Home » » အခန်း(၁၃) သခင်သန်းထွန်းကျဆုံးခြင်း

အခန်း(၁၃) သခင်သန်းထွန်းကျဆုံးခြင်း


အခန်း(၁၃)
သခင်သန်းထွန်းကျဆုံးခြင်း
ဗဟိုစခန်းဒုတိယအကြိမ်အတိုက်ခံရခြင်း
သခင်သန်းထွန်းနှင့် ပြည်ပပြန်များက အာဏာ သိမ်းထားသော ဗဟိုဌာနချုပ်သည် ပြည်ပပြန်ပင်ဖြစ် သော်လည်း ဗိုလ်ထွန်းငြိမ်းနှင့် ထွန်းရှိန်ကို စိတ်မချ သောကြောင့် သတ်ပစ်ခဲ့ကြသည်။ တောခိုတက္ကသိုလ် ကျောင်းသားများ ကိုလည်း ထွန်းငြိမ်း၊ ထွန်းရှိန်ဂိုဏ်းသားများဟုဆိုကာ သတ်ဖြတ်ပစ်ခဲ့ကြသည်။ ထိုသို့ ဖြုတ်ထုတ်သတ် လမ်းစဉ်ကို အတောမသတ် ကျင့်သုံးနိုင်ခြင်းအား သခင်သန်းထွန်းနှင့် တော်လှန်သော နိုင်ငံရေးဦးဆောင် အဖွဲ့ဝင်များသည် မဟာအောင်ပွဲများအဖြစ် သတ်မှတ်ခဲ့ကြသည်။ သခင်သန်းထွန်းသည် ထွန်းငြိမ်းဂိုဏ်း ချေမှုန်းရေးကို နိဂုံးချုပ်ပေးလိုက်ပြီးနောက် ရဲဘော်စိုးသန်း ချေမှုန်းရေးကို ဆက်လက် အကောင်အထည်ဖော်ရန် ပြင်ဆင်တော့သည်။ ထိုအချိန်တွင် ရဲဘော်စိုးသန်းသည် မြစ်ဝကျွန်းပေါ်မှ ပဲခူး ခရိုင်ဘက်သို့ ရောက်ရှိလာသဖြင့် စွဲချက်များ ကြိုတင် စီစဉ်ထားရန်နှင့် ထွန်းရှိန်ဂိုဏ်းဝင် ဗိုလ်တင်ရှိန်ကို ဆက်လက်ချေမှုန်းရန် ဆောင်ရွက်တော့သည်။



ထို့နောက် ငြိမ်းရှိန်ဂိုဏ်းချေမှုန်းရေးအောင်ပွဲ ကျင်းပရန်လည်း အမြန်ဆုံးစီစဉ်တော့သည်။
ဗိုလ်ဘုန်းကျော်၊ ဗိုလ်ထွန်းတင်နှင့် ဗိုလ်တင်မောင် တို့ ခေါင်းဆောင်သောအဖွဲ့သည် တိုက်တိုင်းအောင်(၂) ကို ပြန်လည်စုစည်းရန်အတွက် ၁၉၆၈ ခုနှစ်၊ စက်တင်ဘာလ ၁၆ ရက်တွင် ပြည်ခရိုင်ဘက်သို့ ခရီး စတင်ထွက်ခွာသွားကြသည်။
ငြိမ်းရှိန်ဂိုဏ်းအောင်ပွဲခံရန် နွားပေါ်မည့်အဖွဲ့ သည်လည်း စက်တင်ဘာ ၁၇ ရက်တွင် ခရိုင်စခန်းမှ တစ်ဆင့် ရှမ်းစုရွာသို့ ဆင်းသွားသည်။ စခန်းတွင် ကျန်ရစ်သူများမှာ ပြဇာတ်တိုက်သူ သီချင်းတိုက်သူများဖြင့် စိုပြည်စည်ကား၍နေသည်။ စက်တင်ဘာလ ၁၈ ရက်တွင်ကား ဆန်တင်း ၄ဝ သယ်ယူရေးကို ဆောင်ရွက်ကြသည်။
၁၉၆၈ ခုနှစ်၊ စက်တင်ဘာလ ၁၉ ရက်၊ နံနက် အရုဏ်ဦးတွင် တောင့်တင်းသော ရဲဘော် ၅ဝ ခန့်မှာ ဆန်သယ်ရန် မြရာပင်ကြောအရှေ့ဘက်သို့ ထွက်ခွာ သွားကြသည်။ ဗဟိုစခန်းမှ လူအများစုမှာ ဆန်သယ် ရန်နှင့် အကြောင်းအမျိုးမျိုးကြောင့် စခန်းအပြင် ရောက်နေကြသည်။ နံနက် ၉ နာရီတိတိတွင်ကား အမှတ် (၇၇) ခြေမြန်တပ်မဌာနချုပ်၏ တေဇစစ်ဆင်ရေးမှ စစ်ကြောင်းတစ်ကြောင်းဖြစ်သော အမှတ်(၁ဝ၅) ခြေမြန်တပ်ရင်း စစ်ကြောင်းသည် ဗမာပြည်ကွန်မြူနစ် ပါတီ၏ ဗဟိုဌာနချုပ်စခန်းအား အငိုက်ဖမ်း၍ ရုတ်တရက် ဝင်ရောက် တိုက်ခိုက်တော့၏။ ဗဟိုဌာနချုပ်သည် ရုတ်တရက် မမျှော်လင့်ဘဲ အတိုက်ခံရသောကြောင့် ပြန်လည် ခုခံချိန်ပင် မရပေ။ မြစ်ဝကျွန်းပေါ် တိုင်းတည်ဆောက်ရေးတပ်မှာ လက်နက်အသိမ်းခံ ထားရသောကြောင့် ပြန်လည်ပစ်ခတ်ရန် အခွင့်အရေးမရနိုင်ပေ။ တိုက်ပွဲစလျှင်စချင်းပင် ဗဟိုဌာနချုပ်မှ တစ်ဦးပြီးတစ်ဦး ကျဆုံးကုန်သည်။(၁။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၃၇၆ မှ  ၁၃၈၇။))

သခင်သန်းထွန်း၊ ရဲဘော်အောင်ကြီး၊ သခင်ချစ်၊ ရဲဘော်သက်၊ ပြည်ပပြန်ရဲဘော်စိုးဝင်းတို့သည် ကျော ပိုးအိတ်များကိုပင် သယ်ယူခြင်းမပြုနိုင်တော့ဘဲ ကစဥ့်ကလျား အကွဲကွဲအပြားပြား ဆုတ်ခွာထွက်ပြေးကြရ တော့သည်။ ဗဟိုဌာနချုပ်မှာ လုံးဝပြိုကွဲသွားရသည်။ တပ်နီအမျိုးသမီးများမှာလည်း ကြောက်အားလန့်အား ဖြင့် ထွက်ပြေးကြရသည်။
ယင်းတိုက်ပွဲတွင် ဗမာပြည်ကွန်မြူနစ်ပါတီသည် အဆုံးအရှုံးများစွာ ကြီးမားခဲ့ရသည်။ လက်နက်ကိုင် တိုက်ပွဲ အနှစ် ၂ဝ အတွင်း အကြီးမားဆုံးနှင့် အပြင်း ထန်ဆုံး အရှုံးပေါ်ခဲ့ခြင်းပင်ဖြစ်သည်။ ကျဆုံးသူ ၁၃ ဦးမှာ အောက်ပါအတိုင်းဖြစ်သည်။ (၂။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၃၈၈))
          (၁)     ဗိုလ်စိန်လွင်      (မြစ်ဖျားဒေသတိုင်း)
          (၂)     ရဲဘော်ထွန်းရှိန်  (မြစ်ဖျားဒေသတိုင်း)
          (၃)     ရဲဘော်ဝင်းအောင်(ပဲခူးခရိုင်)
          (၄)     ရဲဘော်ခင်မောင် (သရက်ခရိုင်)
          (၅)     ရဲဘော်ဘိုဆိုင်   (ရေတာရှည်မြို့နယ်)
          (၆)     ရဲဘော်လှမြင့်    (မွန်အမျိုးသား)
          (၇)     ရဲဘော်ချစ်(ခ)ညွန့်ထွေး(သာယာဝတီခရိုင်)
          (၈)     ရဲဘော်သန်းဖေ  (သရက်ခရိုင်)
          (၉)     ရဲဘော်ဘမြင့်    (ပြည်ခရိုင်)
          (၁ဝ)    ရဲဘော်သန်းလွင် (သာယာဝတီခရိုင်)
          (၁၁)    ရဲဘော်မညွန့်ညွန့် (မြစ်ဝကျွန်းပေါ်တိုင်း)
          (၁၂)    ရဲဘော်မစိုးစိုး    (မြစ်ဝကျွန်းပေါ်တိုင်း)
          (၁၃)    ရဲဘော်မသန်းစိန်(မြစ်ဝကျွန်းပေါ်တိုင်း)
ပစ္စည်းပစ္စယဆုံးရှုံးမှုမှာလည်း အလွန်များပြားလှ သည်။ လက်နက်မျိုးစုံ ၂၂ လက် တပ်မတော်စစ်ကြောင်း က သိမ်းဆည်းရရှိသွားသည်။ ပြည်ပနိုင်ငံနှင့် ဆက်သွယ်သည့် ကြိုးမဲ့ကြေးနန်းစက်နှင့် လက်လှည့်အားသွင်း စက် ဆုံးရှုံးသွားရခြင်းကား အသက်သွေးကြော ပြတ်သည့်နှယ်ပင်ဖြစ်သည်။ ရေဒီယိုအသံဖမ်းစက် မျိုးစုံ ၁၄ လုံး ဆုံးရှုံးသောကြောင့်လည်း တပ်မတော်စစ် ကြောင်းများ၏ လှုပ်ရှားမှုကို ကြားဖြတ်ဖမ်းယူ၍ ခန့်မှန်း နိုင်ခြင်း မရှိတော့ပေ။ ရွှေ၊ ငွေနှင့် အရေးကြီးသော စာရွက်စာတမ်းများကိုလည်း ဆုံးရှုံးခဲ့ရသည်။ ဒဏ်ရာ ရသူများလည်းရှိပြီး လူချင်းကွဲသွားသူများမှာ ကျား၊ မ ၁၈ ဦးရှိသည်။ ရိက္ခာများကို သယ်ယူနိုင်ခြင်း မရှိတော့ သဖြင့်လည်း ဆုတ်ခွာရာ လမ်းတစ်လျှောက်တွင် အငတ်ငတ်အပြတ်ပြတ်ဖြင့်သာ ထွက်ခွာကြရသည်။
အမှတ်(၁ဝ၅) ခြေမြန်တပ်ရင်းစစ်ကြောင်းများ သည် ဗဟိုစခန်းအား ထွက်ပေါက်မရှိစေရန် ပိတ်ဆို့ ထားကြသော်လည်း စစ်ကြောင်းအချို့ အချိန်ကိုက်ရောက်ရှိခြင်းမရှိသဖြင့် သခင်သန်းထွန်းတို့လူစုသည် ခြေလွတ်လက်လွတ် ထွက်ပြေးလွတ်မြောက်သွားကြရ သည်။ သခင်သန်းထွန်းသည် တိုက်ပွဲစတင်ဖြစ်ပွားပြီး တစ်နာရီခန့်အကြာတွင် ဝင်းချောင်းနှင့် စပါးရိုးချောင်း အကြား တောင်ကြောပေါ်တွင် မိမိလူများကို ခေတ္တ စစ်ဆေးရန် စုစည်းရသည်။ သို့သော် တပ်မတော် စစ်ကြောင်းက လိုက်လံတိုက်ခိုက်ပြန်သဖြင့် အနောက် စူးစူးသို့ ဆုတ်ခွာကြရသည်။ ထို့နောက် အမှတ်(၄) တိုက်နယ်စခန်းတွင် ခေတ္တခိုအောင်းကြရသည်။
မြစ်ဝကျွန်းပေါ်တိုင်းတည်ဆောက်ရေးတပ်မှ ရဲဘော်များသည် လက်နက်အသိမ်းခံရသောကြောင့် တိုက်ပွဲတွင် ဆုံးရှုံးရကြောင်း ဝေဖန်လာကြတော့သည်။ သခင်သန်းထွန်းက မြစ်ဝကျွန်းပေါ်တိုင်းတည်ဆောက် ရေးတပ်မှ တပ်စိတ်တစ်စိတ်ကို လက်နက်တပ်ဆင် ပေးလိုက်သည်။ သခင်သန်းထွန်းနှင့် ဗဟိုဌာနချုပ် သည် ခြေဦးတည့်ရာသို့သာ ဆုတ်ခွာနေရသည်။ သွားလေရာရာတွင် တပ်မတော်စစ်ကြောင်းများနှင့် ရင်ဆိုင် တိုးနေသဖြင့် လမ်းခရီးက မတွင်တော့ပေ။ အစာရေ စာမှာလည်း များစွာငတ်ပြတ်၍ နေသည်။ ထို့ကြောင့် တောင်ငူခရိုင်ကို ကျွမ်းကျင်သူရဲဘော်မြ၏ အကူအညီ ဖြင့် မြရာပင်ကြောကိုကျော်၍ ရန်ကုန်-မန္တလေး ရထားလမ်းဘက်သို့ ကပ်ရန် ကြိုးစားရတော့သည်။ ထိုသို့ကပ်ရခြင်းမှာ လူသူနှင့်နီးသော်လည်း ကျေးရွာများမှ ရိက္ခာရရှိရန် မျှော်လင့်ချက် ကြောင့်ပင်ဖြစ်သည်။
ဗမာပြည်ကွန်မြူနစ်ပါတီ ဗဟိုဌာနချုပ်သည် တပ်မတော်စစ်ကြောင်းများ၏ ဝိုင်းရံပိတ်ဆို့ထားမှု ကြောင့် ပြေးစရာမြေမရှိဖြစ်နေသည့်အပြင် စားစရာ လည်း မရှိတော့သဖြင့် အခြေအနေမှာ တစ်ရက်ထက် တစ်ရက်များစွာ ဆိုးရွားလာရလေသည်။
သခင်သန်းထွန်း လုပ်ကြံခံရခြင်း
အစာရေစာ ငတ်ပြတ်ပြီး အလဲလဲအကွဲကွဲ ဖရို ဖရဲဖြစ်နေသော ဗဟိုဌာနချုပ်သည် ကျွဲပွဲအနောက် ဘက် ငါးမိုင်ခန့်အကွာရှိ မင်းရဲချောင်းတောင်ဘက် ကျောက်ချောင်းတွင် ခေတ္တခိုအောင်းနေရသည်။ သခင် သန်းထွန်းနှင့် ရဲဘော်အောင်ကြီးသည် ဗိုလ်လွင်(ခေါ်) အောင်သိန်းလွင်နှင့်အဖွဲ့ကို ရိက္ခာရရှိရေးအတွက် ဇီးကုန်းနှင့် တရုတ်ကုန်းရွာများသို့ စေလွှတ်လိုက်သည်။ လက်ရှိနေရာတွင် မရှိတော့ပါက ညောင်ခြေထောက် မြို့၏ အနောက်ဘက် သုံးမိုင်ခန့်အကွာရှိ နတ်ရေတွင်းရွာ ရော်ဘာခြံသို့ ပြန်ဆုံရန် စုရပ်အဖြစ် သတ်မှတ်ပေး လိုက်သည်။ ထို့နောက် ပိုမိုစိတ်ချရပြီး ချောင်ကျသည့် ကျောက်ချောင်းကမ်းပါးသို့ ပြောင်းရွှေ့လိုက်ကြသည်။
သခင်သန်းထွန်းနှင့် ဗဟိုဌာနချုပ်သည် မျှစ်ပျံ ခေါ် အတော်အတန်မြင့်မားသော မျှစ်များ၏ အဖျား ပိုင်းများကို လှုပ်ချိုး၍ ပြုတ်စားနေခဲ့ကြရသည်။ သခင် သန်းထွန်းသည် လုံခြုံရေးမှူးဖြစ်သူ ဗိုလ်လွင်အား ကင်းကို စနစ်တကျချခိုင်းသည်။ ထို့နောက် မိမိတွင် ပါသော ဓားလှီးဆေးများကို အားလုံးမျှ၍ ဆေးလိပ် သောက်နိုင်ရန် ထုတ်ပေးလိုက်သည်။ သခင်သန်းထွန်း သည် ရဲဘော်မြနှင့် စကားပြောပြီးနောက် ညနေ ၅ နာရီသာသာခန့်တွင် အခင်းကြီးသွားရန် ကမ်းပါးထစ် သို့ ထွက်သွားသည်။
အခွင့်အရေးကိုစောင့်နေသော မြစ်ဝကျွန်းပေါ် တိုင်းတည်ဆောက်ရေးတပ်မှ ရဲဘော်မြကြီးသည် ၁၉၆၈ ခုနှစ်၊ စက်တင်ဘာလ ၂၄ ရက် ညနေ ၅ နာရီနှင့် ၁၅ မိနစ်တွင် သခင်သန်းထွန်းအား ရိုင်ဖယ်သေနတ်ဖြင့် တစ်ချက်တည်းပစ်ခတ်လိုက်တော့သည်။ ထို့နောက် ထိုနေရာမှ ထွက်ပြေး၍ တပ်မတော်စစ်ကြောင်းတွင် လက်နက်ချ အလင်းဝင်သွားလေသည်။
ရိုင်ဖယ်ကျည်ဆန်သည် သခင်သန်းထွန်း၏ ကျောပြင်မှဖောက်ဝင်ပြီး လက်ယာဘက်ရင်အုံမှ ပေါက် ထွက်သွားသည်။ သခင်သန်းထွန်းသည် ချောက်အတွင်း မှ ပြန်ပြေးတက်လာသည်။ ထို့နောက် ''ဘယ်ဘက်က ပစ်လိုက်တယ်မသိဘူး''ဟု ညည်းညူကာ လဲကျသွား သည်။ ရဲဘော်စိုးဝင်းနှင့် ရဲဘော်အောင်ကြီး သခင် သန်းထွန်းကို ပွေ့ထားကြသည်။ ''ကျွန်တော့်တော့ထိ သွားပြီ''ဟုပြောကာ သခင်သန်းထွန်းသည် ဝေဒနာကို အပြင်းအထန်ခံစားရတော့သည်။ ဆေးမှူးဖြစ်သူ ရဲဘော်လှမောင်က ဆေးထိုး၍ကုသသည်။ သို့သော် သခင်သန်းထွန်းသည် စကားမေးမရတော့ဘဲ ကျဆုံး သွားရတော့၏။ သခင်သန်းထွန်းကျဆုံးချိန်တွင် ညနေ ၅ နာရီ မိနစ် ၂ဝ ခန့်ရှိလေပြီ။
သခင်သန်းထွန်းကျဆုံးချိန်တွင် တော်လှန်သော နိုင်ငံရေးဦးဆောင်အဖွဲ့ဝင်အဖြစ် သခင်ချစ်တစ်ဦးသာ ရှိသည်။ သခင်ဇင်မှာမူ ထွန်းရှိန်အား သုတ်သင်ရန် ဗဟိုဆေးကျောင်းသို့ ခရီးထွက်သွားရာမှ ပြန်မရောက် သေးပေ။ သခင်ချစ်သည် ရဲဘော်မြနှင့်တိုင်ပင်၍ သခင် သန်းထွန်း၏အလောင်းအား ရွှေ့ပြောင်း၍ သယ်ယူ စေသည်။ ထို့နောက်သခင်ချစ်သည် သခင်သန်းထွန်း၏ အသုဘအခမ်းအနားအတွက် မိန့်ခွန်းပြောကြားပြီး သစ္စာအဓိဋ္ဌာန်သုံးချက်ကို တိုင်ပေးလိုက်သည်။(၁။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၄၂၅။))
၁။       ''ငါတို့ဟာ ဥက္ကဋ္ဌကြီးမရှိပေမယ့် ဥက္ကဋ္ဌကြီး ရှေ့ဆောင်ခဲ့တဲ့ တော်လှန်ရေးကြီးကို ပြီးဆုံး အောင် ဆောင်ရွက်သွားပါမယ်။''
၂။       ''ငါတို့ဟာ ဥက္ကဋ္ဌကြီးချမှတ်သွားတဲ့ တော်လှန် တဲ့လမ်းစဉ်အတိုင်း  တက်တက်ြ<ွကြ<ွက ဆက်လက်အကောင်အထည်ဖော်သွားပါ မယ်။''
၃။       ''ငါတို့ ဥက္ကဋ္ဌကြီး တည်ဆောက်သွားတဲ့ ပါတီနဲ့ ဘယ်တော့မှ မခွဲမခွာ ရပ်တည်သွားပါ    မယ်။''
ထို့နောက် ဗမာပြည်ကွန်မြူနစ်ပါတီ ဗဟိုဌာနချုပ် သည် သခင်သန်းထွန်းအား နောက်ဆုံးအနေနှင့် အလေးနီပြုလိုက်ကြသည်။ အလေးနီပြုသည်ဆိုခြင်းမှာ ညာလက်သီးကိုဆုပ်၍ တံတောင်ဆစ်ကို ၄၅ ဒီဂရီ ကွေးတင်ခြင်းပင်ဖြစ်သည်။ ထို့နောက် 'ဥက္ကဋ္ဌကြီး အလောင်း သင်္ဂြိုဟ်ရေးကော်မတီ'သည် အလောင်းကို နာရီဝက်ခန့် ထမ်းသွားသည်။ ထို့နောက် ၁၉၆၈ ခုနှစ်၊ စက်တင်ဘာလ ၂၅ ရက် နံနက် ၉ နာရီ ၂ဝ မိနစ်တွင် မြေမြှုပ်၍ သင်္ဂြိုဟ်လိုက်ကြတော့သည်။ သခင်သန်းထွန်း ကျဆုံးကြောင်းကိုမူ လျှို့ဝှက်ထားရန် ဆုံးဖြတ်ကြသည်။ ထို့နောက် သခင်ချစ်ဦးဆောင်၍ ဗဟိုဌာနချုပ်သည် ခရီးဆက်လက်ထွက်ခွာကြသည်။ သခင်ချစ်မှာ စိတ် ထိခိုက်လွန်းသဖြင့် မိမိကိုယ်ကိုသတ်သေရန်ပင် စိတ်ကူး ခဲ့လေသည်။
၁၉၆၈ ခုနှစ်၊ အောက်တိုဘာလ ၂ ရက်တွင် တောင်ငူခရိုင်၊ ဖြူးချောင်း၏တောင်ဘက်ကမ်းမှ လေလံ မြောင်ဝ၏အနီးတွင် သခင်ချစ်တို့အဖွဲ့နှင့် သခင်ဇင် တို့အဖွဲ့ ပြန်လည်ပူးပေါင်းမိသွားသည်။ သခင်ဇင်တို့ အဖွဲ့မှာ ထွန်းရှိန်ကိုသတ်ပြီး ဗဟိုဆေးကျောင်းမှ ပြန်လာခြင်းဖြစ်သည်။ ထို့နောက် အစည်းအဝေးတစ်ရပ် ကျင်းပပြီး သခင်ဇင်က မိန့်ခွန်းတစ်ရပ်ကို ပြောကြား သည်။(၂။ သခင်သန်းထွန်း၏ နောက်ဆုံးနေ့များ (ဒုတိယတွဲ၊ စာမျက်နှာ ၁၄၃၅၊ ၁၄၃၆။))
ရဲဘော်တို့-
''ကျွန်တော်တို့ရဲ့ဥက္ကဋ္ဌကြီး သခင်သန်းထွန်း ဟာ သစ္စာဖောက်မြကြီးရဲ့လက်ချက်နဲ့ ကျဆုံး သွားရတာဟာ ကျွန်တော်တို့အဖို့ ကြီးမားတဲ့ ဆုံးရှုံးမှုကြီးဖြစ်တယ်။ ကျွန်တော်တို့အဖို့ ဖော်မပြ နိုင်တဲ့ ကြေကွဲမှုကြီးလည်းဖြစ်တယ်''
''ဒါပေမဲ့ ကျွန်တော်တို့ဟာ ဒီကြေကွဲမှုကြီးကို အားအဖြစ် ပြောင်းလဲပစ်ကြရမယ်''
''ကျွန်တော်တို့ဥက္ကဋ္ဌကြီးဟာ အလွန်ကို အမြော်အမြင်ကြီးတဲ့ ခေါင်းဆောင်ကြီးနဲ့ ပုဂ္ဂိုလ် ကြီးဖြစ်တယ်။ ခေါင်းဆောင်ကြီးမဟာမော်စီတုံး ရဲ့ အာဇာနည်တပည့်ကြီးလည်း ဖြစ်တယ်''
''ဥက္ကဋ္ဌကြီးသခင်သန်းထွန်းဟာ သူ့ကိုယ်သူ ကျဆုံးနိုင်တယ်လို့ တွက်ခဲ့တယ်။ အကယ်၍ သူ ကျဆုံးလျှင် ဥက္ကဋ္ဌတာဝန်ကို ချက်ချင်းဆက်လက် ထမ်းဆောင်နိုင်ဖို့ ဒုတိယဥက္ကဋ္ဌအဖြစ် ကျွန်တော့်ကို သူကိုယ်တိုင် ရွေးချယ်ခဲ့တယ်''
''အခုတော့ ကျွန်တော်တို့ရဲ့ အချစ်မြတ်နိုး တကာ့ အချစ်မြတ်နိုးဆုံးဖြစ်တဲ့ ဥက္ကဋ္ဌကြီး သခင် သန်းထွန်းဟာ ကျဆုံးသွားတဲ့အတွက် ဥက္ကဋ္ဌ တာဝန်ကို ကျွန်တော်ကပဲ ဆက်လက်ထမ်းဆောင် သွားမယ်''
''ကျွန်တော်တို့ဟာ ဥက္ကဋ္ဌကြီး သခင်သန်းထွန်း ရဲ့ သွေးခင်းတဲ့လမ်းကြောင်းအတိုင်းပဲ တစ်သဝေ မတိမ်း လိုက်သွားမှာဖြစ်တယ်''
''ရဲဘော်တို့အားလုံးလည်း တော်လှန်တဲ့ ပါတီ ဗဟိုကို အစွမ်းကုန် ဝိုင်းရံသွားကြဖို့လိုတယ်''
''ကနေ့အခြေအနေမှာ ကျွန်တော်တို့ တော်လှန်ရေးဟာ အောင်ပွဲခံဖို့နီးကပ်နေပြီ     ဖြစ်တယ်''
''ကျွန်တော်တို့ဟာ အောင်ပွဲကိုတကယ်တမ်း အရယူရဲသလား၊ မယူရဲဘူးလားဆိုတာ အဖြေကို ရဲရဲကြီးပေးဖို့ လိုနေပြီဖြစ်တယ်''
''ရဲဘော်တို့ဟာ အောင်ပွဲကိုယူဖို့ဆိုရင်  ဥက္ကဋ္ဌကြီး သခင်သန်းထွန်းရဲ့ သွေးခင်းတဲ့လမ်း ကြောင်းအတိုင်းလိုက်ကြ''
''ဥက္ကဋ္ဌကြီး သခင်သန်းထွန်းရဲ့ သွေးခင်းတဲ့ လမ်းကြောင်းအတိုင်းလိုက်ကြ''
ဤကား ဗမာပြည်ကွန်မြူနစ်ပါတီ၏ အမြင့်ဆုံး ခေါင်းဆောင်ဖြစ်သော ပါတီဥက္ကဋ္ဌသစ်သခင်ဇင်၏ ပထမဆုံး အသစ်စက်စက်မိန့်ခွန်းပင်ဖြစ်သည်။သခင်သန်းထွန်းကျဆုံးသွားသော်လည်း ပါတီ၏ ခေါင်းဆောင်မှုသည် သခင်ဇင်၊ သခင်ချစ်နှင့် ပြည်ပ ပြန်ရဲဘော်အောင်ကြီးတို့လက်ထဲတွင် ဆက်လက် ရှင်သန်နေဆဲ ပင်ဖြစ်သည်။ ထို့အပြင် ပြည်ပပြန်များ သည် အရေးပါသောနေရာတိုင်းကို အုပ်စီးမိထားပြီ ဖြစ်သည်။ ထို့ကြောင့် ဖြုတ်ထုတ်သတ် လမ်းစဉ်သည် ဆက်လက်၍ အရုပ်ဆိုးအကျည်းတန်စွာပင် ပဲခူးရိုးမ တွင် လွှမ်းခြုံနေဦးမည်သာတည်း။
တပ်မတော်သည် စာနယ်ဇင်းဆရာများကိုရဟတ် ယာဉ်ဖြင့်ခေါ်ယူ၍ သခင်သန်းထွန်း၏ အလောင်းကို ဖော်ယူပြသခဲ့သည်။ ပြည်သူသို့လည်း သခင်သန်းထွန်း ကျဆုံးပြီဖြစ်ကြောင်း အသိပေး သတင်းထုတ်ပြန် ကြေညာခဲ့သည်။ တော်လှန်ရေးကောင်စီဥက္ကဋ္ဌဖြစ်သူ ဗိုလ်ချုပ်ကြီးနေဝင်းကလည်း သခင်သန်းထွန်းကျဆုံး သည့်အတွက် ဝမ်းနည်းကြောင်း ထုတ်ဖော်ပြောကြား ခဲ့သည်။ ဗမာပြည်ကွန်မြူနစ်ပါတီကား အဓိကအားဖြင့် ပဲခူးရိုးမနှင့်မြစ်ဝကျွန်းပေါ်ဒေသများတွင်ပြည်သူလူထုကို ရက်စက်ကြမ်းကြုတ်စွာ ဖိစီးနှိပ်စက် ဆဲ၊ ပါတီတွင်း၌လည်း ဖြုတ်ထုတ်သတ်လမ်းစဉ်ဖြင့် ဇာတ်တူသားစားဆဲသာတည်း။
Share this article :

0 comments:

Post a Comment

 
ဆက်သွယ်ရန် mmpolitical2013@gmail.com :
Template Modify by Creating Website Myanmar Political Research Organization