ အာဏာရှင်အစိုးရကို ဖျက်သိမ်းကာ ငြိမ်းချမ်းရေး ညွန့်ပေါင်းအစိုးရကို တည်ထောင်ရမည်။

ငြိမ်းချမ်းရေးညွန့်ပေါင်းအစိုးရ၏ အဓိကလုပ်ငန်း
          ငြိမ်းချမ်းရေးညွန့်ပေါင်းအစိုးရ၏ အဓိကလုပ်ငန်း သည် အင်္ဂလိပ်၊ အမေရိကန်နယ်ချဲ့ဆန့်ကျင်ရေး၊ ကမ္ဘာ့ငြိမ်းချမ်းရေးအရယူရေး ဖြစ်သည်။ ထိုအစိုးရ သည် တတိယကမ္ဘာစစ်တားဆီးရေး၊ ဂျပန်ပြည်တွင် လက်နက်တပ်ဆင်ရေး စသည်ဖြင့် အာရှတိုက်တစ်ခု လုံး စစ်မီးမွှေးနေသည်ကို တားဆီးရေး၊ နယ်ချဲ့သမား များက စစ်တလင်းဖြစ်အောင် လုပ်နေသည်ကို မဖြစ် အောင် တားဆီးရေး စသည်တို့ကို ဆောင်ရွက်သွားရ မည်။ ထိုအစိုးရသည် ကမ္ဘာ့ငြိမ်းချမ်းရေး၊ အင်္ဂလိပ်၊ အမေရိကန် နယ်ချဲ့ဆန့်ကျင်ရေးဟူသော အဓိက လုပ်ငန်းနှင့်ကိုက်ညီသည့် ဒီမိုကရေစီလမ်းစဉ်တစ်ရပ် ရှိရမည်။

ငြိမ်းချမ်းရေးညွန့်ပေါင်းအစိုးရဖွဲ့စည်းရေး
          ငြိမ်းချမ်းရေး   ညွန့်ပေါင်းအစိုးရအဖွဲ့တွင် အောက်ပါအင်အားစုများကို အခြေခံတည်၍ ဖွဲ့စည်း ရမည် -
       (က)   ဗမာပြည်ကွန်မြူနစ်ပါတီ   အပါအဝင် ပြည်သူ့ဒီမိုကရေစီ တပ်ပေါင်းစု၊ အလံနီ ကွန်မြူနစ်ပါတီ၊ ပြည်သူ့ရဲဘော်ပါတီ အစ ရှိသည့် တော်လှန်နေသောပါတီများ။
         (ခ)     ကော်သူလေး၊ မွန်၊ ရခိုင်၊ ရှမ်း၊ ပအိုဝ့်၊ တောင်သူ၊ ကချင်၊ ချင်း၊ ကရင်နီ စသော  တိုင်းရင်းသားလူနည်းစု တော်လှန်ရေးအဖွဲ့ အစည်းများ။
         (ဂ)     အလုပ်သမား၊ လယ်သမားပါတီ၊ ပြည်သူ့ ငြိမ်းချမ်းရေးအဖွဲ့၊ မဟာဗမာ အစရှိသော ဖဆပလ နယ်မြေအတွင်းမှ ကမ္ဘာ့ငြိမ်းချမ်း ရေးလိုလားသည့် အဖွဲ့အစည်းများ။
              (ဃ)    ကမ္ဘာ့ငြိမ်းချမ်းရေးလိုလားသည့် ဖဆပလ များ။
              (င)     ကမ္ဘာ့ငြိမ်းချမ်းရေး လိုလားသော ထင်ရှား သည့်ပုဂ္ဂိုလ်များ။

ပါတီစုအဖွဲ့အစည်းပေါင်းစုံ၊ လူမျိုးပေါင်းစုံ၏ ကွန်ဖရင့်
          ဤကဲ့သို့ ငြိမ်းချမ်းရေးညွန့်ပေါင်းအစိုးရ တည် ထောင်ရေးအတွက် ကမ္ဘာ့ငြိမ်းချမ်းရေး၊ အင်္ဂလိပ်၊ အမေရိကန် နယ်ချဲ့ဆန့်ကျင်ရေးလိုလားသည့် နိုင်ငံရေး ပါတီများ၊ လူထုအဖွဲ့အစည်းများ၊ လူနည်းစုအဖွဲ့ အစည်းများ၊ တပ်မတော်များ၊ ထင်ရှားသည့် တစ်သီး ပုဂ္ဂလများအားလုံး၏ ကွန်ဖရင့်တစ်ရပ်ကိုခေါ်ရန် လိုအပ်သည်။

သခင်နု ဖဆပလ အစိုးရနှင့်
တွေ့ဆုံဆွေးနွေးရန် အသင့်ရှိသည်
          ငြိမ်းချမ်းရေးညွန့်ပေါင်းအစိုးရ တည်ထောင်ရေး အတွက် မြန်မာပြည်တွင် လက်ရှိဖြစ်ပွားသော လက်နက်ကိုင်တိုက်ခိုက်မှုများကို ငြိမ်းချမ်းသာယာစွာ ဖြေရှင်းရေးအတွက် သခင်နု ဖဆပလအစိုးရနှင့် တွေ့ဆုံဆွေးနွေးရန် ငါတို့သည် အဆင်သင့်ရှိသည်။

ငြိမ်းချမ်းရေးလိုလားသည့် အဖွဲ့အစည်း
အားလုံးနှင့် ညှိနှိုင်းတိုင်ပင်မည်
          အထက်၌ ဖော်ပြပါရှိခဲ့သည့် ကမ္ဘာ့ငြိမ်းချမ်းရေး ရယူရေး၊ အင်္ဂလိပ်၊ အမေရိကန်နယ်ချဲ့ဆန့်ကျင်ရေး၊  ပြည်တွင်းညီညွတ်ရေး၊ ငြိမ်းချမ်းရေးညွန့်ပေါင်းအစိုးရ တည်ထောင်ရေးလမ်းစဉ်အတိုင်း ငါတို့သည် သခင်နု ဖဆပလ အစိုးရ၊ လက်နက်ကိုင်တိုက်ခိုက်နေသော  တော်လှန်ရေးအဖွဲ့အစည်းများနှင့်လည်းကောင်း၊ ကမ္ဘာ့ငြိမ်းချမ်းရေး၊ ပြည်တွင်းငြိမ်းချမ်းရေး၊ ညီညွတ်ရေး လိုလားသည့် အဖွဲ့အစည်းအားလုံးနှင့်လည်းကောင်း ညှိနှိုင်းတိုင်ပင်ကာ ပြည်သူလူထုတစ်ရပ်လုံးအား လှုံ့ဆော်စည်းရုံးသွားမည်ဖြစ်ကြောင်း။
          အလုပ်သမား၊ လယ်သမား၊ ဓနရှင်ပေါက်စ၊ တိုင်းရင်းသားအရင်းရှင်များ၊ ကော်သူလေး၊ မွန်၊ ရခိုင်၊ ရှမ်းပအိုဝ့်၊ တောင်သူ၊ ကရင်နီ၊ ဂျိန်ဖော့၊ ချင်း စသည့် အားလုံးသော တိုင်းရင်းသားလူနည်းစုများ၊ ကမ္ဘာ့ ငြိမ်းချမ်းရေးလိုလားသည့်ပါတီများ၊ ကမ္ဘာ့ငြိမ်းချမ်းရေး လိုလားသည့် ဖဆပလများ၊ ကမ္ဘာ့ငြိမ်းချမ်းရေးလိုလား သည့်ပုဂ္ဂိုလ်များ၊ ကုန်သည်ကြီးငယ်များ၊ ကျောင်းသား များ၊ စာရေးစာချီများ၊ အမှုထမ်းပေါင်းစုံများ၊ ကမ္ဘာ့ ငြိမ်းချမ်းရေးလိုလားသည့် အဖွဲ့အစည်းများ၊ ကမ္ဘာ့ ငြိမ်းချမ်းရေးလိုလားသည့် လူထုအဖွဲ့အစည်းများ၊ ကြည်း၊ ရေ၊ လေ တပ်မတော်သားများသို့။
          ပြည်သူလူထုအားလုံး၏ နယ်ချဲ့ဆန့်ကျင်ရေး၊ ငြိမ်းချမ်းရေးတပ်ပေါင်းစုကြီးကို တည်ဆောက်ကြစို့။ ငြိမ်းချမ်းရေးညွန့်ပေါင်းအစိုးရ တည်ဆောက်ကြစို့။
          မြန်မာပြည်အား စစ်တလင်းဖြစ်အောင် လုပ်နေ ခြင်းကို တားဆီးကြစို့။
          တတိယကမ္ဘာစစ်ကို တားဆီးကြစို့။ ကမ္ဘာ့ငြိမ်း ချမ်းရေး အရယူကြစို့။
          ဗဟိုကော်မတီ                                ဗဟိုစည်းရုံးရေးကော်မတီ
          ဗမာပြည်ကွန်မြူနစ်                          ပြည်သူ့ဒီမိုကရေစီ
          ပါတီ                                          တပ်ပေါင်းစု
xxx
          ဖော်ပြပါ ကြေညာချက်အရ ကွန်မြူနစ်များသည် စစ်ရေးအခြေအနေ ရှုံးနိမ့်လာသဖြင့် ငြိမ်းချမ်းရေး ကြွေးကြော်သံကို ကိုင်စွဲကာ စေ့စပ်ရေးပြုလုပ်ရန် ကမ်းလှမ်းခဲ့ကြခြင်းပင် ဖြစ်သည်။

ဖဆပလ အဖွဲ့၏တုံ့ပြန်ချက်
          ဗမာပြည်ကွန်မြူနစ်ပါတီနှင့် ပြည်သူ့ဒီမိုကရေစီ တပ်ပေါင်းစုတို့၏ ပူးတွဲကြေညာချက်ကို ၁၉၅၂ ခုနှစ်၊ မတ်လ ၁၅ ရက်တွင် ထုတ်ပြန်ခဲ့ခြင်း ဖြစ်သည်။ ဖဆပလ အဖွဲ့သည် ကွန်မြူနစ်များ မရှူသာ မရှိုက်သာ ဖြစ်နေသဖြင့် အသက်ရှူပေါက်ရအောင် ပရိယာယ် ဟန်ဆောင်ကြခြင်းဟူ၍သာ သုံးသပ်သည်။ ထို့ကြောင့် ပူးတွဲကြေညာချက်ကို လက်မခံဘဲ ၁၉၅၂ ခုနှစ်၊ ဧပြီ လ ၁ဝ ရက်တွင် အောက်ပါကြေညာချက်ကို ထုတ်ပြန် လိုက်သည်။   (၁။ ရဲဘော်လှမျိုး၏ သမိုင်းဝင်စာချုပ်စာတမ်းများ၊  စာမျက်နှာ  ၃၉၃ မှ ၃၉၇ ။)
xxx
ကွန်မြူနစ်သူပုန်တို့၏ မြေပေါ်မြေအောက်စစ်ရေး နှင့် နိုင်ငံရေးပရိယာယ်များကို သုံးသပ်ချက်
ကွန်မြူနစ်တို့၏ နည်းပရိယာယ်
          (၁) ယခုအခါ နိုင်ငံတော်အစိုးရ၏ ဗမာ့လက်နက် ကိုင်တပ်မတော်သည် အင်အားဖြည့်တင်း ပြန်လည် ဖွဲ့စည်းတိုက်ခိုက်နိုင်စွမ်းရှိသောကြောင့်လည်းကောင်း၊ ကွန်မြူနစ်နှင့် ရောင်စုံသူပုန်တို့၏ လက်နက်ကိုင် တော်လှန်ရေးသည် ပြည်သူလူထုငြိမ်းချမ်းရေးသို့ ပို့ ဆောင်နိုင်စွမ်းမရှိသောကြောင့်လည်းကောင်း၊ သူပုန် တို့အပေါ်တွင် မြို့ရော တောပါ ပြည်သူလူထု၏ ထောက်ခံမှု ကင်းကွာလာခဲ့လေသည်။ ဤမျှမက အစိုးရ၏ထိုးစစ်ဆင်မှုကို ကျေးရွာနယ်မြေလူထု၊ မြို့နေ လူထုက ထောက်ခံမှု၊ ကူညီမှု၊ အားပေးမှုတို့ကြောင့်  နေရာတကာတွင် သောင်းကျန်းသူကွန်မြူနစ်တို့မှာ အလူးအလဲခံနေရပေပြီ။ သူပုန်တပ်သားများထွက်ပြေး ခြင်း၊ သူပုန်တပ်များအား လူထု အကြည်အညိုအမျိုး အစားယုတ်လျော့သွားခြင်း၊ သူတို့ဘက်မှ လက်နက် ခဲယမ်းမီးကျောက်များ၊ လက်နက်ရုံ၊ မိုင်းဗုံးရုံများ ဆုံးရှုံးရခြင်း၊ သူတို့၏ အခြေခံစခန်းများပျက်စီး၍ သားတွဲလွဲ၊ သမီးတွဲလွဲ၊ မယားအကွဲကွဲနှင့် ထမင်းနပ် မှန်အောင် မစားကြရဘဲ ပြေးကြရခြင်း၊ အငိုက်အဖမ်း ခံရကာ အရေးကြီးသည့်ဌာနများ၊ စာရွက်စာတမ်း မှတ်တမ်းများကို လက်လွတ်ပြေးကြရခြင်းတို့ကိုလည်း  ခံစားနေကြရ၏။ ယခင်နှစ်များကကဲ့သို့ တပ်မတော် တွင် အင်အားမပြည့်၊ တနင်္ဂနွေ တစ်ပတ်နှစ်ပတ်မျှ သာ မွှေနှောက်၍ တပ်မတော်က ပြန်သွားလိမ့်မည်ဟု မိမိတို့ကိုယ်တိုင်ကလည်း ယုံကြည်ကာ ဝါဒဖြန့်ခဲ့ခြင်း မှာ တက်တက်စင်လွဲမှားပြီး ယခုအခါ တပ်မတော်မှာ  ခိုအောင်းရာ တောစခန်းများတွင် အခြေစိုက်၍ သူတို့ အား မျက်ခြည်မပြတ် တိုက်ခိုက်လျက် ရှိလေသည်။  အစိုးရဘက်မှ သိမ်းပိုက်ထားသော ကျေးရွာတိုင်း၌ လည်း သူပုန်တို့အား အော့နှလုံးနာကြသည့်အလျောက် လွတ်လပ်စွာ လူမှုဆက်ဆံရေးများကို ခံစားရပြီး ဖဆပလ အစိုးရအဖွဲ့၏ ပြောင်မြောက်သော  စစ် စွမ်းရည်၊ နိုင်ငံထူထောင်ရေးစွမ်းရည်တို့ကို အားကိုး ကြလျက် စိတ်ရောကိုယ်ပါ အားပေးလျက် ရှိခဲ့ပေပြီ။
          (၂)     သူတို့ စစ်ရေးတွင် အရေးပါ အရာရောက် သော တပ်မှူးများ တိုက်ပွဲတိုင်းတွင် ကျဆုံးရခြင်း၊ လက်အောက်ငယ်သားများ စိတ်ဓာတ်အထူးနိမ့်ကျ လျက်ရှိခြင်း၊ အနယ်နယ်တွင် ပြေးပေါက်လည်း မရှိ တော့ဘဲ ဒုက္ခဆင်းရဲနှင့် တွေ့ကြုံနေရခြင်းတို့ကို အဖတ်ဆယ်လိုသောသဘောဖြင့် ကွန်မြူနစ် ဗဟို စည်းရုံးရေးကော်မတီသည် ဖမ်းဆီးရမိသော မှတ်တမ်း များမှ နိုင်ငံတော်အစိုးရအား စစ်ရေးတိုက်ပွဲမှ နိုင်ငံရေး တိုက်ပွဲသို့ ပြောင်းပြန်လှန်၍ ပရိယာယ်ပြောင်းမှုကို အကဲခတ်မိရန် အထူးသတိပြုရပေမည်။ သို့ လမ်းစဉ်  ပြောင်းရာတွင် ပြည်သူလူထုကို နားလှည့်စရာ၊ တွေဝေ စရာ၊ အစိုးရ၏ သက်ညှာမှုကိုရစရာဟူ၍ အောက်ပါ ဆင်ခြေများနှင့် အသက်ရှူပေါက်ယူခြင်းသာ ဖြစ်လေ သည်။ ထိုနည်းလမ်းမှာ အခြားမဟုတ် -
          (က) နယ်စပ်တွင်ရှိသော တရုတ်ဖြူကေအမ်တီ ကို တစ်မျိုးသားလုံး၏ရန်သူအဖြစ် ပြယုဂ်ဖော်၍ သူတို့နှင့် ပူးတွဲတိုက်ခိုက် အသက်ရှူပေါက်ယူရန်။ ဥပမာ (ဂျပန်ကို ချန်ကေရှိတ်နှင့် မော်စီတုံးပေါင်း တိုက်ရေး) ဆင်ခြေပင်ဖြစ်သည်။
          (ခ) ထိုသို့ ကေအမ်တီကို ပူးတွဲတိုက်ခိုက်        ချေမှုန်းရန်ဟူသော ဆင်ခြေနှင့် တစ်ဆက်တည်း အင်္ဂလိပ်အမေရိကန်နယ်ချဲ့သမားတို့ကို တိုက်ခိုက် ချေမှုန်းရန်ဟူသော ဆင်ခြေလည်း တစ်ဆက်တည်း ပါလာခဲ့လေသည်။
          အထက်ပါ အကြောင်းပြချက်နှစ်ချက်ကို သူတို့၏ ဗဟိုစည်းရုံးရေးကော်မတီသည် ဖမ်းဆီးရမိသော မှတ်တမ်း၊ ပြန်တမ်းများအရ ၁၆-၁-၅၂ ခုနှစ်တွင် လေးနက်စွာ စဉ်းစားဆုံးဖြတ်ကြသည်။ ထိုလုပ်ငန်းစဉ် များကို အကောင်အထည်ဖော်၍ ကြွေးကြော်လုပ်ကိုင် နိုင်ရန် မြေပေါ်နိုင်ငံရေးသမားဖြစ်သော ဆိုရှယ်နီ ပါတီဝင်များ၊ အလင်းရောက် ပြည်သူ့ရဲဘော်များ၊ မဟာဗမာအဖွဲ့နှင့် အခြားအတိုက်အခံအဖွဲ့များက မြေပေါ်နိုင်ငံရေးဆင်နွှဲပေးရန်ဖြစ်သည်။ အထူးသဖြင့် အလုပ်သမား၊ လယ်သမားပါတီအမည်ခံ ဆိုရှယ်နီတို့ သည် ကွန်မြူနစ်တို့နှင့် တိတ်တိတ်ပုန်းဆွေးနွေး၍ လုပ်ငန်းစဉ်ချမှတ်ခြင်းများရှိကြောင်း။ ကွန်မြူနစ် သခင်ချစ်၏မှတ်တမ်းမှ တွေ့ရှိရပြီး ဖြစ်လေသည်။ စစ်မျက်နှာတိုင်းတွင် တိုက်ခိုက်လျက်ရှိသော အစိုးရ တပ်မှူးများထံသို့လည်း ငါတို့အား မတိုက်ပါနှင့်၊ တို့နှင့် ငြိမ်းချမ်းရေးဆွေးနွေးစေလိုကြောင်း ဆွယ်တရားစာ များ ပေးကြသည်။
          ကွန်မြူနစ်တို့သည် ယခင်အချိန်အခါများက ကမ္ဘာစစ်ကြီးဖြစ်လိမ့်မည်ဟု ယူဆပြီး အဘက်ဘက်မှ စစ်ဟန်ပါသော လှုံ့ဆော်ရေးများကို နှစ်နှစ်အတွင်း စစ်အောင်ရမည်ဟု ကြုံးဝါြးေ<ွကးကြော်ချက်ဖြင့် သူပုန် သွေးများ၊ သူတို့နောက်လိုက်များအား သွတ်သွင်းပေး ခဲ့လေသည်။ ယခုအခါ ကမ္ဘာ့အခြေအနေသည် တစ်မျိုး  တစ်ဖုံပြောင်းလဲလျက် ကမ္ဘာစစ်မှာ ဝေးသယောင် ယောင်ရှိရုံမက ဆိုဗီယက်တို့ဖောက်ခွဲလိုက်သော ကိုရီးယားစစ်တွင် တရုတ်တို့ အကျနာလျက်ရှိခြင်း၊ ဘာလင်ပိတ်ဆို့မှုသည် အမြတ်မထွက် အရှုံးထွက်ခြင်း၊  ဤသို့ ဆိုဗီယက်က ခပ်ကြမ်းကြမ်း စစ်ပူလေးများကို စလိုက်ခြင်းဖြင့် အမေရိကန်တို့က လူလက်နက်ပစ္စည်း အင်အားဖြင့် စတင်တိုက်ခိုက်ရန် ပြင်ဆင်လာခြင်းတို့ ကြောင့် ပြင်ဆင်ထားမှုမခိုင်လုံသေးသော ဆိုဗီယက် သည် ကျောင်းဆရာများ၊ ဘုန်းကြီးများနှင့် ပညာသည် များပါသော ကမ္ဘာ့ငြိမ်းချမ်းရေးကွန်ဂရက်နှင့် လမ်း ပြောင်းဟန့်တားထားရလေသည်။ အမေရိကန်တွင် လည်း ကမ္ဘာစစ်ဖြစ်က သူတို့ဘက်တော်သားအဖြစ် ပါဝင်ရင်း အမြတ်ကြီးစားထားသော ပစ္စည်းဥစ္စာများ ကို တိုင်းငယ်ပြည်ငယ်တို့အား တပည့်မွေး ဝေငှရ  သဖြင့် အမောဆို့ခဲ့လေသည်။ ငါတို့မြန်မာပြည်လည်း  ဤဆွမ်းကြီးလောင်းပွဲတွင် ပါဝင်အရယူခဲ့၏။ အမှန် မှာ တစ်ကမ္ဘာလုံးတွင် တိုင်းပြည်တိုင်း၌ စစ်ကို မလိုလား၊ ရွံမုန်းလျက်ရှိကြသဖြင့် တောမီးလောင် တောကြောင် လက်ခမောင်းခတ်လိုက်သော ကွန်မြူနစ်တို့အတွက်  လက်ရှိအခြေအနေအရ အစိုးရဘက်တော်သားများ အား မျက်ရည်ခံထိုးခြင်း၊ လေယာဉ်ပျံကွင်းပြင်ဆင်ခြင်း၊  သင်္ဘောဆိပ်ပြင်ခြင်း၊ လမ်းပြင်ခြင်း၊ စစ်ရေးမပါသော နိုင်ငံခြားအကူအညီယူခြင်းများဖြစ်သော အစိုးရ၏ ပြန်လည်ထူထောင်ရေးလုပ်ငန်းများကို အကြောင်းမရှိ အကြောင်းရှာ၍ အပြစ်ဖို့ခြင်းများမှာ ပြည်သူလူထု နားသို့ မဝင်စေဘဲ တံတားဖျက်၊ လမ်းဖျက်၊ ငွေတိုက် ဖောက်၊ လူထုထံမှ တိုက်ကြေး၊ ဆက်ကြေးတောင်း၊ လူထုထမင်းလုတ်မှ ထမင်းထုပ်တောင်းသော အဖြစ် ဆိုးများကိုသာ ပြည်သူလူထုက အော့နှလုံးနာကြ လေသည်။
          (၁)     သူတို့၏ စစ်ရေး၊ နိုင်ငံရေး အရှုံးကြီးရှုံးနေ ခြင်းများ။
         (၂)   သူတို့  လပေါင်းများစွာ   စိုးမိုးကွပ်ကဲခဲ့ သော ကျေးရွာနယ်မြေရှိ လူထု စီးပွားရေး၊ ပညာရေး၊ ဆက်ဆံရေးများ ကျဆုံးနေခြင်း များ။
       (၃)     သူတို့၏ လက်နက်ကိုင်တပ်တွင် လက် အောက်ငယ်သားများ စိတ်ဓာတ်ချောက်ချား ၍ လက်နက်ချလိုသော စိတ်ဓာတ်များ။
          အထက်ပါအချက်များကို ဟန့်တား အသက်ရှူ ပေါက်ယူနိုင်ရန် နိုင်ငံတော်အစိုးရအား ရှေ့ဆောင် လျက်ရှိသော  နိုင်ငံရေးအဖွဲ့အစည်းများ၊  ဗမာ့ တပ်မတော်သားများ၊  တာဝန်ခံ  တပ်မှူးများအား သူတို့ စစ်မတိုက်လိုကြပါ။ ငြိမ်းချမ်းရေး လိုလားပါ သည်။ စေ့စပ်ရေး လုပ်လိုပါသည်။ နှစ်ဦးနှစ်ဖက် ပြေငြိမ်းလိုပါသည်။ သူတို့သည် နိုင်ငံတော်အစိုးရ၏ အဓိကရန်သူ မဟုတ်ပါ။ နယ်ခြားတွင်ဖြစ်ပွားလျက် ရှိသော တရုတ်စစ်ပြေး ကေအမ်တီများသာ အဓိက ရန်သူဖြစ်ပါသည်။ အင်္ဂလိပ်၊ အမေရိကန်အား ပူးပေါင်း ဆန့်ကျင်လိုပါသည် စသော အကြောင်းပြချက်များကို  ယခုအခါ မြေပေါ်မြေအောက်တင်ပြလျက် အထိုးခံရ သော လက်ဝှေ့သမားသည် အချိန်မစေ့မီ နှာခေါင်း သွေးထွက်ခြင်းကို ခေတ္တနှာနှတ်လိုသောသဘောဖြင့် အကြောင်းပြခြင်းများသာ ဖြစ်ပေသည်။

စေ့စပ်ရေးလိုက်လျောမှုများ
          ဤကဲ့သို့ စေ့စပ်ရေးများကို လက်ခံလိုက်ခြင်း အားဖြင့် ပြည်ထောင်စုတစ်ရပ်လုံး ၁၉၄၈-၄၉ ခုနှစ် များတွင် မီးဟုန်းဟုန်းတောက်၍ ဒုက္ခကြီးရောက်ရ သော အဖြစ်အပျက်များကို ဆင်ခြင်သုံးသပ်ရန် လိုပေ သည်။ ပြည်ထောင်စုမြန်မာနိုင်ငံတော်သည် လွတ်လပ် ရေးရရှိပြီးနောက် ကွန်မြူနစ်ဖြူနီတို့သည် မိမိတို့၏ ယုံကြည်ချက်လမ်းစဉ်ဝါဒများအား နိုင်ငံတော်လူထု   သို့ လူထုနည်း၊ ဒီမိုကရေစီနည်းစနစ်အားဖြင့် တင်ပြ ဖြေကြားခြင်းမရှိဘဲ လက်နက်စွဲကိုင်တော်လှန်ပုန်ကန် ခဲ့ကြလေသည်။ ၁၉၄၈ ခုနှစ်၊ မတ်လဆန်းလောက် တွင် ပြည်သူ့ရဲဘော်အဖွဲ့ကြီးသည် ဖဆပလအတွင်း ရဲဘော်အဖြူအဝါကွဲလျက် ရဲဘော်ဖြူတို့သည် လက်နက် စွဲကိုင်သောင်းကျန်းကြပြန်သည်။ ဖဆပလ အဖွဲ့ချုပ် မှ တာဝန်ရှိသော ခေါင်းဆောင်တို့သည် ထိုကိစ္စနှင့် စပ်လျဉ်း၍ ကွန်မြူနစ်သူပုန်များဖြစ်သော ဗိုလ် ရန်အောင်၊ ဗိုလ်သိန်းဒန်၊ ဗိုလ်အောင်မင်း၊ တပ်မတော် စစ်ပြေးများဖြစ်သည့် ဗိုလ်ဇေယျ၊ ဗိုလ်ရဲထွဋ်၊ ဗိုလ် သက်ထွန်း၊ ဗိုလ်သိန်း၊ ရဲဘော်ဖြူသူပုန်များဖြစ်သော ဗိုလ်ဖိုးကွန်း၊ ဗိုလ်ထွန်းလင်း၊ ဗိုလ်အောင်ညွန့်စသော သူပုန်တို့နှင့် နိုင်ငံတော်ငြိမ်းချမ်းသာယာရေးအတွက် ညီညွတ်ရေးလမ်းစဉ်များကို လျှို့ဝှက်စွာ ချမှတ်ဆွေးနွေး ခဲ့ကြလေသည်။ ထိုဆွေးနွေးပွဲများ စတင်သည့်အချိန်မှာ ပင်လျှင် ကေအင်န်ဒီအို ကရင်သူပုန်တို့သည်လည်း အင်းစိန်မှအစ နိုင်ငံနှင့်အဝန်း ထြ<ွကပုန်ကန်ခဲ့ကြလေ သည်။
          ဤသို့ နိုင်ငံတော်၏ အခြေအနေဆိုးများကို ကယ်တင်နိုင်ရန် ဖဆပလအဖွဲ့မှ ခေါင်းဆောင်တို့  သည်  နိုင်ငံတော်အစိုးရ၏  စီးပွားရေး၊  စစ်ရေး၊ နိုင်ငံရေးစသော အဖြစ်အပျက်မှန်တို့ကို ထုတ်ဖော် ပြောပြပြီး အစိုးရအဖွဲ့တွင် ဝင်ရောက်ဆောင်ရွက်နေ ကြသော ဆိုရှယ်လစ်ခေါင်းဆောင်တို့ပင်လျှင် ရာထူး မှ နုတ်ထွက်ပေးမည့်အပြင် အခြေခံဥပဒေအရ သူပုန် ခေါင်းဆောင်တို့က ဝင်ရောက်နေရာယူမှုကိုပင် ထောက်ခံကြမည်ဟု ကတိပြုခဲ့ကြလေသည်။ အကြိမ် ပေါင်းမြောက်မြားစွာ ဆွေးနွေးချက်များကို အမှီပြု  လျက် တပ်မတော်သူပုန်၊ ရဲဖြူသူပုန်၊ ကွန်မြူနစ်သူပုန် ခေါင်းဆောင်တို့သည် ၁၉၄၉ ခုနှစ်၊ မတ်လ ၁၅ ရက် နောက်ဆုံးထားလျက် သူပုန်တို့သိမ်းပိုက်ထားသော နယ်မြေအတွင်းရှိ မကွေးမြို့တွင် ညီလာခံတစ်ရပ် ခေါ်ယူဆွေးနွေးပြီး ပြန်ခဲ့ကြပါမည်ဟူသော ကတိဖြင့်  မကွေးမြို့သို့အရောက် အကူအညီများပေး၍ ပို့လိုက် ကြပြီး ညီလာခံကျင်းပကြလေသည်။
          ဤမျှ ညီညွတ်ရေးကို အဆင့်ဆင့် လိုက်လျော စေ့စပ်နေစဉ် နယ်ချဲ့ထိုးစစ်နှင့် ကရင်သူပုန်အန္တရာယ် တို့သည် ကြောက်မက်ဖွယ် ပြင်းထန်လာလေသည်။  ဘဏ္ဍာရေး၊ စီးပွားရေးအခက်အခဲတို့သည် တစ်နေ့ တခြား တိုး၍ ဖိလာလေသည်။ နိုင်ငံရေးပယောဂတို့ ဖြင့် အမှုထမ်း၊ အရာထမ်းတို့၏ သစ္စာဖောက်မှုများ တစ်ခုပြီးတစ်ခု ဆင့်ကဲလာလေသည်။ ကွန်မြူနစ်တို့ သည် ကရင်သူပုန်နှင့် ပူးပေါင်းကာ မကြုံဖူး မကြားဖူး လောက်အောင် ဖောက်ပြန်၍ လာကြလေသည်။ ညီညွတ်ရေးခေါ်စဉ်က ပေးသွားကြသော ကတိများ၊ လမ်းစဉ်များကို သွေးနားထင်ရောက်မှု၊ အထင်ကြီးမှု၊ နိုင်ငံတော်လူထု၏ ဒုက္ခဆင်းရဲ တွေ့ကြုံရမည့်ဘေးဆိုး များကို တင်ကြိုမြော်မြင် တွေးဆမှုများပျောက်ကွယ် ကြပြီး မကွေးညီလာခံတွင် ကွန်မြူနစ်၊ ရဲဘော်ဖြူ၊ တောခိုတပ်မတော် စသော အင်အားသုံးရပ်ဖြင့် ဒီမို ကရေစီတပ်ပေါင်းစု ဖွဲ့စည်းကြလျက် ရန်ကုန်အနီး မှော်ဘီနယ်တစ်ဝိုက်အထိ သိမ်းပိုက်စစ်ဆင်ခဲ့ကြလေ  သည်။ နောက်ဆုံး အစိုးရနှင့်ပေါင်း တိုက်နေပါသည်၊  ဆွေးနွေးနေပါသည်၊   ညီညွတ်ရေးရပါတော့မည်  ဟူသော အကြောင်းပြချက် နားလည်မှုဖြင့် ခရိုင်သိမ်း၊ မြို့သိမ်း၊ ရွာသိမ်း၊ ငွေတိုက်ဖောက်၊ လက်နက်သိမ်း၊ အုပ်ချုပ်ရေးများကိုပါ ထိပါးဇက်ရဲလာခဲ့ကြလေသည်။  သူတို့၏ မတည်ကြည်မှုကြောင့် -
          (၁)     တိုင်းပြည်၏ စီးပွားရေး၊ ဘဏ္ဍာရေး၊ နိုင်ငံ တော်၏ ထွက်ကုန်ပို့ဆောင်ရေးတို့သည် မျှော်လင့်ချက်ကင်းမဲ့လာကြသည်။
          (၂)     ကမ္ဘာ့နိုင်ငံရေးဇာတ်ခုံတွင် မြန်မာပြည်သည် သေးငယ်တိမ်မြုပ်၍ တံတွေးခွက် ပက်လက် မျောခဲ့ရသည်။
          (၃)     နိုင်ငံတော်အစိုးရ၏ တိုက်အားခိုက်အားတို့ မှာလည်း နွမ်းနယ်ပျက်ပြား၍လာသည်။
          (၄)     ပြည်သူလူထုတစ်ရပ်လုံးမှာလည်း ဆောက် တည်ရာမရအောင် ဆင်းရဲစိတ်ပျက် ဒုက္ခ ကြီးနှင့် ကြုံတွေ့ခဲ့ရလေသည်။
          ညီညွတ်ရေးခေါ်ယူဆွေးနွေးစဉ်က သူတို့အား ရန်မမူခဲ့ရုံမက အကြီးဆုံးဖြစ်သော ကေအင်န်ဒီအို သူပုန်ကိုသာ တိုက်ခဲ့ကြသည်။ သို့စဉ်လျက် နိုင်ငံတော် အစိုးရအား ကရင်သူပုန်တို့နှင့် အလူးအလဲတိုက်ခိုက် နေစဉ် မကူညီရုံသာမက နောက်ကျောကို ဓားနှင့်ထိုးခဲ့ ကြလေသည်။ နောက်ဆုံး အစိုးရအဖွဲ့ လတ်တလော ပြုတ်ကျသွားပါက ဂျာမနီကို အင်္ဂလိပ်၊ အမေရိကန်၊ ပြင်သစ်၊ ဆိုဗီယက်တို့ နယ်ခွဲသိမ်းသကဲ့သို့ နယ်ပိုင်၊ တိုင်းပိုင်၊ မြို့ပိုင်အဖြစ် အစိတ်စိတ်အမြွှာမြွှာ ကွဲပြား ရမည့် မြန်မာနိုင်ငံ၏အဖြစ်သည် ဆိုးရွားလှသောအခြေ သို့ ကျရောက်ရလေတော့သည်။
          ပြည်ထောင်စု မြန်မာနိုင်ငံအပေါ်ကျရောက်လျက် ပြည်ထောင်စုတည်မြဲရေး၊ ပြည်သူလူထု ငြိမ်းချမ်းရေး အမှန်တကယ်ရရှိမည့် နည်းလမ်းသာလျှင် ဒီမိုကရေစီ အစဉ်အလာနှင့် မဆန့်ကျင်က လိုက်လျောလက်ခံရ ပေမည်။ လက်ခံရုံသာမက မိမိတို့တွင်ရှိသော အခွင့် အာဏာများကိုပင် စွန့်လွှတ်ခဲ့ကြရပေသည်။ ခေါင်း ဆောင်မပီသသော ရောင်စုံသူပုန်တို့၏ လမ်းမှားကြောင့်  နောက်ဆုံး အလျှော့မပေးဘဲ  မှန်ကန်သည့်ဘက်မှ  ရာဇဝင်ကို အသက်သွေးနှင့်ရေး၍ ပုဂ္ဂိုလ် ပါတီအနိုင် ရရေးထက် ရာဇဝင် သစ္စာဖောက်သမားများဘဝနှင့်  နိုင်ငံတော်အား အဓမ္မ သစ္စာဖောက်သမားများလက် သို့ ဝကွက်မအပ်ဘဲ တိုက်ရင်း အသေခံ၍ နိုင်ငံတော် ၏ သစ္စာတော်ခံယူရန် ဆုံးဖြတ်အဓိဋ္ဌာန်ပြု၍ နိုင်ငံ တော်၏အကျိုးကို တက်ညီလက်ညီ ချီတက်တိုက်ခိုက် ထူထောင်ခဲ့ကြရသည်။ ပြည်ထောင်စု မြန်မာနိုင်ငံတော် ၏ တိုးတက်ကြီးပွားရေးလမ်းစများကို ရောင်စုံသူပုန် တို့၏ အမှောင်အခိုးတို့ဖြင့် ပိတ်ဆိုင်းအုံ့မှိုင်းနေရာမှ အလင်းရောင်သည် တစ်နေ့ထက်တစ်နေ့၊ တစ်လထက် တစ်လ၊ တစ်နှစ်ထက်တစ်နှစ် ယှက်သန်းပေါ်ထွက် တခြိမ့်ခြိမ့် အောင်ပွဲခံလျက် ရှိပေပြီ။
          ထို့ကြောင့် သူတို့ပရိယာယ်ဝေဝုစ်ဖြင့် မျက်ရည် ခံထိုးစေ့စပ်ရေး ကမ်းလှမ်းချက်များကို လက်ခံ ဆွေးနွေးခြင်းအားဖြင့် အောက်ပါအချက်များအရ  ကွန်မြူနစ်သူပုန်တို့သည် အသက်ရှူပေါက်ယူကြလိမ့် မည်မှာ သေချာပေသည် -
          (၁)     သူတို့တပ်တွင်း လက်နက်ချလိုသူများအား ရပ်ဆိုင်းဟန့်တားထားနိုင်ရန် (စေ့စပ်ရေး လုပ်နေပြီဟု အကြောင်းပြချက်ဖြင့်)
          (၂)     စိတ်ဓာတ်ပျက်နေသူ ကွန်မြူနစ် အထက် အောက်ပုဂ္ဂိုလ်များအား စိတ်ဓာတ်မြှင့်တင် ပေးဖို့ အချိန်ယူရန်။
          (၃)     ဖရိုဖရဲဖြစ်နေသော သူတို့အင်အားစုများကို  ပြန်လည် စည်းရုံးနိုင်ခွင့်အချိန် ရယူရန်။
          မှတ်ချက်။    ။ ကရင်သူပုန် စောဘဦးကြီးနှင့် စေ့စပ် ဆွေးနွေးရေးလုပ်၍ ကရင်သူပုန်ကြီးကျယ်လာခြင်း၊ ကွန်မြူနစ်၊ ရဲဘော်ဖြူ၊ တောခိုတပ်မတော်ဗိုလ်များနှင့် စေ့စပ်ရေးလုပ်၍ ရန်ကုန်အစိုးရအဖြစ် နယ်ကျဉ်း လာခြင်းများသည် ရာဇဝင်အရ မမေ့ထိုက်၊ သတိမူ ရမည့်အချက်များ ဖြစ်လေသည်။
          အထက်ပါကြေညာချက်မှာ ဖဆပလအဖွဲ့က ကွန်မြူနစ်တို့၏ စေ့စပ်ရေးလမ်းစဉ်ကို လက်မခံဘဲ  ရှုတ်ချလိုက်ခြင်းဖြစ်သည်။ ၁၉၄၈ ခုနှစ်၊ ဇွန်လ ၃ဝ ရက်တွင် လွတ်ငြိမ်းချမ်းသာခွင့် ထုတ်ပြန်ပေးခဲ့ဖူးရုံ သာမက စေ့စပ်ဆွေးနွေးရေးကို အကြိမ်ကြိမ် ဖိတ်ခေါ် ခဲ့သော ဖဆပလ အစိုးရသည် ကွန်မြူနစ်တို့ဘက်မှ ပျော့ပျောင်းလာသောအခါတွင်မူ လက်မခံဘဲ ပယ်ချ ခဲ့လေသည်။

         



Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization