Home » » အခန်း(၁၂) ဗိုလ်ထွန်းငြိမ်း၊ ဗိုလ်ထွန်းရှိန်နှင့် တက္ကသိုလ်ကျောင်းသားများ

အခန်း(၁၂) ဗိုလ်ထွန်းငြိမ်း၊ ဗိုလ်ထွန်းရှိန်နှင့် တက္ကသိုလ်ကျောင်းသားများ


အခန်း(၁၂)
ဗိုလ်ထွန်းငြိမ်း၊ ဗိုလ်ထွန်းရှိန်နှင့် တက္ကသိုလ်ကျောင်းသားများ
ဗိုလ်ထွန်းငြိမ်း(၁။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၁၃၇ မှ ၁၂၆၉ ထိ။))
သခင်သန်းထွန်းနှင့်တော်လှန်သောနိုင်ငံရေး ဦးဆောင်အဖွဲ့ဝင်များသည် ပြည်ပပြန် ဗိုလ်ထွန်းငြိမ်း အား တိုက်တိုင်းအောင်(၁)တွင် တာဝန်ပေးထားရာမှ ပြန်လည်ခေါ်ယူပြီး မြစ်ဝကျွန်းပေါ် တိုင်းတည်ဆောက် ရေးတပ်တွင် တာဝန်ပေးအပ်ခဲ့သည်။ မြစ်ဝကျွန်းပေါ် တိုင်းတည်ဆောက်ရေးတွင် ဗိုလ်ထွန်းငြိမ်းအပေါ် မကျေနပ်သူအချို့က ဗဟိုသို့ စာရေး၍ တင်ပြရာမှ သခင်သန်းထွန်းတို့လူစုသည် ဗိုလ်ထွန်းငြိမ်းအပေါ် သင်္ကာမကင်းဖြစ်လာကြသည်။ လျှို့ဝှက်စုံစမ်းလေ့လာမှုတွေ ပြုလုပ်လာသည်။ ရဲဘော်မညွန့်ညွန့်အား ဗဟိုမာ့ခ်စ်လီနင်ဝါဒ ကျောင်းသို့တက် ရောက်ရန် ခေါ်ယူလိုက်သောအခါ မညွန့်ညွန့်က ''တော်လှန်သော နိုင်ငံရေးဦးဆောင်အဖွဲ့၏ တတိယပတ် ဗဟိုမာ့ခ်စ် လီနင်ဝါဒကျောင်းကို တက်ရောက်သင်ကြားခြင်းထက် ဗိုလ်ထွန်းငြိမ်း၏ မြစ်ဝကျွန်းပေါ်တိုင်း တည်ဆောက် ရေး၌ လက်တွေ့လေ့လာခြင်းက ပိုအကျိုးရှိသည်''ဟု ပြန်ကြားလိုက်တော့သည်။ (၂။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၁၄၈။))


 ရဲဘော်မညွန့်ညွန့်၏ ပြန်ကြားချက်သည် ဗိုလ်ထွန်းငြိမ်းက ပါတီဗဟိုကို စိန်ခေါ်ခြင်းပင်ဖြစ်သည်ဟု သခင်သန်းထွန်းနှင့် တော်လှန်သော နိုင်ငံရေး ဦးဆောင်အဖွဲ့က ယူဆကြသည်။ ထိုအချိန်တွင် ဗိုလ် ထွန်းငြိမ်းနှင့်ပတ်သက်၍ လျှို့ဝှက်အစီရင်ခံစာများ တင်ပြချက်များလည်း အဆက်မပြတ်ရောက်ရှိနေသည်။ သခင်သန်းထွန်းသည် ၁၉၆၈ ခုနှစ်၊ ဇွန်လ ၁ ရက် နေ့တွင် ပြည်ခရိုင်ပါတီ ကော်မတီနှင့် တိုက်တိုင်းအောင် တပ်ခွဲ(၂) ဖွဲ့စည်းခြင်းအတွက် ပေးစာနှစ်စောင်ကို ထုတ်ပြန်ခဲ့သည်။ ယင်းပေးစာနှစ်စောင်သည် ဗိုလ် ထွန်းငြိမ်း ချေမှုန်းရေးအတွက် ပထမအဆင့်ပင်ဖြစ် သည်။
သခင်သန်းထွန်းသည် ရဲဘော်ညိုစိမ့်ကိုလွှတ်၍ မညွန့်ညွန့်ကို သွားရောက်ခေါ်ယူစေသည်။ ၁၉၆၈ ခုနှစ်၊ ဇွန်လ ၃ဝ ရက်တွင် ရဲဘော်ညိုစိမ့် ပြန်လာရာ မညွန့်ညွန့်ပါမလာဘဲ ဗိုလ်ထွန်းငြိမ်း၏ အမာခံကျောရိုး  သုံးဦးဖြစ်သော ဗိုလ်မင်းလွင်၊ ရဲဘော်ဘသန်း၊ ရဲဘော်ထွန်းကျော်တို့ သုံးဦးသာ ပါလာကြသည်။ ဗိုလ်ထွန်း ငြိမ်းသည် ဗိုလ်မင်းလွင်တို့သုံးဦးအား မြစ်ဝကျွန်းပေါ် တိုင်းတည်ဆောက်ရေးအခြေအနေကို အစီရင်ခံရန်နှင့် သခင်သန်းထွန်းတို့၏ လှုပ်ရှားမှုများကို လေ့လာရန် စေလွှတ်လိုက်ခြင်းဖြစ်သည်။ သခင်သန်းထွန်းနှင့် ရဲဘော်အောင်ကြီးတို့သည် ဗိုလ်မင်းလွင်တို့သုံးဦးအား သီးခြားစီခွဲထုတ်၍ ဆွေးနွေးတော့သည်။ အထူးသဖြင့် ဗိုလ်မင်းလွင်ကို ဇနီးဖြစ်သူ မစန်းမှတစ်ဆင့် ချဉ်းကပ် ဆွေးနွေးသည်။
၁၉၆၈ ခုနှစ်၊ ဇူလိုင်လ ၁ဝ ရက်တွင် မြစ်ဝကျွန်း ပေါ် တိုင်းတည်ဆောက်ရေးအဖွဲ့၏ ပါတီကော်မတီ အတွင်းရေးမှူးဖြစ်သော ဗိုလ်မင်းလွင်သည် တော်လှန် သော ပါတီဗဟိုသို့ အကြွင်းမဲ့လက်နက်ချကြောင်း တင်ပြလိုက်ရတော့၏။  (၃။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၁၄၂၊ ၁၁၄၃။)) ဗိုလ်မင်းလွင်သည် ဗိုလ်ထွန်း ငြိမ်းနှင့် ယင်း၏ကျောရိုးများ၏ ဗဟိုကော်မတီဥက္ကဋ္ဌ ဆန့်ကျင်ရေး၊ တော်လှန်သော ဗဟိုဆန့်ကျင်ရေး၊ ရဲဘော်အောင်ကြီးနှင့် ပြည်ပပြန်များ ဆန့်ကျင်ရေးကို အစီအစဉ်ဖြင့် အကောင်အထည်ဖော်နေသည်ဟု ဖွင့်ချ ဝန်ခံတော့သည်။ ထို့ကြောင့် ဗိုလ်မင်းလွင်နှင့် ကိုယ် စားလှယ်အဖွဲ့အား မြစ်ဝကျွန်းပေါ် တိုင်းတည်ဆောက် ရေးသို့ ပြန်ခွင့်မပြုကြောင်း တားဆီးလိုက်ပြီး ရဲဘော် ထွန်းကျော်(ခ) မောင်စိုးဝင်းနှင့် ရဲဘော်ဘသန်း(ခ) သိန်းထွန်းတို့ကို အကျယ်ချုပ်ချထားလိုက်သည်။
သခင်သန်းထွန်းနှင့် ရဲဘော်အောင်ကြီးသည် ဗိုလ်ထွန်းငြိမ်းအား အချိုသတ်၍ ခေါ်ယူရန် စီစဉ်ကြ တော့သည်။ စုံစမ်းရေးကော်မရှင်ကိုလည်း ပြည်ပပြန် ရဲဘော်စိုးဝင်း(ခ)ဌေးအောင်ကို ခေါင်းဆောင်စေ၍ မြစ်ဝကျွန်းပေါ်တိုင်းတည်ဆောက်ရေးအဖွဲ့အား ကြိုဆို ရန် အကြောင်းပြကာ လျှို့ဝှက်ဖွဲ့စည်းထားသည်။ ၁၉၆၈ ခုနှစ်၊ ဇူလိုင်လ ၂၅ ရက်တွင် သခင်သန်းထွန်း သည် ဗိုလ်ထွန်းငြိမ်းအား အရေးယူရန် မိန့်ခွန်းပြော ခဲ့သည်။ သခင်သန်းထွန်း၏မိန့်ခွန်းကို ရဲဘော် ထွန်း ကျော်(ခ)စိုးဝင်းနှင့် ရဲဘော်ဘသန်း(ခ)သိန်းထွန်းတို့ လည်း တက်ရောက်နားထောင်ရပြီး ဗိုလ်ထွန်းငြိမ်း၏ ကျောရိုးအဖြစ် လှုပ်ရှားရပုံများကို ဆန်းစစ်တင်ပြစေ ခဲ့သည်။
၁၉၆၈ ခုနှစ်၊ ဇူလိုင်လ ၂၉ ရက်တွင် သခင်သန်း ထွန်းနှင့် ရဲဘော်အောင်ကြီးတို့ ခေါင်းဆောင်သော နိုင်ငံ ရေးဦးဆောင်အဖွဲ့ဝင်များသည် ''ထွန်းငြိမ်းရဲ့ပါတီဆန့်ကျင်ရေး၊ တန်ပြန်တော်လှန်ရေးလုပ်ရပ်များကို ဆန်းစစ်တိုက်ခိုက်ရေး လှုပ်ရှားမှုကြီး''ကိုစတင်ကြတော့သည်။ ပြည်ပပြန်ရဲဘော်စိုးဝင်း(ခ)ဌေးအောင် နှင့်အဖွဲ့သည် မြစ်ဝကျွန်းပေါ် တိုင်းတည်ဆောက်ရေး တပ်သို့ သွားကာ ဗိုလ်ထွန်းငြိမ်းအား အယုံသွင်း ဆွေးနွေးကြသည်။ အဘိုးကြီးများက အလွန်တွေ့ချင်ကြောင်း၊ အရှည်စီမံကိန်းများအတွက် ဆွေးနွေးလိုကြောင်း လှည့်ဖြားခေါ်ယူကြ သည်။သို့နှင့် ဗိုလ်ထွန်း ငြိမ်းနှင့် မြစ်ဝကျွန်းပေါ် တိုင်းတည်ဆောက်ရေးတပ် တစ်ခုလုံး ခရီးထွက်လာကြတော့သည်။ ဗိုလ်ရန်အောင်၏တူဖြစ်သူ ရဲဘော်တင်ဟန်(ခ)သာမောင်(ခ)အောင် သိန်းနိုင်နှင့် မင်းဝင်းထိန်(ခ) ဝင်းအောင်တို့မှာမူ ဗိုလ်ထွန်းငြိမ်းက ပစ္စည်းများ စောင့်ယူရန် မှာကြား ထားသဖြင့် ပဲခူးရိုးမတိုင်း၏ နောက်တန်းတိုင်းရုံးတွင် ကျန်ရစ်ခဲ့ကြသည်။
ထိုအချိန်တွင် ရဲဘော်ထွန်းကျော်(ခ)စိုးဝင်း (လူထုဦးလှ-ဒေါ်အမာသား)သည် 'အကောက်ကျစ်ဆုံး တန်ပြန်တော်လှန်ရေးသမား၊ ပြန်လည်ပြင်ဆင်ရေးသမား ထွန်းငြိမ်းတိုက်ပွဲစွဲချက်'ဟူသောခေါင်းစဉ်ဖြင့် တက်ကြွစွာ စွဲချက်တင်နေရသည်။ ရဲဘော်ဘသန်း(ခ) သိန်းထွန်းကလည်း ရှည်လျားစွာစွဲချက်တင်ပြီး ဗိုလ် ထွန်းငြိမ်းအား သေဒဏ်ပေးရန် တောင်းဆိုနေရသည်။ ဗိုလ်ထွန်းငြိမ်းကား ယင်း၏ အမာခံကျောရိုးများပင် သေဒဏ်ပေးရန် တောင်းဆိုနေရသော အခြေအနေကို မသိရှာပေ။
၁၉၆၈ ခုနှစ်၊ သြဂုတ်လ ၆ ရက်နေ့တွင် ဗိုလ် ထွန်းငြိမ်းနှင့် မြစ်ဝကျွန်းပေါ်တိုင်းတည်ဆောက်ရေး တပ်ဖွဲ့သည် ဗဟိုစခန်းနှင့် တစ်နာရီကြာ ခရီးခန့်ဝေးသော ဗဟိုစခန်းထောက်သို့ ရောက်ရှိလာကြသည်။ ဗိုလ်ထွန်းငြိမ်းတို့အား ရဲဘော်သက်နှင့် ကြိုဆိုရေးအဖွဲ့ က ဖော်ရွေစွာ ခရီးဦးကြိုပြုသည်။ နောက်တစ်နေ့ သြဂုတ် ၇ ရက်တွင် ဗိုလ်ထွန်းငြိမ်းနှင့် မြစ်ဝကျွန်းပေါ် တိုင်းတည်ဆောက်ရေးတပ်ပါတီကော်မတီဝင်များ ဖြစ်ကြသော မညွန့်ညွန့်၊ ရဲဘော်ဗိုလ်ရွှေ၊ ရဲဘော် စိုးအောင်၊ ရဲဘော်ကြည်ထွန်းနှင့် ရဲဘော်လှငွေတို့သည် ဗဟိုနှင့် ဆွေးနွေးရန် ထွက်ခွာလာကြသည်။ ရဲဘော်သက်နှင့် ကြိုဆိုရေးအဖွဲ့မှာမူ မြစ်ဝကျွန်းပေါ်တိုင်း တည်ဆောက်ရေး အဖွဲ့များနှင့်အတူ ကျန်ရစ်ခဲ့သည်။
ဗဟိုစခန်းသို့ ရောက်သည်နှင့် ဗိုလ်ထွန်းငြိမ်းတို့ အဖွဲ့သည် ချက်ချင်းပင် ကြိုးတုပ်ဖမ်းဆီးခြင်းကို ခံလိုက် ရသည်။ ရဲဘော်မညွန့်ညွန့်သည် ''ဟေ့ ငါ့ကိုလည်း ဗိုလ်မှူးနဲ့တစ်ကျင်းတည်းမြှုပ်လိုက်၊ ဗိုလ်မှူးနဲ့တစ်ကျင်း တည်းပဲ အတူတူအသေခံမယ်'' စသည်ဖြင့် ဒေါသထွက်စွာ အော်ဟစ်ခဲ့သည်။ နောက်တစ်နေ့တွင် ရဲဘော် သက် ရောက်ရှိလာပြီး ရဲဘော်ဘိုးသာ၊ ရဲဘော်ခင်ဝင်း၊ ရဲဘော်တင်မြင့်၊ ရဲဘော်မျိုးမြင့်၊ ရဲဘော်လှဝင်းတို့ငါးဦး အား ဗိုလ်ထွန်းငြိမ်း၏ လက်ရေးဖြင့် စာရေး၍ ခေါ်ယူ စေသည်။ ထိုရဲဘော်များ ယုံကြည်ကြစေရန်အတွက် ဗိုလ်ထွန်းငြိမ်းအား ထာဝရဆန့်ကျင်ခဲ့သည့် ရဲဘော် ထွန်းသောင်းနှင့် ရဲဘော်နွဲ့ကို ကြိုးတုပ်၍ ဖမ်းဆီးစေ သည်။ စခန်းအပြင်ရောက်မှ အကျိုးအကြောင်းရှင်းပြ ပြီး ရဲဘော်ထွန်းသောင်းနှင့် ရဲဘော်နွဲ့တို့အား  တောင်ငူခရိုင် နောက်တန်းစခန်း တောပုသို့ စေလွှတ်လိုက်လေ သည်။
ရဲဘော်ဘိုးသာ၊ ရဲဘော်ခင်ဝင်းတို့ငါးဦးသည် ဗိုလ်ထွန်းငြိမ်း၏စာအရ ယုံကြည်စိတ်ချစွာဖြင့် ဗဟို စခန်းသို့လိုက်လာရာ လမ်းခရီးမှာပင် ကြိုးတုပ်ဖမ်းဆီး ခြင်းကို ခံလိုက်ရတော့သည်။ ၁၉၆၈ ခုနှစ်၊ သြဂုတ်လ ၉ ရက်တွင်ကား ဗိုလ်ထွန်းငြိမ်းနှင့် ငြိစွန်းနေပြီဟု သတင်းကြီးခဲ့သော မညွန့်ညွန့်နှင့် တည်ဆောက်ရေးမှ ပါတီကော်မတီဝင်များသည် သခင်သန်းထွန်းနှင့် ရဲဘော်အောင်ကြီးတို့၏ ဆွေးနွေးမှုများကြောင့် ယုတ်မာ သော ပြုပြင်ရေးသမားထွန်းငြိမ်းကို တပ်ဖွဲ့၏ရှေ့ဆုံး မှ ချေမှုန်းသွားမည်။ ဗဟိုနှင့်အတူ ရပ်မည် စသည် ဖြင့် လက်မှတ်ရေးထိုး၍ တင်ပြကြလေတော့၏။
၁၉၆၈ ခုနှစ်၊ သြဂုတ်လ ၁ဝ ရက်တွင် သခင် သန်းထွန်းသည် မြစ်ဝကျွန်းပေါ်တပ်တည်ဆောက်ရေး ပါတီခွဲ ကော်မတီရဲဘော်များနဲ့ ရဲဘော်ရဲမေအားလုံးသို့ ဟု ခေါင်းစဉ်တပ်ထားသော ပေးစာတစ်စောင်ကို မညွန့်ညွန့်နှင့် တည်ဆောက်ရေးပါတီခွဲ ကော်မတီဝင်များအား မြစ်ဝကျွန်းပေါ်တိုင်းတည်ဆောက်ရေးတပ်ရှိရာ ဗဟိုစခန်း ထောက်သို့ ယူဆောင်သွားစေသည်။ မြစ်ဝကျွန်းပေါ်တိုင်းတည်ဆောက်ရေးတပ်က လက်နက်အသိမ်းမခံပါကလည်း ချေမှုန်းပစ်ရန် စီစဉ် ထားသည်။ မညွန့်ညွန့်က သခင်သန်းထွန်း၏စာကို ဖတ်ပြပြီး အခြေအနေကို ရှင်းပြရသည်။ ရဲဘော်သက် တို့အဖွဲ့က မြစ်ဝကျွန်းပေါ်တိုင်းတည်ဆောက်ရေးတပ်မှ လက်နက်များကို သိမ်းယူလိုက်သည်။ သခင်သန်းထွန်း က ၁၉၆၈ ခုနှစ်၊ သြဂုတ်လ ၇၊ ၈၊ ၉၊ ၁ဝ ရက်သည် 'ဗမာပြည်တော်လှန်ရေးကို သိမ့်သိမ့်တုန်စေသော ထို ၄ ရက်'ဖြစ်သည်ဟု မှတ်တမ်းတင်လိုက်သည်။
သို့နှင့် မြစ်ဝကျွန်းပေါ်တိုင်းပါတီအတွင်းရေးမှူး ရဲဘော်စိုးသန်းအား ချေမှုန်းရန် ရည်ရွယ်ခဲ့သော မြစ်ဝကျွန်းပေါ်တိုင်းတည်ဆောက်ရေးတပ်သည် ရဲဘော် စိုးသန်းအား မချေမှုန်းရမီ မြစ်ဝကျွန်းပေါ် ဒေသသို့ လုံးဝခြေမချနိုင်မီ ပဲခူးရိုးမ၌ပင် လက်နက် အသိမ်းခံလိုက်ရလေပြီ။
၁၉၆၈ ခုနှစ်၊ သြဂုတ်လ ၁၂ ရက်တွင် မြစ်ဝကျွန်း ပေါ်တိုင်း တည်ဆောက်ရေးပါတီခွဲကော်မတီနှင့် တပ်ဖွဲ့ ဝင်များသည် ယင်းတို့ အလွန်လေးစားခဲ့သော ဗိုလ် ထွန်းငြိမ်းအား သတ်ပစ်ရန် ကြွေးကြော်သံများ အော်ဟစ်၍ ဗဟိုစခန်းသို့ ရောက်ရှိလာကြသည်။ ဗိုလ်ထွန်းငြိမ်းကိုမူ ဗဟိုစခန်းမှာပင် ကျပ်တည်းစွာ        ချည်နှောင်ထားသည်။ သခင်သန်းထွန်းက ပြန်လည် ပြင်ဆင်ရေးသမား ထွန်းငြိမ်းကို ဖမ်းမိသည်မှာ အောင်ပွဲကြီးပင်ဖြစ်ကြောင်း မိန့်ခွန်းပြောခဲ့သည်။ ၁၉၆၈ ခုနှစ်၊ သြဂုတ်လ ၁၄ ရက်တွင်ကား နိုင်ငံရေး ဦးဆောင်အဖွဲ့က ဆုံးဖြတ်ချက်တစ်ရပ်ကို ထုတ်ပြန် ရာ ဗိုလ်ထွန်းငြိမ်းအား အရေးယူနိုင်ရေးအတွက် သခင်ချစ်ဦးစီးသော စုံစမ်းစစ်ဆေးရေးအဖွဲ့၊ သခင်ပု ဦးစီးသော လူထုတိုက်ပွဲဦးစီးကော်မတီ၊ သခင်ဇင် ဦးစီးသော သဘာပတိအဖွဲ့တို့ကို ဖွဲ့စည်းလိုက်လေ တော့သည်။ သြဂုတ်လ ၁၅ ရက်တွင် သခင်သန်းထွန်း က ၂၉ နှစ် မြောက်ပါတီနေ့ အထိမ်းအမှတ် မိန့်ခွန်း ပြောကြားရာ ထွန်းငြိမ်းကိုသာမကဘဲ ထွန်းရှိန်ကိုပါ ချေမှုန်းရမည်ဟု ပြောကြားခဲ့သည်။ သြဂုတ် ၁၆ ရက် တွင် စုံစမ်းစစ်ဆေးရေးအဖွဲ့အတွက် အစီအစဉ်နှင့် လမ်းညွှန်ချက်တစ်ရပ် ချမှတ်ပေးပြီးနောက် ဗိုလ် ထွန်းငြိမ်းအား စတင်စစ်ဆေးတော့သည်။ ဗိုလ် ထွန်းငြိမ်းသည် လုံးဝပင် ဘူးကွယ်ခဲ့သည်။
၁၉၆၈ ခုနှစ်၊ သြဂုတ်လ ၂၇ ၇က်တွင် 'ထွန်းငြိမ်း၊ ထွန်းရှိန်ဂိုဏ်း ချေမှုန်းရေး စွဲချက်တင် လူထုတိုက်ပွဲ ကြီး' ကို စတင်ဆင်နွှဲတော့သည်။ ရဲဘော်ထွန်းကျော် (ခ)စိုးဝင်း(လူထုဦးလှ-ဒေါ်အမာသား)၊ ရဲဘော်ဘသန်း (ခ) သိန်းထွန်း၊ ရဲဘော်တိုးသာ(ခ)ကျော်ခင်၊ ရဲဘော် ခင်ဝင်း(ခ)စိုးမြင့်တို့ လေးဦးကိုလည်း ထွန်းငြိမ်း      ဂိုဏ်းသားများ ဖြစ်သည်ဟုဆိုကာ ချက်ချင်း ဖမ်းဆီး ချုပ်နှောင်လိုက်သည်။ ရဲဘော်သာမောင်(ခ)တင်ဟန် (ခ)အောင်သိန်းနိုင်နှင့် မင်းဝင်းထိန်(ခ)ဝင်းအောင်(ခ)မင်းတင်နိုင်တို့နှစ်ဦးမှာမူ ပဲနွယ်ကုန်းမြို့နယ် ထုံးခန်းချောင်း လက်တက် ရေအေးမြောင်ဖျားရှိ ပဲခူးရိုးမတိုင်း နောက်တန်းရုံးတွင် သြဂုတ်လ ၉ ရက် ညကတည်းက ရက်စက်စွာသတ်ဖြတ်ခံလိုက်ကြရပြီး ဖြစ်လေသည်။
ဗဟိုဌာနချုပ်စခန်းတွင်ကား ဗိုလ်ထွန်းငြိမ်းသည် ပြင်းထန်စွာ စွဲချက်တင်ခံနေရသည်။ သခင်သန်းထွန်း ကိုယ်တိုင်က ချက်ချင်းမသေစေရဟု တားမြစ်ထားသော်လည်း တပ်နီလူငယ်နှင့် အမျိုးသမီးများမှာ ဗိုလ် ထွန်းငြိမ်းအား အမျိုးမျိုး ရိုက်နှက်ကန်ကျောက်၍ နှိပ်စက်နေကြသည်။ သခင်သန်းထွန်းက ရန်သူကို ချေမှုန်းရန် မိန့်ခွန်းပြောပြီးနောက် သဘာပတိအဖွဲ့ယာယီဥက္ကဋ္ဌ သခင်ချစ်က 'ထွန်းငြိမ်း၊ ထွန်းရှိန်ဂိုဏ်း ချေမှုန်းရေးစွဲချက် တင်လူထုတိုက်ပွဲ'ကို ဖွင့်လှစ်လိုက် သည်။ စုံစမ်းစစ်ဆေးရေးအဖွဲ့ကလည်း အောက်ပါ အတိုင်း စွဲချက်တင်သည်-(၁။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၁၉၇ မှ ၁၁၉၈ ထိ။))
''ဒီလိုလေ့လာစစ်ဆေးပြီးတဲ့အခါ စုံစမ်းစစ်ဆေး ရေးအဖွဲ့က ထွန်းငြိမ်းဟာ-
(၁)     ပါတီဥက္ကဋ္ဌနဲ့ ပါတီဗဟိုကို ဆန့်ကျင်ပြီး စင်ပြိုင်ဗဟိုလုပ်နေတာ၊
(၂)     ပါတီလမ်းစဉ်ကို ဆန့်ကျင်ပြီး စင်ပြိုင်လမ်း စဉ် ထူတောင်တာ၊
(၃)     ပါတီနဲ့တပ်မတော်ကို ဖျက်ဆီးတာ၊
(၄)     တော်လှန်စစ်ဖျက်ဆီးတာ၊ တော်လှန်တဲ့ သမိုင်းကို ချေဖျက်ပစ်တာ၊
(၅)     ဂိုဏ်းခွဲတာ၊
(၆)     အာဏာရူး၊ အခွင့်ထူးခံ၊ အမျိုးသမီးတွေ ဖျက်ဆီးတဲ့ တဏှာရူးဖြစ်တာ၊
(၇)     တန်ပြန်တော်လှန်ရေး၊ ပြန်လည်ပြင်ဆင် ရေးသမားဖြစ်တာတွေ အခိုင်အမာ တွေ့ရှိရ ပါတယ်''
(စုံစမ်းစစ်ဆေးရေးအဖွဲ့ စွဲချက်မှ)
၁၉၆၈ ခုနှစ်၊ သြဂုတ်လ ၂၉ ရက်တွင် ဗမာပြည် ကွန်မြူနစ်ပါတီ ဗဟိုစခန်းတွင် ပြည်ပပြန် ဗိုလ်ထွန်း ငြိမ်းအား စွဲချက်တင်တိုက်ပွဲ ဆက်လက်ဆင်နွှဲပြန်သည်။ ရဲဘော်မစန်းမြင့်က ဗိုလ်ထွန်းငြိမ်းအား ပြန်ပြင်ရေး သမား သစ္စာဖောက်ဖြစ်ကြောင်း၊ အမျိုးသမီးများကို ဖျက်ဆီးကြောင်း၊ တင်ဟန်က မနီကို ဖျက်ဆီးကြောင်း၊ မညွန့်ညွန့်နှင့် အချိန်မတော် ညသန်းခေါင်အထိ တတွဲတွဲနေကြောင်း၊ ဗိုလ်ထွန်းငြိမ်းက အမျိုးသမီးများ အား နင်းခိုင်း၍ ဇိမ်ခံကြောင်း၊ အမျိုးသမီးများရှေ့တွင် မလုံ့တလုံထိုင်၍ တဏှာရာဂနှိုးဆွကြောင်း စသည်ဖြင့် လက်ညှိုးငေါက်ငေါက် ထိုး၍ စွပ်စွဲသည်။ မြစ်ဝကျွန်းပေါ်တိုင်းတည်ဆောက်ရေးတပ်မှ ရဲဘော်မြကြီး* ( သခင်သန်းထွန်းအားလုပ်ကြံသူ) ကလည်း မညွန့်ညွန့်နှင့် နေပုံထိုင်ပုံများကို စွဲချက်တင်သည်။ မညွန့်ညွန့်ကိုယ်တိုင်ကလည်း အခန်းပေါင်း ၁၂ ခန်း ခွဲ၍ စွဲချက်အမျိုးမျိုး တင်ကာ လည်လှီးပြီး ခြေဆေးခွင့် ပေးပါရန် ပြင်းထန်စွာ တောင်းဆိုလိုက်တော့သည်။
၁၉၆၈ ခုနှစ်၊ သြဂုတ်လ ၃ဝ ရက်တွင်ကား 'ပြည်သူ့တော်လှန်ရေးတရားခုံ သဘာပတိအဖွဲ့ ဆုံးဖြတ်ချက်'ကို ချမှတ်၍ ဗိုလ်ထွန်းငြိမ်းအား သေဒဏ် ပေးလိုက်တော့သည်။ ဗိုလ်ထွန်းငြိမ်းအား မမြဝင်း၊ မညွန့်ညွန့်တို့ဦးဆောင်သော အမျိုးသမီး ၁၂ ဦးတို့က သတ်ဖြတ်သုတ်သင်လိုက်ကြသည်။
တက္ကသိုလ်ကျောင်းသားခြောက်ဦးချေမှုန်းရေး
ဗိုလ်ထွန်းငြိမ်းအား သုတ်သင်သတ်ဖြတ်ပြီးနောက် တစ်နေ့ဖြစ်သည့် ၁၉၆၈ ခုနှစ်၊ သြဂုတ်လ ၃၁ ရက် တွင် ဗမာပြည် ကွန်မြူနစ်ပါတီ ဗဟိုကော်မတီ နိုင်ငံ ရေး ဦးဆောင်အဖွဲ့သည် ဘသန်း၊ ထွန်းကျော်၊ ကျော် ရင်၊ တင်ဟန်နှင့် ခင်ဝင်းတို့အတွက် ဆုံးဖြတ်ချက်တစ် ရပ် ချမှတ်ပြန်လေသည်။  (၂။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၂၆၉၊ ၁၂၇ဝ။)) ဘသန်း၊ ထွန်းကျော်တို့ လူစု သည် ထွန်းငြိမ်း-ထွန်းရှိန်ဂိုဏ်းသားများဖြစ်သဖြင့် ဗိုလ်ထွန်းငြိမ်းအတွက် ဖွဲ့စည်းထားသော ပြည်သူ့ တော်လှန်ရေး တရားခုံရုံး သဘာပတိအဖွဲ့ကပင် အပြစ်ပေးအရေးယူရမည်ဖြစ်သည်။ စစ်ဆေးစွဲချက်တင်ရန် အတွက်လည်း ဗိုလ်ထွန်းငြိမ်းအတွက် ဖွဲ့စည်းထားသည့် စုံစမ်းစစ်ဆေးရေးအဖွဲ့ကပင် တာဝန်ယူရသည်။ ထို့နောက် သခင်သန်းထွန်း သည် ဗမာပြည်ကွန်မြူနစ် ပါတီ ဗဟိုကော်မတီ နိုင်ငံရေးဦးဆောင်အဖွဲ့၏ ထွန်းရှိန်(ဖေငြိမ်း)နှင့် ပတ်သက်သည့် ၃၁-၈-၆၈ ရက် က ဆုံးဖြတ်ချက်ကိုပါ လက်မှတ်ရေးထိုး၍ အတည်ပြု လိုက်သည်။
ထွန်းရှိန်(ခေါ်) ဖေငြိမ်းအား အရေးယူရန် ပြည်သူ့တော်လှန်ရေးခုံရုံး သဘာပတိအဖွဲ့ကို သခင်ဇင် က ဥက္ကဋ္ဌအဖြစ် တာဝန်ယူရပြီး သခင်ပုနှင့် ရဲဘော် ညိုအောင်တို့ ပါဝင်သည်။ စုံစမ်းစစ်ဆေးရေးအဖွဲ့ ဥက္ကဋ္ဌမှာ ရဲဘော်ညိုအောင်ဖြစ်သည်။ လူထုတိုက်ပွဲ ဦးစီးကော်မတီကို သခင်ပုက အဖွဲ့ဥက္ကဋ္ဌအဖြစ် ဦးစီးသည်။ ဗဟိုဆေးကျောင်းမှ လူထုတိုက်ပွဲ ဦးစီး ကော်မတီလည်း ပူးပေါင်းပါဝင်ရမည်ဖြစ်သည်။ သို့နှင့် ထွန်းရှိန်အား သုတ်သင်ရန် သခင်ဇင်တို့အဖွဲ့သည် ဗဟိုဆေးကျောင်းသို့ ခရီးထွက်သွားကြရလေသည်။
သခင်ဇင်တို့အဖွဲ့ ခရီးထွက်သွားသည်နှင့် ဗဟို ဌာနချုပ်စခန်းသည် ထွန်းငြိမ်းဂိုဏ်းသားများ ချေမှုန်း ရန် လုပ်ငန်းစတော့သည်။ ထုံးစံအတိုင်းပင် တပ်နီ လူငယ်များနှင့် တပ်နီအမျိုးသမီးများသည် ထွန်းကျော်၊ ဘသန်းတို့ ငါးဦးအား သတ်ပစ်ရန် ကြွေးကြော်ကြတော့သည်။ အချုပ်ခန်းအတွင်း၌မူ ရန်ကုန်တက္ကသိုလ် ကျောင်းသားတပ်ဦး ခေါင်းဆောင်များသည် ထိပ်တုံးနှင့် ချည်နှောင်ခံထားကြရပြီး ဖြောင့်ချက်များကို ရေးသား ကြရသည်။ တောခိုတက္ကသိုလ် ကျောင်းသားခေါင်း ဆောင်များသည် မိမိတို့ကိုယ်ကို အလေးအနက် စိစစ် ဝန်ခံပြီး စီရင်ချက်များ ချမှတ်လျှင် ပါတီအနေနှင့် သက်ညှာစွာ စဉ်းစားမည်ဟု သခင်သန်းထွန်း၊ ရဲဘော် အောင်ကြီးနှင့် သခင်ချစ်တို့က ပြောကြားသဖြင့် စိစစ် ဝန်ခံချက်နှင့် စီရင်ချက်များကို ရှည်လျားစွာရေးသားကြရသည်။ မိမိတို့အား သေဒဏ်စီရင်ပါဟူ၍လည်း စီရင်ချက်ချကြရသည်။
၁၉၆၈ ခုနှစ်၊ စက်တင်ဘာလ ၁၁ ရက်တွင် သခင် သန်းထွန်းသည် ငြိမ်း-ရှိန်ဂိုဏ်းချေမှုန်းရေးစီမံကိန်းကို ရေးဆွဲထုတ်ပြန်လိုက်သည်။ ထို့နောက် စွဲချက်တင် လူထု တိုက်ပွဲကို ၁၉၆၈ ခုနှစ်၊ စက်တင်ဘာလ ၁၂ ရက်တွင် စတင်တော့သည်။ ရဲဘော်ထွန်းကျော်၊ ရဲဘော်ဘသန်း၊ ရဲဘော်ဘိုးသာ၊ ရဲဘော်ခင်ဝင်းတို့လေးဦးကို အချုပ်ခန်း မှ ဆွဲထုတ်လိုက်သည်။ တင်ဟန်(ခ)အောင်သိန်းနိုင်ကို မူ သတ်ဖြတ်ပြီးဖြစ်သဖြင့် လူအစား ဝါးလုံးတိုင်တွင် သစ္စာဖောက်တင်ဟန်ဟု စာတပ်၍ စွဲချက်တင်သည်။ သတ်ဖြတ်ပြီးသူ မင်းဝင်းထိန်ကိုမူ စွဲချက်မတင်တော့ ပေ။ မင်းဝင်းထိန်မှာ အောင်သိန်းနိုင်နှင့် တွဲနေသော ကြောင့် အဆစ်ပါသွားရသောသူသာဖြစ်သည်။
သဘာပတိအဖွဲ့ဥက္ကဋ္ဌ သခင်ချစ်က မိန့်ခွန်းပြော ကြားသည်။ တပ်နီလူငယ်များနှင့် အမျိုးသမီးများက သံချပ်များ၊ ကြွေးကြော်သံများ အော်ဟစ်ကြသည်။ စုံစမ်းစစ်ဆေးရေးအဖွဲ့က တောခိုကျောင်းသားများ ဖြစ်ကြသော ဘသန်း၊ ထွန်းကျော်၊ ဘိုးသာ၊ တင်ဟန်နှင့် ခင်ဝင်းတို့အား ထွန်းငြိမ်းနှင့် ကြံရာပါများအဖြစ် စွဲချက် တင်လိုက်သည်။ ပြန်လည်ပြင်ဆင်ရေးလုပ်ငန်းကို အသိရှိရှိနှင့် ကျူးလွန်သည်ဟု စွပ်စွဲသည်။ ကျောင်းသား ဘဝကတည်းက ဖောက်ပြန်ခဲ့ကြခြင်းဟုလည်းဆိုသည်။ စွဲချက်များမှာ ဗိုလ်ထွန်းငြိမ်းအပေါ် စွဲချက်ကဲ့သို့ပင် အချက်ခုနစ်ချက်ရှိသည်။ ထပ်တူနီးပါးပင်ဖြစ်သည်။ ရဲဘော်ထွန်းကျော်(ခ)စိုးဝင်းသည် ကြွေးကြော်သံများ အော်ဟစ်နေစဉ်ပင် သတိလစ်သွားသဖြင့် ဆေးထိုး၍ ကုသပေးရသည်။
၁၉၆၈ ခုနှစ်၊ စက်တင်ဘာလ ၁၄ ရက်တွင် လူထု တိုက်ပွဲနောက်ဆုံးနေ့အဖြစ် ကျင်းပသည်။ တပ်နီ အမျိုးသမီး မစိုးစိုးက တောခိုကျောင်းသားများအား အမျိုးမျိုးစွဲချက်တင်သည်။ မညွန့်ညွန့်ကလည်း မိမိတို့ အား မိန်းမပျက်များသဖွယ် ဆက်ဆံစော်ကားခဲ့သဖြင့် ကိုယ်တိုင်လည်လှီးမည်ဟု ကြုံးဝါးသည်။ ပြည်သူ့ တော်လှန်ရေး တရားခုံရုံးသဘာပတိအဖွဲ့ ကလည်းတောခိုကျောင်းသားများအား သေဒဏ်ချမှတ်လိုက် တော့သည်။ တောခိုကျောင်းသားများသည် အလေးအနက် စိစစ်ဝန်ခံ၍ စီရင်ချက်ချလျှင် သက်ညှာမည် ဟူသော မူလကတိအတိုင်း ခံစားခွင့်မရကြတော့ပေ။
ရဲဘော်ဘသန်း(ခ)သိန်းထွန်းအား မညွန့်ညွန့် ခေါင်းဆောင်သည့် အမျိုးသမီးများကလည်းကောင်း၊ ရဲဘော်ထွန်းကျော်(ခ)စိုးဝင်း(လူထုဦးလှ-ဒေါ်အမာသား)အား မကြည်ဝင်းခေါင်းဆောင်သော အမျိုးသမီး များကလည်းကောင်း၊ ရဲဘော်ဘိုးသာ(ခ)ကျော်ခင်ကို မကြည်မြင့်ခေါင်းဆောင်သော အမျိုးသမီးများက လည်းကောင်း၊ ရဲဘော်ခင်ဝင်း(ခ)စိုးမြင့်ကိုလည်း မပုခေါင်းဆောင်သော အမျိုးသမီးများကလည်းကောင်း လည်လှီး၍ သတ်ဖြတ်လိုက်ကြသည်။ အောင်သိန်းနိုင် နှင့် မင်းဝင်းထိန်မှာမူ အသတ်ခံနှင့်ပြီးဖြစ်ကြသည်။
သို့ဖြင့် ဗမာပြည်ကွန်မြူနစ်ပါတီ၏ သွေးထိုးမှုဖြင့် တောခိုလာကြသော တက္ကသိုလ်ကျောင်းသားခြောက်ဦး သည် ရက်စက်စွာ အသတ်ခံလိုက်ကြရခြင်းဖြင့် ဇာတ် သိမ်းသွားကြရလေသည်။

ဗိုလ်ထွန်းရှိန်(ခ)ဖေငြိမ်း
သခင်သန်းထွန်းသည် ၁၉၆၈ ခုနှစ်၊ စက်တင်ဘာ လ ၁၅ ရက်တွင် ထွန်းငြိမ်း၊ ထွန်းရှိန်ဂိုဏ်းကို ဆက်လက်ချေမှုန်းရန် တိုက်တိုင်းအောင် တပ်ခွဲ(၂)သို့ ပေးစာတစ်စောင် ပေးပို့လိုက်သည်။(၁။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၃၃ဝ။))  ထိုအချိန်တွင် ဗဟိုဆေးကျောင်းသည် တောင်ငူခရိုင်၊ ဖြူးမြို့နယ်၊ မြရာပင်ကြော၏ အနောက်စောင်းရှိ ဖြူးချောင်း၏ လက်တက်မြောင် ရှည်မြောင်တွင် ဖွင့်လှစ်ထားသည်။ ပြည်သူ့တော်လှန်ရေး တရားခုံရုံးဥက္ကဋ္ဌ သခင်ဇင်သည် စက်တင်ဘာလ  ၁၅ ရက်မှာပင် မိန့်ခွန်းပြော၍ 'ပြန် ပြင်ရေး သစ္စာဖောက် ထွန်းငြိမ်း၊ ထွန်းရှိန်ဂိုဏ်း ချေမှုန်း ရေး'ကို စတင်လိုက်သည်။ ထွန်းရှိန်ချေမှုန်းရေး စွဲချက် တင် လူထုတိုက်ပွဲတွင် ပြည်ပပြန် ရဲဘော်ရှိန်(ခ) ထွန်းလှက စွဲချက်ကို ရှည်လျားစွာ ဖတ်ကြားတင်သွင်း သည်။ အဓိကစွဲချက်များမှာ အောက်ပါအတိုင်းဖြစ် သည်-၁(၁။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၃၅၁၊ ၁၃၅၂။))
 (၁)    ဥက္ကဋ္ဌသခင်သန်းထွန်းအမှူးပြုတဲ့ ဗဟိုဌာနချုပ်ကို ပုန်ကန်ခြားနားပြီး စင်ပြိုင်ဗဟို ထူထောင်သူဖြစ်တယ်။
(၂)     ဗမာပြည်ကွန်မြူနစ်ပါတီရဲ့ ပစ္စည်းမဲ့လူတန်းစား တော်လှန်ရေးလမ်းစဉ်ကို ဆန့်ကျင်ပြီး အရင်းရှင်လူတန်းစား ပြန်ပြင်ရေးလမ်းစဉ် နဲ့ စင်ပြိုင်လမ်းစဉ် ထူထောင်သူဖြစ်တယ်။
(၃)     ပါတီဗဟိုရဲ့ အစိတ်အပိုင်းတစ်ခုနဲ့ ပြည်သူ့တပ်မတော်ရဲ့ တပ်ဖွဲ့တစ်ဖွဲ့ဖြစ်တဲ့ ဗဟို ဆေးကျောင်းပါတီနဲ့ တပ်မတော်ကို ဖျက်ဆီး သူဖြစ်တယ်။
(၄)     ဗမာပြည်သူလူထုရဲ့ တော်လှန်ရေးသမိုင်းကို ချေဖျက်ရုံမက လက်ရှိဆင်နွှဲနေတဲ့ ပြည်သူ့ တော်လှန်ရေးစစ်ပွဲကိုလည်း ဖျက်ဆီးသူ ဖြစ်တယ်။
(၅)     ဗမာပြည်ကွန်မြူနစ်ပါတီနဲ့ ပြည်သူ့တပ်မတော်အတွင်းမှာ အကောက်ကျစ်ဆုံး ဂိုဏ်းခွဲ သူဖြစ်တယ်။
(၆)     ကိုယ်ကျိုးရမ္မက်ကြီးသူ အာဏာရူး၊ တဏှရူးဖြစ်တယ်။
(၇)     ပါတီဗဟိုဌာနချုပ်ကို အကြမ်းဖက်လုပ်ကြံမယ့် တန်ပြန်တော်လှန်ရေးသမား၊ ပြန်ပြင် ရေးသမားဖြစ်တယ်။
(၈)     ပြည်တွင်းပြည်ပ တန်ပြန်တော်လှန်ရေး၊ ပြန်ပြင်ရေးဂိုဏ်းအသီးသီးရဲ့ မျိုးဆက်ဖြစ် တယ်။
(စုံစမ်းစစ်ဆေးရေးအဖွဲ့၏ စွဲချက်မှ)
စုံစမ်းစစ်ဆေးရေးအဖွဲ့က ထွန်းရှိန်အား မသေ မချင်း သေဒဏ်ပေးရန် တောင်းဆိုလိုက်သည်။
၁၉၆၈ ခုနှစ်၊ စက်တင်ဘာလ ၁၇ ရက်တွင် သခင်ဇင်သည် ပြည်သူ့တော်လှန်ရေးတရားခုံရုံး သဘာပတိအဖွဲ့၏ စီရင်ချက်ကို ဖတ်ကြား၍ ထွန်းရှိန် အား သေဒဏ်ချမှတ်လိုက်တော့သည်။ ပြည်ပပြန် ထွန်းရှိန်ကို သခင်သန်းထွန်း၏နှမ မမြဝင်းခေါင်း ဆောင်သော အမျိုးသမီးများက ဝိုင်းဝန်းရိုက်နှက်ပြီး သတ်ဖြတ်လိုက်ကြသည်
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization